|
مشكلة بين أولادي .. شيهانة
السلام عليكم ورحمة الله وبركاته...
مساء مفعم بالخيرات ...والبركات ...في تلك الأيام المباركة ..وتقبل الله مني ومنكم ... إخوتي... لعل البعض منكم يعلم بعد أبنائي....عني وأني لا أراهم إلا نادرا...( وأحمد الله حمدا يليق بجلاله وعظيم سلطانه على ما قضى وقدر ).. ما زعلني كثيرا...وجعلني أفكر...وأخص بالدعاء ( عبد الله ) أكثر من غيره ...المكالمة الأخيرة بيني وبين أبنائي !!!! حيث قال لي بالحرف الواحد( فلانة وفلان ما يحبوني) >>> يقصد أخته التي تكبره وأخوه الذي يصغره !!! وبسرعة ...ترك السماعة>>> يَظهر أن أحدا ناداه ... وأخذت السماعة أخته الكبرى ...وبدون ما أنقل لها (كلام عبد الله )اشتكت منه كثييير وقالت إني أنا وفلان ما نحبه ...يخرب علينا لعبنا ,,,ونقاشه ما ينتهي ,,,,,ولا يقتنع بشي... خليتها تقول كل الي في خاطرها ...وبعدين قلت لها .. * إنه حتى لو صار الي قلتيه لازم تحتوين إخوك لأنك إذا استمريت كذا بنخسر عبد الله ...وقلت لها أشعريه بحبك واهتمامك إذا ما أكل إسألي عنه ...إذا (طاح) سمي عليه ما لك إلا إخوك يا عمري... وبعد كذا بكيت حاولت أكتم بس ما قدرت حست فيني ... قالت ماما وش فيك؟! قلت لها ولا شي.. قالت ماما قولي لي عشان عبد الله صح! قلت لها إيه ..كنت أبيكم تصيرون أقوى مع بعض.. انتهت المكالمة,, أعزائي... ما أدري وش أسوي ....وش أقول لعبد الله في المكالمة القادمة..؟؟! وش أقول لإخوانه ؟! كيف أحتوي الموقف ؟! أنا واثقة إني راح ألاقي عندكم كلام يوسع الصدر هذا ما عهدته منكم ... فشكرا لرحابة صدوركم ودمتم بكل خير.. [align=right]يمنع استخدام رموز الزخرفة، أو استخدام علامات الترقيم في وسط العنوان، وكذا تكرار الحروف أو مدها، [/align] |
ياقلبي يا شيهااانه ربي يرجع لك اولادك الى حضنك و لا يحرم ام من اولادها يا ارحم الراحمين
حبيبتي من منا كان على وفاق مع اخواته في الصغر ؟؟؟ الا في ما ندر والله لو احكي لك عن اللي كنت اسويه في اخوي و اللي يسويه فيني ماراح تصدقي .. والحين اسرارنا مع بعض:) طبيعي كل الاخوان يصير بينهم شد و جذب بس هذه هي حلاوة الحياة مع الاخوان بكرة لما يكبروا راح تكون لهم ذكرياات جميلة و راح يصيرون احلى من السمن على العسل بنتك الله يحفظها اشتكت لك من اخوها و هذا عاادي تعالي شوفي بيتنا نااار 24 ساعة لكن وفت الجد يبان الحب و الاهتمام ... اذا لا قدر الله طاح عبودي بتلاقين خوانه حوليه و خايفين عليه سيبك من الاخوان احنا الامهات مو ساعات تجي علينا نقسي على اطفالنا و ممكن نضربهم و نعصب عليهم لكم هذا مو معناه انا نكرهم او انهم بيكرهونا ... ساعات و تعدي و تنتسى كل الحكاية لانك بعيدة فا تخافين من اي شي و توسوسين لانك مو شايفاهم و شايفة وضعهم لا تحطين ببالك يا قلبي .. بس كل ما تكلميهم وصيهم على بعض و ان شاء الله ربي يخليهم وو يحفظهم و يحببهم ببعض ربي يجمعك بهم عن قريب جمعة ما بعدها فراق ياارب |
وعليكم السلام ورحمة الله وبركاته
