|
خطيبتي (زوجتي ) طفشتني وكرهتني بالزواج والحياة كلها
صار لنا سنة متملكين لكن من اول شهر قطعت المكالمات. لسبب تافه جدا..ماهو خطىء مني لا .. حتى خلال الشهر ولا مرة اتصلت انا دايما اتصل ..
مرت الاعياد والمناسبات ولا حتى رسالة .طلعت ادرس بالخارج ولا مرة سالت او تطمنت.. ماهي مغصوبة علي لا لا.. بس ايش اقولك... كرهتني بالحياة استخدمت معها كل الاساليب. هدايا رومانسية شدة.. تركتها اكثر من 3 شهور ولا سالت.... اكثر من مرة اقول اذا ما لك رغبي فيني قولي وابشري على اساس ما تتعذبي معاي. وحتى اهلك مستعد اعطيهم سبب يقتنعوا بطلاقنا..بس ما ترد علي اطلاقا.. دايما ارسل لها رسايل حلوة. بس ما ردت علي اطلاقا.. ما سمعت كلمة حبيبي اطلاقا مرة ارسلتها ولا غيرها. ولا رسالة حلوة اطلاقا,,, 11شهر انا ارسل فقط.. هي ارسلت مرتين ورسايل عادية جدا تفسر .. كل الاساليب استخدمتتها.. الافكار الي بالمنتديات طبقتها عرضت عليها ارسل لها مصروف شهريا خلال فترة ما قبل الزواج ما قالت حتى شكرا.....اذا جبت الهدايا حتى شكرا ما عمرها ارسلتها. الحمد لله انا متفوق دراسيا جداااا على مستوى المنطقة ووحصلت وظيفية وانا صغير..ولا ينقصني من الوسامة شيء. ما قول كامل بس.. الحمد لله بشهادة الجميع... قسم بالله كرهت نفسي بسببها.... ما تسمع مني اي شيء.. وضحت لها المغريات الي عندي بس ما اثر فيها شيء... اذا ارسلت لها رسايل قوية وتهديد.. هنا ترد علي برسايل قووية.. غيره لا.. اشياء كثيرة ما ابي اقولها... بس الشكوى لله...زهقت زهقت زهقت... شاركت بكل المنتديات ما شفت مثلها ليش ما عرف.....غالبا كل النواقص الي يشكي منها البنات تجنبتها اعذروني على عدم النتسيق قسم بالله مالي نفس باي شيء.. |
مابي اطلقها بصراحة احبها..بس شوفوا لي حل الله يرحم والديكم
|
آعتبر ماافي شيء طلااق آبتعد عنه ماافي آحد مرتاح والتمس لاخيك سبعين عذراًً بما معنى حديث حبيبنا يمكن البنت خجولة وهادية او تبي تخبي هالكلام والحركات وهالرومانسية بعد الزواج عشان مااتكونون متأقلمين عليها واايام الملكة مشاكلها كثيرة وحلولها غالباً تكون صعبة لانكم بعيدين عن بعض وآحياناً يتدخلون الاهل ويكون الطلاق سهل ويعتقدون آنه هو الحل ويمكن خطيبتك عندهافكرة بهالشيء وحبيت تتلاشى المشاكل لااتشره عليها ومعلومة لكل الناس مو بس خطيبتك سو خير وآنتظر الجزاء من ربي مو من الناس ولا ترى بتتعب ولاتنسى الاستخارة مع كل فرض وفقكم الله وسخركم لبعض ..
|
اللي هذا أوله ينعاف تاليه ..
