|
ممكن تساعدوني في حساب مصاريف الزواج
السلام عليكم
في البداية هذا البيت اهديه لكل عزوبي :d زهرة شبابك لا انقضت وانت مقرود .. وش فايدة راحتك لا صرت شايب واقول الله لا يبارك في الاسهم ولا في من سهل علينا الدخول فيها وغرر فينا وغشنا :( عمري 29 والحمد الله موظف وجمعت لي مبلغ كويس وكنت ناوي اشتري بيت لكن ضاااااع في الاسهم وفوق كذا تحملت قرض من البنك لمدت 12 سنه < مقهور والحين قررت اني اتزوج ومحتاج تساعدوني في حساب مصاريف الزواج لان مابي اقدم على الخطبه وانا مو جاهز للزواج خصوصا انه مافي احد بيساعدني يعني انا بساعد نفسي في كل المصاريف والمهر وغيره.. السكن راح يكون في بيت الوالد مكون من غرفتين مع دورة مياة -- طبعا راح اجدد الديكور والاثاث في الغرفتين و دورة المياة (اعزكم الله) احتاج اعرف كم المفروض يكون عندي مبلغ عشان اقدر اكمل النقاط من 1 الى 7 1- مهر ( للعوائل المتوسطة المعيشه في الرياض ) 2- ذهب 3- ديكور كااامل و اثاث لغرفة نوم 4- ديكور كااامل واثاث لغرفة جلوس 5- تجديد دورة مياة 6- حفله صغيره عائليه للرجال في البيت 7- سفرة لمدة 5 ايام (دبي او شرم الشيخ ) < ايام العز كان شهر عسل الحين صارت خمسة عسل :d بعد الاسهم واذا في نقاط ومصاريف نسيتها ياليت تذكروني فيها وسامحونااا |
وشلون نعرس ورصيدنا اليوم مفقود .. ... .. ... .. بسبب اسهم رائيسها نمرود خايب
هلا والله والله يعينك على المصاريف ,,, شف يابعدي خلينا نقول المهر حوالي 40,000 الذهب مالي علم فية بس خليه 8,000 وغرف النوم فية من 7,000 الى فوووق خيالك لكن شفت اشياء حلوة بـ 12.000 وكماليات غرفة النوم خليها 2000(( مفارش + سجاد + كراسي + الخ ...) غرفة الجلوس خلها حسب وضعك وافرشها اخر شي احسب تلفزون + دولاب للتلفزون بـ 4000 كنب حوالي 5000 وتقدر تخلية جلسة ارضية وتوفر لحد ما ربك يفرجها حمام وانت بكرامة نوع عن نوع يفرق وبعد الماركة والصناعة تفرق بس خلينا نقول 2000 مع التركيب حفلة الرجال ما تكلفك واجد احسب من ثلاث الي خمس ذبايح واسبوع العسل ياطويل العمر ما اقدر افتيك فية تعرف العزوبية سفراتهم غير عن العائلة كل واحد بقطتة لكن حط ببالك نوع الفندق ووقت السفر واسعار التذكرة وارشح لك مصر واخيرا مبروك مقدما ومنك المال ومنها العيال والبنوتات |
الله يسهل امورك اخي الفاضل
ويعوضك ويرزقك من حيث لاتحتسب بالنسبة للمبلغ اشوف ان 150 الف ريال تكفي ان شاءالله ويمكن تزيد للاشياء اللي وضحتها في النقاط فلنفرض ان المهر والذهب راح يكلفك من 50 الي 60 الف ريال فالباقي لمصروفات تجديد البيت وشراء الاثاث وعمل حفلة الزفاف والسفر علىكرة ماانصحك تسافر شرم الشيخ لانها ماتنفع ابدا كلها ناس عارية ومناظر خلاعية انا رحتها وماعجبتني صراحة وانت عاد رايح شهر عسل وتناوي تجلط العروسة ولا ايه الحكاية :d ودبي عاد راح تكلفك عشان لابد من التسوق وانت ميزانيتك يادوب على التماشي فاانصحك اذا معزم تسافر انك تروح جنوب افريقيا مرة روعه :22: بس صراحة مااعرف كيف اسعارها الان |
الله يعوضك بمالك
ويخلف عليك بالعوض الصالح انا ما عندي فكره بس حبيت ادعي لك |
أسئل الله الكريم أن يوفقك ويفتحلك أبواب رزقه ........
