|
إقتراحاتكم لأسبوع عسل في دبي
عساكم بخير ان شاء الله و يارب حياتكم كلها عسل ان شاء الله انا الأن باحط اللمسات الأخيرة لتجهيزات زواجي ان شاء الله - دعواتكم - و اليوم بنفكر في شهر العسل فكان الإختيار على دبي ان شاء الله التاريخ حيكون من 23 فبراير - 2 مارس - 7 ايام تقريبا و نفسي ما اضيع شي وحاسيس انو حيكون في قلق و ربشة و ابا الحق انا نفسي اروح السوق الصيني بس مدري ايت يوم ؟ و المقهى التلجي - ايش نطلب؟ و اتلنتس غدا او عشا - ايش احسن مطعم ؟ امم يعني ايش فيه اقتراحات الين دحين الفندق الجميرا بيتش الصراحة فندق رائع جدا لو فيه فندق مميز جدا قولولي فيه برج العرب امكن اول يومين بس لسا مو اكيد برب رايح السوق اكمل الباقي... :-) الإشراف : تم تعديل العنوان |
الف مبارك الزواج اخي الكريم
الله يسعدكم ويهنيكم ويسخركم لبعض ويؤلف بين قلوبكم وإن شاء الله الإخوة والاخوات لن يقصرو في الرد على استفساراتك |
شاطئ الجميرا روعه
شارع الرقه فيه جميع المطاعم ستي سنتر لايفوتك.. اذا تذكرت شي رجعت لك |
عندك الحدايق الخور ... زعبيل .... الممزر
فيه سوق ابن بطوطه حلو بس كبير فيه وافي سنتر بس أنا ماأعجبني مدينه مدهش حلوة وممتعه قريبه من المطار بس أنتم عرسان تنفع للاطفال أكثر وبالنسبه للفنادق أحس أن كل دبي حلوة بس انصحك اسكن في بر دبي عند البرجمان مجموعة فنادق5نجوم اذا معك وقت رح للعين فيه عندهم منتزه جبل حفيت مكان روعة يسمونها مبزرة الخضراء وسوق العين مول والجيمي.. اممممممممم وبس والله قبل مااكتب وانا مفلله من المعلومات وبعدين تبخرت |
والله دبي كل شي حلو فيها
واذا زيارتك قصيرة لمدة 7 أيام.......قم بزيارة أهم الأماكن وأفخمها (عشان شهر العسل) 1. القرية العالمية راح تسكر في بداية شهر مارس...الحق عليها لانها قمة في الروعه 2. امارات مول على شارع الشيخ زايد + سكاي دبي (في امارات مول طابق الالعاب) 3. دبي مول فتح حديثا في قمة الرووووووووووووعه .....يمتاز بروعه البناء وأحواض الأسماء وكأنك في البحر 4.فندق اتلانتس بالنسبة للمطاعم فيه لازم بحجز مسبق (مادري ليه) واسعارها غاااااااالية جدا جدا 5. بالنسبة للمقهى الثلجي موجود في مركز تايمز سكوير على شارع الشيخ زايد ...... جميل جدا جدا ويقدم كل شي 6. قرية التراث مكان مليئ بالفعاليات والروعه وفيها مطاعم رائعه تقع القرية على شارع الشندغة قبل النفق 7. فندق ميناء السلام + المارينا فيها سلسلة من المطاعم الراقية والعالمية 8. مول أبراج الامارات 9. شارع الشيخ زايد يوجد فيه الكثير من المطاعم والخدمات المصرفية + شارع الرقة + شارع الضيافة أما بالنسبة للحدائق ما أمدح فيها لشهر العسل حدائق دبي تنفع لسفرة عائلية ورحلة عائلية....بس اذا ودك بجولة في البحر : 1. الباص المائي لو تبحث عنه في النت راح تلقى رقمهم ....يأخذك من مركز برجمان إلى الخور 2. عشاء على ظهر البوم (مركب كبير) في مطعم البوم السياحي بقرب من مدينة دبي الطبية قريبه من جسر القرهود يحتوي على جميع الاذواق عربي هندي كل شي 3. من خلال حديقة الخور تقدر تركب التلفريك + تركب مركب يجول في الخور ويرجعك اتمنى لو أفدتك بأهم الاماكن ....آمل أن تحوز دبي على رضاكم هل الكلام كله نسيت أبارك ألف ألف مبروووووووووووووك اخي الكريم ربي يوفق بينكم ويجمعكم على خير دائما يارب |
