|
زوجي العزيز لايهتم بستر نفسه
السلام عليكم ورحمة الله وبركاته
عندي مشكله سببت لي قلق زوجي يتعرى امام اطفالي :15::15::15: بعض الاوقات يغير ملابسه وباب الغرفه مفتوح وهم يدخلون ويشوفون كل شيء وهو عادي عنده واحيانا يدخل الحمام وبون مايقفل الباب بالمفتاح وهو يدخلون عليه وبعد عادي عنده :25:وانا يجن جنوني واتنرفز وانقهر واذا خاصمتهم وضربتهم علشان مايدخلون الحمام معه يخاصمني ويعصب علي :( والمشكله الاكبر ان اطفالي يفهمون بعمر سبع وست سنوات اصلا كيف امنعهم يدخلون الغرفه وهو بعض الاوقات يطلع من الغرفه بيروح الحمام وبدون ملابس اكيد بيشوفون لكن من قهري اخاصمهم واضربهم والله عيب يمكن ياخذون الموضوع عادي ويتكشفون عند من هب ودب والله من خوفي اقول لولدي انتبه بالمدرسه احد يشوفك ترى حرام لكن القدوه ابوهم والله يستر والبنت اكيد ركزت مضبوط مايفوتها شيء :11: اسعفوني بالحل:30: |
الاطفال حرام مالهم ذنب ليش تضربيهم
بصراحه الخطأمن الأب انصحك تتكلمي معاه في هذا الموضوع بهدوء وتفهميه ان الاطفال كبروا وبميزوا ومايصير ذلك الشئ |
كلمته وينفذ يوم بعدين ينسى
|
لاتخلين اطفالك يدخلون غرفتكم
اذا ابوهم موراضي يستوعب |
حسبي الله ونعم الوكيل
من غير حتى الداخلي وش ذنب الاطفال تضربيهم اهم شي يتعلمو انو حرام يدخلو غرفتكم لازم يدقو الباب ثلاث مرات والحمام ايضا |
والله ابوهم هو اللي يبغاله ضرب
لانه عديم احساس ومتبلد ومايخاف الله في عياله .. ياختي من عمر سنتين المفروض انه مايطلعوا على عوراتكم نصيحة لكي اقعدي لزوجك على سن ورمح في هذا الموضوع وجيبله روب للحمام يلبسه ويستر عورته امام اطفاله |
سلوك الأب هو الذي يحتاج لتقويم وليس سلوك ابنائك !! حبيبتي مايفعله زوجك خطأ كبيييير وطريقة معالجتك أنت للأمر خطأ أكبر ! ابنك وبنتك في عمر سته سنوات وسبع كما ذكرتي .. يعني أصبحوا أطفال كبااااااااار ويفهموا .. والطفل ابتداء من عمر ست سنوات وحتى الثانين عشره من عمره يمر بمرحلة استكشاف جنسي لذاته ولمن حوله .. وهو إن كان لايشعر بشهوه لأن هذا لايحدث إلا بعد بلوغه إلا أن كل مايختص بالجنس يشده بقوه ويسترعي انتباهه .. والتعري أمامهم هكذا قد يؤثر على توازنهم النفسي وخصوصا عندما يكون الطفل من جنس مختلف عن الأب أو الأم الذي يتعرى أمامه .. يعني زوجك بفعله هذا قد يترك آثار مدمره على نفسية بنته أكثر منه على نفسية ابنه ! وبعدين في هذا السن أصبحت ذاكرتهم مكتمله ومفعله وتسجل كل شئ يسترعي انتباههم بشده .. يعني من الصعب جدا محو هذه المشاهد من ذاكرتهم بعد الآن ! وبالنسبه لكي فإن معاقبتك لهم بالضرب على فضولهم ايضا امرا خطأ .. فأنتي هكذا أما ستخلقين لديهم عقد نفسيه من الأجساد العاريه ومن الجنس ايضا أو ستدفعينهم للتقصي والبحث أكثر والمراقبه بالسر لأن كل ممنوع مرغوب ! انصحك حبيبتي بأن يكون لك وقفه صارمه مع زوجك لكي يعدل من سلوكه ولكي يدرك بأن مايفعله هو من باب التسهيل على نفسه قد يترك اثرا نفسيا تشق معالجته عند ابنائه ! صحة ابنائنا النفسيه أمانه في أعناقنا وماهكذا ترعى الأمانات ! |
حراام والله طيب ليش ماايكون الحمام دااخل الغرفة افضل لك ونبهي زوجك ان بهالسن خطر ع الاطفال مثل مااقالوا الاخوة الاعضاء وانتي فهميهم وعلميهم انه خطآ ..