أتوقع في هالغلاء 150 الف ....... انا زوجي كلفته 100..... 30 مهر 10 ذهب 10 سفر 20 ترتيبات للبيت ..... 20 للحفله ........ و10 دعم للميزانيات السابقه اذا نقص شي زاده..... واهم شي ..... تنقيلك بنت الحلال اللي اهلها يخافون ربهم ويسرون للشباب الزواج........ .................................................. ... |
يعني من 130 الف الي 170 الف علي حسب كل شيء تختارة
|
انا للان كلفني الزواج الثاني حوالي ال150 الف
وانا للان لم اكمل اثاث البيت وبالفعل كل شي غالي ونار بس الفرق بيننا اني تركت الاسهم من زمان وريحت قلبي |
(غير مسجل)
مشكور على الرد والله يزوجك كانك عزوبي واذا متزوج الله يوفقك ويسعدك في زواجك روجي فوشي هلا اختي مو كثير 150 الف على زواج بسيط وعااادي؟ اذا ممكن تفصلين لي الـ 150 الف حقت ايش يعني مهر كم وذهب كم ووووالخ green222 مشكور جزاك اله خير على الدعاء *توت* مشكوره على الدعاء والله يسعدك في زواجك وتكاليف زواجكم جدا مناااسبه لميزانيتي بس احذف منها (( 20 للحفله )) مررروة مشكوره على المشاركة مهزوم الله يوفقك في زواجك وييسر لك امرك لكن اشوف انه جدا مكلف اذا 150 الف ياليت تفصل كم المهر والذهب وباقي المصاريف اذا مافيه مضايقه عليك ----- ميزانتي ماتزيد عن 75 الف واذا المبلغ هذا مايكفي لمصاريف الزواج و اكمال النقاط من 1 الى 7 نصبر على العزوبيه لين الله ييسرها |
75 ألف تزوجك نصف مرأة
و النصف الباقي اذا ارتفعت الأسهم بحول الله |
حط املك بالله .. وثق تمام الثقه ماراح يخيب ظنك فيه
انت توكل على الله واقدم .. وراح تشوف بأذن الله كيف ربي ييسرها لك :) بالنسبه لأسألتك ماعندي خلفيه لكن بحاول معك نقول 40 الف مهر 15 للبيت :) والحفله قل بتكلفك عشره وحق السفر راح تقدر تجيبه خلال الاشهر اللي قبل الزواج :)< بالاصح مدري كم يكلف .. على حسب وعليك الحساب ^_^ والف مبروك مقدما بالتوفيق |
حسبنا ميزانية الزواج انا وخطيبي كانت التكلفة 150 ريال سعودي
بدون التعديلات التي تكفل فيها اب خطيبي(عمي) الاسعار في غلاء يااخي هذا 150 واحنا مقتصدين..كيف لو مو مقتصدين؟ وحاليا بدون سفر حتى يفرجها رب العالمين المهر 40 الف ريال سعودي الذهب8 الاف ريال سعودي حفلة النساء للزواج 20 الف ريال سعودي حفلة بسيطة للرجال للزواج 20 الف ريال سعودي 88 الف ريال مستلزمات الخطبة 62 الف تأثيث الشقة.. 20 الف اجهزة كهربائية 10 الاف مطبخ 6 الاف طقم جلوس 18 الف غرفة نوم 8 الاف اكسسوارات للشقة من ابجورات وغيرها.. ربي يسعدك اختك حائزة |
مخي فاصل
