|
هل أصرف نظر عنها ام أكسبها ؟
سلام شباب
عندي مشكلة عويصة...ياريت اللي عنده خبره في هاي المجال يعطيني الحل القصة بدت انه انا نويت اخطب والحمدلله..والاهل شافو لي بنت الحلال المهم لماقابلتها مع اهلها كانت تستحي وماتكلمت وابوها وامها قالو لي انهم موافقين بس يبون راي البنت.. عموما الابو قالي شوف انت تقدر تتواصل معاها بالايميل!!! واذا ارتحتو لبعض خبرونا عشان نباشر بالاجراءات الرسمية من تجهيزات وخطوبة واذا ما ارتحتو خلاص الزواج قسمة ونصيب المهم انا خذيت ايميلها قمت ارسل لها شخبارك وشمسوية الصبح وهي حضرتها تجيني اخر الليل وترد بكل برود الحمدلله زينة هي مشكلتها انها جميلة زيادة عن اللزوم وكثير كثير تصور في الستوديو حتى لدرجة انها تروح الكوافيرة لازم مرتين في الاسبوع غير جلسات النادي الصحي اللي تروحها..وتمووت اذا احد من صديقاتها خبروها انها جميلة.. كل يوم ارسل لها 5 الى 10 رسايل وهي ترد علي بكل بروود!!! اليوم ارسلت لها رسالة على الساعه 9 الصبح واندصمت انها ارسلت رسالة الى صديقتها معاي بالشغل على الساع 10 الصبح وبدون ماترد على رسالتي... ردت على رسالتي الساعه 6 المغرب... المهم هي قالت لي انها بتسافر اجازة لدولة اوربية 10 ايام خلال يومين انا خبرتها عندك ايميل هناك؟؟قالت لي لا قلت لها طيب كيف راح اعرف اخبارك؟؟ قالت لي لا انا مسافرة عشان ارتاح وماودي اصدع راسي بهاي الشغلات..انا اساسا مزحومة بالشغل وماعندي وقت نهائيا...لما ارجع بفكر بالموضوع اللي بيننا المهم قلت لها اوكيك اتحملي بنفسك وارجوك فكري كويس لاني ماودي اخسرك.قالت لي اوكي بتحاول.. ياجماعة هل البنت تبغيني؟؟؟ انا شاريها والله وودي اخطبها اليوم قبل بكرة بس خله تعطيني رد.. هل تصرفاتها طبيعية بالنسبة الي؟؟ لاني ما احس اي انجذاب منها الي...انا رسايلي كلها حنية وغزل وهي رسايلها عادية جدا... انا ماقمت انام الليل ..دايم افكر فيها...هل اصرفها خلاص؟؟ او وشنهو اسوي لها عشان اكسبها!!! الاشراف : عذراً تم تغيير العنوان كي يتناسب مع المضمون , بالتوفيق |
نصيحة مني لك اخي اثقل شوية
والجميلات ما خلصو بالدنيا يعني مش عشان جميلة تخليها تشوف نفسها عليك الزواج قسمة نصيب يعني انت تقدمت لها خلاص ماله داعي اصلاً التواصل خلي عندك ثقة في نفسك وما تخلي جمالها ياثر عليك اذا تبيك يردون عليك بالموافقة او الرافض ومثل ما قلت لك الدنيا مليان نساء جميلات يعني هي او غيرها لا تظل وراها وتشعرها كأنة مافي غيرها ولو هم شارينك بيوافقو ماله داعي يقولون لك تواصل معها ومدري شو اقتباس:
أسال الله ان يوفقك بمن تسعدك وفي الاول والاخير لاتنسى اهم شيء الاستخارة بحفظ الرحمن |
اولا أسأل الله ان ييسر لك الخير حيث كان
ثانيا اخي الكريم انا مو فاهمه هل هي عاداتكم كذا ان يتواصل شخصان ليس بينهما علاقة شرعيه تربطهما ببعض بحجة ان يتفاهموا هل يناسبون بعض او لا ؟؟! ان كانت كذلك اتمنى ان تبحث عن الاحكام الشرعيه في هذي المواضيع ...انا اللي اعرفه ان التواصل يكون بعد عقد القِران وليس قبله ... على العموم الله ييسر لك كل مافيه خير لك ... ارجع استخير الله قبل اي خطوة تخطيها ... |
الأخت مغترة بنفسها و إنت تزيدها غرور أكثر
أثقل شوي الحرمة ما تحب الرجال اللي زي كذا و خاصة من جملتها اللي قالته لك فهي شايفتك ميت فيها |
شوف هذا وانت مسمي روحك جمبازي
وخليتها تجمبز عليك ^.^ اسفة بس امزح بس جد اثقل مثل ماقالت لك حنين وماعتقد انه في داعي تتواصل بالاميل دام سويتو مقابلة وخلي كلمات الغزل والحب والرومانسية بعد العقد لانه فوق انه الحين مايجوز بعد راح تفقد رونقها بعد الزواج خلك تكاااااانة علشان ماتحسك ميت عليها وتضطر غصب عنك تخليها تشوف حالها عليك خلاص لازم يحددون موقفهم ويعقلوها ويتوكلوا انت يوم كلمتها و حسيت منها قبول على طول تكلم ابوها وتقول انك موافق جواب نهائي وانك والحين تعطيهم مهلة مثلا اسبوعين او اسبوع يردون عليك نهااائي علشان تبدون بعد الشهرين هذولي في الترتيبات للخطوبة والله يوفقك ياولد بلادي لاني ماقدر احكم على البنت هل هو غرورو فيها او حياء بس الله يوفقك لكل خير |
