|
دلوني على مطاعم بجدة مقبولة الأسعار ومافيها اختلاط
بارك الله فيكم أرجوا ان تدلوني على مطعم بجدة لأخذ زوجتي وأغديها فيه بس يكون أسعاره عادية ومافيه اختلاط |
في مطعم ناندوز بشارع التحليه وشارع صاري بس انا يعجبني الفرع اللي في صاري اكتر لأنه اوسع وممكن يحطولك برافانات
حول الطاوله للمزيد من الخصوصيه ... في كمان ابل بييز في شارع الامير سلطان اللي عند حراء افينيو حلو كتير .. |
اقتباس:
شوف يا اخي هذي اقتراحاتي لك و انت اختار اللي يريحك اذا تحب مشاوي عربية عندك فاكهة لبنان(شارع التحلية امام ايكيا) جلساته حلوة و مقفلة و اكله نظيف و لذيذ و اسعاره معقولة و اذا مشاوي تركية مطاعم الفيروز فرع شارع حراء و حي الصفا المطعم رخيص و اكله رهيب جدا(خصوصا طاجن اللحم بالجبن و الاسكندر) و جلساته مغلقة و لكن ما اشوف انه ما يناسب مخطوبين لانه جلساته مو قد كذا او شامي اللي عند مركز الجمجوم في الحمرا جلساته مقفلة ونظيفة و اكله رهيب و لو انك تحب الأكل المكسيكي و الامريكي و مستعد تدفع شوية زيادة عندك ابل بيز و شيليز و فرايديز و روبي تيوز داي و كلها في شارع الاندلس (جلساته ليست مغلقة و لكن في وسط الاسبوع فاضي و تقدر تدبر حالك بمكان منزوي انت و ست الكل و شيليز فيه جلسات خارجية حلوة على الحديقة و العاب الاطفال و لو تحب الاكل التايلندي و الشرقي عندك مطعم الخليج الصيني معروف جدا و هو في الروضة و لكن اسعارة مرتفعة شويتين بس الصراحة اكله روعه و جلساته مقفلة في المطعم التايلندي في حراء على نفس شارع الفيروز و جلساته مقفلة كمان و ارخص من الصيني اكله جيد و رخيص و انا و زوجي نعشق شوربة التم يم روعه و اغلب اكله بحري هذا كل اللي على بالي و انت اختار اللي يريحكم و الله يوفقكم و يسعدكم |
اذا رحنا جده لازم نمر مطعم اسماك اسمه بن مهري
هو عباره عن محطه واستراحه وجلساته مره حلوه ثيل ودكات ودورات مياه اطلب منهم سمك ناجل خيال ورز صياديه ولا تنسى الطحينه حقتهم |
اقتباس:
و بالاضافة للناجل اطلب كلماري مقلي و جمبري اما مشوي ام مقلي كبير روعة انا اقترح لو محطات يروح اما اسماك الساحل الغربي او العنبرية اللي في طريق درة العروس صح المشوار بعيد و لكن لو تعرف الطرق المشوار يستحق التعب |
فيه مطعم عند دوار التاريخ اسمه (خيال)
الأكل فيه لذيذ (تركي ولبناني) اما بالنسبة للجلسات فهي اكثر من خصوصية |
بدل بن مهري
فيه القلزم والسامريه واكوا بارك هذي بالنسبه للاستراحات للاسماك مره حلوه وفيه خصوصيه بزياده اما المطاعم فعندك الشموع الحمراء شارع التحلية وممطاعم ابو زيد هذي للتميس والفول والعريكه والمعصوب ولا احلى واسعاره مره طيبه موجود على كورينش جده وفيه مطعم الجزيره المفقوده في الحمراء هذا فيه شيشه والوضع مفتوح نوعا ما بس مرررررررررررررررررررررررررره روعه وينفع للي توهم متزوجين وفيه غوزي في شارع حراء ومطاعم ابو شقره ووالبيــــــــــــــــــــــــــــــــــــــــــــ ــــــــــــــك الي ما لاهل جده غنى عنه وغني عن التعريف وبصراحه جده مليااااااااااااااااااااانه مطاعم في كل مكان راح تلاقي يعني ماراح تتعب باذن الله اسال الله لكم التوفيق والسعاده في الدارين |
والله انتم قاعدين تدلو الرجال على محلات مره ما تنفع لمخطوبين ولا هي رومانسيه ولا شي