ياخي وش ذا التحطيم .. اشوه اني مب صديقك ههههههه يسعدك ربي ياغالي (وردهـ ) شوق والم هلا شوق والله .... المهر اخذ اغلب الميزانية على حسبتك وباقي ذهب ... دمتي بخير حائزة الأمل اهلين اختي حائزة حفلة النساء والرجال جدااا مكلفه ليه 20 الف لكل حفله دمتي بخير ----- انا راح اوزع المبلغ اللي معاي وعطوني رايكم اذا حسابي صحيح او فيه خطاء المبلغ 75 الف نقوول 25 الف مهر << اطلع برااا ههههه ذهب 10 الاف ديكور واثاث غرفة النوم 15 الف ديكور واثاث غرفة الجلوس 10 الاف 2500 تجديد دورة المياة حفله صغيره للرجال 3الاف سفرة خمس ايام 10 الاف المجموووع 75.500 الف ريااال وش رايكم في حسابي صحيح ولا انا مسهل الامور خاصه المهر مادري في احد يقبل فيه الحين ولا بيقولون جاي تستهبل انت :d |
احس انك مسهل الامور .. انت ماحسبت الاجهزة الكهربائيه ولا التكييف ولا المواعين ..؟؟
طيب ليش ماتقدم على القرض اللي تعطيه الدوله للمقبلين على الزواج وقيمته 40 الف اذا ماني غلطانه .. احس انه راح يساعدك وتدبر امورك وانت مرتاح |
صراحة عندكم غلااااااا .. الله يعين العزاب
و بعدين تقولوا ارتفعت نسبة العنوسة !!! الا اكيييييييد تعال اتزوج من عندنا :) جرت العادة العريس عليه الذهب و مبلغ 5000 جنيه (استرليني ) يعطيها لاهل العروس وهم يسووون كل شي من و الى |(مهر و جهازها و الحفلة و كل شي) ادري اني مافدتك بشي ... بس حبيت ابدي استغرابي من الغلاء و اقول لكل عضوة و عضو لو جاكم من ترضون دينه فزوجوه اليوم انتو مطلوبين للزواج .. بكرة بتكونو الطالبين و تنحطوا بنفس الموقف مااقدر اساعدك اخي الكريم بالحسابات ..ربي يرزقك و كل عازب الزوجة الصالحة الودود الولود .. التي تسرك اذا نظرت اليها و تحفظك في نفسها و مالك اللهم وفق اخانا للخير و اكتب له الرزق الوفير ... |
اقتباس:
بالتوفيق |
يعنى بدون حفله حريم بتتزوج؟؟
3 الاف للعشاء شوي .. وماحسبت الي بيجيك من اهلك واقاربك واصدقائك ولاماعندكم هالسوالف (الرفد) 25 الف مهر تراها تمام اعرف بنات من عوائل كبيره مهورهم 20 الف والذهب من ضمنها عسى ربي ييسر امرك ويرزقك ببنت الحلال |
اقتباس:
والله انا كنت راح احسبها نفس هذة الحسبة سبحان الله:d المهم حسبتك صح 100% والذهب طقم واحد مع الدبل تلاقي بحدود 5 الى 7 الاف غرفة النوم مع الجلوس اشتري شي متوسط 20 الف بس احسب حفلة صغيرة للنساء 5 الاف والباقي حسبتك :22::22: ومدامك ناوي الستر والعفاف والله ربنا راح يساعدك والله يسهلك ولا تنسى تعزمنا والف الف مبروك مقدما:14: ارجو عدم تخصيص بلدان معينه |
يا فهد هذا ردي عليك دنياك ملحوقن بها قل مطرود ... و مقسمة بين السعد و النوايب وش رااااااااايك ؟؟ عزيزي فهيدان :29: مسألة المهور تختلف من عائلة لعائلة و من بيت لبيت يعتمد على تفكير أبو البنت و أمها ، إذا كانوا أجاويد و يدورون ما عند الله و الستر على بنتهم ما يأخذون منك إلا شئ بسيط . أعرف لك و احد أعطى حرمته مهر 25 ألف قام أبوها خذ 5 آلاف للبنت و رد الباقي عليه قال رح زين به بيتك و انتبه من الي يقولون أنا نشتري الرجال و لاناب مختلفين ثم إذا جاء الصدق علقوك مع ..... خلصنا من المهر ............