اقتباس:
وانا مع رأيك اختي ... |
أخى بدام لم يتم الرد بالموافقه الفوريه او بعد أسبوع أنسحب
بنات الناس كتير الجمال نسبى وبعد العشره كل الحريم بتتشابه كلهم زى بعض جميله ولا شينه كله واحد المهم الاخلاق والطيبه والدين طبعا وربك ييسرلك الخير حيث كان سواء مع هذه الفتاه او مع غيرها وخذ اللى تشبع عاطفتك ماتتقل عليك لأنها جميله :22: |
يقولون في الامثال انو الثقل صنعه
ارسل لها ايميل علدي جدا وقل لها انا ناطر جوابك ولا ترسل لها غيره ابدا واستخر رب العالمين كل يوم لحين عودتها ثم اطلب من والدتك انو تتصل فيهم وتطلب الجواب الله يقدم اللي فيه الخير لك ولها انا اكيده انها تقدر تفتح الايميل في اوروبا او غيرو الجمال جمال النفس والقلب وهذا لن تستطيع ان تحصل عليه او تكتشفه الا بعد العشره استخر ثم استخر ثم استخر رب العالمين |
شباب الخوف اني اتثيقل عليها اشوي وتروح من يدي!!!
|
كنسل نصيحه هذي ماعندها اخلاق
وبعدين وش هذي الطريقه مع الخاطب يعني الايميل صار هو المقياس شوف لك ناس تثمن الرجال مو يخلون الرجال لعبه في ايد بنتهم عشان فيه شويه جمال اظفر بذات الدين تربت يداك ولاتنصدم مارح توافق عليك الجواب مبين من عنوانه لاتزعل من الصراحه يابخت من بكاني ولاضحك عليه الناس |
اول مره اسمع فيها بمجتمعنا الاسلامي
تتواصلون عبر الايميل هذوم ناس باينتهم يضحكون عليك اسمع نصيحتي وااعملها---- delete----- واضح انها ما تبيك واهلها يمكن استحو يرفظوك وجهاً لوجه فخلو بنتهم تقوم بالواجب بعد ما تلعب على اعصابك شوي واذا كانت فعلاً تبيك راح تركض ركض وراك لو طنشتها اظفر بذات الدين تربت يداك والجميلات ما خلصو من الدنيا |
الثقل صنعة
اثقل عليها يا اخي وبعدين بصراحة لما تشوفك ما تراسلها يومين او 3 تسير هي بدها تراسلك عشان بتخاف تطير من ايدها وبعدين اللي خلقها خلق غيرها واسفه بس اللي مو مهتم فيك لا تهتم فيه
وصدقت الاخت اللي قالت الحريم بعد الزواج بتتشابه الحلوة والبشعة بس المهم الاخلاق .. بعدين في مثل بقول خوذ اللي ميت عليك ولا تاخذ اللي انت ميت عليه لانه هو لانه بحبك رح يهنيك اما ازا انت بتحبه شو ما تعمل ما بيعجبه فهمتني وخبرنا بالله عليك شو بصير معك |
اخي الكريم
اعلم انك اذا استمريت معها وهي بهذا الاسلوب سوف تتعب معها كثيرا سوف تسهر وتتالم وتعطي ولا تلقى مقابل وبالتالي تتعب اذا كنت على استعداد بان تبيع قلبك واصل معها واذا انت شاريه قل انا كريم بمشاعري وسوف ابحث عن انسانه كريمه تستاهلني اتمنى لك التوفيق |
اقتباس:
|
والله شكلها شايفه نفسها كثير
شوف اخوي البنات دايم يثقلون على الشباب الميتين عليهم وراح تتعبك كثير لو اسستمريت معها بهالطريقه المثل يقول "الشيء الي تخاف يضيع من ايدك آارميه مره ...آذا رجع لك فهو لك طول عمرك ...واذا مارجع فهو لم يكن لك بالاساس " ترا البنات الحلوات كثير |
مشكورين ياجماعة على ردودكم الحلوة والتي كانت فعلا في محلها
بس حبيت اخبركم انه والدتي تكلمت مع والدة الفتاة وتم انهاء الخطبة رسميا والحين كل واحد في حاله... انا تضايقت اشوي بس الحمدلله اليوم احسن والحمدلله على كل حال...البنت لو تبغاني كان اصرت اني اخذها بدل ما تقبل الانهاء بهذا السهولة والسلام عليكم ورحمة الله وبركاته |
الله يعوضك باحسن منها
ردد هذا الدعاء الله يكتب لك الخير وان شاء الله باسرع وقت تخطب وتسعد انما طلب صغير لا تيأس ابتسم وقل لو كان خيرا كان الله يسره لي |
