|
مقهورة منه زوجي هو المتكفل بأهله في كل شئ
السلام عليكم
من العنوان واضح اني مقهوووووووووورة وبطق من زوجي بقولكم نبذه بسيطه وبادخل في المشكله زوجي هو الوسط بين ثلاث اولاد ابوهم متوفي الكبير في حوالي 34 ناسي اهله ومو داري عنهم عايش حياته وغاسل يده منهم الصغير 27 ناسي الدنيا ياكل وينام ويروح داوامه وبس وزوجي 29 سنه هو المهتم في اهله في كل شئ وانا طبعا مو هذا اعتراضي بالعكس حلو ودايما احثه واساعده على هذا الشئ وين المشكله عندهم محل وفيه مشكله مع البلديه وما في غير زوجي الي قايم بالموضوع ودايما اقوله خلي اخوانك يساعدونك كلمهم اجبرهم اضغط عليهم وما في فايده يقولي الي ما يحس من نفسه مو لازم اقوله امس اول ما جاء من الدوام حطيت الغداء وقلتله اليوم نفسي اخرج حاسه اني بطق من زمااااااااااااااااااااااااان ما خرجت اي مكان ما رد عليه انا قلت اقوله بدري عشان يرتب نفسه ونام وصحي وجالس تلفونات لفلان وعلان على حكاية المحل ويكتب معروض لمدري مين انا عصبت قلتله اخوانك الباقين مرتاحين انت تتعب وهم ياخذون الفلوس بارده مبرده ليه ما خرجتني واي واحد فيهم يتكفل بالي انت قاعد تسويه ذحين انا خاصمت عليه وعلى اخوانه عديمي الاحساس وهو خرج من الغرفه وسابني مو يحقلي ازعل دائما اموري ملخبطه لان كل شي على راسه وراسي انا كمان اش رااااااااااااااااايكم ؟؟؟؟؟؟؟؟؟؟؟؟؟ عفواً تم تعديل العنوان ليتضح المضمون الإشراف |
نعم يا أختي من حقكِ أن تشعري بالضيق دون شك.
ولكن.. زوجكِ قال: (الي ما يحس من نفسه مو لازم اقوله) وهي كلمة حق يجب ألا تغفليها. ستقولين: يعني هم مرتاحين وهو اللي يتعب!!! طيب وإذا ارتاح هو أيضاً فما مصير الأعمال التي يتولاها؟؟!!!! يعني ما مصير المحل؟؟ .. وكيف ستنتهي المشكلة مع البلدية؟؟؟ زوجكِ يا عزيزتي يشعر بالمسؤولية ... وهذا أمر محمود دون شك وأفترض أنكِ يجب أن تعينيه عليه .. خاصةً إن لم يؤثر على أموركما الحياتية (الأساسية) .... أما مسالة الخروج وتغيير الجو فلا ضير من تأجيلها قليلاً. |
اقتباس:
صح لسانك اختي مهره .. |
من حقج تتضايقين حبوووبة , ,
انتي قلتي الي في خاطرج , بس الحين خلاص لا تضغطين عليه لأن اهو بعد اكيد مو عاجبه الوضع ومتضايق فلا تزيديها عليه اهو يدري انج على صواب عشان جذي ما عصب عليج واكتفى بالسكوت .. حبيبتي زوجج مو ذنبه إن اخوانه كسااالة ولا يفتكرون بأحد ... زين إن زوجج طلع فيه خير .. |
الله يعينك حبيبتي ..
