:22:حبيبتي انا كانت عندي مشكلة شبيهة بمشكلتك ابني من اول ما ولد وشغالة ام زوجي بتلاعبه ونحن ساكنين بنفس العمارة لذلك تراه يوميا ساعة او ساعتين حسب الظروف المهم هلا صار عمره سنة وعشر شهور بس من لما صار عمره 11 شهر صرت احس بتعلقه بها لانها تعرف كيف تلاعبه وانا ما كان عندي طولة بال للعب مع الاطفال المهم صرت اكرهها واكره حقيقة ان ابني متعلق بها لانه صار يقولها ماما المهم ما اطول عليكي صرت احس لو انا رايحة ع البيت ونحن عندهم ابني يبقى معها وما يقبل ييجي معي ويبقى يبكي فصارت تطلع هي كل الدرج عشان تعطيني اياه ع الباب المهم ،، ما اطول عليكي اجت عمته وهو يحبها كثيرا ومتعلق بها كثيرا وهي دارسة تربية طفل وتحب الاطفال كثير وتقول لي انتي ابنك مش متعلق فيكي لانه بده حنان حني عليه حبيه من قلبك حتى لو الان مثلتي انك بتحبيه وتهتمي فيه لقدام بتلاقي نفسك عن جد بتحبيه حاولي لاعبيه اطعميه بحب مش لانك عندك واجب لاعبيه غيريله بحب لا تصرخي عليه طولي بالك ونفسك عليه المهم صرت ما اصرخ عليه احاول الاعبه كذلك قالت لي بوسيه كتير الاطفال يحتاجون للحنان،،اوكي المهم اعبطيه خديه السوبرماركت اشتري له شوكولاته وشبس وهيك اشياء عملت كل اللي قالته صرت احس ابني بحبني كتير يركض علي ويقولي (بيبي) يعني حبيبي ويبوسني واحس انه بطل يحب الشغالة صارت تمرق من جمبه ازا حكت معه شي يلعب معها دقيقة او دقيقتين ويتركها ولو تركته عندهم وطلعت وسكرت الباب يبدا يصرخ ماما ماما ماما وما يبكي حتى افتح الباب واخذه حتى هو بحب عمته كتير لانها تاخده مشاوير وتشتريله شبس لكنه بطل يقبل يروح معها الا يمسك ايدي عشان اروح معهم وازا اخدته بالغصب يبقى يبكي لما يرجع عندي او اروح معه،، المهم الخلاصة انا فكرت بنفسي انه ما حدا جبرني انجب هالطفل الجميل ولكن كان اختياري وكنت سأكون حزينة لو ان الله لم يقدر لي لا سمح الله بان انجب لذلك فكرت انه لازم اتحمل مسؤولية قراراتي وبصراحة انا كنت احس ابني عبء تقيل على ظهري طلبات واحتياجات كثيرة لكن لما صرت افكر بطريقة ايجابية انه ابني قطعة مني وتحتاج الى العناية والرعاية الكثيرة ليصبح انسان كامل لانه ازا لم ياخد الحب اللازم يصبح عنده مشكلات بس يكبر ففكرت انا مسلا ح اطعميه الاكل سواء وانا متدايقة او وانا مبسوطة ومن اول ما انولد كنت متدايقة وما استفدت حاولت ازا اكون مبسوطة فلقيت انه انا بالحالتين ح اطعميه بس ازا كنت مبسوطة ومرتاحة سيكون له فايده لابني ولي صرت احس اني بحبه اكثر من اول حتى بصراحة كنت احس ان انا ما عندي جينات الامومة احس اني قاسية مش عارفة ليش بس الحمدلله عم ينصلح حالي ابني اكتير بحب اللعب بلاعبه بس برضه لازم الاعبه اكثر وانا بحاول اعمل كل شي قالتلي اياه عمته وصرت احس انه بنتقرب لبعض اكتر ولسا بدي كتير شغل لما اصير ام جيدة واتمنى لك التوفيق معلش سامحيني للاطالة بس انا حسيت انه نفس الارق اللي كان عندي هو عندك والله الموفق .
فاتن