الطلاق الآن قد يكون صعب وخاصة على الطرف المحب .. ولكنه أفضل من أن تستمر الحياة ويأتي الأبناء وعندها تصبح الخسااائر عظيييمة خاصة للأطفال .. فكر جيدا .. فكر جيدا .. فكر جيدا .. الحب من طرف واحد ضعف وعذاب للطرفين وهنا سؤال يطرح نفسه .. على ماذا احببتها ؟ مالذي فعلته لك كي تحبها ؟ ولك الحرية في الجواب من عدمه .. .. استخر بدل المرة ألف .. واعقلها وتوكل .. لك فاااااااائق ودي واحترااامي .. |
أسمع أيها الغالي أنا خطبت وحدة وتملكت عليها وكانت نفس خطيبتك كرهتن شيء اسمه زواج ثم طلقتها ووفقني الله بقمر أرجوا منك أن تتطلع على هذا الموضوع وتعطيني رأيك الله يفرج همك http://www.66n.com/forums/showthread.php?t=167930 |
مااقول غير الله يهديها ويصلحها
احد يلقى دلع وهنا ورومنسيه ولا يقدرها انا مثلك ولكن بالعكس زوجي تعبت وانا احاول استخرج منه كلمه رومنسيه صح ماهو مقصر بس لمن اطلبها منه حاولت بكل الطرق الين انسدت نفسي ومافي فايده انا متاكده انه يحبني بس للاسف بدون تعبير صمت في صمت حتى الحركات الرومنسيه صرت اشوفها عادي وكل اللي اقراه احسه كذب او سيناريو لاحد المسلسلات لاني احس الرومنسيه عالم من الوهم او الخيال يالله مااقول غير الله يريح قلوبنا ويهدي لك خطيبتك ويسهل اموركم |
بعض الناس طباعهم كالتي ذكرت لدى خطيبتك لا يتحركون إلا إذا حركتهم
وربما يكون نوع من التمنع أو التصنع حتى تغلى في عينك أكثر أما الخجل الذي ذكرته احد الاخوات ايضا وارد .. بس في هذا الزمن وفي مثل حالتك قلة من يتصفن به الحل عندك .. جربه فلن تخسر شيئاً طالما أن الملكة بيدك .. وطالما أنك صارحتها بتصرفاتها .. طنش كما تطنش (خطيبتك / زوجتك) وتمنع كما تتمنع أو تتصنع .. وشوف آيه حا تكون النتيجة إذا لم تتلقى نتيجة إيجابية فأعرف بأن في الأمر شيئاً .. وحاول أن تجد تفسير له .. ولو عندك من تثق به وحلقة وصل بينك وبين خطيبتك حاول أن تشركه في أمرك فلا خاب من استشار واستخير الله وأساله الهداية لك ولها.. وأفيدنا .. أسعدك الله |
استخر واقطع عرق وسيح دم
لماذا كل هذا العذاب اللي تعذب فيه نفسك استخر رب العالمين انت في فترة الخطوبه وهي فتره اما يحصل وفق او لا وانتهى الامر صاير معك اكتآب نفسي ومتحطم انت تدرس ومتفوق ومش ناقص تعب قلب اللي بصالحك انك الرجل والعصمه بيدك ما تقول انو بدك حل ارسل لها مسج قوي واعطيها طلباتك اذا قادره تلبيها اهلا وسهلا واذا لا كل واحد بحال سبيله الله يحنن لك قلبها وتعطيك ما تريد وتكون لك سكن وحب ورومنسيه كفايه عذاب كفايه قوم اتوضا وصلي ركعتين لله سبحانه وتعالى واستخر ثم استخر ثم استخر واللي خلقها خلق غيرها مليون وحده تتمنى كلمه رومنسيه من زوجها لا تعلم اين الخير اللي كاتبه الله لك |
طنشششششششششششششششششششششششششششششششههههههههههههها لمدة طويلة
|
اخوي فريد ..