حطي روب زوجك بالحمام .. وخوفي والدهم قولي يتكشفون عند النااس عاادي عندهم وصلحوا حركات او قاالوا للناس اننا شفنا ابونا .. |
ازعلي منه مرة و خليك حازمة
|
اقتباس:
100% :22: |
اقتباس:
:21: |
السلام عليكي
والله الموضوع خطير و ما ينسكت عنه عزيزتي غير طبيعي أبدا و مثل ما قالو اخوتي في المنتدى المفروض من عمر سنتين مايحصل هذا الامر و كيف يدخل الحمام و انتي بكرامة من غير ما يغلق الباب!! يعني معقولة , عادي عنده أسفة أختي على هالكلام بس من جد فجعني الموضوع و ما يستحق أولادك الضرب عموما واجهيه بصرامة و بيني مخاطر هالشيء عليهم مستقبلا و أنه ما يتحمل الموضوع أنه ينسى و إذا كان حمامكم الخاص جنب غرفة النوم حطي (بارتشن) حاجز بين الحمام و الغرفة أستر و استمري بالكلام معه بحزم و لا تيأسي و ما ألك إلا تسكري وراه الباب وين ما راح بصراحة وضع مؤسف و الله يوفقك تحياتي ام فاطمة |
اعوذ بالله ..
اختي لازم تكونين صارمه في هالشي حتى لو تزعلين من زوجك لحد ما يتغير .. ونبهيه اهم شي بنتك .. ترى مو زين تتعود على كذا والمفروض حتى عورة اخوها الصغير ما تشوفه وهو متعري ... لانها بعدين بتتعود على هالمناظر وينتزع منها الحياء .. وابنك راح يسوي زي ما سوى ابوه .. لان الاب هو القدوه .. الله يهدي زوجك .. |
هل تقصدين أنه يعري أماكنه الحساسة أيضا
|
لاحول ولا قوة الا بالله ..كان الله في عونك اختي والله يستر على اطفالك من اخطر الناس ..عفوا اقرب الناس لهم وهو والدهم وكما قالت اختي دانة الرياض الخوف وكل الخوف من انتزاع الحياء من الاطفال وانا مع من يقول يجب عليك الوقوف بوجهه وقفت حق ومنعه من التهاون بهذا الموضوع لأن المسألة خطيرة والاخطر منها انك اذا خاصمتيهم وضربتيهم يدافع عنهم ويعصب عليك. واذا لم تتحس الأمور فيجب عليك الاستعانة بمن ترينه مناسب لحل هذه المشكلة لأن الخطر ليس الآن وانما في المستقبل على الاطفال |
الاب قدوة .. ويمكن اطفاله راح يفعلون بالمثل .. انا عن نفسي يوم كنت صغير لو كان ابوي يسوي شي غلط .. كنت اسوي مثله واقول واحجج نفسي باني اقول عادي ابوي يسوي مثله وابوي مايغلط !!!