اقتباس:
اختي حرم بالنسبة لمدينه مدهش تفتح في الصيف فقط ضمن فعاليات مفاجآت صيف دبي:30::30:.... |
ماشاء الله .. لا قوة الا بالله
فقط أحببت أن أهنئك أخي الكريم وأدعو لك بالتوفيق والسعادة .. |
طيب بالنسبة للفندق ايش رأيكم؟
وطريقة صرف الفلوس لأني ما قد سافرت لو حدي وما عندي ماستر كارد؟ |
حجزت في برج العرب 4 ليالي الين الأن الباقي بافكر اوزع الليالي ايش فيه فنادق تانية ؟
|
فندق كومبنسكي بقرب من امارات مول
فندق أبراج الامارات + فيرمونت + شنغريلا (شارع الشيخ زايد) فندق حياة جراند (قلب دبي) فندق اتلانتس (جديد بجانب مشروع النخلة) هاذي من أروع وأفخم الفنادق في دبي بالنسبة لصرف الفلوس عادي يقبلون أي عملة عندنا بشرط التأكد طبعا من سلامتها اعتقد اذا كنت من الدول الخليج عادي تمشي معاك عملة البلاد....أما اذا بغيت تصرفهن بالعملة الاماراتية ان شاء الله اول ما تنزل من الطيارة راح تلقى الصرافات مليانه المطار ممكن تصرف لك قبل لا تخرج من المطار |
مرحبااااااااااااا جرب أتلانتس ماراح تخسر يجنن اللي برأس نخلة جميرا راقي ومترف الليله2000د بغرف اسمها أتلانتس مع بالكوني يطل عالبحر الواسع وخص بليل تحلى القعده في مطاعم راقيه بس غالية تعشى أو تغدى مره وحده بأتلانتس ولا تنسى تشوف الأكواريوم الضخم بتلقى نفسه بدبي مول وروح السكي اللي بمول الامارات بتستانس العروس ولاتنسون تتغدون في حديقة عامة مثل زعبيل ولا حديقة الخور ولا حديقة جميرا واذا بتشترون شي روح سيتي سنتر واذا تبون سنما مروا على الفيستيفال سيتي ديكورها يجنن والأفلام فري نيو:14::14::14::14: وألف ألف مبروووووووووووك ربي يهنيكم على طول .....لاتنسون تمرون على بوظبي تتطلعون عليها.:22::22::22: |
فندق اتلانتس لايفوتك وياليت ماتغير الفندق عشان الوقت مايضييع عليكم وبصراحة الفندق رررهيب وبعد فندق الحبتور خطييير واذا بتحجز لازم تقول لهم شهر عسل يتوصون فييك من قلب كيك وورد شغلهم حللو والاماكن اللي تروحها المجمعات كلها حلوة ودبي مول جديد واايد حلو وبرجمان والله المعاريس كل شي بيشوفونه حلو هاي اذا طلعتوا من الفندق؟؟؟
|
مرحبا يعطيكم العافية الحمدلله اليوم رجعت.. الفنادق كانت جميرا بيتش و برج العرب..
طبعا روحنا مول الإمارات ومطاعم الجميرا وممشى الجميرا و أتلتس مع الأكوريوم ودبي مول مع الأكوريم السوق الصيني ديزيرت بالم سفينة باتو كروز مع العشا سفينة **** مع العشا (ناسي اسمها ) مدينة جميرا وسوق جميرا و السينما 4 مرات منتجع ديزيرت بالم الفييستفال سيتي و السنما فندق مونارك زيارة - وما عجبني المقهى الثلجي - في مركز تايم سكوير قرية التراث و الغوص عشاء في مطعم برج العرب الأسيوي دا الي فاكرو اعتقد ما باقي كتير ودبي حلوة ممكن الواحد يروحلها ويكيند ويرجع.. :-) |
| الساعة الآن 07:15 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©