بس اذا جى الجد زوجك صادق .. يعني لاتضغطين عليه زي ما لك حق اهله بعد لهم حق .. وانتي حاولي تطلعين مع السواق او مع اخواتك .. واكيد بيجي يوم ويطلعك من نفسه.. |
الله يعينك
بس المهم هل في تقدير من اهلة؟؟؟؟؟؟؟؟؟؟؟؟ ولازم تجلسي معاة بهدوء تبيني فية حقوقك |
الأخوة كفو و وفوا .. لا تضغطي عليه و مافيها شئ تصبري لحد ما تنحل مشكلة البلدية
خليك عون له مو عليه |
وعليكم السلام ورحمة الله
أختي الكريمة فـي مثل هذه الحالات عندما يكـون الزوج في موضع المسؤولية فهو يحتاج للدعـم والتشجيع والثناء والثقة على ما يقـوم به ، ألا أن تتم مواجهته بما فـعلت معه فأنت ضيقت عليه . أختي الكريمة زوجـك في هذا الظرف يحتاج للتأييد فهذا من مصلحته ومصلحتك أنت ... فهو إن وجد زوجة مشجعة واثقة ومفتخرة بما يقوم به ، سيبذل وسعه لإيجاد حلـول، والاهم ليرد الجميل لزوجته ؛ كل هذا يحدث تلقائياً وبعفوية ... أتمنى أن تدركـي ذلك ... ومن حقـوقك أختي أن تـُلبى طلباتك ؛ لكن ليس بهذا الأسلوب ستحصلين على حقك بل سيخلف وراءها نتائج ؛ الله أعلم بها ... أخوك عزوبي:21: بس:d رجل:30: دمتم بحفظ الرحمن |
مشكوررررررررين جميعا على الردود والنصائح
وانا عارفه كلامك كله وفاهمته بس دائما كذا تجي على راسه هو لمتى يعني ؟ ليش ما يجلس مع اخوانه ويفهمهم ينصحهم هذولا اهلهم يساعدونه مو كل شي على راسه لان هو صار مضغوط على طول وهذا ياثر على حياتنا واشكركم مره ثانيه |
الله يعينه
ما يدري يلقاها من أخوانه وإلا منك إيش الحل برأيك ؟ يخلي حلال أهله يضيع علشان أخوانه رفضوا مساعدته وعلشان يطلعك تتمشين وتتفسحين بجد الله يعينه عليك قبل ما يعينه على اخوانه لأنك بوجهه على طول وكل ما شفتيه جاي تعبان قمتي تحنين عليه إنت تعمل لاهلك وأخوانك نايمين إنت تتعب نفسك والفايدة لغيرك المفروض تقولين له حبيبي والله أنا عارفه إنك تعبان لكن الأجر ما راح تاخذه من الناس راح تأخذه من الله . ولمعلوماتك الشخص اللي مثل زوجك كنز لأنه انسان يشعر بالمسؤلية |
اقتباس:
|
عزيزتي .. زوجك عملة نادرة في هذا الزمان واللي ماله خير في اهله ماله خير في غيرهم
عليك انت انك تسانديه وتساعديه وتوقفي معاه وتصبري وتتحملي لان الاجر ماهو من الناس لا من رب العالمين وانت اذا وقفتي معااااه هو ما راح ينسى معروفك هذا ابدا عزيزتي الفسح والخروج وغيره كماليات وليست اساسيات فكوني نعم الزوجة لزوجك ولا تضعطي عليه اكثر والله انا اعرف زوجة مسؤولية اهل زوجها واخوانه واخواته المتزوجين وغيرهم وهمومهم ومشاكلهم كلها على راسه هو لا وازيدك من الشعر بيت حتى اخوانها هي مالهم احد الا زوجها هو حلال المشاكل حقتهم وفي الاخر هو ينضغط ويرجع بيته احيانا ينزل حره على زوجته انت وانت وانت وهي ما بيدها شي والله انه حالك اهون بكثير من حالها فاحمدي الله على كده واللي يشوف مصيبة غيره تهون عليه مصيبته |
طيب يا اختي خليك مكانه وش بتسوين؟