المشكله يا اخي انه المطعم الرومانسي الي تاخذ خطيبتك فيه لازم تدفع فيه اما اللي اكله رخيص تلقى قعداته مش ولابد وغير مناسبه للكتاكيت المتزوجين جديد.. اذا ناوي تدفع عندك مطعم لاكوزين (فرنسي) رومانسي على ضوءالشموع والاضاءه رائعه خفيفه تلقاه بشارع فلسطين عندك الجيبيانو امام ميدان النورس في الكورنيش عندك مطعم الشرافه في شارع حائل <<< هذا غالي مره بس عليه جمبري خطيييير طبعا هذول فيها اختلاط ولكن اذا رحت بوسط الاسبوع او بوقت بدري ممكن تلقاه فاضي وتختار المكان اللي يناسبك وترى جده المطاعم المغلقه فيها غالبا شعبيه وجلساتها مو حلوه وانت وذوقك وظروفك اختار.. الله يوفقك انت وخطيبتك ويقذف في قلبها حبك ويقذف في قلبك حبها.. |
اقتباس:
انا كنت حقول عن هذا المطعم (المدينة المفقوده_lost city) لكنه طالب محلات مغلقة و هذا الكافيه ما ينفع كله مسخرة و شيش و بنات طول الوقت الصراحة مو مناسب و نسيت اقلك للفطور عندك لو كروسون بفروعه و انا اروح اللي عند ابراج البدرية و كمان دي لي فرانس عالبحر جمب ستار بكس و نسيت اقلك عن كافيه روعه و رايق حتى ان كان فيه شيش بس فيه جلسات مروقة و هو في نفس مبنى المنتزه اللي في التحلية فوق في الدور الاخير الظاهر صاحب الموضوع اتعشى خلاص عشان كده ما يرد لحد الآن |
نقل إلى مكانه المناسب .
|
مطعم السقاله في ابحر اكله كتير حلو
وكنز ابحر كمان لطيف .. والمنظر على البحر رائع ومطعم الودعه بس غالي شوي .. |
الله يوفقكم جميعا ويبارك فيكم
أما المطاعم يليي فيها اختلاط وشيشة وبنات كمان هذا لا ندخله ولن ندخله بإذن الله عزوجل اقتباس:
اقتباس:
أما مطاعم السمك فلست من محبيه أشكركم جزيل الشكر وسأجرب أحدهما وأنقل لكم الخبر |
اقتباس:
الله يوفقك ويبارك فيك المطاعم يليي فيها اختلاط مرفوضة والمطاعم الغالي لاتسمح بها الميزانية وأخاف تتعود عليها ست الكل :d |
السلام عليكم
اغلب الكفيهات او المطاعم الفخمه والراقيه لابد من وجود الشيشه الله المستعان .. ولاتحرم نفسك من المكان عشان الشيشه لاكن اذا كنت تبي مطاعم اسعارها مقبوله واكلهم نظيف الشامي رائع جدا ولو وجدت اماكن مفتوحه افضل لان الجو هذه الايام لايفوت وانصحك بكنز ابحر او الودعه بجانب شاليهات النورس والله يوفقكم ويسعدكم ويجمع بينكم على خير |
اخوي تبي على قد الحال على قولك
خيال بشارع حراء بعد مستشفى السلام وفاكهه لبنان مقابل ايكيا وشامي بطريق المدينه و مطاعم حراء رخيصه وبيت الماكولات الايرانيه وموفق يارب |
الحمد لله ذهبت الى مطعم فاكهة لبنان مقابل ايكيا
وهو مطعم طيب وان شاء الله سأجرب غيره وأخبركم |
اقتباس:
اقتباس:
أرجوا أن تعطوني العنوان بالضبط |
انا اللي رحته فرع مرة نظيف و حلو و مرتب و راقي و طبعا مغلق الجلسات
فرع الحمرا عند بن داوود سوبر ماركت بجانب مركز الجمجوم الكبير اللي مثل الباخرة و امام ابو شقرا بس يا اخي غيرلك شوية يعني الاسبوع الماضي لبناني غير هذي المرة اذا كنت تحب المأكولات الشرقية الصيني و التايلندي انصحك تجرب مطعم الخليج الصيني بحي الروضة راااااااااائع جدا و خصوصيته حلوة و راقي لكنه شوية غالي و اذا تحب التايلندي كمان عندك المطعم التايلندي في شارع حراء و في كثير مطاعم دلوك عليها الاخوة هنا تستحق الزيارة و انا انصحك بما انكم عرسان و انا اعرف العرسان بيحبو السمك و المأكولات البحرية (مو شرط سمك مقلي يعني ) عندك اختيارات من المأكولات البحرية و هي رائعة جرب تروح المطاعم اللي بالمحطات في طريق المدينة زي الرحيلي و الساحل الغربي بس افضلها كللللللللللها