|
زوجي و سهراته الحياة صعبه معه
بسم الله الرحمن الرحيم السلام عليكم ورحمة الله وبركاته اكتب لكم قصتي مع زوجي اتمنى اني القى الحل عندكم.. انا متزوجة من 10 سنوات وعندي 3 اطفال واشتغل مدرسة مشكلتي اني مو حاسة بالامان مع زوجي هذا الاحساس من بداية زواجنا بسبب انه دايما كان يهددني بالزواج مرة ثانية وانه يحب البنات وايد (على فكرة احنا ماخذين بعض عن حب دام 5 سنوات يعني محد غصبه علي) دمر نفسيتي صرت عصبية وماتحمل اي شي منه مع اني احبه ..في هذي الفترة كنت حامل ببنتي الاولى.. كان دايما يسهر بره البيت ولا يرد الا الفجر .. في البداية ماكنت اتصور انه مع رفقاء السوء ومع بنات.. بعد ما جبت بنتي الاولى وصار عمرها سنة ونصف بديت الاحظ التغيير في زوجي بدا يصلي وبدأ يصاحب الصالحين فرحت وقلت الحمدلله الله استجاب دعائي وهداه.. في هذي الفترة حملت ببنتي الثانية وكنت مرتاحة نوعا ما معه كان حنون ودايما يدعي لي في هذي الفترة اعترف لي بكل شي كان يسويه قبل الالتزام من سهرات وفنادق وبنات صج انصدمت بس قلت الحمدالله الحين هو ملتزم (مع انه كان بعد دايما يبي يتزوج) ما كنت ادري شلي يدور ورا ظهري.. بعدها قررنا نطلع عن بيت هله ونعيش بروحنه لاني كنت متغطية هو عنده اخوانه معنا في البيت كنت متضايقة من ذي الشي.. في هذي الفترة بعد ما اته نتقلنا رد مرة ثانية اصحاب سوء وسهر..بعد ما كنت اتصور خيانته كنت اشك في تصرفاته تذكرت اعترافه لي وهو ملتزم قلت له انت هديت دينك اكيد رجعت الى الخيانة يقول انتي تتخيلين اشياء ما صارت وتفتعلين مشاكل انه احبك انت ام عيالي وما خون الى ان جا اليوم الي اتصل فيني هو بالغلط مايدري وهو مع اصدقاءه الظاهر ضغط على زر اعادة الاتصال وهو مايدري اهني سمعت البلاوي الي يسوها من فنادق وشرب وبنات وزنا طبعا كان يكلم ربعه ويتفاخر بهلشي..واجهته ما قدرت اسكت انفجرت بالبكاء قعد يهدئني ويقول انت تاج راسي ومابي اخسرك والي سمعتيه احنا الرجال دايما نكذب على بعض.. بعدها حملت ببنتي الثالثة ماشيته مع اني ادري انه يكذب علي .. انصدمت فيه.. زوجي الي الله هداه وكان مايفوت الصحبة الصالحة والمحاضرات والنصائح للشباب رد الى طريق الفساد مو اي فساد طريق الرذيلة.. انا انسانه ملتزمة وجميلة بشهادة الجميع والحمدلله واهلي ناس ملتزمين وطلاب علم وما اقدر اتعايش مع انسان عايش كل همه يلبي شهواته.. بعدها اكتشفت انه كان دايما في هل طريق وما يقدر يهد هلطريق ماعدا الثلاث سنوات إلي التزم فيها كان حنون معاي الحين جاف يسب ويلعن اذا حاولت اناقشه اني خايفة عليه من هذا الطريق.. واتمنى انه يتوب لانه في يوم من الايام كان قريب من رب العالمين .. دمرني كرهت نفسي فقدت ثقتي بنفسي في يوم قلت له ماتخاف على بناتك واخواتك كما تدين تدان عصب ليش قلت له اخواته وهددني انه بينتقم مني ليلتها بيبكيني دم وفعلا بكاني دم.. طلع كعادته قبل الفجر اتصلت له اتطمن عليه لانه يشرب واخاف عليه كلمني وبعدها ترك الجوال مفتوح عمدا علشان اسمع