واللي ماله خير في اهله ماله خير في احد معك حق تتضايقين بس مولهدرجه راحة الزوجه من راحة زوجها انا بكلمك عن تجربه شخصيه انا لي ظرف صحي ولكن دايم الخميس او الجمعه يكلفني ابوي اجيب وايت مويه وسكان جده كلهم عارفين مشكلة الوايتات وتمسكين سرا وممنوع الاجنبي يعطوه لازم سعودي علشان كذا لازم انا اروح مو السواق وابوي يكلفني لان انا الوحيد اللي مالي اطفال ولا مسؤوليه والخميس والجمعه اجازه واضطر اروح والله احيان السرا يستمر لسبع ساعات واسالي اهل جده وتحت الشمس بس لمن اوصل لبيت الوالد ويدعيلي ولا يعطيني قارورة مويه احس اني ملكت الكون احيان تعب الاهل يكون راحه00 الله يوفقكم يا اختي |
زوجك رجل ونعم الرجال
الله يخليكم لبعض |
معك حق تزعلي لو حتفكري بنظرة دنيوية بالموضوع
شي بقهر لكن لو حترجعي تفكري من نظرة دينية انو هادا بر والدين وبكرة بدخل الجنة إن شاء الله بسبب بره واحسانه ومعاملته الجيدة مع اهله واخوته غلطانين بس زوجك شو حيعمل يجرهم غصب عنهم بيجي يوم يعرفو انو فاتهم خير كتير لانهم مااستغلو فرصة البر بالاب والام هادا اجرو عظيم جدا وثوابه عند الله واكيد اهل زوجك راضيين عن زوجك بشكل اكبر من رضاهم على اولادهم التانيين ورضا الله من رضا الوالدين فماتزعلي كتير وافرحي انو زوجك حساس وعندو مشاعر غير متبلدة وبحرص عرضا اهله |
اخ حسام اش دراك انه انا كل ما اقابله اقوله هذا الكلام
لا يكون عايش معانا وانا ما ادري اعرف انا اش ابغى في الاول بعدين تعال رد |
يا جماعه كلامك كله علىعيني وراسي وعادي ما صار شئ انه انا ما خرجت مو اول مره ولا اخر مره
بس لمتى الوضع بيستمر كذا اخوانه ماهم دارين عن اهله انا متضايقه من انه ليش ما يكلمهم ويعيد ويزيد مليون مره تخيلوا جالوا انتداب شغل برى منطقتنا او اي ظرف لا قدر الله والله والله كنا متنومين بولدي مسويله عمليه والبيت خلصت المويه ما راح احد يجيب وايت الا لمن خرجنا من المستشفى وزوجي اتصرف من جد غبااااااااااااء |
عزيزتي
اشعر ما تشعرين به لان وضعي يشبه وضعك ....وضعي اصعب من وضعك بكثير لكن ما الحل .... دائما اطلب من الله ان يمدني بالصبر وطولة البال عمري ما بينت لزوجي اني متضايقة من المسؤولية ..لان اغلب المسؤولية علي الناس يقولون لي كيف مستحملة ...لكن ما في حل و اقول ...اشوف المردود من الله في عيالي وصحتي واجري على الله طولي بالك عزيزتي وعيني زوجك ..ما في شي يضيع عند رب العالمين وبقاء الحال من المحال |
مشكورة الاخت فافي احلى رد احسه دخل قلبي
مشكووووووووورة والله يرزقنا الصبر يا رب |
اقتباس:
الظاهر إنك تكتبين شيء ما تدرين عنه اقتباس:
|
اول ماتزوجت كنت مثلك انقهر من اخوانه في نفسي
لكن لمن كبروا عيالي الحين ماشاء الله واشوف البر منهم لي ولابوهم انبسط وينفرج قلبي واتذكر انه كما تدين تدان وكلها فتره بسيطه وتعدي |
صادقه ام خالد الله يرزقنا برهم
|
والاخ حسام