ليش هالحزن حبيبتي ؟؟! كأنك مكبرة الموضوع شوي ..! يمكن لأنهم بعيدين عنك ..! كم أعمارهم ؟؟ إذا تحت 15 لاتشيلين هم أبدا .. والله وأنا صغيرة كنت أكره أخوي الي أكبر مني وأختي الي أصغر مني كره غريييييب !! كنا أطفال ونفسر التصرفات على قدنا !! ولما كبرنا الحين نتذكرها ونضحك .. لاتخافين أطفال يصلحون مع بعض .. يمكن لما كلموك كانوا توهم متزاعلين وفضفضوا لك ..! أشوف أخواني الصغار الحين إذا تهاوشوا تقولين أعداء ومستحيل يصلحون !! ماتمر ساعة إلا والأمور صالحة ولاكأن شي صار بينهم .. لاتتوقعين إن هالأشياء تأثر على مستقبلهم وترابطهم مع بعض إذا كبروا .. والله ياأنا أخوي كنت أتمنى إنه يكبر ويتزوج عشان أحط حرتي في عياله "لأني ماأقواه :d" والآن أحب ماعلي بنته ودي أحطها بعيوني وأعز ماعندي هو الله يحفظه .. ولاتحملين بنتك أكبر من طاقتها .. ترى تتعب تعب كبير إذا سمعتك تبكين .. هذي أشياء تصير غصبا عنهم ، مرحلة من عمرهم لازم يعيشونها بكل تفاصيلها .. الله يحفظهم لك ويقر عينك بصلاحهم ... |
اختي
لا تقهرين نفسك على مشاكل الصغار انا اولادي يتقاتلون فيما بينهم ويكاد الواحد فيهم يقتل اخاه و اسالهم منفردين هل تحب اخاك يقولون نعم اختي اهم نقطه ركزي معي جيدا ان لا يقف احد الابوين مع طفل على حساب اخر لا اتدخل الا حتى ابعدهم عن بعض وبعدها يلعبون سويا الظلم من الوالدين هو الذي يبقى في نفس الطفل الى ان يكبر ويزرع الاحقاد و العداوات وقطع الارحام لا تاخذي صف اي اخ فقط وصيهم على بعض قوليلهم اريدكم يد وحده لا تلومي الكبيره ولا الصغير فقط ذكري ابنتك الكبرى انها مكانك و انها حبوبه وحلوه و انك تعزيها وتثقي فيها و ابنك الصغير قوليله انت شاطر و حباب و و امدحيه و الولد الزعلان اطلبي منه يصير شاطر و ما يعور نفسه وهو يلعب لا تشجعيه على ان يشتكي اخوانه لان اخوانه يسمعوه وما يسمعوك ويعتقدون انك مصدقته او متعاطفه معه ما ان يبدا بالشكوى غيري الموضوع الله يسعد قلبهم وتفرحي بيهم يارب ويجعلهم من الصالحين البارين ويردهم لك ردا جميلا |
اختي الكريمة ,,,
لااملك الا الدعاء لكي .. ولجميع الامهــــات المحرومـــات من اطفالهم ,, اسال الله في هذه الليلة المباركة ,, وفي هذا الوقت الفضيل .. ان يحفظهم ويردهم لحضنك .. اللهم رد اولاد شيهانة اليها رد جميلا .. واحفظهم بحفظك .. |
عزيزتي (نور) ...
حقيقة ردك أثلج قلبي... لكن الشكوى هذي ثاني مرة أسمعها وهم دائما ضد عبد الله وهو ضدهم ....ما أدري ليش أحس إن الموضوع مو عابر.. وأتمنى إنها مجرد خوف ووسوسة ما لها داعي...!!! شكرا لك عزيزتي مجددا ودمت ومن تحبين في حفظ الله ... |
غاليتي ( جنة الدنيا )...
أضحك الله سنك ....والله يخليلك أخوك وبنته ... أسعدني ردك مرة.... وأتمنى إني مكبرة الموضوع...بس أحس شكوتهم من قلبهم ... شكرالله لك...وفرج همك ...ورد الله لك زوجك...ردا جميلا .. |
عزيزتي( الغربة مرة )...
ما شاء الله لا قوة إلا بالله ... نصيحتك رائعة..... جزاك الله خير...وأقر عينك بكل خير... |
الأخ الفاضل( أصغر إخواني)....
دعاءك ينم عن تعاطفك وكم يفرحناالشعور أن هناك من يشعر بك ويحس بمعاناتك ... شكرالله لك دعائك ...وأدام عليك نعمه .. |
يذكر بعض التربويين أن أكثر الأطفال مشاكل فيما بينهم، يكونون عند الكبر أكثر تآلفا.
وهذا الأمر مشاهد، وأنا والمشاركون أعلاه لهم نصيب من هذه المشاكل، وأبنائي الآن بينهم مشاكل كثيرة، وكل يوم تنهال علي مشاكل عديدة بينهم، وكثيرا ما أحاول أن أجعلهم يحلون مشاكلهم بأنفسهم، ليتعودوا على حل المشاكل. ولا أتوقع أن بيتا يخلو من مشاكل، ولو لم يكن فيه إلا شخص واحد فقط لحدثت بينه وبين نفسه مشاكل، وربما بينه وبين الجمادات من حوله. لا أنسى مشاكلي مع إخوتي ممن هم أكبر مني (كوني أصغر الجميع) ولكني الآن أحمل لهم من الحب الشيء الكثير مما أظن أنهم لا يصدقون مقداره. |
عزيزتي ( حرف)..