وياريتني ما سمعت سمعته في سيارتي مع بنت وهو حده سكران من كلامه يبين يعرفها من زمان.. كنت في شهري التاسع حسيت نفسي تجمدت ما احس برجولي ما اقدر امشي.. بكيت وقلت حسبي الله ونعم الوكيل.. اوكل أمري الى الله.. يوم رجع تهاوشنا وقلت بس ما تحمل بعد اكثر خلني اربي عيالي وكل واحد من طريق اعترف لي وهو سكران انه تزوج فتاة عربية.... زواج عرفي لكنها تسفرت لان ما عندها اقامة وكان يحبها علشان جذي رد للشرب وطلقها لاناه ممنوعة من دخول البلاد .. اليوم الثاني تأسف وعدني انه خلاص بيترك هلطريق ويقول ادعي لي واصبري.. حاليا للحين يكلم وحدة ويقول هي تلاحقه وهو خلاص هد الشرب بس للحين يسهر خلاص ما اثق فيه ما اصدقه ..إلي شفته منه مو شويه.. ادعوا له بالهداية.. وادعوا لي بالصبر.. عفواً تم تعديل العنوان ليفصح عن المضمون يمنع ذكر بلدان بعينها او جنسيات.. الإشراف |
الله ايصبرك على ما ابتلاك سبحانه و تعالى ايفرجها عليكى
|
الله يفرجها عليكى ويهدهوووووووولك والله مالك غير اللى خلقك وخلقه وبيده ملكوت السما والارض ادعى ادعى ادعى
ولا تحزززززززززززززززنى أبتلاء ياأختى أصبرى وادعى الله ولك فى الجنه قصر بإذن الله بس انا خوفى الوحيد هو بناتك ربى يحفظهم بأسمه العظيم |
الله يهدي زوجك *** ويحنن قلبه عليك ***
والله يصبرك ويعينك على تحمل زوجك *** والله يبعد عنه اصحاب السوء *** أهم شي أختي لا تيئسي مع زوجك *** حاولي معاه *** وتقربي منه أكثر *** ولا تستسلمي ولا ينتصر عليك اصحاب السوء *** زوجك يحبك لكن البيئة التي يجالسها هي السبب *** حاولي أن تشغليه بأمور البيت والبنات *** وعليك يالدعاء له بالهداية في صلاة الليل *** وبالتوفيق أن شاء الله 0 تحياتي |
اختي ليش طووول هذه الفتره ساااكته ؟؟؟!!!! ليش ما اتخذتي موقف قوي يهز زوجك ؟؟ وين اهلك ؟؟ و ين اهل زوجك عن ولدهم ؟؟؟ زنا و شرب خمر هذا الامر ما ينسكت عنه !!!!! |
أنا أستغرب من اللي يقول أصبري !!!!
وهذا إبتلاء !!!! حاولي معاه.. وأدعي له!!!!!!!! صح إحنا نقول ربي يهديه ويصلحه ويرده لدينه ردا جميلا.. لكن مو معناته أنها ماتتخذ قرار حااااااازم منها !! إلا متى التهاون في أنتهاك حرمااات الله.. سهر .. أصدقاء سوء .. بنات .. شرب .. زنا.. شنو بقى!!!! ياحبيبتي فري بنفسك وأتركيه لله .. ومن ترك شيئا لله عوضه الله خيرا منه.. تبين تصبرين عليه لما يجيب لك مصيبة من الأمراض!! بعدين تتحسفين!!!!!!! |
اقتباس:
هذا الكلام صحيح 100% مثل نوعية زوجك لا بد لها من وقفة قوية وهجران والا لن ينصلح |
انجي بنفسك من الامراض
زنا عقابه الامراض الخبيثه السيدا الايدز |
والله يا الغاليه بصراحه رائي الشخصي انك ما تعشين معاه ولا دقيقه انسان زي كذا والله ما يستاهلك من وصفك لنفسك احس انك انسانه الف شاب يتمناها بس الله ما راد لك السعاده,بس يا ريمات لازم تحطين حل معاه انه لو يرجع لهذه السوالف تتركين البيت وتخليه وشوفي ايش راح تكون رده الفعل عنده....الله يوفقك معاه
|