مدري شقولك .. بس في احتمالات -الاحتمال الأول : إذا خطيبتك من بيئة تقليدية جداً فيمكن تكون هذي شخصيتها ولا تعرف تعمل هذي الاشياء .. ممكن فعلا تستحي و الحركات الرومنسية وحتى الكلام الجميل يكون ثقيل عليها .. يمكن حتى كلمة ( أحبك ) صعبة عليها ما تقدر تقولها خاصة إذا كانت تربيتها متزمته .. وخاصة اذا عندها خوات ما شافتهم يسوون هالاشياء أو تكون هي اول وحدة ولا تعرف تعمل ما عندها خبرة .. أو ان اهلها ما يحبون يتكلمون في مثل هذي الاشياء باعتبار أنها عيب صدقني اخوي في بنات من هذا النوع .. ما يعرفون شي ولا يبون يعرفون يعتبرونه قلة حياء .. أنا أعرف بنت ويمكن ما راح تصدق تدرس في الجامعه .. ومعروف البنات بس يدخلون الجامعه يتفتحون أما هي لا.. ولا تعرف شي ولا تبي تعرف .. حتى إذا سمعت بنات يتكلمون في هذي الاشياء تتركهم .. المهم انخطبت وهي في الجامعه ولا حد حس فيها لأنها عادي .. كل شي فيها عادي ما تغير شي .. وبعدين تزوجت وذاك الوقت انواع الصدمات ... باختصار هي بارده لأنها ما تدري عنك اش فيك ايش ما فيك ولا تعرف تتعامل مع الرجل - التوقع الثاني : ممكن تكون شخصيتها من النوع الكتوم الي دايماً ساكته ولا تحب السوالف تحب دايماً تجلس لحالها .. ممكن تكون من النوع الي يستقبل بس ما يعرف يرسل ويمكن إذا صارت مكالمات أنت بس الي تتكلم وهي ما ترد إلا إذا سألتها .. شوف انت هذا صحيح اولا ما ادري انت ايش رايك .. شنو تحس فيه سؤال : كم عمرك ؟؟ وكم عمر خطيبتك ؟؟ |
أخي الفاضل ليه الخطوبه مطوله
ممكن خطيبتك تستحي او ما تحس بمشاعر حب لك هذا صار معي في فترة الخطوبه كنت ما احب زوجي واستحي من الكلام الرومانسي والحين بعد الزواج اموت فيه الله يفرج همك ويسعدكم |
يا أخي لم كل هذا العذاب؟
اما أن تصارحها وتعرف أسباب جفائها أو أن يذهب كلٌ في سبيله... تحياتي... |
اخي انا من رأيي انك تتكلم مع والدتها في هذا الموضوع وتخليها تسأل خطيبتك بطريقه غير مباشره وتقولها انا شايفه انك لا تتصلي بزوجك هل هناك مشكله بينكما لا قدر الله وانت اكيد امها هتساعدك جدا وحاول معها وادعي في السجود وقل اللهم حبب زوجتي في وحببني فيها الله يوفقك
|
انا 23 وهي 20
|
الله يعينك بصراحه وضعك صعب
واخاف اذا اتنك تزوجت تتحسف بالايام اللي انت متزوج فيها |
أنا أشوف أعماركم مناسبة جداً لبعض ..
بس ما جاوبت أنت ايش تحس .. مو معقولة ما تشعر بأحساسها أتجاهك يعني الانسان من غير كلام يعرف إذا الطرف الثاني يحبه أو لا ؟؟ تحس أن الي فيها خجل وإلا برود وعدم أهتمام ؟؟ هل تحس أن هذا طبعها وإلا تتصنع ؟؟ وإذا أنت مو عارف كل هذي الاشياء .. روح امسك التلفون ودق عليها واسئلها ولا تسكر إلا لما تاخذ الجواب مو معقوله لا أنت حاس بشي ولا تسألها .. موفق بإذن الله ... لك مني أجمل تحية . |
اقتباس:
|
لاااااااااااااا يا اخوي
هذي يبي لها جلسة مصارحه جااااااااااادة جداً لازم تقدر تتواصل معها بأي طريقة وبصراحه طبعها ابد ما عجبني ليش مطنشتك هالكثر .. طيب حتى لو مافي شي مهم على الاقل تعطي اتصالك أهمية ارسل لها مسج وحدد معها وقت لجلسة مصارحة قوية حدد لها ساعه مناسبة لها وقولها ضروري .. كلام ضروري تعرفينه وبعدين كلمها مباشرة تبيني او لا ؟؟ إن قالت ايه .. قول لها ليش تعاملين بهذا الجفاء .. ليش أحس ان مالي قيمة عندك ؟؟ ليش أحس وكنك مغصوبة علي ... ؟؟ قولها ابي احس بكذا وكذا يعني قولها كل الي في قلبك .. ربي ييسر أمرك .. إن شاء الله خير |
ههههههههه
