زوجي ما يرد على مكالماتي من قبل العيد ما رأيكم أتركه أم لا (حُلت المشكلة و لله الحمد)
 

السلام عليكم ورحمة الله وبركاته


والله اني مدري وش اسوي وابيكم تشورون علي لاني ماعندي احد استشيره بعرف مين الغلطان



هذا يا طويلين العمر قبل فتره زوجي كان قاعد معي ونسلوف قال


يمكن تصير لي سفره برا دوره لمدة 4 او 5 ايام وانهم قالو لي لي فيه في الدوله الفلانيه في اوروبا قلت له والله انها رهيبه

لاني زرتها وانا بنت وهو من اول يقول كئيبه وهو ما راح لها قلت با العكس وجلست امدح فيها وانا من زمان نفسي اروح لها مرره ثانيه قلت خذني معك اصيرالمرشد السياحي هناك واتطلب قال لالالا وعيالك وين يروحون قلت عادي عند اهلي قال لا ما يصلح صعبه علشان 4 او 5 ايام قلت يعني يوم صارت اوربا ما يصلح ويوم نروح مكه عادي جلسو 4 ايام طبعا ما قلت له عن مكه بس هذا الي قهرني

المهم كلمه منه وكلمه مني قلت شف يكون ابعلمك ان سافت تراني بساف ان شاء الله ها السنه ولا تقول لي توفير وبيت وخرابيط مالي شغل وهديت الي عندي وعصبت وقمت

بعد كم يوم تكلمنا عادي بدون فتح الموضوع وطبعا انا المبادره واعتقد اني غلطانه نسيت اقولكم يوم عصبت على الروحه قال يا بنت الحلال امزح مهب اكيد بس عرفت انه يكذب يبي يريح راسه ها الفتره

المهم بعد ما تكلمنا عادي بعدها بيومين كان يوم للطلعه العائليه وهو اليوم الوحيد الي نطلع ونتمشى فيه مع بعض ونخلص امورنا فيه يعني يوم عائلي وما احب انه يتفوت


زوجي كان صايم العشرر هذيك الايام قلت حرام صايم ونطلع بدري صعبه اعرف بيدوخ وبيعوره راسه وبتتنكد طلعتنا قلت اصبري هو صحى الظهرر وبا العاده نطلع الظهر لمطعم او كوفي وبما انهه صايم ما طلعنا الا قبل اذان المغرب بشوي دخلت محل واذن بعدها صلى ورحنا اكلنا بمطعم

طبعا كان فيه امور كثي ابي اخلصها لاني بسافر من بكرا للاهل وطلبته قبلها بيوم لاني احي امخمخ با التسوق الحالي قال طيب من دخل ونفسه شينه لان برضو صار موقف اني كنت معصبه على ولدي وتدخل هو ويا شينه لا تدخل ينقلب الحال بدال ما تصير الموضوع عن الولد يصير يتلفظ واي شي اقوله للولد يقوله لي اذا قلت للولد والله بيصيرلك كذا وكذا اذا قليت ادبك يقوم يردها علي والله انا الي بسوي فيك كذا وكذا ما راح اقول وش الكلام

المهم انا اعب ازياده واطلع الحره با العيال لاني اعرفه اذا دخل وو مستشر سوا ها الحركه البايخه وكم مره اقوله لاتتدخل بيني وبينهم يقول اذا اسلوبك كذا بتدخل ترضين اقولك كذا وقدام الولد قلت انت ما تقول لي كذا انت تقول احيانا اشد واكبررمن كذا طبعا هذا موقف صار ودايم يتكرر لدرجه ان الولد اذا ابوه مو فيه يسمع الكلام واذا جا ابوه يرد ويقل ادبه ويستقوي ببوه وقلت له انت اذا جيبت اتخرب الولد وانت ما تشوفه الا ساعه با اليوم قال وش تبينه يسوي يسمع كلامك لانه خايف منك قلت قابلهم اجل وربهم انت اذا للدرجه هذي مهتم يا جماعه يشوفهم ساعه با اليوم ويحوس علي كل الي اسويه لو يسون له شي عصب عليهم واذا قالو لي شي يقول لي اتركيهم لا تضربين والا يلتفت ويضحك علشان ما يشوفونه وانا اولع اسلوبه زفففت


