خيانة ولا أنا غلطانة ؟
 

السلاام عليكم ورحمة الله وبركاته
كيفكم ياأهل الخير؟
للأسف مااجيكم الا بأحزاني والحمد لله انتم أهل لها الله يجزاكم الجنة ونعيمها يارب قبل كم يوم اكتشفت ان خطيبي رجع يسولف ماسنجر مع البنت اللي كان يحبها وماصار بينهم نصيب من اول، هي تزوجت والآن مطلقه والكلام اللي بينهم يحرق القلب ويبين انه للاسف ماعمره حبني اول مااكتشتف ارسلت مسج والله يشهد علي ان المسج ماتخللها اي كلام غلط مجرد اني عرفت ولليوم لاتعليق من ناحيته بالعكس مستمر معاها، اليوم جهزت كل شي يربطني فيه عشان ارسلهم مشكلتي ماابي اتكلم ليش اتخذت هذا القرار واقول السبب لان عندنا عزا وبنفس الوقت ابي استر ع البنت سألتني اختي خير اش فيج مطلعه هالاشياء قلت لها غرفتي زحمة بخليهم عنده

وشكرا لكم

لا حول ولا قوة الا بالله

أختي والله لا أدري ماذا أقول غير الدعاء لك بأن يعينك الله
ويشرح صدرك ويلهمك الصواب ..

اللهم أعنا ولا تعن علينا وآثرنا ولا تؤثر علينا

يا أختي الله يكون في عونج على هالقهر..

قبل أي تصرف بتسوينه..

واجهيه..

ولا تضعفين.. ولا تصارخين..

خلج كوووول لآخر درجه..

ولا ترجعين الأغراض صبري شوي..

الله يكون في عونج..

لا تضايقين روحج كل شي له حل بإذن الله..

الف شكر ع الدعاء والله يجزاك الجنة وراحة البال

الف شكر اختي والله يجزاك الجنة وراحة البال
مشكلتي طول اليوم بغرفتي اتحجج بشغل العمل وانا مقضيته بكي
اللي حارق دمي انه لاتعليق لهدرجة كان يمثل وماكان لي اي اعتبار عنده
اقول بخاطري ماابي اواجه نفسي نفرت منه الصمت ابلغ
وارجع اقول لا
والله يعين

الاول لازم تواجههيه وتسمعي كلامه وبعدها يكون القرار من العقل لا القلب لو كان لسه مستمر معها وانتي واثقه جداا الافضل لكي ان تتركيه وربنا يعوضك باحسن منه لانه لو كان مقتنع بيكي هاتفهمي كلامه اذا كان معها مجامله لها ولا حقيقي لسه بيحبها هي لو لم تحسي بالامان افضل لكي تتركيه وانت لسه بنت ربنا يعوضك خير

اصبري عزيزتي لاتتسرعي في الزواج بما انها مطلقه ورجعت علاقتها معه يعني ح تتعبي في حياتك مع هذا الخطيب
استخيري وواجهي وشوفي الموضوع اش يصير عليه
الله يفرج همك ويسعدك في الدارين

اخواتي الغاليات الف شكر لمساعدتكم ووقتكم
ربي يعوضكم بالجنة وراحة البال

المشكلة ان احنا املكين وهو ولا على باله اصلا ماكلف خاطره يتصل كنه ماصدق ان سمع شي عنها، ومو قادرة اسمع صوته احس كلامه كله كذب بعد الكلام اللي شفته بينهم وكل ماشفته احترق واحترق طعني بظهري نفسي عافته
ادعو لي بالصبر والله يعين

اختي اولا تأكدي ثانيا واجهيه ثالثا انتي مازلتي على البر وتعبك الان وحرقتك اهون من تعب وحرقه العمر كله ارشدك الله للصواب ووفقك لكل خير

لازم تواجهينه بكل المعلومات اللي عندك

قبل اي قرار

اختي لا املك لك غير الدعاء لانك واضح اتخذت قرار اللي يريحك

الله يوفقك ويعوضك خير يا رب

اختي إذا كنتي متاكده انه يكلمها بالمسنجر ومازال يحبها وهذه تصرفاته مع انه متملك فهذه خيانة لانه سمح لنفسه انه يكلمها وهي لاتربطه معها اي صلة قرابه
فأنصحك اختي بالاستخاره والله يكتب لك الي فيه خير

اخواني واخواتي الف شكر لمساعدتكم ووقتكم ربي يعوضكم بالجنة وراحة البال
بعد نصايحكم وتوجيهاتكم ربي ينور دروبكم
اقتنعت بالمواجهة
وانا متأكدة من اللي بينهم مليون بالميه لاني اكتشفته من الايميلات لانو اثنينا عارفين باسووردات بعض
الاخ المصون كلف بخاطره واتصل امس مرتين بعد العشاء ومرة وحدة بوقت متأخر ووقتها للاسف كنت نايمة وبعيده عن جوالي
رديت الاتصال الصباح رغم اني عرفت ان اتصاله بعد ماارسل لها ايميل وقفل النت
الصباح جهازه مغلق وكررت الاتصال 3 مرات بأوقات متفاوته ولا اجابه ولا حتى مسج
والآن هي موجودة اون لاين بمسنجره وهو الله اعلم وين داره
ادعو لي ياجماعة الخير بالصبر ويارب تكون هالمصيبة رضا من ربي مش سخط والف شكر لكم

الله يعينك شدي حيلك


وقفي لحقك هو ناسي انو معك الباسورد

وانتي غيري الباسورد الخاص فيكي

الله يفرج همك

الف شكر للجميع ربي يجزيكم الجنة وراحة البال
لليوم ماتمت المواجهه ومن حرقت قلبي ماقدرت انتظر اكثر
ارسلت مسج انه خاين وحسبي الله ونعم الوكيل فيك وانقلب الموضوع علي
وتم الانفصال

الله يعوضك بزوج يستاهلك ويسعدك يارب

الله يعوضك ويرزقك باللي احسن منه

وهذي خيرة والحمدلله على كل حال