و اكلها قمة في النظافة و اللذة هو المرجان جدا جدا لذيذ عنده الكلماري المقلي روعة كذلك الجمبري المقلي و المشوي و السمك المشوي انا و زوجي فاتورتنا اذا مرة جوعانين اليوم كله ما اكلنا ما تتعدى ال200 ريال وصدقني الاكل هناك كثير و وفير و رهيب كمان و بعد الاكل نقول خسارة طلبنا زيادة حق شخصين كمان نطلب انا و زوجي سمكة كبيرة نوعا ما و كيلو جمبري و كيلو كلماري و الجمبري نصه مشوي و نصه مقلي و رز و سلطات و مشروبات هذا كله ل 4 طبعا و جرب كمان الهوري على نفس الخط و قبل المرجان على طول عندهم الجلسات جديييييييييييدة و نظيفة و لسة المكان جديد و عاملينه على-هذا جديد- الطراز المغربي و راقي ارقى من اللي حوالينه و طبعا جلسات مغلقة للعائلات و عندهم الطواجن من المأكولات البحرية شي خياااااال بس جرب و تقول اختي دلتني بجد ان شاء الله ما تندمو تحياتي و وافينا بآخر الأخبار |
اقتباس:
الاكل هناك بيهتم بفئة المدخنين اكثر شي يعني بيطلبو شيشة و ما يهمهم الاكل و كثير اللي يروحوه مرة مكشفين و يا لطيف و كثير طلبات ما يوفروها و اكلهم بالاضافة لسعره فهو جدا قليييييييييييييييييييييييييييييييل يعني صحن صغير متبل معقول سعره يتعدى ال15 ريال !!!! هذا و ما يوكل حتى شخص واحد!!!! الله المستعان و اذا قررتم الذهاب اليه انصحكم بأخذ طاردة للناموس :29::29:لأنه كثير هناك نظرا لوجود الزرع قريب من الجلسات |
اقتباس:
ماشاء الله تبارك الله عندك خبرة بالمطاعم الله يوفقك ويبارك لك في زوجك ويصلح أولادك ويرزقك برهم أن متملك لسى ماتزوجت:( وإن شاء الله سأجرب أحد المطاعم يليي قلتي عليها بس عطيني أحسن مطعم من المطاعم يلي ذكرتيها وعطيني عنوانه بالضبط لأني لست من أهل جدة |
مطعم الخليج الصيني .عنوانهم ...وانت جاي من طريق المدينه الطالع تطلع على كبري المربع وتلف يسار وتنزل لحي الروضه اول اشارة تجيك تلف يمين وبعدين لف يسار وهناك بتشوف المبني مايضيع لونه احمر وهو عبارة عن عمارة اعتقد دورين ..بصراحه لا يفوتكم رااااااااائع لكن انصحك تروحة بوسط الأسبوع لأنه صجة هتى و انتو بالغرفة لوحدكم
و كمان خطر على بالي مطعم كنا نروحو زمان و هو جدا معروف و هاديئ و راقي و كمان جلسات مغلقة مطعم يلدزلار مطعم النجوم انا مهما كبرت برضو احبه اكله لبناني ممتاز جدا و لكن يبغاله شوية بحبحة في الحساب مو زي الشامي و انا اشوفه اهدأ مطعم هو في شارع الأندلس خلف الفراولة للحلويات و طبعا الزيارات للعرسان افضل شي بوسط الاسبوع لكل المطاعم و بالتوفيق اخي و انا لست خبيرة مطاعم و لكن هذا اللي اعرفه بس اكيد في اكثر و افضل لكني تعودت مع اهلي كل خميس ايام الصغر نجي جده لذلك تعودنا ذهاب هذا النوع من المطاعم |
اقتباس:
لان ايام الجو الحلو روعه وكمان فيه جلسات مغلقه ياخذ راحته فيه اذا موجود المتكشفين واسعارهم ممكن تكون مرتفعه بس ماهى بأرتفاع المطاعم الثانيه والمؤكلات البحريه خاصه الجمبري المشوى ممتاز عجبتني ياخذ طارده الناموس:d :29: انا اشوف انه خطيرررررر:22::22: بالذات وسط الأسبوع .. |
اقتباس:
انا معاكي ان جلساته حلوة بس حرام اذا رايح جيعان ما حيشبع اخي كمان تذكرت مطعم رومانس و هو جيد و اسعاره معقولة زي شامي تقريبا و جلساته مغلقة و متنوعه اكلاته ما بين عربي و غربي في شارع صاري تقاطع صاري مع الامير سلطان |
| الساعة الآن 06:23 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©