نجي للسفره تقدر توفر يالحبيب إلى 50% إذا حجزت التذاكر و الفندق بدري حاول يكون الحجز قبل 6 شهور ________________________________ و تذكر ياحلو حديث رسول الله صلى الله عليه وسلم : ( ثلاثة حق على الله عونهم: المجاهد في سبيل الله، والمكاتب الذي يريد الأداء، والناكح الذي يريد العفاف). رواه الترمذي وقال هذا حديث حسن وفقك الله لكل خير |
سلاماً من الله عليكم سابقاً كنت أتفاجأ من نسبة العنوسة لديكم، أما الآن فلقد عرفت بل واقتنعت بالسبب.. سؤالي : لم كل هذا السرف؟ ألم يورد لديكم مبدأ القنــــــاعة زواجي : الفستان + المهر = 20000 ريال = 2000 دينار . القاعة + العشاء للنساء + العشاء للرجال =35000 ريال = 3500 دينار. الذهب = 10000 ريال = 1000 دينار. تأثيث الشقة = 30000 ريال = 3000 دينار. السفر = 15000 ريال = 1500 دينار. المجموع =110,000 ريال = 11,000 دينار ، وقد يكون أقل أيضاً. والله ولي التوفيق تحياتي ضيآء القرآن |
وكمان لاتشيل هم فلوس السفر
لانة بعد الزواج تجي الغنيمة فلوس من الاهل والاصحاب وتقدر تسافر فيها واعمل حسابك 10 الاف اجهزة كهربائية تلاجة غاز تلفزيون غساله مكيفات فرن |
الله يوفقك ببنت الحلال وحاول تبحث عن عمل يساند عملك والله يعينك
|
امممممممم في زواج اخوي المهر 30 الف ريال سعودي الشبكة 2000 وشوي:22: << هو اللي حدد المبلغ :d غرفة النوم 6000 تقريبا .. ديكور الصاله تقريبا 8000 ويمكن اقل .. الاجهزة من ثلاجة و فرن عادي وفرن مايكرويف وغسالة و تي في هديه من والد العروس :17: و العزومه حفله كبيره كلفته تقريبا 20 الف لو بتعلمها حفله صغيره راح تكلفك 10 الاف ممكن اقل وممكن اكثر ماسافر شهر العسل بسبب دوامه شفتات خخ وبس و ربي يسهلها عليك :d |
:rolleyes:
اقتباس:
السلام عليكم .. والله يا اخوي خنقتني العبره وبغيت اصيح المهم لازم تحدد انت من وين .. يعني الغالب ان اهل نجد لازم يساعدون العريس .. اللي يساعد بفلوس و اللي باجهزه كهربائيه .. وام العريس وابوه يساعدون في الذهب والشبكه .. وبالنسبه لحفلة الزواج اللي اعرفه انها على اهل البنت .. اما عزيمه الرجال اللي بعد العرس ( النسبه ) على قولة اهل الرياض .. هذي عليك واكيد بتجيك ذبايح من الاقارب .. نجي للمصاريف .. - مهر ( للعوائل المتوسطة المعيشه في الرياض ) المتوسطه يعني من 30 الى 40 الف 2- ذهب على حسب فيه اطقم تجي معها الدبله هديه .. وانت خذ على قد فلوسك الحين يعني يمكن الشبكه مع طقم الزواج 15 الف 3- ديكور كااامل و اثاث لغرفة نوم يعني 5 او 6 الاف من النوع المتوسط 4- ديكور كااامل واثاث لغرفة جلوس يمديك تضبطها ب 4 الاف 5- تجديد دورة مياة 2000 ريال .. الحين رخصت الحمامات و انت بكرامه 6- حفله صغيره عائليه للرجال في البيت هذي عاد ماعندي خبره ... الحين الذبايح غاليه .. 7- سفرة لمدة 5 ايام .. اذا بقي معك شي سافر ماليزيا دايم عليها عروض حلوه .. او مصر زي ما قلت .. بس خليها على القاهره ارخص من شرم ... وان شاء الله نسمع عن خبر زواجك عن قريب وبالتوفيق .. |