الله يعينك اخوي والله حاس فيك في نوع من البنات ماينفع معهم ولا شيء مهما حاولت تطنشها ماراح تتغير الله يسعدكم |
انا الان ادرس بالخارج. اكثر من مره طلبت منه هالشيء تقول مو مغصوبة بس احس ما فيه شيء مهم.. قلت لها عن المغريات الي عندي ولازم تحسسني باهميتي بحياتها ......الخ بس لا حياة لمن تنادي
اصلا ما كلمتني من سنة تقريبا الان بينا فقط رسايل ب3 شهور مرة وكلها مني .حتى الرسايل ما ترسل |
عطها فرصة اخيرة وجربه ف الفترة الجاية وشوف النتيجة بصراحة غريبة شلون تضيع احلى ايام العمر <فترة الملكة> الله يكتب لك الخير
|
اقتباس:
اقتباس:
هذه الحال ليست طبيعية بالمرة, غير معقول ان لا ترد على مكالماتك كما ذكرت في مشاركة سابقة و الآن ها انت تقول لسنة كاملة ثم حتى الرسائل لا ترسل يجب ان تتخذ موقفا حازما و تتحدث معها بشكل جدي قبل الزواج الفعلي. وفقك الله |
يا اخي فترة الخطوبة تكون دائما كذا بحكم البعد والخجل صدقني بعد الزواج راح تكتب موضوع ثاني في قسم المتزوجين
تقول فيه الحقوني زوجتي طفشتني بالمكالمات والرسايل ارجوكم شوفولي حل .. وعلى مسئولتي |
ربما عندها حرص مادي (مو حابة أقلك بخل)
لكن الظاهر انها انسانة عملية جداً بعيدة كل البعد عن الرومانسية اذا كان تحليلي صحيح فإما انك تتقبلها متل ما هي و تصبر (لأن الطبع يغلب التطبع ) و تغييرها صعب جداً برأيي أو - اذا ما صبرت - مالك إلا انك تتركها و تبحث عن انسانة غيرها تشبعك حب و عاطفة رسالة كل 3 شهور و منك مو منها شي مزعج بصراحة !!!!!!!!!!!!! |
ما عندها بخل ولا شيء .. اصلا انا كنت اشحن لها باستمرار.بصراحة تقولوا لازم حل صارم.. مو قادر اتواصل معاها .ماترد لا على رسايل ولا مكالمات..
مابي ايضا ارسل واحد من اهلي لها..ماحب اكبر الامور لانها لو وصلت كذا انا رايح اهني كل شيء...لاني مو متعود اهلي يتدخلون باي شيء..لا رداسة ولا حياة ولا وظيفة لاني الحمد لله كل شيء كان تمام معاي.. بصراحة مادري. احيان مابي اظلمها مو عارف السبب ايش؟؟؟ اااااااااااااااااااااااااااااااااااااااااااااااااا ااااااااااااااااااااااااااااااااااااااااااااه |
بصراحة الوضع غريب جداً
ما قالتلك ولا مرة حبيبي ؟؟ ما أرسلتلك ولا رسالة غزل مع انك طلبت منها ؟؟؟ شكلها إما ما بتحبك او فيها حالة نفسية غريبة أو هناك أحد غاصبها ما تراسلك من أجل عادات او تقاليد او ما شابه |
السلام عليكم
اخي انصحك تكلم اهلها شوف اشسالفتها لان الي يصير لك مو قليل!!!! |
أخي الكريم ، لا تكلم أهلها ولا ترسل لها أحد من أهلك
انت اجلس معها وبكل لطف ورواق وحنيه اسألها عن السبب والمشكله ... اذا لاحظت انها ممكن تكون قد غصبت على القبول بك وهي ليست راغبه ساعتها افضل تنهي العلاقه والله ان شاء الله يعوظك خير منها ... اما اذا كان عندها عذر آخر كالخجل او الأرتباك من هذه العبارات فعندها انت لازم تساعدها انها تخرج من هذا التفكير . والله الموفق |
طيب كيق اهلها ؟؟
يمكن هم مقيدينها لانه في اسر تحرم على بناتها التواصل مع الخطيب حتى لو كامن بينهم عقد!! |
اقولكم ياجماعة انا في دولة وهي في دولة بحكم الدراسة ...... وشلون اجلس معها...
