|
من حقي اطلب زوج ودود ..يهمني رايكم اتمنى المساعده
مساء الخير عالجميع.. لثقتي بمنتداكم ومرتاديه حبيت اعرض عليكم مشكلتي واتمنى منكم مساعدتي فانا في حيره ... قبل مااقول المشكله ابعطيكم بعض مواصفات زوجي الزينه والشينه عشان تقدرون تحكمون .. زوجيمن النوع اللي مثل مايقولون فري عادي عنده اكشف اتغطى البس قصير طويل بنطلون غيره مايمانع هذا مايعني اني مستغله هالشي او شايفته ميزه او عيب انا اصف فقط يهتم بنفسه كثير من ناحيه الشكل كلامه حلو لاكن في بعض المواقف فقط يعني مثلا اذا دقيت عليه او هو اتصل يرد هلا جبيبتي هلا عمري كريم واذا زعل مايرفع صوته بس يقول كلام ماينطاق مثل حريم طبعا يقولها بصيغة استصغار او السخريه او انا مااحب الحرمه الغبيه .... اذا بغيت اناقشه بموضوع اما يرد بطيب خلاص كل اللي تبينه بيصير من باب التسكيت لاني طبعا مااشوف شي يتغير او يعصب ويطلع من يوم ابدا اتكلم ويرفض الكلام طبعا بتقولون اختاري الوقت والاسلوب مابقيت وقت ماجربته وما بقيت اسلوب ماجربته اذا رجع اقول هاه يفلان ممكن نتكلم يرفع صوته وبلهجه حاده يقول لو سمحتي ماني فاضي ابغى انام اقول له طيب ممكن تعطيني عشر دقايق اقولك اللي عندي وعقب نام يقول ان ماسكتتي بطلع انام بالصاله ولا يجلس يسمعني ويقول انتي مين حاشي راسك العلاقه الوديه بيننا مقطوعه يعني مثلا مزح مرح مافيه يعني ماكانه زوجي العلاقه رسميه نوعا ما ومن ناحية العلاقه الحميمة مايحصل بيننا شي الا كل ابوعين مره واحيانا ثلاث او اكثر غيره عنده جوالين ومقفله برقم سري ولما سالته قال انتي مريضه شهالتفكير وطلبت منه يخليهم بدون رقم سري قال انا اقدر افتحهم واخلي ثالث بالسياره وانتي ماتدرين ارضي فيهم كذا احسن لك اذا جاه اتصال اما مايرد واذا سالته يقول هذا واحد بالشني وماابي ارد عليه او يرد ويرفع صوت التلفزيون مع اني اللي اعرفه ان الناس اذا جت تكلم توطي الصوت او مايرد وعقب عشر دقايق ياخذ جواله ويطلع من البيت واكثر الاوقات اذا فتح باب البيت داخل من الدوام يكون ينهي مكالمه غيره ا فتح المسن ممنوع اجلس جنبه والتبرير يمكن واحد من زملائي عنده سر مايبي احد يعرفه طبعا كل هالاشياء زرعت بيننا بذره شك او على الاقل عندي غيره اذا مارحت لاهلي فتره طويله يقول ليه ماتروحين لاهلك روحي ونامي عندهم واذا رحت ورجعت لبيتي الاقيه مقفل على نفسه غرفة النوم ولما سالته قال انا متعود كذا قلت له طيب اذا قفلت اسحب مفتاحك عشان افتح انا بمفتاحي قال لاانا متعود اصلا كذا من يوم اني عزوبي مع ان الشي هذا ماشفته الا قريب وللعلم انا صار لي ثمان سنين متزوجته غيره سمعت له مره اتصال مع بنت ولما سالته قال تتوهمين مع ان اختي بعد سمعته مره يكلم بنت غيره طريقة تربيته للبنات جدا سيئه دائما يخانقهم وينفر فيهم واذا دخل البيت يجلس في غرفته حتى لو جيته المغرب ومايبيهم يدخلون عنده واذا دخلة تهزئ فيهم طول الوقت واذا كلمته