ربي يعوضك ان شاء الله
بالي احسن منها صحيح كلامك لو كانت تبيك اصرت عليك يالله الله يستر عليها والله يرزقك بالي احسن انت احسن النية برب العباد وان شاء الله ماتشوف الا يسرك وربي اكرم الاكرمين والخيرة فيما اختاره الله لك |
عسى أن تكرهوا شئ وهو خير لكم
الله يوفقك ببنت الحلال اللي تسعدك |
خيره من الله والله يعوضك بأخير منها ،،
موفق أخوي . |
حبيبي
صحيح اني بدوي، وعندي عادات وتقاليد ، ولكن بقولك رأيي ، واتمنى تتقبله بكل صدر رحب. انت في الاساس غلطان، غلطان لما قبلت با الايميل او رسايل الموبايل. حبيبي مادام ان ها الاسلوب عادي عندكم، ورى ما طلبت (منها) انكم تتقابلون وتقعدون مع بعض وتسولفون وتتناقشون وتشوف البنت وتشوفك ، وتعرف وشهي من لحيه. اما اسلوب التمغّط والتمطّط ، هذا من اهم اسباب اختلاق المشاكل قبل الزواج ، فما بالك ببعد الزواج ، واتحدى اي شخص يقولي غير ها الكلام، لأن هذا وللاسف الواقع الي نعيشه. حبيبي: كلنا ندري ان البنات يتدلعون ويتغلون ، ومن حق كل بنت كذا ، ولكن موب لهدرجه انها ما تفكر في الموضوع اثناء السفر ، الا اذا كانت سفرتها لحل مشكله اسرائيل وغزه ، هنا ممكن نعذرها. بعد الزواج خلها تتدلع وتتغلى الين تقول امين ، ومالها الا الي يوصلها السماء من الي تبي. حبيبي: ضبط امورك ،، واحسب امورك صح ، قبل لا تقدم على شي، ما اخفي عليك اني شخصياً مانيب مرتاح للشغله من الاساس وخصوصا لما قلت لي انه البنت ( بتسافر) وخصوصاً اذا كان ما معاها محرم ، فهذا بحد ذاته فعل يخالف الشرع. على اي حال ، انا اتكلم من من وجهة نظر خاصه. الي انصحك فيك شيئين : تستخير العالي الوالي سبحانه. وتستشير شخصين الى ثلاثه ولا تتعداهم ، اهم شي يكونون من تثق فيهم، وثقه عمياء ، مثل الوالد ، واحد اخوانك، وطالب علم. صدقني راح تعرف وش تسوي بعد هذا ان شاء الله الله يوفقك :( |
,
, الحمد لله الذي عافنا مما ابتلاها به فر منها فرارك من الأسد هل تعتقد ان امرأة تذهب مرتين للكوافيرة غير النادي الصحي سيكون لزوجها وقت للاهتمام به وبالمنزل وفي تربية الأبناء الحمد لله البنات ماخلصو والجمال هو جمال اروووح اما الجمال البدني والوجهي فليس فيه فائدة ان لم يكن هناك رووووح جميلة , , |
ياجماعة ردودكم كان لها اثر نفسي كبير جدا
مشكورين وماقصرتو والله فيكم الخير |
البنت مغرورة وتستمتع بملاحقتك لها اثقللللللللللللل عليها ولو راحت عليك لا تتحسر لأنها لو تبيك أقبلت عليك والمرأة عموما ماتقدر تكتم عواطفها والمكتوب مبين من عنوانه وأحيانا الجمال مشكلة وأنت قلت ذلك في كلامك
|
كلام الاخت صبا نجد صحيح 100%
|
يا جماعة
الأخ يقول إنه الخطوبة ( انتهت ) رسمياً ،، و إن شاء الله خيرة من ربنا و ربي أختار له اللي فيه الخير إن شاء الله |
الحمد لله
لعل الله اراد بك خيراُ حينما صرفك عنها وصرفها عنك |
قال رسول الله صلى الله عليه و سلم : الدنيا متاع وخير متاع الدنيا المرأة الصالحة
و قال ايضا صلى الله عليه و سلم "تنكح المرأة لأربع : لمالها وحسبها وجمالها ولدينها فاظفر بذات الدين تربت يداك" |
الله يعوضك خيييييييير عنها يا رب..
والحمدلله انه الموضوع انتهى من بدايته لانني على ثقة أخي الكريم أنك ان تزوجت هذه الفتاة أو واحدة بنفس تفكيرها فلن تكون سعيد.. ونصيحة اخي للمرات القادمه,, اظفر بذات الدين تربت يداك.. وخذ اللي تحبك وتهتم فيك .. مش اللي تشوف حالها عليك.. وخذ العاقله المتزنه .. مش اللي كل يوم في الصالونات لا تبحث إلا على جمالها وشكلها وبس.. وفقك الله تعالى .. الله يرزقك يا رب باللي تسعدك وتهنيك.. :22: آميييييييييييييين .. |
| الساعة الآن 11:39 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©