اهلها عادي لو تكلم بس مو مررة.مثلا ابوها رافض .بس ابوها مايجلس بالبيت كثير..ماتوقع هذا السبب لانها تدرس بالجامعه وتقدر تكلم من هناك,,,, وحتى انا قلت لها اذا فيه سبب معين مثلا اهلك او اي شيء. قولي وانا مستعد اوقف التواصل بينا لين الزواج..بس ماترد علي اطلاقا الا اذا ارسلت رسائل قوية شوووي ذاك الوقت ترد... |
على فكرة غالبا بالعيد انا ارسل لها.. العيد الاخير مارسلت شيء. تفاجات ثاني عيد ترسلي وش صار على الشقة حجزتها والا لا... ذاك الوقت هزأتها شوي ( دايما انا ارسل هالمرة ما رسلتي.. طيب لا ترسلين .....بس ما ترسلين رسالة من هالنوع بام العيد على الاقل اجليها شوي)))
|
اقتباس:
بس يمكن الفرق ان البنت في الغالب تكون احرص على خطيبها وتخشى من التهديد بالانفصال لانها تخاف ان يطلقها ان عاملته بجفاء اما الرجل لا يهمه ،، حتى لو حصل طلاق لا يهمه الموضوع كما يهم الفتاة ويؤثر فيها ..ولو شعر بتلميح فيه تهديد ربما يزداد عناد يعني اسلوب التهديد لا ينفع بحالتي لكن قد يفيد بحالتك اعاننا الله وفرج همنا أعاننا الله وفرج همنا أعاننا الله وفرج همنا حسبنا الله ونعم الوكيل .. |
الحين أنا فهمت السالفة
ليش ما قلت من البداية أن ابوها رافض انها تكلمك !! هذا هو السبب .. يمكن ابوها يكون قوي الشخصية وتخاف منه حتى لو بعيد عنها .. مهما كان الأب له هيبة ويمكن تخاف أنها بعد الزواج تطيح من عينك وأن تفكيرك يكون سطحي وتعايرها على أقل مشكلة أنها كانت تكلمك من ورا ابوها رغم أنها زوجتك .. راح تدور عليها اي مستمسك عشان تبين انها سيئة .. وممكن مستقبلاً تشك فيها وتقول في نفسك مدام قدرت تتحايل على ابوها وتكلمني من وراه .. اكيد هي شاطره وتتحايل علي الحين ومدري شنو تسوي من وراي الحين .. للأسف هذا تفكير كثير من الرجال .. وهذا الي يخوف البنات منكم بعد .. لأن بصراحة مهما درس الرجل بره وتعلم في النهاية يرجع لبيئته ولعاداته ويحكم على زوجته من خلال هذي العادات والأعراف الاجتماعية .. أقولك بصراحة .. أنا لو مكانها أسوي مثلها بالضبط .. ما أكلمك إلا في الضروريات .. ولا أتكلم معاك إلا رسمي لأن مدام أنا أكلمك من ورا ابوي وانت عارف هذا الشي .. وهذي تعتبر نقطة ضعف فيما بعد مستحيل أكلمك برومنسية وبراحتي .. وأنا عارفه أن ابوي لو عرف راح تنطبق الدنيا فوق راسي ولو ما عرف أنت الي بتطبقها فوق راسي لو صار بينا مشكلة مستقبلاً .. راح اقولك قصة صارت مع وحدة أعرفها .. سبحان الله تشبه قصتك انخطبت وتم عقد القرآن وكان ابوها رافض أنها تكلمه أو تشوفه .. لكنها وتحت الحاحه الشديد شافها وقامت عادي تتكلم معه واحياناً يطلعون مع بعض وبعد لازم يكون معاهم أحد حتى لو صغير و بعلم أخوانها الصراحه .. بس ابوها لا ما يدري .. وأنا كنت انصحها دايماً اقولها إذا ابوكِ مو راضي لا تكلمينه ولا تطلعين معاه الرجال مالهم أمان .. ترى مجتمعنا فيه انواع العقد لكن ما في فايده تقول احنا متزوجين الحين وهو نفس الكلام يقول حلال ولا فيه شي وانتي ما تسوين شي غلط .. ومدام أنك ما تسوين شي غلط لا تخافين .. أنا معك !! المهم مرت الايام وتزوجوا خلاص .. صارت بينهم مشكلة كبرت وكبرت وكبرت لين وصلت للمحاكم لكن تخيلو الخسة الي فيه عشان يثبت انها انسانة سيئة وقف وقال أمام اقاضي وأمام ابوها انها كانت تطلع معاي من وراء ابوها .. تخيلوااااااااااا مع انها زوجته ذاك الوقت !!!!!!!!!!! لكن شوفو شلون خسته وشلون يبي يمسك عليها شي لأنها هي مشاء الله عليها ماشاف شي يدينها .. الغلط راكبه هو .. عشان كذا أنا حاسة ان خطيبتك تنتظر الزواج عشان تعبر لك عن الي في نفسها .. لا تظلمها أخوي المهم .. إذا تبي الحل .. أما أن مكالماتكم تكون مقبوله من قبل أهلها .. يعني تكلمك وابوها راضي عنها وبعلمه أو تصبر على هذا الوضع وتنتظر لبعد الزواج .. ايش نسوي بعد هذا مجتمعنا .. وهي معاها حق |
شووف يآ أخوي ..