انه يحسن من طريقة تربيته لهم وان الواحد كل ماكان قريب من اولاده يكسبهم وان احنا لازم نزع فيهم الثقه بانفسهم زعل وقال عيالي مثل ماهم عيالي ومو انتي اللي تعلميني التربيه انسان متناقض اللي يبغاه اليوم يخاصم عليه بكرا غيره دائما حسسني انه متفضل علي بعيشتي معه وبما يعطيني ودائما يردد علي احمدي ربك اني اخذتك وغيرك يتمناني او انتم حريم تنكرون العشير واذا سالته ليه تقول كذا انا شسويت يقول هذا كلام الرسول يتناقشين الرسول الرسول مايقول شي خطا وبشكل عام عايش حياته برا البيت وتاركني وللعلم انا شكليا مافيني شي وحلوه هذا اللي اسمعه من غيري وحبوبه واندمج مع الناس بسرعه ولا واسمع بعد من غيري اني دكيه او تفكيري حلو الان المشكله انا ماعاد اتحمل الجمود اللي بحياتي علاقتي الوديه ان صح التعبير مقطوعه من اخذته مافيه لامزح ولا مرح ابي احس اني زوجه اشتهيت مره يقول لي بي اطلع معاك لحالنا مافيه اذا رحت لاهلي فترة الاربعين مايجي الا اذا طلبت منه اجلس عند اهلي بالاسبوعين اوقات بالاجازات اشتهيت مره يقول لي متى تجين او بجي اخذك نطلع انا وياك ماعمره قالها ولما اساله انا عاجبتك ولا فيني عيب يقول بالعكس كل اللي اتمناه لقيته فيك واكثر العلاقه الحميمة مثل ماسبق وان ذكرت تعبت من المذله بانه عايش معي او مااخذني او معطيني تعبت من الشك طول الوقت افكر مين اللي اتصل وليه طلع من هالاتصال مع اني يشهد الله مو شكاكه بالعكس هو لظروف عمله يظطر يكلم حريم وكثير اوقات اذا اتصلو اطلع واترك له الغرفه عشان مايحس اني اراقبه او مو واثقه فيه بس بدات تظهر تصرفات شككتني الحاصل قلت له بروح بيت اهلي متضايقه قال شفيك قلت متضايقه قال ا عندك شي مزعلك قلت مافيني اتكلم اروح لبيت اهلي وعقب اقولك رحت لبيت اهلي ثالث يوم اتصلت فيه وقلت كل اللي عندي وهو الكلام اللي قريتوه وقلت له هلاشياء مضايقتني قفلنا وجلسنا اسبوع تقريبا لاكلمته ولا كلمني ولما عرفو اهلي واهله حاولو يتدخلون صارو يكلمونه يقولون له رح لزوجتك تفاهم معاها ورافض يقول اذا تبيني تجي لبيتي تتفاهم معي يجي يوصل لباب بيت اهلي يحط بناته ويروح نزلت له امي تترجاه يدخل قال مو انا مو فلان اللي يدخل يحطهم ويروح جلسنا اسبوع تقريبا وعقب كلم اخوي يقول له انا ماادري وش فيها مع اني قايلة له وقال كلمها شف وش تبي ورد لي حسيت بهالكلام ماعنده استعداد يتغير اولا ولا فيه معزه لي ثانيا مع اني اشوف انه من الطبيعي واذا هو شاريني بل وابسط حقوقي وحتى اللي مايحب زوجته يروح لها لبيت اهلها يتفاهم معاها صارو اهلي يقولون روحي له للبيت تفاهمي معه وانا رافضه طبعا لان الفكره خطا اولا من حقي انه يجي ثانيا نفترض اني رحت وماتقبل كلامي البس عباتي وارجع مثلا ولا شلون او قال هذا انا تبين ولا بكيفك ارجع ولا اقعد ولا ؟؟؟ الان انا محتاره جدا اعتقد انه من حقي اطلب زوج ودود وعلاقه حميمة سليمه او على الاقل اشوف اللي يحسسني انه فعلا يحبني مو كلام ونفسي طايبه وماني غارفه مين الصح ومين الخطا هل اسبا بي تستحق الطلاق او لا هل اذا رجعت راح اقدر اكمل ولا بيجي يوم واقول كفايه مثل ماحصل الان اتمنى منكم تساعدوني وتقولون رايكم مع العلم اني من قبل لااتزوجه اتفقت معاه اني مااطبخ وانه يجيب لي شغاله ووافق اوقات يقول انا اصلا ماابيك تطبخين شغاله هي اللي تطبخ واوقات يزعل ويقول اطبخي عفواً تم تعديل العنوان ليتضح المضمون الإشراف |
[caution]عفوا يمنع الكتابة بغير اللغة العربية
يرجى منك استخدام الكيبورد المتوفر في المنتدى (صفحة كتابة الموضوع) http://www.66n.com/forums/mwaextraed...ttons/keyb.gif في حال لم يكن متوفراً عندك[/caution] |
حبيبتي
الفرق بين زوجك وباقي الرجال انو هادي بس يطلع خلقو بيتكلم بصوت خافت هذه صفه مش موجوده بباقي الرجال انا من جهت نظري ظل راجل ولا ظل حيطه خصوصا اذا ما يقصر معكم بالمصروف ستتوقف افعاله يوما ما يمكن سنه يمكن اثنان ويمكن عشره خصوصا انه لا يضربك ولا يشتك اهلك اعملي مثلي عايشين انو عنا رجال بالبيت الحياة انتي ومطلقه صعبه كتير ما تقدر عليها الا اللي عايشه تحت زل الضرب والاهانات اهتمي ببناتك وانظري الى الحياة بعيون بناتك هذه قدرنا سيحس بالملل يوما ما ويعود لك شوفي اسألي مجرب اذا رحتي وتكلمتي معه ولنفرض انه وافق على شروطك رح ينفذ الشروط يوم اثنان اسبوع اسبوعان ورح يرجع لعادته القديمه المعاهدات بين الدول ما بتدوم فما بالك بين الرجل وزوجته لي عوده للموضوع |
السلام عليكم
والله يا اختى اريدك تعرفين شى ان فى هذه الدنيا ما فى حدا مرتاح المتزوج مو مرتاح ولا الاعزب مرتاح!! انا اعرف اسر كثيرة عندها مشاكل اضعاف مشكلتك فاحمدى الله ان زوجك لايشرب خمر ولا يتعاطى مخدرات وانت مشكلتك مصيرك مع الايام تتعودى عليها ونصيحتى اكثرى من الاستغفار والاعمال الصالحة وزوجك مصيره بيردلك |
شكرا للي ردو شاكره وممتنه لكم
ام احمد يكفيني انك اعطيتي موضوعي اهتمام بالعربي بالانجليزي مو مهم الفكره وصلت ماقصرتي حبيبتي وبالنسبه لرايك اني قلتي ليه ماحليت الا مور معاه اول باول ولا انام وانا زعلانه انا قلت في الموضوع انه مايتقبل نقااااااااش اما يطلع او ينام ويسكتني او يقول احد حاشي راسك او يقول مريضه مايعطي فرصه للنقاش Green222 مشكوره على الرد والاهتمام هذا اولا ثانيا هل تعتقدين ان هذي حياه تنفع اعيشها انا شنو ماخذه من هالزواج لاشئ طبعا انا مااقول كذا بمعنى اني ابغى رد معين لاكن اقول اللي يخطر ببالي وابي ترون عليه انه لو جت هذي الفكره في بالي بايش اقنع نفسي اني اعيش وبس هم شي اكل واشرب طيب بناتي ربيتهم وكبرتهم وكل وحده راحت بحالها انا وقتها شنو يصفا لي اذا زوجي الحين قاعد يسوي كذا واحنا شباب اذا كبرنا شنو بيصير انتظر ردود الباقين بفارغ الصبر اتمنى ارتاح من الشعور بالذنب من اني اكون ظلمته از الشعور بالقهر واني ظالمه نفسي وتحياتي للجميع |
