|
ملكتي الجمعه وعندي سؤالين
السلام عليكم اخواني انا ملكتـي يوم الجمعه ان شاء الله:14: وحبيت اســأل وشي المواضيع الي تنطـرح بين الخاطب وخطيبته بعد مايقعدون مع بعض لحالهم بعد كتب الكتـاب ..؟ ... وبنفس الوقت انا شاري لها جوال + شريحه بس متى تنصحوني اقدمه اذا قعدنا مع بعض بعد الملكه ولا بعدين بوقت ثاني ..؟؟؟!! على العلم اني ماشفتها الا في الشوفه الشرعيه فقط ولا كان بينا لا اتصال ولا غيــره .. ودعـــــواتــكم لـي .. :22: الاشراف : عذراُ تعديل بسيط في العنوان |
الله يوفقك اخوي ويتممها عليك بفرحه
و إن شاء الله الاخوان ماراح يقصرون عفوا تم تعديل لفظ المشيئه |
الف مبرووووووووووووووك والله يتمم لكم على خير
والله يسعدكم ويرزقكم الذريه الصالحه انا من رأئيي انك تقدم لها يوم الملكه افضل راح يكون لها تأثير وراح تنبسط. |
الف مبروك
الله يتمم لك على خير الكلام وح يطلع لحالو ما تخاف انما كلام غزل ميطن مثلا الشمس طلعت القمر منور اليوم الطقس جميل تسألها كيف اعصابك مرتاحه او مربطه واعطيها الجوال رح تفرح فيه الله يهنيكم يا رب ويتمم لكم على خير |
الف ألف مبروك بارك الله لكما وجمع بينكما على خير شوف ايها المبارك فترة الملكة احلى ايام العمر فاحذر على استغلالها ولاتضيعها بالمشاكل نحنا من عاداتنا اننا نجلس مع بعض بعد الملكة لحالنا بدون احد فإذا كان هذا من عاداتكم ايضا فابدأ بالكلام الجميل خلي لسانك ينقط عسل ولازم تتعلم الكذب باحتراف مع الزوجة وأقصد الكذب بالكلام الحلوو فقط يعني تقول مثلا _ هذا احلى ايام عمري_انت احلى بنت شفتها بحياتي_والله أنت أفضل وأروع من ملكة جمال العالم_(بس أخاف تسألك من هي ملكة جمال العالم متل ماصار معي وتبلش):d أنت نور ايامي وشمعة حياتي أنت ملاكي وعمري , أنا بدونك ماأقدر اعيش ومن هذا الكلام يمكن تقوله كذب أو الأيام ولاكن بعد فترة قصيرة يخرج هذا الكلام من القلب ولاتعطيها أوامر في أول فترة الملكة ..حتى تكسب قلبها بكلامك الجميل..وبعد ذلك لن ترفض لك طلب بإذن الله حتى اذا لم تستطع الجلوس معها بنفراد اجعل هذا الكلام على الجوال ولاتنسى كلمت احبك ولاتنسى ايضا أن تهديها ورود وقلوب وهي اهم عند بعض البنات أو أكثرهم من الجوال زوجتي تقول لي أحلى هديا أرسلتها لها قلب من الأسفنج اشتريته لها ب15 ريال :d مع اني اهديتها هدايا ثمينة ولاكن القلب عندها احلى الهدايا ولاتنسى تعطير القلب أما هدية الجوال فقبل ان تهديها الجوال اشترط عليها بأن لاتضع فيه أغاني ولاتصور به احد من النساء ولاتتصور به (لكثرة المشاكل بسبب هذه الصور) وأنت لن تستطيع ان تشترط عليها بأو ل يوم فأجلها حتى تملك قلبها بكلامك الحلووو والهدايا واعلم بارك الله فيك أن النبي صلى الله عليه وسلم قال (القلوب بين اصبعين من اصابع الرحمن يقلبها كيف يشاء) وتذكر أن الله عزوجل اذا احب عبدا أحبه أهل السماء ووضع له القبول في قلوب الناس) فاحرص على عدم معصية الله عزوجل في حياتك الجديدة لكي تكون من السعداء في الدنيا والأخرى قال عزوجل (من عمل صالحا من ذكر أو أنثى وهو مؤمن فلنحيينه حياة طيبة) أسأل الله عزوجل ان يبارك لك في زوجتك ويجمع بينكما على خير ويحببكما ببعضكما |
وفقك الله واعانك قدم لها الجوال مع الشبكة وايضا النظرات الحلوة و اللمسات الخفيفة جمع الله بينكما
|
السوالف بتطلع من نفسها ..
والجوال بيوم الملكة .. بالتوفيق .. |
اذا رح تبلبسها دهب يوم الملكة أجل الجوال للزيارة اللي بعد الملكة
أما اذا كان يوم الملكة ما فيه هدايا دهب و غيره قدم لها الجوال يومها والاحاديث حاول تتعرف عليها و تكون لطيف و ما تكون جريء من أولها بالحركات و غيره خليها رومانس و تعارف الله يوفقكم يا رب |
اقتباس:
|
مششششششكورين الف شكر على ردودكم الي اثلج صدري ..
الله يوفقك وتسلم اناملكم |
هلا اخوي ...
بالنسبه للسوالف ... هي لحالها بتجي .. والجوال اكيد اهديه لها يوم الملكه ... عشان لماترجع البيت تكلمها ... انتبه لاتقول احبك من اول يوم ... بتقول هذا مطيور ... وانا ماانصحك ابدا تكذب في مشاعرك اوتبالغ في الكلام بزياده ... خللي كلامك طالع من القلب وكل ماصدقت كل ماوصل لقلبها بسرعه ... |
[CENTER]وعليكم السلام ورحمة الله مـررت لأدعــو لك بارك الله لك وبارك عليك وجمع بينكما بخير الله يجعلها نعم الزوجـة الصالحة لك ، ويجعلك نعم الزوج الصالح لها ويرزقكما الذرية الصالحة الكريمة ،،،،، اقتباس:
http://www.66n.com/forums/images/icons/damp.gif بالنسبة للمواضيع تكون في العــلاقــة الثنائية بين البلدين ..!!! وقضايا التبادل الإقتصادي والجمركي واتفاقية سياسة للتشاور تجاه أي قضايا و وأوضاع المنطقة ,,,,!!! !!!!! أخوي خلك على سجيتك بتحلو في عينها ، وبنغرس حبها لك في قلبها ،،، بإذن الله حفظكما من كل سوء اللهم صلى وسلم على نبينا محمد وآله وصحبه |
الف شكر على ردودكم ودعواتكم ..
|
دروب الشوق ألف مبروك . نصيحتي لاتقدم الجوال لأن الفاتورة في ظهرك
|
ألف مبروك أخوي
وتمتع بكل اللحظات أول شيء بارك لها وأسألها عن قسمها اذا هي تدرس او الوظيفة اذا كانت موظفة قدم لها الجوال في نفس الوقت حاول تقولها كلام حلو الله يوفقك ويوفقها والف مبروك |
موفق اخوي
|
| الساعة الآن 07:23 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©