|
زوجتي رفضت طلبي هل تصرفها صائب ؟
السلام عليكم
شكلي سببت لكم ازعاج ... لكن اللي خلاني اكتب شي واحد هو ان الموضوع الان حصل وقلت قبل لا اتصرف بأي شي بشوف بعرض اللي صار , واشوف ردودكم ... طبعاً دوامي حالياً فترة مسائية يعني ينتهي 10 ليلاً ... المهم الحاصل انه اليوم كانت تتشكوى انها مانامت من الصباح بدري قلت لها خلاص نامي لا تسوين غدا رحت اجيب العيال من المدرسة رجعت لقيتها مسويه الغدا المهم قبل لا أطلع للشغل عطيتها مبلغ وقلت اطلبوا لكم عشا من برا لا تسوي ... المهم رجعت 10 وقلت لها سوي قهوه وكانت واقفه جنبي حطت يديها على راسها وقالت ويلي قهوه الحين قلت ايه ماتقهويت المهم راحت وتشتغل في البيت ولا جابت خبر .... طيب انا ودي الاخوات يردون هل ماطلبته غلط او تصرفها غلط وهل لو خرجت مني ردة فعل على تصرفها يكون غلط مني أو هل سكوتي هو الغلط ... ولأجل اكون صادق انا طنشت وقلت افضل رد على التصرف هذا بكره والا بعده مع اني استبعد بعد بكره يعني بتقول اما جيب غدا والا جيب عشا وقلت افضل شي اقول لها ويلي غدا من برا والا عشا والبيت مليان ... وهل هو معقول الواحد يتمشكل حتى على قهوة وشاي . سمعتها دخلت المطبخ وشغلت الفرن لكن لأيش مدري ... عفواً تم تعديل العنوان ليتضح المضمون الإشراف |
نصيحتي لك أن تصارحها في مثل هذه التصرفات البسيطة،لأنه ما دام أثرت فيك إلا وقد انزعجت منها..
وهذا شئ تافه أن يتراكم ويتكون من الحبة قبة..يكمن تكون قد نسيت أو شئ.. تعلم أن لا تكتم أي شئ يزعجك منها،واستفسر عنه حتى إن كان أي سوء تفاهم يتصلح الوضع والطرف الثاني يشرح موقفه.. |
اشكر لكي سرعة الرد ولكن رجعت 10 وربع وكلمتها بالوقت هذا يعني قبل شوي وجا ردها على طول ولو قريتي الموضوع تجدين انني فصلت فيه حددت الوقت وذكرت ماطلبت وذكرت ردها وش كان
|
اخي مابعرف هل علاقته اصلا متوترة؟
لو علاقتكه عادية وكويسة مش مستاهل تزعل منها ممكن تحكي معها بهدوء وتسالها وتقلها حبيبتي ليش هيك عملتي كان نفسي بالقهوة ليش طنشتيني يعني افهم منها ليش عملت هيك عاتبها يمكن نسيت يمكن تعبانة يمكن زعلانة منك وبتعبرلك عن زعلها الموضوع بسيط |
أخي أنا أقصد تصارحها عن سبب تصرفها هذا..يعني احنا الستات بنتصرف تصرفات غريبة أحيانا ما بيفهمها الرجال..معتقدة أن الرجل سوف يفهم قصدها لكن للأسف هذا غلط.
ولو في سبب ثاني للمشكل إحكي لنا ممكن نساعدك. . والله يوفقك ويعينك عليها |
هذا الي مخلي زوجتك تتمادى !