نرجع للموضوع ما عليه هو طويل بس الي يقرقع ابقلبي بقوله

قبل طلعة اليوم العائلي بيوم قلت له ابي اغراض علشان العيد كلمته وهو با الشغل قال اوكي جا واكل ولبست اعيالي جاهزين راح صلى العشى وجا قال اصبرو مو الحين بستريح قلت طيب نام نص ساعه وانصحيه وعيا يقوم بعد ساعه عيا يقوم بعد ساعه ونص عيا يقوم يعني قاصد ها الحركه بيقهرني صارت الساعه 10 ونص وقام الاخ وانا موصله بس ماسكه اعصابي لي حاجه وهو يبي يستفزني قال ابي قهوه سويت قهوه وجبتها وعيالي لابسين قال ابي حلى قلت عاد اسفه والله ما اسويه الحين قال سوي قلت لا قال سوي قلت لا ما راح اسوي الحين وحتى لو سويته الحين ماراح يخلص الا بعد ساعتين او 3 قال ما عليه قلت منب مسويه الحين لا جيت من صحبة الانس تلقاه جاهز وسويت نفسي عاد وحاولت ارطب الجو قلت السوق قفل الحين بس نبي نطلع خذنا ومشينا شوي ركبا وراح شرا لنا حلى وكوفي وقال بكرا يومك اوديك للي تبين يقصد اليوم العائلي قلت نشوف


صارالكلام الي فوق واننا ما طلعنا الا متاخين يوم طلعنا من المطعم قال وين تبين احطك بروح اشوف المبارره قلت انا دايم اطلع للسوق الحالي بس ها اليوم لنا كلنا تقعد معنا وتطلع معنا ونلعب العيال قال ويين احطك انا انفجرت عليه با السياره وجبت الاولي والتالي وطلعت كل الي بقلبي وهو ساكت يعرف يستفز الواحد وانا ما اصبر قال شفتي هذي العاده من يوم اخذتك وانا اقولك بطليها السانك يبيله قص السانك طويل وانا ارد عليه الكلمه بعشره من حرر مابي وجروحه من مواقف سابقه



المهم

حطنا وجا اخذنا بعد ما خلصت الكوره وراح وكمل السهره مع ربعه ورجع الساعه 3 قال ابي شي اكله لانه يصوم سويت له وحاولت امشي الموضوع قلت مايصيرر عيد واروح وحنا زعلانين صرنا نتكلم رسمي كلمه ورد غطاها


اصبحنا ورحنا للمطار واحاول اتكلم وكنه لان اشوي معانه هو الغلطان المهم وصلنا وكلمته ما رد ورجع دق علي وصلتو ومين استقبلكم ويسئل عن العيال يعني الموضوع عادي مشر


ذكرته بشي وقلت له ترا بكرا اخر يوم بيقفلون علشان العيد وحرصته على الغرض قال اوكي

صارمن بكرا اتصلت عليه الصباح وما رد حرقت التلفون وما رد خفت يفوت الموعد وكنت مواصله خفت ننام ويروح علينا

يوم صارت الساعه12ونص اتصل علي وكنت لي ساعه نايمه ووما رديت يوم صارت الساعه 2 ونص دقيت عليه قال هلا ترا الغرض ما جا قلت يووووووووووووووووووووووووه وكنت معصبه اوكي يالله وقفلنا تعب اولدي ووديته بالليل للمستشفى وطلبو معلومات وادقعل ابوه وما يرد قلت اكيد با المسجد الحين يتصل ولا اتصل دقيت عليه 3 مرات الساعه 12 ولا رد علي استغربت ويدري اني من النوع الي احاتي

