|
زوجي زعلان لانه طلب المجئ..هل اتصل عليه ليأتي ؟
كيفكم والله وزمان عنكم
مثل مو انتوا عارفين انا حاليا امر باختبارات شهريه مهمه والحمدلله درجاتي كلها عاليه انصدمت من زوجي يدق علي انه راح يجي قبل لا اخلص اختباراتي انا رفضت قلت له اصبر خلني اخلص اختباراتي بعدين تعال لانو اذا كان الحبيب موجود بنسى شي اسمه اختبارات والحين هو زعلان مني ياربي مدري متى راح يحس فيني هالرجال ويحس بتعبي واني انا ما اتعب الا عشان هو يتعب ويوفر لي مبلغ دراستي قولوا لي اتصل واقول له تعال ولا اخليه؟؟؟ عفواً تم تعديل العنوان ليتضح المضمون الإشراف |
كلميه صالحيه و خليه يجيك ..
غلطانه طبعا في وحدة تقول لزوجها لا تجي .. وبعدين هو وين وانت وين ؟؟ يعني انت عند اهلك ولا ايش؟؟؟ |
زوجي يشتغل بالدوادمي وانا ادرس بالدمام
وزوجي يجيني اسبوع بالشهر واحاول في هذا الاسبوع اوفر له كل شي محروم منه في الدوادمي بس الحين عندي اختبارات ما اقدر اوفر له اي شي |
يا توته خلي زوجك يجيك .. المسكين صار له شهر ما شافك .. اكيد ما يقدر ينتظر .. واذا ما خليتيه يجيك هو راح يزعل وانت راح تعيشين في قلق لانه زعلان .. هو ما قال لك انه يبغى يجي الا انه فعلا مشتاااق و محتاااج لك .. خليه يجي و ربي يوفقك .. |
اخاف يجي واهمل دراستي
|
اهلا الاخت الكريمة موفقة بأذن الله تعالى فى اختباراتك طيب متى تنتهى من هذه الاختبارات ان شاء الله ، اى باقى كم يوم عليها يعنى اذا كانت لا تزيد عن عشرة ايام اتصلى وقولى له انتظر فقط هذه الايام وبنعوضها بأذن الله لانى نفسى لما اجلس معك لا يشغلنى عنك شىء بأذن الله وقول له ما قولتية هنا ان تعبك هذا من آجل ان ياتى بثمرة لانك تقدرى تعبه من آجل توفير مبلغ الدراسة لك موفقة بأذن الله |
انا اخلص اختباراتي يوم الاثنين ان شاء الله يعني كلها اسبوووووع
وحاولت افهمه هالكلام بس هو زعلان ومايبي يسمعني |
اختي توته .. زوجك اكيد راح يقدر انه عندك اختبارات .. يعني ما راح ياخذ من وقتك كثييير .. لا تخلي زوجك يحس ان الاختبارات اهم منه ... انت الحين مو بنت .. انت متزوجه .. يعني زوجك في المرتبه الاولى و الدراسه في المرتبه الثانيه .. هذه هي المعادله اللي يفهمها زوجك .. |
اكيد انتى وحشتية
لانة عارف ان فى اختبارات عندك ولانك وحشاة مقدرش يصبر اكتر من كدة ولو ماكان مشتاقلك فعلا اوى ماكان طلب انو يجيلك اتصلى بية وخلية يجيلك واضغطى ع نفسك شوية وصالحية بكلمتين حلوين منك |
ليه ماتروحين تعيشين معاه
او هو ينقل الدمام صعب كذا تكونو بعيدين عن بعض |
حبيبتي ... خليه يجي بس بشروط:d :d
يعني مثلا ً يوفر لك وقت تدرسين فيه ... يساعدك في شغل البيت >>> اكبر فائده يذاكر لك ... وقيسي على ذلك .. وبصراحه أنا أشوف ان وجوده عندك راح يخليك تتحمسين وتخلصين مذاكره أسرع من قبل ... الله يوفقكم ... ويجمع بينكم على خير |
طبعا بيزعل الزوج مايبي اي شي يكون اهم منه حتى لو ولده تصدقي انه انا زوجي يغار اني الصبح اقوم مع البنات وانا اصلا الشغاله الي تصحيهم انا بس امشط شعرهم وانزلهم تحت الباص يجي ياخدهم وبعض الاحيان الشغاله تنزل معاهم
اما هو لما اصحيه مايقوم يجنيني لازم اضل جالسه عنده اصحيه على الدوام حتى لوساعتين او تلات ساعات مامشكله نصيحتي اعتذريله وقوليله اصلا انت في اي وقت تعال مافي شي اهم منك |
والله العالم ان دوامه عسكري
يمكن ما يقدر يأخذ إجازة الا هالاسبوع يويلك من ربي أكيد اذا جاء راح يترك تدرسين اعتذري منه وقولي انا مشتاقة لك حيل ومابي اضيع دقيقة من وقتي معاك اذا تقدر تأخر احسن واذا ما تقدر تعال بسرعة مشتاقة لك |
والله اتوقع مو قادر يصبر ولاكان تحمل لين تنتهي الأختبارات
والله حسي فيه لو كان قادر كان ماقال بجي وهو يدري ان عندك اختبارات لكن دقي عليه وخليه يجي وعلميه وحاولي بقدر الامكان التوفيق بين الاختبارات وبين زوجك,,,,, وبالتووووفيق لجميع المتزوجات والمتزوجين |
خلي يجي وحاولي قد ما تقدري توفقي بين اختباراتك وبينة او ادرسي المواد الصعبة من الحين قبل ما يجي واذا جا تكون ما عليك اشياء ثقيلة
|
رضا الزوج مهم ويمكن تنسيق وقتك بين زوجك ومذاكرتك والله يعينك
|
طبعا لازم نحنا اللي نحس فيهم وهم لا
الله يعينك كام مسج حلوين منك خليه يركض ركض وانتي اجتهدي بدروسك قبل ما يوصل |
حبيبتي الله يعينك و يوفقك..
شوقي ياقلبي من راي انك تتصلي فيه و تقولي له تعال مشتاقة لك و انت اهم شي في حياتي .. و من الكلام دا لانه صدقيني ماراح ينساها لك ابدد و مهما عملتي بعدين راح يظل يذكر انك رفضتيه (و فضلتي دراستك عليه ) طبعا ما راح تكوني معاه 24 ساعة ... بس حاولي تنظمي وقتك ... ادري انه وقت امتحانات و صعب عليك التوفيق.. بس على الاقل تحصنيه يعني مافي داعي تكثرين من الدلال و الدلع ... وهو اكيد بيكون يطلع و يسيبك تدرسي استغلي وقت مايكون نايم و ادرسي كمان ... واخير شوفي حبيبتي لو زوجك مو راضي عنك ... صدقيني ماراح يوفقك ربي بامتحاناتك الله يوفقك ياارب |
الصراحه
هو غلطان مليون بالميه ليش يتصل كان سواها لك مفاجأة وجا بدون مايقول لك :d |
| الساعة الآن 05:07 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©