معليش هذا أعتبره ضعف ! ماأقولك رح عطها كف بس خير ان شاءالله وصلت لعصيان الأوامر ؟؟!!!!!! |
وعليكم السلام
أنا أطلعت على موضوعك السابق ,,,,,,,,,,,, وبالنسبه لسؤالك اعتقد من الطبيعي انه بعد عشر دقائق او ربع ساعه تسألها مره ثانيه ماجهزت القهوه اعتقد القهوه شي مايتعب موب مثل الغداء او العشاء ,,,, ياليت يكون فيه أكثر صرامه منك لكن باعتدال لا افراط ولا تفريط بالتوفيق |
صراحة اخي
انتوا الاثنين ترفعون الضغط انت بسبب تساهلك الزائد في حقوقك و هي بسبب تماديها في الاستهانه بحقوقك الله يعينكم انتوا الاثنين على بعض |
أخي ولهان اسمحلي
أنت شخص سلبي جداً وزوجتك تعرف نقاط ضعفك لهذا هي تمادت كثيراً وتصرفاتها معك تدل على عدم احترامها لك حاول تغير من نفسك واسلوبك يمكن اسلوبك هذا هو اللي يخليها تنفر منك! |
اعدرني اخي الكريم بس مش فاهمة و ين المشكلة
عاادي كثثير مرات زوجي يطلب مني شي و انسى و يدكرني فيه مو معناه انها مستهترة فيك و بطلباتك او انا ما تحترمك ... يمكن نست او انشغلت بشي وقولها الحين قهوة ... مافيها شي يمكن تقول براسها القهوة بتسهرك و انت لازم تنام .. الموضوع مو مستاهل الا لو العلاقة بينكم جدا متوترة و كل واحد مستني للثاني على غلطة |
الله يكون في عونك ... طيب كان سويت انت القهوه يمكن تتفشل وتستحي على وجهه!!
|
بعض الاخوة والاخوات يقولون ضعف مني هو ما ادى بالأمور الى ما آلت اليه ... واحب ان اوضح انني لم اترك طريقاً اعتقد ان فيه اصلاح لحالها الا وسلكته ... بما فبه الضرب ولا يفهم من عبارة الضرب هو الضرب المهين او الضرب المبرح او قد اكون مبالغاً اذا قلت عليه ضرب لكونه لا يتعدى مسكها بشعرها او مسكها بيدها بقوة نوعاً ما ولا اخفيكم بأنني احس بتأنيب ضمير بشكل لا يوصف في حال انها اجبرتني على مثل هذا
|
طيب انا ودي الاخوات يردون هل ماطلبته غلط او تصرفها غلط
لا يأخي ماطلبته ليسا غلط وهذا حقك انك ترتاح في بيتك وتتقهوة على راحتك بالوقت اللي انت تبيه و واجب عليها طاعتك وتلبي اوامرك وتصرفها غلط على الاقل كان اعتذرت موب طنش ولكن من أمن العقوبه أساء الأدب وهل لو خرجت مني ردة فعل على تصرفها يكون غلط مني أو هل سكوتي هو الغلط ... الطبيعي ان اي فعل له ردة فعل وغير طبيعي ان لا يكون له رد فعل ولو انك انفعلت عليها هي تتحمل نتيجة اسلوبها معك وبصراحه سكوتك غلط كان بوقتها ناديتها بأعلى صوتك تعالي سوي قهوه بسرعه وان عيت كان قلتلها انا رحمتك الصبح وانتي تعبانه والحين ماترحميني وانا راجع تعبان وتجبرها تسوي طلبك بالقوة ولا بلمروه اهم شي كلامك يمشي بهواش بطق حسب اسلوبها انا ما اقويك ولكن زوجتك ماهي حامده الله على النعمه ولازم تشوف وجه ثاني حتى تعرف قيمت الأولاني وهل هو معقول الواحد يتمشكل حتى على قهوة وشاي . لاطبعا مومعقول انا عمري ماشفت زوجه زوجها يريحها بالغدا والعشا وتستثقل تسويله قهوه وهو راجع من عمل مسائي تعبان انا زوجي احيانا الساعه 2 باليل يقولي سوي قهوة ولكن اعتقد ان زوجتك مهما تسويلها ماهي راضيه عليك (عين الرضى عن كل عيب كليلة وعين السخط تبدي المساوء) والحل لازم تعاقبها بكره جيب غدا او عشا لك انت وعيالك ولاتجيبلها وطلعهم مشيهم وهي لأ ولتكلمت قولها سوي قهوة الان واسامحك ولا عاد تتعودينها وذا طلبت منكي شي سويه ولا اعتذري لا تطنشين و اتقي شر الحليم اذا غضب والله يهديها |