الله ييسر لك ويوسع عليك يارب
يعني ما تقدر تبحبح الميزانية حبتين :d هي ممكن تكفي وان شاء الله ربي بيساعدك بالنسبة للمهور على قولة دلوعة السعودية تعال خذ من عندنا مهورنا مو غالية فيه اللي مهرها 10 آلاف ، وأقصى مهر عندنا 30 _ 35 ألف ريال والذهب بكفيك 10 آلاف ، نقول طقم للشبكة وطقم للزواج ودبلتين لك ولها باذن الله تكفي خذ شي بسيط وناعم اما غرفة النوم فيه غرف بـ 5 آلاف حلوة وماتعطيها هذا الثمن بس الشطارة انك تدور بالمكان المناسب غرفة الجلوس مو مشكلة فيه كنب بالفين ريال ماتعطيه حقه ، بس كمان لاتنسى التلفزيون والكمبيوتر يمكن يكلفك كمان الفين يعني نقول 5 آلاف ريال لو انك بجدة كان دليتك بس الرياض للاسف ما اعرف فيها شي اما تجديد البيت وتصليحه هذا شغل الرجال المعذرة مالي علم فيه اما حفلة الزواج فلازم منها يعني تبغى تعمل حفلة بس للرجال ؟ والحريم لا ؟ ايش ذنبها البنت ماتسوي لها حفلة؟ جات عالحفلة هي اللي بتخرب الميزانية ؟ حتى لو استراحة بسيطة ايجارها 1500 ريال وذبايح العشاء ، والباقي الكوشة والزفة عالعروسة بس حرام لاتحرمها فرحة ليلة عمرها فيه مواعين المطبخ والاجهزة الكهربائية والثلاجة والغسالة والفرن والمكيفات و ... الخ هذه انت ما حسبتها مدري احد بيساعدك فيها ولا سقطت سهواً ؟ لازم تاخذها بعين الاعتبار اما السفر روح لشركات السياحة يضبطولك برنامج حسب ميزانيتك شرم حلوة بس فيها اجانب كثيييير وعاد انت ماتعرف عروستك غيووورة ولا عادي عندها فيه بنات استحالة يروحوا هذه الاماكن ماليزيا بصراحة للعرسان وبس تكلفتها متوسطة وسفرة عمر ماتتنسى الله ييسر لك ويبارك لك ويسعدك ويهنيك |
توكل على الله وان شاء الله تكفى
|
ويييييييييييينك يا فهد خفت من الزوااااااااج تراه بيجيك تالي الليل و يأكلك ههههههههههه ___________________________ ما أدري ليش أحس أني متعاطف معك ما أدري ؟؟؟ يمكن عشان لعبوا عليك في الاسهم و كلت خاااااابور و يمكن عشان اسمك فهد ( مثل صديق الطفولة فهد ) وييييييييييينك لا تخاف |
1.مهر= 40ألف
2.ذهب=10آلاف 3.أثاث الشقة كاملا=25 ألف وإذا ماعند شقة أضف إليها إيجار أول سنة=30ألف 4.حفلة النساء والرجال مجتمعة=50ألف 5.السفر=على حسب لكن دعنا نفترض أنك لن تسافر 155ألف بدون سفر= ريح دماغك وخليها بجيبتك |
موجود ومالي خلق
وجعلنا ما تزوجنا دام هذي المصاريف خلها تكثر العنوسه ويكثرون العزوبيه والدوله تنبسط فينا شعب العزوبيه شكرا لكل من رد علىى الموضوع وساامحوونااا |
أخي الكريم .. التقسيم الذي قمت به أنت شخصيا في نهاية المشاركة رقم 12.. أراه تقسيما منطقيا و مقبولا..