بعض المنتيدات فيها أفكار غريبة دايم تعطي البنت أفكار انك تثقلين على الرجال هنا بتزيد غلاته عندك وبعض البنات يفهمونها بشكل مفرررررط وبصراحة انا كنت منهم في بداية ملكتي كنت ثقيلة عليه مررررررررررة ماكان يسمع مني شي وكان دايم يقولي انتي ماتقولين كلآم حب ..!! بس بعدين شوي شوي فهمت وكبرت عقلي صرت اعطيه مشاعري وحبي لكن بحدود ومو كل شي يعرفه .. عليك بالصراحة والوضوح معها قول لها . . :أنا بديت أبعد عنك .. لما ماتتجاوبين معي تعطين انطباعات سلبية .. مانبي نخسر بعض ..وعليك بالكلآم العاطفي البنات يتأثرون مرررة .. ثاني شي : أنا ما ألومها في شغلات كونك بعيد عنها وماتشوفك بس مكالمات أحيانا هالشي مايبني الحب كثير غير اللقاءات هي اللي تعمق المشاعر والنظرات لها دور أكبرر من مجرد الكلآم .. يعني أتوقع لما تكون جنبها بيكون شيئ آخر وانت تعطيها الكلآم بحنان واسلوب عاطفي .. فلآتلوومها .. برضو .. ممكن تشوف ان الملكة طويلة فإذا خلصت كل الكلآم الحب والغزل والمشاعر خلصتها الآن ترى مالها اي طعم بعدين كل شي يخلص وبالأخير تكثر المشاكل وايضا هذي كانت وجهة نظري لما كنت أتغلى شوي على زوجي .. ثالث شي مالك الا الدعاء ان ربي يسخرها ويسعدكم لآيفتر لسانك أبببد .. وكثر استغفار .. كل ما اردت شيئ استغفر وادع ربك .. والله يسعدك طول العمر |
[QUOTE=باريسا;2103322][font="courier new"][size="5"][color="blue"]الحين أنا فهمت السالفة
ليش ما قلت من البداية أن ابوها رافض انها تكلمك !! هذا هو السبب .. يمكن ابوها يكون قوي الشخصية وتخاف منه حتى لو بعيد عنها .. مهما كان الأب له هيبة ويمكن تخاف أنها بعد الزواج تطيح من عينك وأن تفكيرك يكون سطحي وتعايرها على أقل مشكلة أنها كانت تكلمك من ورا ابوها رغم أنها زوجتك .. راح تدور عليها اي مستمسك عشان تبين انها سيئة .. وممكن مستقبلاً تشك فيها وتقول في نفسك مدام قدرت تتحايل على ابوها وتكلمني من وراه .. اكيد هي شاطره وتتحايل علي الحين ومدري شنو تسوي من وراي الحين .. للأسف هذا تفكير كثير من الرجال .. وهذا الي يخوف البنات منكم بعد .. لأن بصراحة مهما درس الرجل بره وتعلم في النهاية يرجع لبيئته ولعاداته ويحكم على زوجته من خلال هذي العادات والأعراف الاجتماعية .. يا اختي .. لا تلتمسي لها العذر .. شكلك طيبة زيادة عن اللزوم ياخوي ما شاء الله عليك ماعرف كيف تحملت كل هالفترة !!! 1- 3 شهور ولا فكرت تسأل عنك 2- لو كان بالفعل هي خايفة من ابوها .. كانت قالت لك بمسج 3- تستحي تقولك " مبروك عليك العيد " وما تستحي تقولك عن الشقة ! ؟ 4- تهديها الهدايا .. ولا تقولك حتى كلمة شكرا ؟ قولوا تستحي انها تقول شكرا كما ؟ كلمة شكرا انقولها حق راعي المطعم اذا عطانا الطلب .. تستحي تقولها حق زوجها ؟ لا ذوق ولا اخلاق ولا شي ولو تستحي لهذه الدرجة .. يعني هي انسانة مش طبيعية لا تورط نفسك ياخوي هددها الآن بالانفصال قولها انا افكر ان ننهي علاقتنا شوف شو بيكون ردها شو هالانسانة العديمة المشاعر !!! لا تفكر ولا تحب ولا تسأل ولا حتى تقول شكرا ؟؟؟؟؟؟؟ وين الذوووووق ؟ انت انسان رومانسي ويبغالك وحدة رومانسية .. مش وحده ماتقولك حتى عيد مبارك ؟ وتسألك عن الشقة تحياتي |