يااخي الكريم ...بما انك طلبت منها وماقالت لك لا صريحه معناها مارفضت
جل من لايسهو ولاينسى يمكن انشغلت في تنظيف ولا مع الاطفال اتمنى ان الزوجين يكبرون عقولهم عن سفاسف الامور بماانها ماجابت القهوه كان سألتها بعد 10 دقايق وين القهوه...لكن تشيل بقلبك وتجي تطلب المشوره اتوقع هذا الموقف مايستاهل اما العضوات اللي قالوا انك ضعيف مع احترامي لهن فهن متخلفات الحياة الزوجيه موده ورحمه وليست عنف واوامر اتمنى عليك اخي الكريم انك ماتمد يدك على زوجتك حتى تكون كبير في عينها دائما الله يسخركم لبعض ويرزقكم السكينه والطمأنينه |
مرة ثانية لو شفتها اتأخرت في تنفيذ طلبك
نادي عليها واسألها ليش اتأخرت وذيك الساعة يبان هي متقصدة ولا نسيت واذا نسيت مشيها وخلاص لكن اذا كانت متعمدة فأنت عليك تتصرف مثل ماتسوي طنشها ولا طلبت شي لا تجيبه لها بتحس باللي تسويه وتستحي على نفسها الله يهديكم ويصلحكم لبعض تحيــــــــــــــــــــــــاتي |
اخي ولهان واضح ان زوجتك ما تحترمك .. ولا تعمل لك حساب لانك بصراحه ضعيف .. ايش اللي غدا من برا و عشا من برا .. خلها تطبخ في البيت .. ليش هي ما عندها شغاله تساعدها ؟؟؟ وانت تقول ان البيت مليان .. معلش اكل من برا مره في الاسبوع .. لكن يوميا تكون احد الوجبات من المطاعم اشوفها صعبه .. الحين من زين اكل بره .. كله مرررررض .... |
|
اخي ولهان ....
عادةً تجاهل طلب الزوج من قبل الزوجه ...عدم احترام لكن التمس لها العذر ولنفرض انها نسيت ....الحل هنا تذكيرها .. وان اصرت على التجاهل ...انصحك بمصارحتها بكل شي يضايقك فيها ...وبهدووء ..بعيدا عن الاطفال ..بل من الافضل ان تنتهي المصارحه بتعهد منها ان لاتفرط بطلباتك وان تحرص على اداء واجباتك اولاً باول...(واذكر لها ان جلوسك ع الانترنت بكثره (كما فهمت من موضوعك السابق انها تظن ان الانترنت وسيلتك للمغازل كما ذكرت ... وهي لم تذكر هذا الشي الا من باب غيرتها الشديده فقط ...اذكر لها ان جلوسك امام شاشة الكميوتر فقط للهروب منها وتعهد لها بان تقلل من جلوسك امام الكمبيوتر اذا هي التزمت بشروطك ) اذا لم يجدي هذا الحل ...اهجرها بالفراش او ادر لها ظهرك عند النوم ..لاتكلمها واحرمها لبعض الوقت من شي تحبه ...كالخروج للسوق او بعضا من احتياجاتها الخاصه .... واحذر وتذكر الاطفال لاذنب لهم ...لاتحرمهم ..كلمهم وضاحكهم وكان شيئاً لم يكن ..... ولا تنسى الاستغفار 100 مره بعد كل صلاة ...والدعاء بان يصلح الله لك زوجتك ..وانظر في نفسك ماذا فعلت وما اذنبت فما اصابنا من شي الامن انفسنا ...اترك التدخين من اجل الله ثم نفسك لا من اجل زوجتك ...فمن تجربتي الخاصه ..بعد ان استغفر مايقارب ال500 مره فاليوم اجد زوجي لينا معي مبتسما لي ...هادئا ...كما اريد .... فرج الله همك اخي ولهان فان لم يُفرج همك ...سيزيدك الاستغفار قوةً الى قوتك ....او ربما يرزقك الله اموالا ً وبنين .......... |
لا حظت في بعض الردود ان من قام بالرد لم يطلع على الموضوع بشكل كامل ويأتي الرد مغاير عن ماطرح ... وبعض الاخوة يتكلم عن اشياء كتبت في موضوع سابق ويأتي بها معكوسه ... مثل موضوع التدخين فقد كان استشهاد وقبله تم شرح ماهو مطلوب لانجاح ذلك وانا متأكد انا ماقمت به لم يكن خطأ .