اصبحنا ورجعت دقيت 3 مرات وما رد جا العيد اتصل يعايد الوالد والوالده يعني مافيه الا العافيه ولا كلمني قلت بكيفه ولا عايدني يوم جا العصر ماش ما قدرت اتصلت اول مره مقفل و2 مره مشغول وبعدها مقفل رجعت دقيت مرهه ثانيه ومقفل ابصراحه انقهرت وش السبب ابي اعرف كنا نتكلم وشلون فجئه تقلب علي وماني عارفه وش اسوي هل اطنشه لحد ما يطيح الب براسه مدري وش اسوي ابي احد فاهم يعلمني وش الي صصاير وش السبب علشان كذا كتبت كل شي وعلى فكره هو طلبني مرتين للي بالي بالكم بس رفضت لان الاولاد صاحين اولا ومو كبار علشان يجلسون الحالهم لو بسكر الباب جو وثانيا كنت مبسوطه انهم صاحين لاني مالي نفس شي بعد ما رفض ياخذني معه حسيت بجرح انا با الحظات الحلوه اتمنا معي وهو مايفكر الي بنفسه لذالك انسدت نفسي اتمنى من اصحاب الخبره والعقل الراجح تنويريومساعدتي ولكم الشكر واسفه على الاطاله

ما اقد ارجع بيتي لاني في منطقه غير وبعدين انتي حملتيني كل الخطاء مع انو دايم اتنازل فهل يحق له هو الغضب وانا لاء

تصرفاتك وطريقة تعاملك مع زوجك تحتاج لمراجعة منك

أعذريني أختي .. الرجل له وضعه وكلمته وما حلوه منك العناد والرد "الكلمة بالكلمة"

أنا شايف منك تحامل على زوجك أكثر من اللازم وكله بسبب عدم إرضائه لبعض مطالبك

تعلمي أختي .. متى تطلبي ومتى تمتنعي ومتى تناقشي ومتى تسكتي حفاظاً على هدوء بيتك وراحة بالك

السلام عليكم ورحمة الله وبركاته

طولي بالك وحمليها خفيف


وما تدقي عليه اتركبه يومان ترتاح اعصابو


ورح يشتاق لك وتروق اعصابو

وبس ترجعي البيت عوضيه عن الموتان من اللي بالي بالك



رح يروق


ما رح يهدا ويروق الا باللي بالي بالك

ياناس كلكم حطيتو الغلط علي ولا علقتو على اي شي هو يسويه من الي انا كاتبته صرت اانا الي غلطانه وبعدين انا ماتحاملت عليه واللفظ المناسب متحملته بسبب سؤ تصرفاته معي وتطنيشه لي كني اي شخص عادي مو زوجته ام اولاده

فعلا يعرف يستفزني لانه من النوع الي ما ينفعل على طول يجمع ويجمع وبعدها ينفجر مره وحده وانا اذا صار موقف يقهرني يا يعاندني او يطنشني وانا انقهر وهو عرف ها النقطه وصار يسهل عليه استفزازي وبا النسبه للاولاد كم مره اقوله لازم تدعم كلامي حتى وقت الزعل لذالك لما يتدخل ازيد مع اولادي واسوي الاشياء الي تقهره

ليييييييييييه ماعبرتو موضوعي لهدرجه شايفينه تافه

اختي انتي الغلطانة في تصرفاتك 100% اسمحي لي علي الصراحة ويش الي قاعدة تقولينة يعيني

اوربا احسن من مكة لا تقارنين ولو مجرد مقارنة

اسلوبك استفزازي

وزوجك علي حق ولوا اني مكان زوجك عملت نفس التصرف

ولا تقولي زوجي وزجي وانا مظلومة هو رايح لعمل مو برايح يلعب او يغلط عشان تحملية المسؤلية

اختي شكلك دلوعة مررررررة واسفة ان كنت ضايقتك اسمحي لي بس عشان مصلحتك انت وزوجك ولا انا
ويش لي دخل غير النصيحة