يالطيف لااااااااااااا مو طبيعية البنت
معليش هذي مو عندها حرص على الماااااادة لا الاهذي مااادية بعينهاااااا يعني تسأل عن الشقة من الان اعوذبالله من كذا بنااات يا اخي اشلك فيهااا 11 شهر ولا كلفت عمرها برساله حتى اول مرة اقولها صراحة طلقها والله يرزقك زي ما رزق سوري حنون بوحدة تقدرك حق قدرك بس اذا هي كذااا من اولها صدقني ابو طبيع ما يسيب طبعة بس اذا تحبها وما تبغى تطلق الله يعينك بس لاتشتكي منها بعدين وتقبلها كما هي |
[
يا اختي .. لا تلتمسي لها العذر .. شكلك طيبة زيادة عن اللزوم ياخوي ما شاء الله عليك ماعرف كيف تحملت كل هالفترة !!! 1- 3 شهور ولا فكرت تسأل عنك 2- لو كان بالفعل هي خايفة من ابوها .. كانت قالت لك بمسج 3- تستحي تقولك " مبروك عليك العيد " وما تستحي تقولك عن الشقة ! ؟ 4- تهديها الهدايا .. ولا تقولك حتى كلمة شكرا ؟ قولوا تستحي انها تقول شكرا كما ؟ كلمة شكرا انقولها حق راعي المطعم اذا عطانا الطلب .. تستحي تقولها حق زوجها ؟ لا ذوق ولا اخلاق ولا شي ولو تستحي لهذه الدرجة .. يعني هي انسانة مش طبيعية لا تورط نفسك ياخوي هددها الآن بالانفصال قولها انا افكر ان ننهي علاقتنا شوف شو بيكون ردها شو هالانسانة العديمة المشاعر !!! لا تفكر ولا تحب ولا تسأل ولا حتى تقول شكرا ؟؟؟؟؟؟؟ وين الذوووووق ؟ انت انسان رومانسي ويبغالك وحدة رومانسية .. مش وحده ماتقولك حتى عيد مبارك ؟ وتسألك عن الشقة تحياتي [/quote] احنا اشذابحنا إلا هالطيبة الزايده هههههههه بس الحقيقة انه فعلاً مو كل الناس عندهم اسلوب في التعامل مو كل الناس يعرفون قيمة الكلمة وتأثيرها على الطرف الثاني حتى لو كانت صغيره مو كل الناس متحضرين ويعرفون أن الكلمة ممكن تسوى أموال كثيره في ناس تربيتهم جامده وجافة تقتل في الانسان مشاعره وتخليه ما يحس حتى بالحب أو يمكن يشوفه ما يستحقه ولو استحقه ما يقدر يرسله للأخرين .. في ناس ما تعرف إلا تستقبل .. ما تعرف ترسل في ناس للحين يشوفون أن مو لازم المرأة تقول لزوجها ( أحبك ) وهو بعد مادام أن كل واحد يقوم بواجباته خلاص هذا يدل على هذا .. عشان كذا أنا سألته هي شلون بيئتها هل هي تقليديه جداً ومتزمته ؟؟ بس ما جاوب علي و انا أعترف أن كثير من الناس تغيروا هليام بفعل الاعلام اللعالم تفتح على هالاشياء |
اذ فترة الخطوبة كذا !؟؟؟
عيل لما تتزوجها كيف!؟؟؟ أنا لو بدالك طلقتها .. |
لا بيئتها نوعا ما تقليدية...بس تعرفون بنات وشباب هلايام ميمردين على العادات والتقاليد
|
أتمنى أخي أن تقرأ مشكلة أخينا مظلوم الحب في قسم المتزوجين إقرأها بتمعن أخشى والله أن تصبح حالتك مثله ولكن أخينا مظلوم ماعرف طبعها إلا بعد الزواج وهو في الآن في دوامة شديدة أسأل الله أن يفرج عنه ... أخي لاتتورط ضع النقاط على الحروف من الآن وأستخر الله فبعض الزواجات نكبة على صاحبها وقد تتسبب حتى في تأخرك الدراسي لاتقدم على الزواج إلا وقد ظمنت وضعك معها من الآن يسر الله أمركما ...
|
| الساعة الآن 05:03 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©