|
عمتي تقول عني اني مقصره مع زوجي
انتو عارفين بظروفي كلها
واستحملوني بلليييييز لاني ما احب اطلع اللي في قلبي لاحد غيركم والله اني فشلانه من كثر ما استشيركم زوجي جاي من السفر وكنت مجهزة الغرفه واللبس والشغلات اللي انتو عارفينها من عشا لميوزك هاديه بعد يوم من وصوله طلع مع الشباب وجت عمتي وقالت لي ليش طلع زوجك قلت لها طالع عند الشباب عشان اذاكر قالت لي انتي ماتهتمي بنفسك عشان كذا يطلع ما يبي يجلس عندك سكتت خلصت مذاكره وباقي يمكن صفحتين وبعد كذا اراجع قمت وتعدلت وكشخت وارسلت رساله لزوجي اني محتاجته جى على باله انو صاير شي واول ماشافني اول سؤال سئلني خلصتي مذاكره قلت له باقي صفحتين وعصب علي مررررره قال لي انا ما ابيك تكشخين لي ابيك تهتمي في دراستك ابي يكون لك مستقبل كبير وماتحتاجي لاحد وزعل مني انا غسلت الكياج اللي بوجهي وجلست قريبه منهوقلت له انت طلعت عشان انا ما اكشخ لك قال لي من قال هالكلام التافهه انا طلعت عشان تذاكري وتركزي بعيد عني يوم ثاني هم طلع زوجي عشان اذاكر وقالت لي عمتي ماتتوبي انتبهي لازم تكشخين الدراسه لاحقه عليها اقول لزوجي ابقى جنبي وانا اذاكر قال لي ماتركزي وعمتي تقول لي اخذ دراستك حجه عشان يهرب نت البيت وش الحل؟؟؟ |
,
, يعني يا أختي المسألة بسيطة لكل بيت أسرار ولايعرف السر إلا أصحابه فأنت أعلم بسبب خروج زوجك وبسبب كل شي يفعله زوجك أنا أرى أن تلقي بكلام عمتك عرض الحائط وتنتبهي من سماع كلام فلانه وعلانه لأن خراب البيوت بدايته بتدخل الغير في أمور الحياة بين الزوجين , , |
اكيد زوجك هو ادرى الناس بظروفك ..
لا تسمعي لكلام عمتك هو عنده حق انتبهي على دراستك وخلصيها وفي نفس الوقت اهتمي بزوجك وبنفسك بس في حدود المعقول.. الله يوفقك لما فيه الخير.. |
بس ليش على طول تقول لي انتي ماتهتمي ومدري ايش والله انها توها قايلتها لي وتضايقت من كلامها مررررررررره اخاف ارد عليها وزوجي يزعل ويقول ليش تزعلين عمتنا
|
حبيبتي هونيها ولاتخربين علاقتك مع عمتك عشان هالشي ... انتي عارفه امهات الازواج وحرصهم .. ويختلف تعبير كل وحده عن حبها لولدها عن الثانيه .. يعني هي زين انها طلعت اللي بقلبها وماراحت تتكلم عنك عند الغرباء ..
وزوجك لاتقول لي لها انه طلع عشان تذاكرين .. خليه مره يقول لها انا معزوم ومره عنده شغل ومشيها .. بالتوفيق في الدراسه ان شاء الله |
عمتي ما اقصد بها ام زوجي
عمتي اخت ابوي وابوه يعني عمتنا احنا الاثنين |
السلام عليكم
رأيى الا تهتمى لكلامها ولا تسمحى لأحد ان يتدخل فى علاقتكما الا اذا طلبتما منه ذلك وطالما انكى وزوجك ماشاء الله متفاهمين فلا تدعى لأحد أن يملى عليكى أو عليه ماتفعلانه بارك الله لكى فى زوجك نعم الزوج المتفهم وبارك له فيكى حبيبتى |
هي كيف تدري بزوجك انه طلع والا لا ..