قولي حق زوجك باسلوب هادي جدا جدا تخيل عيالك بكره يسوو مثلك .. او تخيل انك تكون شيخ كبير بعد عمر طويل ويجيك ولدك واهو رجال عنده شارب ولحية ولابس الغترة والعقال ويتذكر ايام يوم كان يشوفك عاري لا يقول ان الطفل مايتذكر .. انا يوم كان عمري سنتين ونص .. مرة وحده شفت الخادمة تستحم والباب مفتوح ولمدة ثواني .. والصورة إلى اليوم في ذهني وانا ابن ال 26 سنة تحياتي |
أنتي فهميه إن عياله ممكن يتعرضون للتحرش الجنسي مايصير عندهم ردة فعل لأنهم يمكن يصير عادي يشوف الناس عوراتهم مادام هم يشوفون عورة أبوهم
أهم شئ أن الطفل يعرف انه عيب أحد يشوفه من هو صغير علشان مايصير بعدين سهل الانقياد أذكر مرة أخي ترك ابنه بعمر سنتين عندي ورفض إن أي أحد منا يغير له الحفاظة إلا لما تجي أمه |
لاحول ولا قوة الا بالله
ناس يربوا وناس يخربوا بدل ما يساعدك يعقد الاولاد الله يهدية |
تعرفين انه بكذا يدفع اطفالك انهم يمارسون الجنس حتى مع بعضهم انتبهي لبنتك ولا تخليها تنام مع اخوها لانهم بيحاولون يسوون مثل الاب ولا تعرفين شنو يصير فالليل لانهم بيقولون هاذا بابا يسوي كذا عادي
|
خوفيه على عياله وقولى له انك سمعتى ان البنت اللى بتشوف باباها مكشوف العورة تصبح منحرفة عند الكبر وخليكى وراه كأنه عيل صغير لو راح الحمام اجرى اقفلى عليه من بره لحد ماهو يخبط علشان تفتحى له و خليكى واقفه على باب الحمام ومعاكى فوطه اول ما يطلع لفيه لحد ما يتعلم ان اللى بيعمله ده غلط
|
اشكر الجميع على المرور وعلى تفاعلكم
واحب اقولكم اني زعلت عليه اكثر من مره واذا شافني زعلانه يقول انتي في راسك موضوع ثاني هذا مو سبب يخليك تزعلين بالنسبه لولدي انا اشوفه اذا بيدخل الحمام وعنده احد يفسخ ولاعليه يعني يقلد ابوه ولكن حذرته كذا مره وانه مايسويها بالمدرسه علشان حرام والبنت اصلا دايم تعمل حركات وسخه مع حالها او مع العابها والله تعبت صعب الواحد يتكلم وعنده احد يفعل شيء مناقض للكلام |
انا وزوجي والله لليوم هذا ونحنا نستحي نتعرا امام بعض الا مصادفة
يعني كل واحد فينا اذا يبي يغير يدخل الحمام مستحيل اغير ملابسي بالغرفه الا اذا كان مو موجود وهو نفس الشي00(تعري كامل) الله يعينك والله مشكله راح تطلع نتايجها بالمستقبل |
انت ممكن تكذبين عليه والكذب حلال بين الزوجين بنية الاصلاح
اذا رحتي لاحد او جاء يزورك احد صديقاتك او اخواتك قولي لزوجك فلانه سألتني سؤال غريب قالت هو زوجك يتعرى أمام الاولاد فقلت لها ليش قالت لابس اسأل وقوليله سألتني أولادك ما يمارسون الجنس مع بعض أنا هنا عصبت وقلت له ايش شفتي وبعدين غيرت الموضوع وقوليله أنا خايفه يكون أحد الاولاد وصفوك أمام الحرمه أو تكون شافت الاولاد يسون شي غلط حاولي تحطي ستاره بين غرفتك وحمامك |
اقتباس:
بارك الله فيك مشرفتنا كلام سلييييم :22: ياحبيبتي ازعلي عليه ولا تكلميه اصبري إن شاء الله توصل اسبوع ....شهر .....حتى يتعدل زوجك يبغاله تربية وتعليم .............. مو أولادك المساكين الله يهديك بس...........كيف صابرة وساكتة عليه كوني حازمة معاه هالمرة واعتقد الفكرة اللي أعطتكي اياها مشرفتنا أفضل فكرة..............وعساه يتوب الله يهديكم ويصلحكم تحيـــــــــــــــــــاتي |