اوربا احسن من مكة لا تقارنين ولو مجرد مقارنة




يختي الله يرضى عليك مين جاب طاري احلى والا مو احلى انا اتكلم من حيث المبدا يعني اذا صعبه عليه اترك عيالي لمدة 4 ايام كان ماوافق اجل نروح لمكه ونتركهم 4 ايام كان قال لي صعبه بعد تتركينهم هذا قصدي وحتى لو قالي بروح للسودان 4 ايام كنت بقوله نفس الكلام انا قصدي من طلبي اننا نكون مع بهض بدون مسئوليات بس هو يبي ينبسط الحاله وما يبي مسئوليه بعدين مو بس هذي المشكله المشكله بقلة ذوقه وتطنيشه لي افرضي كان احد اعيالي فيههم شي يوم دقيت عليه المفروض يرد احتراما لي والا الاحترام لهم هم بس

اختي ام فطومه مشكوره الله يعطيك العافيه بس بصراحه انا مجروحه ومتضايقه بسبب امور كثيره وبعد ما رفض ياخذني جرحني اكثر بس يجلس يتكلم عن السفر وهو متحمس لانه اكيد بعد بيغير جو وانا بجلس مع العيال مثل كل مره وغيرها من الي صار والي كتبته لكم وزياده على كذا مايرد علي سلامات بس

اختي المشكله مب في السفر .. الاخت مشكلتها متعدده .. الله لا يحطها بالاسوء ان شاء الله .. وكل واحد يتمنى حياته تكون احسن حياه ..

اسمحي لي على المداخله .. بس الله لا يذوقك مر في حياتك ..

اختي صمت وسكون فعلا هو من النوع الي يجمع ويجمع وينفجر بعدها بس حتى لو بعد كل ها الي صار كنا نتكلم قبل ما اسافر ولما وصلت كلم بس الغريبه انه من بكرا طنشني من عقب ما رديت عليه علشان الغرض اناا جلست اراجع نفسي قلت يمكن علشان يوم قالي انه الغرض ما وصل عصبت وقلت يووووووه يالله باي مدري والله

والله يا اختي لو هذي المشكله بس كان ما شفتيني في ها المنتدى بس هذي جزء من مشاكلي والا لو على السفر الحاله كان هانت

معاك حق اختي تدرين وش الحل طنشييييييييييييييييييييييييييه وراح يرجع من حاله لا تتصلين عليه واشغلي نفسك ولاتفكرين فيه وصدقيني راح يرجعلك
والله يكون بعونك حبيبتي

يعني تنصحوني اطنش وانا عارفه ان الوضع بيستمر شهرين ويمكن اكثر لان اغلب مشاكلنا انا الي اتنازل

حاملة الهم شولون اتصل عليه وهو ما رد علي ولا عايدني حتى وبرضو اتصل عليه

جزاكم الله خير انا الحمدلله مبسوطه عند اهلي وعايشه حياتي والاهل ما يقصرون بس الي قاهرني ليش ماترد علي وانت غلطان بعد بس شكلي بشيله من راسي وبكيفه

مشكوره اختي والله يجزاك الف خير اتصدقين اني ارتحت كثير لما شفت احد يرد وياخذ ويعطي معي لاني كنت مره متضايقه لانو مافيه احد افضفض له بخصوص ها الموضوع

اما بخصوص انه يكلمني اعرفه مو اول مره ما راح يكلم وحتى لو كان يبي يكلم كررامته ماتسمح له :29:

[quote][بس الي قاهرني ليش ماترد علي وانت غلطان /quote]

لو كان يرى نفسه غلطان لرد على مكالماتك لذلك فتشي بنفسك اختي الكريمه واسلوب تعاملك معه


وستجدي من الغلطان وتعرفي سبب عدم رده

واياك ان رد عليك ان تقابليه بالعتب والزعل انسي ماكان

ومثل ماقالت اميرات لايجب ان تردي عليه كلمته وان امرك بامر

سم وابشر وبقية الامور تصلح اهم شئ رضاك

الله يعافيكم ما قصرتو انا طبعي اعصب اذا احد استفزني ما اقد امسك نفسي واجيب كل الي عندي واذكره اني كذا ووكذا وكان ممكن اني اخذ افضل وان هذي العيشه مو عاجبتني بس كل ها الكلام لانه يقهر ويسوي اشياء ويقول اشياء ناتتنتسوى ولا تنقال ففي ذذاك الوقت اتحسف واقول لو ولولو وانا عارفه انها تفتح باب الشيطان بس ارد كرامتي