عايشة معكم بالبيت ؟؟ المفروض انها ما تدري عن شي بينكم ابدا .. احرصي على اسرارك انتي وزوجك ولا يعرفها احد غيرك .. الا اذا كانت ساكنة معكم بالبيت هذا شي ثاني .. خليك واثقة من نفسك .. وانت تسوين اللي تقدرين عليه لزوجك وان شا الله هو راضي عنك .. .. وفقكم الله .. |
يااختي آتركيها لا آمك ولا آمه بس لاتخلين زوجك يطلع وهو توه راجع ..
|
طيب بكل بساطه قوليلها انا اتكشخ لزوجي
وهو يطلع لان هو يبي يطلع مو انا قلتله وخليها تسأله وبس |
اخذي كلام عمتج بعين الاعتبار
اكيد ماتكلمت من فراغ |
عمتي هاليومين جالسه معنا في نفس البيت
وعلى ول تقول لي سوي لزوجك كذا لاتتعبي نفسك ومدري ايش وكمان هي اللي عارضت اني اغسل سيارة زوجي |
انتي انسانه جامعية لازم تكون عندك شخصية تديري فيها حياتك
ولاتجعلي من تدخلات الغير منفذ لاخضاعك حسب اهوائهم ورغباتهم واجعلي لحياتك خصوصية اكثر من ذلك .. ماسمعتي المثل اللي يقول انا راضي وابوها راضي وشدخلك انت ياقاضي ..:25: |
((من أرضى الناس بسخط الله سخط الله عليه وأسخط الناس عليه))
قلتي أنك حطيتي ميوزك !!! وأعتقد أنه حكم الشرع فيه واضح,, وأنت عارفه حكم الموسيقى.. مشكلتك من اثار معصيتك.. أستغفري ربك,, وأرضي زوجك بالحلال ,,وبعدها ماعليك من كلام الناس. |
توتا بصراحة وبيني وبينك
وكلام اخت لاختها انا لاحظت انك كثييييييييييييير تتأثري بكلام اللي حولك لدرجة انه كلامهم يأثر على سير حياتك حبيبتي مين اللي عاشر زوجك وعاش معاه بغرفة وحدة ونام معاه على سرير واحد وكان اقرب له من انفاسه؟ انتي ولا عمتك؟ طيب مين اللي عارف طريقة تفكير زوجك وعارف دوافع كل تصرفاته؟ انتي ولا عمتك؟ الجواب انتي طبعا طيب ليش ثقتك بنفسك مهزوزة؟ هذه الصراحة ولاتزعلي مني لو ثقتك بنفسك كبيرة كان ماسمحتي لاي مخلوق انه يأثر على قناعاتك بكلامه انا زوجي يحب يطلع مع اصحابه مرة وبكل صراحة قالت لي امه واخته ولدي يحب اصحابه من زمان ، لو لقى في البيت الشي اللي يخليه مايطلع كان جلس في البيت ! وكل ما اطلع لهم اول سؤال يقابلوني فيه : فين فلان؟ والله كرهت عيشتي بسببهم لكن هل كلامهم اليومي والمستمر عن خروجه مع اصحابه اثر في علاقتي بزوجي؟ هل كشخت له وقلت له انت خرجت عشان انا ما اكشخ لك؟ هل قلت له ترى امك قالت واختك قالت ؟ هل قلت له لاتطلع عشان ماتحرجني قدامهم؟ خلاص ماعلي منهم دام انا عارفة دوافع زوجه من الخروج وموافقة خلاص ماهمني كلام احد واقولك كمان قاعدة انا دايما اقولها حياتي وانا حرة فيها ، ماني مضطرة اقدم مبررات لاحد يحاول انه يتدخل في حياتي يعني ام زوجي انا ماني مضطرة اوضح لها سبب خروج زوجي مع اصحابه هذا شي يخصني انا وهو ومن صميم حياتنا الخاصة نصيحتي اختي خلي حدود بينك وبين الناس ولا تسمحي لهم يتدخلوا في حياتك ويأثروا عليها عشان تعيشي بسعادة الله يسعدك ويوفقك |
حبيبتي لا تسمعي كلام حد وخاصة اذا حسيتي انه هالكلام بضر بعلاقتك مع زوجك ولو كانت ام زوجك يمكن يكون غير بس أخت ابوك هي اصلا شو دخلها ..
لا تاخدين كلامه على محمل الجد ,,,,,,,,,,,, وانتي وزوجك أدرى باللي بينكم الله يوفقك |
| الساعة الآن 05:45 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©