من المفيد تلك المعلومة التي ذكرتيها وأكيد أن ردودكم أراحتني ... ولكن ألا تتفقون معي عندما تكون المشكلة داائما من ( عبدالله ) والكبيرة والصغير ما يتهاوشون.... ألا يدل على شئ!! كيف أعالج الوضع... مع العلم أن الأوسط على درجة من الذكاء وسرعة البديهة والنقاش.. أتمنى أجد إجابة شافية .. ودمتم لمحبيكم.. |
[grade="00008b ff6347 008000 4b0082"]حياك الله شيهانة وكل عام وأنتم بخير وسعادة
لالالا تقلقي ولاتشيلي هم صدقيني أنتٍ تحسستي لانك بعيدة عنهم وتحسين بالذنب بس لو كنت معاهم صدقيني بتضربيهم على هذه المشاكل تعرفي أنا عندي نفس مشكلتك وكمان اسمه عبدالله وذكي وعبقري وهذه العبقرية اللي كرهت أخوانه فيه لأن تفكيره غير عن تفكيرهم ويبغى الناس يمشوا على تفكيره الغير مفهوم بالنسبة لهم علشان كذا يصير الصدام بينهم لاتشيلي هم بكرة يكبروا ويصيروا متماسكين ومتحابيين أكثر والله يبشر أختنا حرف بالجنة على البشارة الحلوة وفعلاً أنا نفسي كنت أتخاصم مع أخواني وأخواتي ومانحب بعض وبعد ماكبرنا وتزوجنا الحمد لله صرنا متماسكين لدرجة ماتتخيليها ونوقف بجنب بعض في أصعب المواقف ومانتزاعل أبداااااااااااااااا مهما كان وكل واحد يحب الخير للثاني ونناصح بعض إذا شفنا أحد على غلط ومانزعل من النصيحة وأولادنا ولله الحمد متاحبين مع بعض فريحي بالك تلاقيهم يلعبوا وأنتِ شايلة هم الأن وماعليك لما يزورونك إلا تغرقيهم بالكلام على حب بعض والتماسك وتخلي كل واحد يفتح قلبه أمام أخوانه وكل واحد يعرف اللي مزعله من أخوه ويتصافوا ويارب يقر عينك بصلاحهم وبرهم وابشري بكرة بيكبروا بإذن الله ويفتحوا بيوت وتسكني معاهم وعندها حلي مشاكل أحفادك.[/grade] |
هلا فيك ياشيهانه
وشكل بني عبد الله كذا نفس الطباع بس انا ماعندي ولد اسمه عبد الله بس ولدي الصغير عصبي ومشكلجي وطيب ويرضى بسرعه عكس اخوه الكبير تماما تاكدي ان مافيه اخ يكره اخوه الا اذا زرع بينهم العداوه وانتي اتوقع انك ماتسوينها اهم شي تدعين لهم دائما وتحببيهم في بعض وتقولي اك واحد ان اخوك يحبك قالي عنك وقال الله يحفظهم ويصلحهم ويجمعك فيهم دوم ويرد اولادي لحضني ياني مشتاقه اشوفهم واسمع اصواتهم دوم بس حسبي الله ونعم الوكيل |
هلا فيك عزيزتي ( أم جمانة )...
يبدو لي أن ما ذهبت إليه صائبا ربما ذكاء ( عبد الله ) كان سببا ... شكرا لمشاركتك سائلة المولى عزو جل أن يسعدك في الدارين ويحفظ أبنائك ويجعلهم من خيرة عباده الصالحين ... |
ياعمري عليك حسيت بغصه وانا اقرى كلامك الله يجمعك فيهم على خير ويفرح قلبك فيهم ويجعلهم فخر لك بالدنيا والآخره
|
هلا ومليون غلا (بأم السوسة )...
إنت صادقة كثير من الإخوان يصيروا عكس بعض( في الطباع ) مثل عيالي الله يحفظهم .....وبالنسبة للدعاء الحمد لله أدعي لهم كثيييير... عزيزتي أذكر نفسي وإياك ب( أنا عند حسن ظن عبدي بي فليظن بي عبدي ما شاء) فلا تيأسي فالله معك ولن يخذلك .. أسأل الله بنور وجهه الذي أضاءت له أركان عرشه وصلح عليه أمر الدنيا والآخرة أن يرد لك أبنائك ردا عاجلا ويقر عينك بهم ويجعلهم صالحين مصلحين بمنه وكرمه ... |
| الساعة الآن 07:15 AM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©