|
بصراحه ما ادري انت غريب وزوجتك اغرب منك لو ماتبيها ليش جبت منها عيال وهي لو ماتبيك ليش جابت منك عيال بصراحه وضعك غامض وغريب يا اخي خلها تسجل ي المنتدى وخلها تقعد معك على النت دامك ماتسوي شي غلط وبالمناسبة انت واياه يبي لكم دورة عن الحياة الزوجيه وكيفية التعامل مع بعضكم البعض
|
مع أم جمااااااااااااااااااانه هو عين العقل
ويارب ييسر أمورك ياأخى |
ام جمانه
لو كانت تعرف للنت لجعلتها تسجل وتشارك ... |
اخي الكريم طيب علمها على النت خلها تستفيد في اشياء كثيرة راح تنفعها صدقني
هي تصرفها غلط التمس لاخيك سبعون عذرا بعد انت المفروض تقول لها وين القهوة مافية شيء عاد اي وقت تحب تشرب تسوي الله يعافيها او مثلا زي ماقالواالبنات يمكن تعبانة مش لها هالموقف واذا تكرر ادبها الله يسعدكم ويصلح اموركم ياكريم ويجزاك خير |
سبحان الله انا تمنى زوجي يطلب مني اسوي شاي اوقهوه تلاقيني طيران على المطبخ
لاني مفتقده هالجلسه من ايام اهلي الله يذكرهم بالخير ممكن جلستك للقهوه ممله (خلني صريحه) ممكن انك تقرا الجريده وتسولف بالجوال ولاعلى النت فما صار للقهوه طعم وقت القهوه تفرغ لها وللعيال تفرغ كامل واترك اي شي بيدك وسوالف ونكت وتدريس وتسميع للعيال والله ماينسونها العيال طول حياتهم الله يرحم ابوي ويسكنه فسيح جناته ويخلي لي الوالده ويذكرها بالخير وبالنسبه للاكل من برا خلك حازم وما في اكثر من مره بالاسبوع لانه بياثر على عيالك اذا مااكلو اكل صحي من البيت |
زوجتك مرة متهاونه بردة فعلك
|
اقتباس:
|
صحيح انه شي يعصب يوم انك تراعي ظروفها وتجيب لها غدا من بره وعشا من بره ... وهي تستكثر عليك فنجان قهوة...
لكن احس انو الموضوع ما يستاهل ... يعني كان بالاحرى انك تذكرها بعد 10 دقائق وتصر على القهوة وتفهمها في وقتها انه من غير الممكن تجاهل طلباتك وإلا فإنك سوف تتجاهل طلباتها... من رأيي خلي الموضوع يعدي ... بس لو اتكرر اتخذ موقف في نفس الوقت ... يعني في مواضيع لازم تنحل في وقتها حتى لا تتراكم وتسبب مشكلة اكبر |
يا اخي والله احيانا زوجي يطلب مني شي واسوي نفس حركة زوجتك
يعني اقول اللحين وما اقصد فيها شي واروح على المطبخ على شان اسوي اللي يبيه وانط في شغله ثانيه وانسى من شغلته بسبب الارهاق ويرجع ويذكرني فيها يمكن زوجتك مثلي خذ بقول ام جمانه لانه عين العقل |
ياخي يمكن تكون فعلا تعبانه ومو قادرة تسوي لو انت اللي صاحي من الصبح وتكرف في شغلك وراجع البيت تعبان وطلبت منك زوجتك اي طلب حتى لو كان تغير لمبة او تمسك واحد من عيالك على ماتخلص شغلها او طلبت غرض تجيبه لها من برة كان على طوووووووول من غير تفكير اجلت الموضوع وقلت بعدين بعدين تعباااااااااااااااااااااااااااااااااان خليها وقت ثاني لكن هي حرام تقول تعبانة والله ياخي احس انك قاعد تدور لها الزلة والا تبغى تمسك عليها شي عشان لا تقع موقف الملام الله يهديك اخوي الحياة مهي كذا صراع بينك وبينها الحياة تفاهم وتعاون وحب واعتقد ان هذا الشي مفقود بينكم وايضا [color="red"]التفاهم[/color]