|
أضافه
ياحبذا تكون مشاكلك داخل بيتك ولا تتدخلي أحد لا من أهلك ولا من أهله أنت أكثر انسانه عارفته 00وبتدخل أهلك بيزيد عناد وأحتمال لا قدر الله تخسريه أيضا مو كل عند مشكله طرتي لبيت أهلك لاتظني هالاسلوب ينفع معاه حيزيد بعد ونفور منك وتعطيه مساحه ان يفكر بغيرك عالجي مشكلتك بنفسك واستعيني بالله في كل أمورك ================================================== ============ أتمنى اني افدتك 000 |
لا والله حبيبتي هذه مش حياة وانتي مظلومه مليون في الميه
انما قضا اخف من قضا هيك بيقولو بالامثال بعرف انو ٩٠ بالميه منا محرومين من ابسط حقوقنا وهي الحقوق الجنسيه الشيطان غاي ٩٩:٩٩من الرجال او الذكور لآني ما عتقد انو اذا كان الذكر رجل كان عملها ومن المؤمنين رجال يعني مش كل الذكور مؤمنين ومش كل المؤنين رجال هكذا سمعت الشيخ خالد الجندي يقول في احدى محاضراته اسآل الله لكي الفرج لما يحبه ويرضاه ما زال سآل اخوكي ما هي طلاباتك انا من رآي انو يك،ن حكم من اهله وحكم من اهلك بشرط انو تقولي كل شي ما تستحي ولا تخبي افتحي كل اوراقك حسيت من كلامك انو اهله واعين يا رب تكون نظرتي بمحله وتبشرينا قريبا |
,
, والله يا أختي زوجك حركاته مريبة أذا كان يعمل مع نساء وعنده رقمين ويقفل تلفونه ..!! أكيد بتكون هاذي حياته لأنه اذا لم يخاف الله في علاقاته فكيف تريدينه ان يعيشك بسلام وحب او ان يخاف الله فيك ..؟؟ أختي أنا أستغرب من معرفتك انه يكلم نساء حتى ولو داخل العمل فالمرأة في العمل هي نفسها المرأة خارج العمل بل التي في العمل أخطر ( إن كانت لاتخاف الله ) لأنها ملاصقه له .. أولا يجب عليك إكثار الدعاء لزوجك بأن يهديه الله عزوجل ثانيا قدر الإمكان إبعاد أهلك عن الموضوع ثالثا إجلسي معه جلسة وأفرغي كل مافي صدرك واطلبي منه الحل وقولي له ان هذه ليست حياة صحيحة الحياة يجب ان تكون على أحسن من هذه الحال بين الزوجين أتمنى لكِ التوفيق في الدنيا والآخرة , , |
انا لي رائي اخر ممكن يكون زوجك مدمن ولكن تأكدي واقرأي كويس عن الادمان واذا لاحضتي اي شي انا في الخدمة
|
والله اني زوجي متل زوجك الي سنتين متزوجه ما في مزح زلا في مرح علاقتي فيه رسميه حتى باسلوب الحكي معاه لو سمحت معلش وهيك حياتي معه ما بشعر اني زوجي وانه قريب مني
|
أختي طووولي بالك .. فانا اعذرك و الومك في نفس الوقت .. اعذرك لانك مثل أي امرأه تحب ان زوجها يهتم فيها و يشبعها من جميع النواحي النفسيه و الجسديه و الماديه .. تحب ان يكون زوجها هو فارسها الذي يغير عليها و يحميها و يلبي لها جميع طلباتها و تكون هي أميرته المتوجه بدون ما يمن عليها .. لكن الومك لانك تشكي بزوجك بدون ما يكون عندك دليل ..و تطالبيه انه يخلي جواله بدون رقم سري.. يعني أختي اذا خليتي زوجك يفتح لك جواله أو ما يحط عليه رقم سري و خليتيه يفتح لك ايميله و تجلسي جنبه اذا كان جالس على المسنجر هل هذا راح يمنعه عن الخيانه اذا كان يبغى يخووون .. ؟؟؟ اذا انت شاكه في زوجك راقبيه من بعيد لكن بدون ما تحسسيه و تعملي عليه شرطي لان التصرف هذا يخلي زوجك يطفش و يبتعد عنك و اذا ما كان له نيه للخيانه راح يخون .. لان راح يقول هي تشك فيني اني اخونها اذا راح اخونها .. الشي الثاني بالنسبه لتصرفه مع بناتكم حاولي انك تتعاملي معهم بكل حنيه و تفاهم بوجوده عشان ينتبه ان هذه هي الطريقه الصحيحه في المعامله .. بالنسبه للمزح و المرح يا أختي انت اعملي جووو في البيت مع بناتك .. وحاولي انك تشركيه معكم .. أختي لاحظي كيف البيت اللي تربي فيه زوجك .. هل اهل زوجك من النوع الجادين و الرسميين .. يعني في ناس ما يعرفون في المزح .. حياتهم جد في جد .. يعني هذا هو طبع زوجك .. احمدي ربك ان زوجك محترمك و محترم اهلك و ما يتلفظ عليك بالالفاظ الشينه بعدين بالنسبه للعلاقه الحميمه انت وشطارتك أختي .. في بعض الرجال يحبون ان تكون الزوجه هي المبادره و في بعض الرجال يرى ان العلاقه الحميمه غير ضروريه و يمكن الاستغناء عنها لمدة اسابيع .. أختي لا تخلي زوجك محور حياتك ... اشغلي نفسك باشياء مهمه مثلا سجلي في دورة تحفيط القرآن أو دورة خياطه أو مكياج أو لغه أو حاسب الي .. اهتمي بنفسك لنفسك .. صدقيني راح تلاقي زوجك ينجذب لك و يهتم فيك .. .. بعدين انا مثل زوجك مو فاهمه انت ليه رايحه زعلانه بيت اهلك ؟؟؟ مشاكلك حليها مع زوجك و لا تقحمين احد من اهلك في هذه الامور .. ارجعي لبيتك أختي و لا تخلي الشيطان يفرق بينك و بين زوجك .. |
بختصرها لك
حاولي تدورين مفتاح زوجك ... بتقولين كيف ..؟ بقولك انتي الوحيدة الي تقدر تلقى المفتاح . |
اختى الفاضلة ,,,
لو انى متزوج كان قلت ان الكلام اللي فووق كلام زوجتى 100% باختصار زوجك نسخة طبق الاصل من شخصيتي غمووض لابعد حد خصوصية عالية حساس , صامت , يعشق مكانة الخاص واغراضة الخاصة , كسول اعطيك كم مثال عني جوالي مقفل برقم سري رغم انة فاضي ولا فية شي يستحق القفل ولما يطلبة مني اقرب الاشخاص اهل او اصدقاء اقولة سووري فية خصوصيات ( مع انة فاااضي ومافية شي ) المسنجر مافية الا اخواني وكم واحد من الشباب ولايمكن اسمح لاي شخص يفتحة ومستحيل اشغلة بوجود اي شخص جنبي كان من يكون اللاب توب نفس الطريقة وانزعج لو استخدمة شخص ثاني حتى لو كان قربي وامثلة كثيرة في حياه زوجك تطابق حياتي وانصحك بتطبيق كلام الاخت ( طعن قلبي ) كلمة كلمة وحرف حرف لانها اعطتك نبذة عن شخصيتنا واعطتك حلول ناجحة بنسبة كثيرة وصدقيني ناجحة كتطبيق |
أختي لا اعرف ان كان في حياة زوجك امرأة اخرى
أم انك نقلت كل مواقف التى شككتك في زوجك ولـــــــــــــــــــــــــــكن اعتقد ان زوجك يستحق ان تحاولي معه مرة اخرى وكلام الاخت طعن قلبي هو الحل الامثل لمشكلتك |
شوفي مو شرط انه يخونك لانه ما يبيك تقرأين الكلام المكتوب بالماسنجر ومالخ