توكل على الله و اشرع في البحث عمن تقبل بك و بهذا التقسيم.. أتمنى لك التوفيق.. سلام |
السلام عليكم ورحمة الله وبركاته
هلا اخوي فهد كيف حالك عل حالك تمام لو رجعت كم صفحه لورى في هالقسم شفت موضوعي اني قاعد اشتكي من مصاريف الزواج قبل ما ابدى فيها والحمد لله باقي على زواجي اقل من شهر والى الآن الامور تمام الحمد لله مع اني نفضت كل القرض الي اخذته وكان سبعين الف ومعي ثلاثين من اول كل شي الآن خلصته الحمد لله وباقي معي عشره وتارك خمسه على جنب لاسبوع بعد الزواج لسفره داخل المملكة وان قدر الله واحتجت هالخمس الاف راح اكنسل السفره الداخليه انت توكل على الله وانا اخوك وربك يعين ونصيحه لاتختلق اعذار عشان تتهرب من الزواج منتب احسن من الي قبلك الكل خسر فلوس هذي الحياة لابد من الخساره والحين العوايل مايشترطون مهر الي تدفعه يقبلون فيه انا ما عطيتهم مهر الا 25 ورضوا فيها لان كل شي علي وانا اشوف انك احسن من وضعي مدام بتسكن مع اهلك يعني مافي ايجار احمد ربك 1- مهر ( للعوائل المتوسطة المعيشه في الرياض ) كلنا عوايل متوسطه المعيشه اذا كان كل شي عليك لاتعطيهم اكثر من ثلاثين الف وماجاك عندي 2- ذهب شبكه من ثلاثه الى خمسه وذهب الصباحيه كلف علي 12 الف شريته وقت الرخص يعني احسب حسابك على 17 شبكه مع حق الصباحيه تعتبر معقوله3- ديكور كااامل و اثاث لغرفة نوم 4- ديكور كااامل واثاث لغرفة جلوس 5- تجديد دورة مياة خسرت على الاثاث 25 الف وطلعت تمام ترى مو شرط الغالي زين اذا عندك ذوق بيطلع الرخيص او الوسط حلو6- حفله صغيره عائليه للرجال في البيت 7- سفرة لمدة 5 ايام (دبي او شرم الشيخ ) < ايام العز كان شهر عسل الحين صارت خمسة عسل بعد الاسهم اقول حط عرس في استراحه وكنسل السفره للخارج معليش مهوب الوناسه برى بس في هالاسبوع روح اربع ايام لجده اذا انت من الوسطى والشرقيه وانت بتستانس اكيد انا استأجرت استراحه نظام قاعات بـ 8 الاف مع العشاء والبوفيه والذبايح كل شي وصل 16 الف الله يوفقنا وياك |
موجود ومالي خلق
وجعلنا ما تزوجنا دام هذي المصاريف خلها تكثر العنوسه ويكثرون العزوبيه والدوله تنبسط فينا شعب العزوبيه ياعبدي اسعى وانااسعى معاك ،، قبل لا تشتكي وتتسخط اسعى حاول طق باب هذا وذاك باعتقادي ان بعض الاسر تبحث عن الستر وليس عن المهر والشبكه والطلبات اللامتناهيه ،، اخيراً كان الله في عونك اخي ووفقك اين ماكنت . |
ماشاء الله مواهب الشباب بالشعر .. والمحاورة ..:d
فهد ,,, يابعد حي ... تعال ,,, لاتزعل ..:29: والله قروشك 100% ياخوي كافية وزيادة .. مهرك مزبوط 25000+10000ذهب = 350000 وهوالمتعارف عليه لاهو بالقليل ولا بالكثير .. ياخوي الكنبات روح جدة والله أنك بتحتار من كثرها ورخيصة .. في سوق محمود سعيد .. والشحن للرياض ب200 ريال .. غرف النوم ياحبيبي .. انا وكثير من الزملاء اخذنا غرف نوم على 10قطع و11 قطعة .. ماتتجاوز 5500الى 6000 :17: دورة المياه ..تجديدها من كيشاني وخلافه وووو ماتزيد عن 2000 الى 2500 يافهد توكل على الله .. وبعدين احد الاخوات ذكرت ليش ماتقدم على قرض الزواج من بنك التسليف .. شباب متزوجين وقدموا عليه .. تاخذ 40000الى 45000وتسددها اقساط الله واعلم 400ريال او600 وفقك الله ياشنب:18::18: |
| الساعة الآن 05:08 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©