انت تقول الله يعينه عليك كل ما شفيه جاي تعبان فتحتي معاه الموضوع لا تتهمني بشي ما سويته واذا انت مو فاهم الموضوع قلتلك لا ترد |
و لا يهمك
تراه هو الغلطان وأنتي دائما الصح وأنصحك تخربين علاقته بأخوانه وأهله علشان يتفرغ لك بالتوفيق إنشاء الله |
أختي
الله يهدي بالكم أنظري للناحية الإيجابية أكيد في أوقات كثير زوجك قاعد معك و يلبي طلبات البيت في وقتها و الشي الثاني انه بار بهم هذان شيئان ضعيهما كالبلسم على قلبك دوما رددي و من قلب الله يعطيك العافية تآمرني على شي انت تعبت كثير اليوم صدقيني مصيرها المشاكل تخلص و مصيرها مشاكل المحل و البلدية راح تروح و الحياة مد و جزر إذا لم يظهر صبرك لزوجك في هذه الأيام الله يحفظ والدته له فمتى سيظهر و متى سيتذكر منك الموقف الصح و ضعي نفسك مكانه لو كانت أمك محتاجة و أخوتك مطنشين رعايتها و لا في بالهم هل ستقدرين لزوجك وقفته معك و حثك على البر بها و لو على حساب نفسك ترى الدنيا دوارة و بكرا تشوفين نتيجة بره بأهله ينعكس على بيتك بأحسن صورة تحياتي ام فاطمة |
أختي الكريمة ..
زوجك يستاهل بوسة على راسه .. صحيح انه مقصر بس ان شاء الله يعوضك .. معدنه اصلي .. وفقكم الله .. |
الاخت فونه :
صدقيني زوجك مسكين، وضعه مثل وضعي، انا احاول ارضي اهلي وارضي زوجتي، وااوفق بينهم، وبرغم ذلك من الطرفين مأكول مذموم، انصحك كوني مع زوجك، فتأكدي انه ماوده ينشغل باحد ولا يقعد يطارد احد، وده يعيش حياته حر ومبسوط وثري، بس العائلة لها قيودها اللي ماتقدر تتخلص منها، واذا تخلصت منها اصبحت بلا عائله، والاهم وصدقيني في هذي اذا تخلى عن اهله سيتخلى عنك اليوم او بعد يوم. فكري بعقلك، وقفي مع زوجك في الخير بدعمه والشر بنصحه، واتركيك من الفلوس والكلام الفاضي، انا لاحظت ان في كلامك واسمحيلي ان علاقتك باهله مو تمام، او انك ماتحبينهم ولا يحبونك، لكن هذولي اهله |
بالعكس انا علاقتي مع اهله تماااااااااااام التمام
واكثر وحده من حريم اولادهم الي يحبوني واحبهم وما في اي كلافه بيننا بس انا حزنانه عليه وعلى نفسي لمتى ما في احد بيساعده بس لا اكثر ولا اقل وانتوا كلكم اتهجمتوا عليه |
انا مالومك ياختي بس الي مافيه خير لااهله مافي خير لبيته وزوجته وعياله واذا شفتيه مقصر معك حاولي بطريقه انه يرد اعتبارك وجودك بحياته وزوجك كنز اذا كان مايقصر عليك احسدك عليه الله يوفقكم ويريح بالك ويسخره لك مو حس
|
ماشاء الله ونعم الرجل
اختي المفروض انك تفرحين بزوجك وتساندينه وصدقيني الامور بتتحسن من نفسها لاتكبرين الموضوع قريبا راح يكون لك لوحدك ووقتها بتكونين كسبتي زوج يعتمد عليه وكل زوجه تتمنى انه يكون زوجها الله يخليكم لبعض بس المهم وش صار على المحل؟ |
ما نحلت مشكلة المحل بالعكس اتقدت مليون مره
الله يعينه ان شاء الله |
والله من جد اذا انتي سوف تزعلي لأن زوجك لم يخرجك لتنزه