احياناً هو من كثر الرسميات يظن ادق التفاصيل اشياء خاصه فيه كل شيء خاص فيه يعني ما يبي خليك تعرفين اي شيء عن حياته حتى علاقته الطبيعيه مع اصدقائه ومعارفه وايش يسوي من كثر اهتمامه الكبير بالخصوصية وانت ارجعي البيتك ولا تخلين الشيطان يلعب براسك وتقربي من ربك حسسي انك انت اكبر بكثير من انك تنشغلي بشك والريبة والخوف قولي لي خايفة من ايش ؟؟؟ من طلاق من تشتت عيالك من ايش خايفه وان كان على حقوقك كثير ناس ناقصهم اشياء اساسية من اكل وشرب وامن الدنيا ما تكمل الأحد انا اقترح انك تغيرين اسلوب حياتك بتوبة والاستغفار والجوء إلى الله وإذا حسيتي بأنك متلخبطه ولا عارفه وش تسوين استغفري وصلي كم ركعه لين تهدأ نفسيتك ترى المسلسلات والافلام ومادري مخليتنا نعيش في عالم خيلي وردي لو سألتي اغلب الحريم في الكرة الأرضية بتشتكي لك اشكال وألوان ارجعي البيتك وحسسيه انك مستغنيه عنه بربك وادي واجباته عليك الله يحنن قلبه عليك ويهديه لك وركزي على الاشياء الي عندك يعني اشغلي وقتك بأشياء تنسيك همومك ومشاكلك العبي مع بناتك وحاولو تسون اشياء ممتعه مع بناتك حتى هو لما يشوفكم يحس انكم مبسوطين وتمزحون مع بعض ومستانسين إذا حب يشاركم حلو وإذا ما حب انت استمتعي بوقتك مع بناتك ارسموا مع بعض او هم يقولون لك وش ترسمين وانت ترسمين لهم او اطبخوا شيء لذيذ كيكة ولعبي مع بناتك سوي بحث عن العاب حركية وانبسطي بحياتك وقوي علاقتك مع ربك او قصي لهم قصص وسولفي معهم وامزحي معهم استمتعي بحياتك خل توصله رسالة مثل ما انتى لك عالمك الخاص انا لي عالمي الخاص الي مبسوطة فيه !! وانا ادعوك انك تشاركني في عالمي الخاص خليك قوية وصابره وثقي بالله اذا كنت على حق ربي بينصرك ويعوضك امي عانت من ابوي من سفره في الخارج واهمال لنا ولها لكنها كانت انسانه قلبها طيب قريبه من ربها كنا ننبسط لما ابوي يسافر نروح ونجي وعلاقتنا بامي إلى الآن علاقه قوية حيل وكلنا نحب نجلس معها ونسولف معها والحين ابوي تغير وصار يجلس معنا لكن احنا مالنا خلق له واحس اني ما ابيه يعرف اي شيء عن حياتي بعكس امي امي مثل صديقتي وهي امي وهي اقرب انسانه تفهمني واحبها حيييييييييييييل لانها طيبه وقلبها ابيض وكريمة وصادقة معنا وتحملت كثير من ابوي وفي النهاية صارت هي سيدة بيتها وعيالها دام الرجال محترمك انصحك خليك على عماك وسوي روحك كأنك ما تدرين زي ما سوت امي عشان يحسب لك الف حساب ويتعب وهو يداري على نفسه وانت استغلي الوقت لا تواجهينه إلا لما تكونين قررتي في داخلك انك تتطلقين منه هذي نصيحتي لك المواجهة ما هي من صالحك لانه لو يعترف لك بتكونين خلاص انهنتي ولا عاد يهمه امرك ولو انكر بتشكين فيه قوليله انا صدقتك وارجعي له وشوفي وش بيسوي بجيتك لا تخلين الشيطان يقص عليك كرامه وما كرامه وقت لما تجلسين مطلقة بيتكم وين الكرامه الي بتضل لك ولعيالك |
| الساعة الآن 01:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©