لا حول ولا قوة إلا بالله
ألا يفكر زوجك بمستقبل أبنائه وكيف سيصبحون عند الكبر؟ على فكرة هل يصلي ويصوم زوجك؟ لأنني أظن أن من يصوم ويصلي يكون عنده شئ من مخافة الله وبنفس الوقت يكون حريصاً على إنشاء ذرية صالحة أسأل الله الهداية لزوجك ولا تسأمي أختي الفاضلة من إصلاح الوضع الخاطئ أسأل الله لك الخير حيث كان |
اكره الرجل السلبي الجاهل
عذرا لااستطيع الرد احس تنرفزت تقبلي مروري |
اقتباس:
انا افهم ان الكذب حلال للاصلاح بين الزوجين وليس هكذا والله اعلم كدا صح واللا لا |
يا جماعة انا اخاف ارد اى رد يجعل هذة الزوجة تكره زوجها او حتى تبعدة عنها
فى فرق بين النصح للاصلاح وبرفق وباحترام ................والنصح لهدم البيت وتقليل قدر الزوج عند زوجته..........تذكر كما تدين تدان واحذر واحذرىىىىى...........عقاب التوقيع بين الزوجين لا اقول بان لا تنصح وتقول بان هذا الفعل خطأ..........ولكن باحترام وبتقدير ان على هذة الزوجة احترام زوجها..........مع العلم انها عندما تذكره يتذكر احيانا........وبعدين ينسى لكن يحاول اللهم اهدنا لكل ما تحبه وترضاه واهدى زوجها يا رب لكل ما فيه صلاح ورشاد له ولها ولابناءها والسلام عليكم ورحمة الله |
الله يهديه فعلا شي يقهر
|
اسعدني مروركم
يااعزائي فضلا اللي عنده حل فليتفضل به واللي ماعنده رجاءي لايرد على الموضوع وانا كتبت الموضوع بحثا عن حل |
اقتباس:
|
الله يعينك
والله شي يقهر استمري باكلام معاه وبالحاح (هل زوجك يصلي )ذكريه بالحرام دائما الله يوفقك |
لا أعلم هل ابيهم جاهل فان كان فهذه مصيبة وإن كان متعلم فهذه طامة كبرى الكل في هذا السن اللي 3 الى 6 سنوات يخافون على أولادهم سواء رجال أو نساء ويحرصون أن لا يشاهدوا مثل هذه الامور كيف اخياً في الله البساط عنده احمدي لذا لا بد أن تلجي الى اخصائي نفسي أولاً يعالج زوجك ثم يقوم سلوك ابناك
|
والله شئ مخجل
وهو عادي قدام زوجته واولاده سبحان الله |
صدقيني شكله مو صاحي
ترى بعض الأحيان أصحاب المس أو السحر تجيهم حركات غريبه بس مو منهم حسبنا الله ونعم الوكيل |
لا حول و لا قوة الا بالله ,,,
انصحك اختي ان تشتري له روب و اذا كرر الموضوع اذهبي الى بيت اهلك حماية لاولادك فهذا رجل لا يخاف الله و لا حتى يخجل من ابنائه !! انا لا احرضك على زوجك لكن ما يفعله لا يقبله دين و لا عقل و فيه ظلم للاطفال الذين لا ناقة لهم و لا جمل و قد ينحرفون بسبب هذا الاب الجاهل !! يجب ان تقفي وقفة حازمة مع هذا الوضع لانه وضع غير طبيعي و شاذ جداً ! |
لاحول ولا قوة الا بالله
ممكن يكون اهله عادي عندهم وتعود هو على كذا فانتبهي لا ينقلها لعيالك وخليك حازمه وقويه وقولي له ربنا اعطانا الذريه حتى نحسن تربيتها واحنا مسئولين عنها فمااسمح لك تسئ تربيتهم |
اقتباس:
تناقشي مع الاعضاء حتى توصلي للحل الي يناسبك |
اقتباس:
واذا كان عندك حل اطرحيه او اكتفي بالقراءة واشكر لك مرورك |
حل ،،، المشكله فيك انت من البدايه
هلمشكله ما جات بين يوم وليله من بدايه زواجكم ما لاحظتي عليه هلشي شجعتيه وهذه النتيجه اعملي العكس الان انفري منه و من هلطريقه حتى يعرف انها ما عادت تجذبك |
| الساعة الآن 04:43 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©