حسبي الله ونعم الوكيل حاولي ياختي انك تدخلين احد المشايخ او الارشاديين النفسيين اللي يعالجون الادمان والله يوفقك يارب ويسعدك ويهدي زوجك يارب وادعيليه بالهداية ولكن اذا ادخلتي مرشدين لعلاج الادمان ومانفع خلاص اتركيه لانك بكذا سويتي اللي عليك امام الله
|
يا اختي انا حاسه انك صابره عليه عشانك تحبيه
لكن لمتى! واش عاقبة هذي الامور زوجك انسان عاصي بمعنى الكلمه اتركيه وروحي بيت اهلك وكلمي اهله واهلك واذا تعرفون اصدقاء له صالحين او حتى اقرباء لعل الله يهديه,والشرب لاازم يتعالج منه وانتي روحي لاهلك ولاتطلبين الطلاق يمكن الله يهديه وان شفتي انه ما منه امل الطلاق هو الحل الوحيد والله يا اختي اللي يسكر ممكن ينتهك عرض بناته او ممكن يدخلون اصحابه بيتك وما يرحمونك خليك قويه واتخذي موقف صارم كيف صارات الحياه بينكم وهو يدري انك عارفه انه يخونك وساكته!!!!! عشان ايه!!!! كرامتك وصحتك اهم من الحب اللي يذل الله ييسر لك امرك |
جزاكم الله الف خير على ردودكم
حاولت اترك زوجي كذا مرة اروح بيت هلي لكن حسيت اني شي يخليني ارد ...اهله يقولون لي اصبري بيتغير واهلي يقولون لي اتركيه ما يستاهلج اما انه احس اني ما اقدر اعيش من غيره |
حبيبتي اذا كان المسأله انك ماتقدرين تعيشين بدونه لا تقدرين اذا كانت النيه عندك
كل شئ باوله صعب ممكن تتعذبين كم يوم بعدين ان شاء الله تنسينه ويعوضك الله باحسن منه ويعوضك ببناتك لكن هذا رأيي الشخصي انه اللى يمشي بهالطريق قليل يهتدي الا من رحم الله اختى رأيي انك تتركينه وتروحين لاهلك واذا كا يبيك بتعدل واذا ماتعدل ارحم ماعليك صحتك ونفسك وبناتك الله يكتب لك اللى فيه الخير يارب |
اقتباس:
حقيقةً أنا لا أفهم معنى هذه العبارة. يعني لو كان رجلاً يتقي الله فيكِ .. لو كان رجلاً يحترمكِ ويحترم مشاعركِ ويحترم الخمس سنوات التي أحبكِ فيها قبل الزواج ويحترم العشر سنوات التي عاشها معكِ حتى الآن .. لو احترم صبركِ عليه وعلى مصائبه ومساوئه .. لو احترم وجود ثلاثة أبناء يفترض أنه هو القدوة لهم ....... لو كان كذلك فربما أفهم معنى عبارتكِ. ولكن إصرار على ارتكاب المعاصي .. واستخفاف هائل بمسؤوليته كزوج وأب .. بل وتعمد أن يحرق قلبكِ ويميتكِ كمداً وقهراً ويسمعكِ ـ متعمداً ـ حواره مع تلك المرأة .. وبمنتهى الجرأة يهددكِ بأنه هو الذي سينتقم منكِ؟!!!!!!!!!!!!!!!!!! هنا يا أختي تصبح مثل هذه العبارة ـ ومع احترامي الشديد ـ سذاجة. المعذرة منكِ يا أختي إلا أنني بصراحة لن أدعو له بالهداية ... ولكنني سأدعو لكِ أنتِ بها. |
معناتك راضية بإستهانته لحدود الله!!!!!!!!!
أنت متضايقه مو لله!!! أنت متضايقة لنفسك وبس!!!! مدام أنك تفولين : ماتقدرين تعيشين من غيره.. ليش كاتبة مشكلتك؟؟؟؟ |
يا اختي قرأت مشكلتك على منتدى اخر .. لكنك لم تجيبي على العضوات لذلك لم يتفاعلوا معك .. على العموم اختي مهره و اختي احلاهم و اتحداهم ما قصروا قالوا اللي نفسي اقوله لك .. |
| الساعة الآن 05:42 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©