اخوي صحح الخلل اللي في بيتك وابدا بنفسك فانت اساس البيت وعموده اذا صلحت راح يصلح وخذ الامور بسهالة زي موضوع القهوة كان ممكن لما قالت لك الحين قهوة كنت على طول قلت لها معليش حبيبتي نفسي اشربها من يدك الحلوة والله اني طول الطريق وانا تذوق قهوتك اللي لايعلى عليها ياناس مافي وحدة في الدنيا تسوي زي قهوتك ومن هذا الكلام المعسول صدقني راح تبرد قلبها بهذه الكلمتين وتروح جري على المطبخ تسويلك قهوتك ومعاها حلى كمان بس اللي مو بخيل ماديا يكون بخيل عاطفيا هذه زوجتك حلالك تبخل عليها بكم كلمة حلوة .. ولنفرض ياخوي انها ماسوت قهوة سواءا نسيت ولا ماتبغى تسوي لانها تعبانة او في بينكم موقف وعتبانة عليك .,, ياخي خذ لك عشر دقايق وروح لها المطبخ وقول لها ها حياتي اخبار القهوة وايش صار عليها تحبي اساعدك تبغي شي عالقهوة حلى شوكولا اروح اجيب لك مع كم كلمة حلوة, ضمة, بوسة .. صدقيني مع الايام راح تلقى نتيجة معاملتك هذه وتكون حياتك حلوة وسعيدة ومستقرة لانك مخلي نفسيتها مستقرة .. والله يسعدك ويوفقك اخوي طولت عليك في الكلام بس اتمنى اني افيدك ... وردد(اللهم سخر لي زوجتي واجعلها سكنا لي وسخرني لها واجعلني سكنا لها واجعل بيننا مودة ورحمة ) |
أخي انا اللي فهمته من موضوعك انه انت متضايق منها لأنك طلبت منها فنجان قهوة و هي مشيت و طنشت
هل هذا صحيح ؟؟ اذا كانت هذه هي المشكلة فلا أرى أنك تكبر الموضوع أنا هذا الأمر يحصل عندي كتير زوجي مدمن قهوة و كثيراً ما يطلب مني أعمله قهوة في الليل أقوله الآن بقلي ايه بقله اوكي و كتييييييييييير صارت معي اني بعد ما روح للمطبخ بنية عمل القهوة أجد ما يشغلني و أنسى و زوجي بقلي شو صار بالقهوة المغزى من كلامي هو لماذا افترضت انه زوجتك طنشت كلامك و ما افترضت انها نسيت ؟؟؟ و على فرض انه زوجتك ما عملت لقهوة أكيد هي مخطئة و لكن ربما تكون انت الذي أخطأت أولاً فلا أرى أنك تعمل مشكلة لأنها طنشت طلبك بالقهوة لأنها فقط أرادت أن تنبهك أنها غاضبة بدون أن تتكلم (الظاهر طبعها السكوت عند الغضب متلي !) و انت بدورك روح لعندها و قل لها انا فهمت من تطنيشك لطلبي أنك غاضبة ممكن حبيبتي أعرف السبب ؟ و اجلس معها جلسة صراحة و لكن لا تتوتر و انت تتكلم و تعتبر موضوع فنجان القهوة اهانة او ما شابه وان شاء الله بتنحل الأمور بينكم انت بس خلي زوجتك تفتح لك قلبها و تقول اللي فيه و انت بالتالي انصحها و اشرح لها ظروفك بالتوفيق |
اخي لا تزعل مني هذا كله زعلك ليش ماعملت قهوة كل الرجال كذا لو مرة شالوا عن الست حاجة بدات الطبيخ لو جاب لها من بره خلاص لازم تعمل وتعمل انا ريحتها من الطبيخ حرام عليكم انا زوجي اذا قلتله بدي غذاء من بره تغير يقولي ليش غداء من بره انا هذا الاسبوع ماشفتك تتعبي في البيت كانه لازم اتعب واعمل عشان ليش بيجلب لي غذا من بره
|
بعد اذن صاحب الموضوع
اتوقع اخواني انكم فهمتوا الموضوع خطأ هو كتب هذا الموضوع ليبين لكم مثال على كيفية تعامل زوجته معه حين يطلب منها اي طلب و مثال على كيفية ردة فعله اتجاة اي تصرف تتصرفه زوجته طبعا هذا استنتاجي من خلال مشاكلة القديمة المستمرة يعني اللي ما يعرف موضوع الاخ ولهان راح يفهم انه مكبر المسألة ...مع ان المسأله من خلال كتاباتة كبيرة جدا هذا والله اعلم |