المهم

يعني با العقل لما يسوي اشياء تضايقني وينرفزني هل تتوقعون اني بقبل عليه لما يطلبني بنفس با العكس بتنسد نفسي انا اشوف ان الشي هذا مايصير الا اذا كانت النفس صافيه ما اقدر امثل


عموما

تنصحوني اطنش اجل

وتنازلي اختي شوي عشان المركب يمشي .. حرام اولادكم يعيشون وسط هذا الجحيم ..

الواحد يتزوج عشان يستقر و يكون اسره سليمه مو عشان يعيش في صراع ..ويربي اولاد بشخصيات مهزوزه

مثل ما انت تريدين ان تأثري لكرامتك ايضا زوجك يريد ان يثأر لكرامه .. اذاً انتم تدورون في حلقه مفرغه لا

تنتهي .. واحد منكم لازم يتنازل .. ولتكوني انت البادئه في التنازل عشان اسرتك ..



يا عزيزتي مهو المشكله اني انا دائمة التنازل وهو لا يعني المركب ما يمشي الا اذا كان التنازل مني

الصراحه الحق معك وش يزعله اذا انفلتي عليه .... ومافيها شي اذا قلتي كان ممكن تاخذي افضل ... والصراحه هو مايعذر ولا يقدر انك معصبه بسبب انه اذا احد استفزك تجيبينها على راسه وتجيبين عاليها واطيها مافيها شي ابداً الواحد اذا توتر يمسح باللي قدامه البلاط شي عادي وغلطان اذا زعل ويبقى انسان مايفهم ولا يقدر لازم يقدر التوتر اللي انتي فيه ....
بس سؤال : لو رد على كلامك وقال انا اسأت الاختيار وحظي الأقشر بلاني فيك ويوم اسود يوم عرفتك ولو تنشرا الأيام اشريها ولا اكون ارتبطت بوحده مثلك ... وش ردة فعلك ؟ والا هل بتعذرينه وتقولين معصب ولا هو داري وش يقول ... والا بتقولين هذا هو اذا عصب واحد استفزه يجيب كل اللي عنده ... والا بتردين على كلامه بكلام اكبر ؟
اذا كنتي شايفه انك اذا توترتي وعصبتي يكون لك الحق انك تنفلتي وتسمي بدن اللي قدامك بكلامك يبقى تتحملي ردود الافعال اللي تسببتي فيها .... ولا تنسي المثل اللي يقول الكلام الهين يغلب الحق البين والمثل الثاني اللي يقول بالهون احسن مايكون .... وحديث الرسول عليه الصلاة والسلام ... (( ماكان اللين في شيئ الا زانه ومانزع من شيئ الا شانه )) أو ( بما معناه )
بقولها لك بكل صراحه ... الله يعينك على نفسك والله يعينه على طولة لسانك وكلامك اللي مثل السم ... ادري كلامي ماراح يعجبك تبينا نقول الحق كله معك وهو غلطان من راسه لرجوله ... لكن صدقيني انا اعرف نوعيتك اللي ياخذوا الأمور بشراسه وعذرهم انا اذا احد عصبني واذا توترت واذا احد استفزني .... مدري شسوي ومدري شقول .... مستحيل النوعية هذي تقول انها غلطت ولا 1% ولو انقال يبقى كلام للاستهلاك العام وبأول مشكله جايه ولو كانت ماهي منه وانتي السبب فيها تحطي لنفسك اعذار ومبررات وتقنعي نفسك انك صح وهو غلطت وكل الحق معك باللي انتي قلتيه ... لكن تأكدي صبره عليكي ماراح يكون الى ما لا نهاية ... لا مرده يهرب عنك وعن المكان اللي انتي فيه اذا مالحقتي نفسك وعدلتي مزاجك اللي تجعلي كل من قدامك تحته ... واللي ممكن يعكر مزاجك اتفه شي يعني ممكن كنت ناويه تنامي الظهر ساعتين ولكن تنكد عليكي ونمتي ساعه ونص يكون ياويله اللي بوجهك او تحلمتي حلم مزعج وقمتي من النوم الصباح ياويله وسواد ليله اللي يكون قدامك ... انا اقول الكلام هذا من واقع تجربتي في الحياة اللي اعتبرها ماخلت جنس مخلوق الا ما مر علي على اختلاف عقلياتهم ونفسياتهم ... الحقي نفسك الحقي نفسك الحقي نفسك .... لكن صدقيني اقولها لكي بكل اسف ماتقدري لكن تذكري كلامي هذا ماهو الان لا اذا خسرتي وعرفتي ان لكل فعل ردة فعل ... وان ردود الافعال ماهي حكراً عليكي .... ازيدك من الشعر بيت اصدقي مع نفسك قبل لا تصدقي معي ... ماقد حصلت معك مشاكل واذا اقنعك الطرف الاخر بأن الغلط منك يكون ردك ... انا ماقصدت ... أو انا ماكنت اقصد كذا وتحاولي بأي طريقة تبرري غلطك ....
طولت بس لأجل اقول لك اني اعرف كيف تعالجي مشاكلك الا اغلبها منك .