والسبب انه مشغول في اعمال تهمه وتهم اهله فأنتي مخطئه ولا اوافقك على زعلك فالمفروض منك اعانة زوجك لا زيادة احماله احمال اخرى فالزوجه العاقله هي من تسانده في هذه الامور ولاتزعل من زوجها لأتفه الاسباب بل تسانده وتخفف عنه تعبه فأتمنى منكي ان تعودي لرشدك وان تحسي بمسؤليات زوجك التي على عاتقه وتعينيه فيها وتقبلووووووووووو خالص شكررري |
ياناس افهموا تعبت وانا اقول
انا مو كل زعلي انه ما خرجني انا زعلانه عليه هو ان ما في احد بيساعده هو هذا كل الموضووووووووووووووع والله هو كذا فقط لا غير |
اختي وهل يجب عليكي ان تفرضي على اخوته ان يساعدوه؟؟
ومادام هو راضي بالوضع ومتحمل للمسؤليه فهذا يكفي اما انك في لحضة تعيدي عليه نفس الموضوع فسوف يمل منك وتقبلي شكررري |
اقتباس:
فالنصيحة لا تكونين سبب لفرقة الاخوان وداعة الله |
هو دايما بيشتكي منهم
وانهم ما بيقدرون داائما يقول هذا الكلام ليه ولهم ولامه انا ما اتكلمت من فراغ ولا اتمنالهم الا كل خير بس انتوا تتكلمون على اني انسانه شرانيه |
هذا نسخة من زوجي الحمد لله رضي والدين
اتركيه في حاله احسن شي و اللي تعمليه تلاقيه ان شاء الله حطي نفسك مكان امه و اتخيلي بعد عمر طويل اولادك تركوكي و واحد منهم فيه الخير و الحمد لله مو تحمدي ربك و تفرحي بيه ؟؟ خليه يعمل اللي يريحه و تصديكي له بس حيعمل مشاكل بينكم و ما حيغير شي فاحسن شي طالبي بحقك و ان وصلك خلاص مالك بالباقي فين يروح اهم شي تطنشييييييييييه |
أختي الكريمة بارك الله فـيـك نشعـر بما تشعرين به وهـو خـوفـك وقـلـقـك وضجرك بأن يـصـير اهتمام زوجك بك يكون بالدرجـة الثانية بعد التزاماته المالية ، وهـذا من طبع كل زوجة تريد أن تـكون هـي محـور اهتمام زوجها على كل عمل أو هـواية ، ومع ذلك أختي الكريمة ما هكذا تـورد الإبـل .. أختي الكريمة هل باستمرارك بالتشكي وعدم إنصاتك لمن حولك ؛ ستحل المشكلة أو أن يـكون لك ما تريدين ، أختي الكريمة زوجـك يحتاج منك للدعم والتأييد على ما يفعل وما هو مقدم عليه. يحتاج 00 منك الدعاء في غيابـه ، والدعاء له أمامه بالتوفيق والنجاح ، يحتاج 00 الثقة به وأن ما يقوم هـو رجـولة وقدرة على تحمل المسؤولية يحتاج 00 أن تخبريه أنك سعيد وممتنه لله بزوج مثلك ورجل يتحمل مسؤولية أهـله؛ وأنه لن ينسياني وسيكون بجانبي كـل حين ، لأن من حاله كزوجك ؛ فلن ينساني .... يحتاج 00 وهـو يهد تعب جسده على السرير ، لـيد ٍ حانية ، تقدر تعبه بكل عبارات التقدير والإمتنان والفخر ، يحتاج ويحتاج ، ،،،،،، الزوج الكريم - كمثل زوجك - الذي يجد من زوجته كل هذا، لا بد أن يرجع لها ولابد أن يكرم ويعطي لمن قـدره وأعطاه التقدير .. فهذه قـواعد اللعبة و التي لا تــطبقها فلن تجد ما تريد ..؟!!! الكـلام مـوجـه لك أختي ولكل زوجـة .... أسأل الله لك التوفيق ولزوجك أخوك عزوبي:21: بس:d رجل:30: دمتم بحفظ الرحمن |
| الساعة الآن 11:18 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©