كل يوم ازيد اتاكد ان هناك نعم لايقدرها اصحابها وكما يقول المثل الصحة تاج فوق رؤس الاصحاء لايراها الا المرضى
|
بكل صراحة..لما دخلت حضنتها؟؟قلت لها عند طلبك: ممكن قهوة من يدينك الحلوين؟
حبيبتي حاب اتقهوى معاك؟ كن صارما انت سلبي انت مفرط هي تستهين بك..<<جميعها عبارات تزيد من المشاكل..وتدفعك لتصرفات خاطئة.. عزيزي..المرأة عاطفة..وتقتات على العاااااااااااااااااطفة..لاتريد شيئا اكثر من ان تشعرها بحبك وتفهمك لتعبها وتحمل مسؤولية البيت والاولاد وقت غيابك الطويل..ستنسى التعب وتنسى آالامها..وتنام بحضنك هادئة النفس قريرة العين مبتسمة راضية .. تنام على حديث تحدث به نفسها: كيف أسعد حبيبي أكثر؟؟ تمنياتي لك بحياة زوجية موفقه..ولاتنسى..الحياة واحدة..وقد يسبق احدكما الآخر الى الحياة الأخرى..فدع لنفسك اطيب الذكرى..عشها هانئ النفس فماهي الا دقاااااااااااااائق وثواني |
ام جمانه استهدي بالله ولا تفهموني غلط ... السبب في تأخري بالرد هو لقلة دخولي النت لا أكثر ... بسبب تغير الشفت عندي فعملي حالياً فترة مسائية وصاير مره مضغوط ...
احترم وجهة نظرك ولو كنت اعتبر نفسي صح مليون بالمية لماذا المعاناة اذا ولا تنسي بأن الصراخ على قدر الألم قد لايكون ألماً أعاني منه الآن فهو قد يكون ألماً أخفيته أو تجاهلته لعل السنين تنسيني اياه ألم سنين راحت ... وكان الأمل لعل وعسى ولكن ثبت أن الأمل بالنهاية هو الألم لأنني لم أتمنى إلا زوجة بحنانها تغمض عيني عن سواها زوجةً تكون كلماتها الرقيقة ناقوساً يدق في فكري وقلبي يستحثني للعودة اليها زوجة تتجمل لي ولا تتجمل لمناسبة ستحضرها زوجة اذا اهديتها ان لم اسمع شكراً بإذني أحسستها شكراً بقلبي أو قبلةً على شفتي زوجة اذا جن الليل وسكن أسكن اليها اضمها واحتضنها اشبع رغبتي بالحلال ولا أكون عرضة لهفوة نفس تصادف لحظات جوعي الطويلة زوجة تحسسني بالتفاؤل وترى جميع ألوان الحياة من الأبيض للأخضر للأزرق للزهري ولا تكون الحياة في عينيها ونظرها مجرد سواد كالح حتى انفجرت في وجهها يوماً من الأيام صارخاً هييييييييييييييييه كرهتيني بالحياة هل الدنيا مافيها الا السواد اللي مو شايفه الا انتي وبتنقلينه لي والحياة بنظرك ان الواحد بس يعيش عشان ينتظر ملك الموت متى يجي زوجة اذا تعبت حست فيني ما هو تقول لي ايه انت مرضت شفت ماخليت مستشفى مارحت له وهو كذب اقول لها مارحت لمستشفيات رحت للصيدليه بس تقول رحت لصيدليتين ماهو وحده قلت الدواء هذا ماكان موجود بالصيدلية الأولى ومريت الثانية على طريقي والا اثناء ماكنت اتلوى من المغص الكلوى واستعجلها بالاتصال على اخوتي لأنني لم اكن قادراً على الوقوف تفتح محاضرات وتذكير بالموت وانها هذا اللي هي خايفه منه انه يصير فيها وعلى الأقل انا اخواني يودوني لكن لو كانت هي من كان بيوديها زوجة تحس ان احترامي لأهلها والأحساس فيهم من امها لين خواتها هو عشانها هي ولأجل