يا الولهان انت تحسب انه يسكت يدعي ويتلفظ ويقول شي ما ينقال وانا ارد عليه يعني ماعمري سكت وعظيت على لساني

وهو يا يرمي كلام والا يفتعل مشكله ويتلفظ علي وبعدها يلتفت على عياله هاه ياحبيبي وش تبي طيب اذا لهدرجه خايف على مشاعرهم تتلفظ علي قدامهم والله ورب الكعبه يا انه سوى معي موقف مره وقدام العالم وانتبه عليه اولدي قال انت سويت الماما كذا قال لا يا حبيبي قال الا شفتك قال لالا وضيع الموضوع قال ما اقصد امك با العربي هو ما يحترمني وانا ما اقدر احترمه لانه انسان غريب في وقت الرضى اقول وش ها النعمه واذا زعل والله اني اقول اخذه وحش اعوذ بالله لذالك اقولكم انهيعرف يستفزني بمواقفه معي وما بي من دهاء الحريم الي الوحد تتمسكن لحد ما تتمكن ما اعرف هي مره وحده غلط علي وسكتت ما رديت بس عجزت انام ذيك اليله احس بقهر غير طبيعي وبان علي وانا ساكته قلت وشوله احق بنفسي لا غلط علي ياخذ جزاه وابدا ارمي من ها الحكي

اشربي يانسون

يهدي الاعصاب


حبيبتي

بس تحسي نفسك معصبه ابدئي بالاستغفار ومهما تكلم ما تردي

قولي له مهما قلت مش رح رد
اشغلي نفسك بآية الكرسي

مره واثنان رح يستغرب ليش ما ردت عليي مش من عوايدها


وكله بيتصلح

انما الآن اذا بتحبي ترسلي له مسج صغير

مثلا مشغول بالي عليك وثاني يوم مثلا يا رب تكون سعيد او اشتقت لك


وان شاء الله بس يرجع ما تعاتبيه وانسي

اهم شي اليانسون واي شي يهدي الاعصاب


الرجل يتلذذ عندما يرى زوجته منرفزه بيفرح انو قدر يكسرها




ابدءي حبيبتي بآية الكرسي حاولي تقرائيها 100 او 150 مره باليوم

وشوفي كيف رح يرجع وهو يتصل فيكي


انا من وقت ما بدئت اقرأ آية الكرسي والحمد لله رب العالمين

وبس يعصب اقول في نفسي الحق عليي وارجع اقرأ فورا

واصلي على النبي

جربي وخبريني