عين تكرم مدينة .... تقولون ليش لما بغيت القهوه ماجيتها بالمطبخ واحتضنتها ... ورب الكعبه اني احتضنتها وكان ردها والله انك فاضي !!!! وبعدها طلبت القهوه وقالت قهوه بها الوقت وعديت الليله الأولى على خير .... وبالليلة الأولى كنت طالب القهوه الساعه 10 الليلة الثانية طلبتها 11ونص وقالت قهوه بالوقت هذا قلت ايه بالوقت هذا والا الساعه 1 والا 5 الفجر القهوه متى ماحبيت اشربها اطلبها وماعلي من الوقت اذا كنتي تشوفي انه مو مناسب للقهوه الوقت هذا انا ماطلبت منك تتقهوى انا طلبت قهوه وبس ولا سألت عن وقت وغيره ... وراحت سوتها ... انا مايخفى على اسلوب الرد والا الجدال والا القوة لكن انا ما احب الطريقة هذي فلو ماكنت ابي القهوه ماطلبتها ولا يلغي رغبتي عدم اهتمامها ولكن بدل ماكانت بطيب خاطر ونفس وش ابي فيها أما مايخص اني اعلمها النت زوجتي مستحيل تتعلم النت ... لأنها أولاً غير متعلمة وتقرأ ببساطة ... اما ما يخص الثقافة الزوجية كنت احضر لها كاسيتات وكتب عن الحياة الزوجية ولكن لا تعيرها أي اهتمام .... انا كتبت الرد الطويل هذا لأجل بس اوضع اني لست جلف أو متعالي أو على قولتكم انشغل وقت القهوه بجريده والا نت الا جالس بينهم ساكت احيان اذا سولفت معاها عللكن انا اريد والله يريد ويفعل الله بنا مايريد .... |
اقتباس:
وانت انتبه لاتسمع كلامها لا حظت انك لما اتهموك الاعضاء بالضعف رديت عليهم وقلت انا اضرب زوجتي وكأن الضرب هو القوه في نظرك قوة الشخصيه بالحزم وليست في الضرب الضرب يولد العناد |
المراة المسلمة الصالحة واجب عليها طاعة الزوج كيفما كاااااااااااااااان تصرفه و ما فعلته زوجك غير صاااائب و لمحكمتكم واااااسع النضر:11: |
صراحة
حالة عجيبة انا أقول ممكن الرجل يكون كذا لكن حرمة اسمحي لي انها جاهلة بالنعمة إلي عندها وانها غير متعلمة هذا عامل كبير جداً الله يعوضك خير |
اخوي الله يهديك هونها و تهون
وللمعلومية متى ما حست الحرمة بالخطر تتغير لو كانت اميه ومن العصر الحجري بس سولف لها عن صديق تزوج على زوجته و الجديدة عملت وعملت وعو يقول توني عشت راح تتغير و تسوي الاشياء اللي سمعت ان زوجت صديقك سوتها سايرها و حاول تعذرها |
ياخي لو ما تعرف بالنت انت فيك البركه جلسها على رجليك وافتح موضوع رومانسي بحت وقلها يلله يااموره نطبق
ّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّ ّ الكلام هذا طالع من وحده تذوب من الرومانسيه مه واحد عنده ان الرومانسيه وابسط الحقوق الشرعيه لي ماهي مهمه الله يستر علي وزوجتك اتوقع ان هذي الثقافه ماخذتها من العائله على العموم انت كرر الحركه هذي معها وافتح مواضيع الدلع و كيف تدلعي زوجك وانتبه تقعد تقول لها شوفي الله يخلف علي وراك ما تعرفين لا بالعكس انتي اكثر وحده تناسبها الحركات هذي ؟انا كل طلباتي القاها هنا عندك يازوجتي ؟زميلي لزم علي اتقهوا عنده بس قلت لا ما يركد راسي الا قهوه من يد هالقمر وانت وشطارتك يعني السالفه كلها تلميح في تلميح |
| الساعة الآن 08:39 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©