|
ساعدوني بخبرتكم
السلام عليكم
طبعا اغلبكم عارف ان كتب كتابي راح يكون الثلاثاء القادم والحمدلله وطرحت الاخت سابنا فكرة انشاء موضوع عن كتب الكتاب وطرق تقديم المهر واستحسنت الفكره كثير المهر بيكون 60 الف ريال لان قبيلتنا كذا البكر 60 الف والثيب 30 الف مع المهر اخواتي بيقدمون اشياء غريبه بصراحه انا معترض بس هم يقولون لازم بيقدمون عطور وعود ازرق وساعه ولبان ومدري ايش؟ خرااااابيط نسوان وشرايكم؟ في سؤال امكنه سخيف بس والله شاغل بالي بعد الملكه اطلب جوالها من اخوها ولا كيف؟ والله خجلان من اخوها طليقتي كانت بنت عمي يعني جوالها عند خواتي واخوانها زي اخواني عادي كان الوضع كتب الكتاب والحفل بيوم واحد بس اهلي واهلها مافي معازيم كثير اعطوني رايكم؟ افكاركم؟ نصائحكم؟ وشكرا مقدما:d |
بعد الملكه اطلب جوالها من اخوها ولا كيف؟
جوالها خذه منها هي انت مملك وما تبي تكلمها ؟؟ جد انك قليل خاتمه قولها كم رقمك مستحيل بتقول لك لا عيب انت الان صرت زوجها |
هههههههههههههههههه
شكرا يا ايميل والله ضحكتيني |
السلام عليكم .. الله يتمم عليكم بخير ..
وفكرة اخواتك ترى حلوه .. وهذي الموضه هالايام .. وانا قلت في موضوع ثاني عن طرق تقديم المهر .. ان فكرة الجنيهات الذهب مره حلوه وغريبه.. بس من كلامك عن الوالد اتوقع ما يوافق .. عموما .. خليك على العطور ودهن العود والعود .. اما اللبان ماله داعي .. والعود ترى مو حلو الازرق خله عود زي العاده .. وكل هالاشياء حطها بعلبه حلوه وغلفها .. والله يوفقك .. اما المكالمه .. امممممم .. كم باقي على زواجكم ؟؟؟ انا من وجهة نظري ما اايد ابد المكالمات .. ترى كثر الحكي يجيب المشاكل .. خليكم بدون مكالمات وان شاء الله تتهنون بالكلام والسوالف بعد الزواج .. جعلك الله من اسعد الناس .. ورزقك باحسن الابناء .. اللهم امين |
الله يسعدك ويكتب لك الخير معها ووين ماكنت..طيب أنا ماأدري يمكن تقول فكرتك مجنونه لكن دائما أقول لنفسي تلك الحكمه أن تكون مجنونا مع المجانين أفضل من أن تكون العاقل الوحيد بينهم..
طبعا هي طبيبه وفي ذات الوقت جراحه..صح الكلام.. اذن فكرتي كالآتي ولو هي قابله للتطور والأضافه ممكن الجميع يساعدونك ومايقصرون.. أولا المرأه بطبيعتها وأنا أتكلم عن معشر النساء بشكل عام يعشقن اهتمام الرجل ومشاركته بتفاصيل حياتهم أيا كانت..واعتقد ستكون هي سعيده بتلك الفكره لأنها سترى دعمك لها واهتمامك لماتحب..وتشعر بتقبلك للوضع فبالتالي ستعطيك أقصى طاقات التفاني لأجلك لأنك أوصلت لها شعور الأتحاد الفكري والمشاعر بينكما..وكي أكتب الفكره سأعود لاحقا بعد فتره الغداء لأركز جيدا.. أتمنى لك كل ماهو أجمل بالوجود ..في رعايه الله |
الف مبروك اخوي .. والله مو عارفه اقول لك مهزوم .. ان شاء الله تكون منصور .. حنا عندنا اذا تم كتب الكتاب .. يدخل والد العريس عشان يبارك لزوجة ابنه و لازم يلبسها ذهب .. مثلا سواره حلوه .. او خاتم يكون محرز .. يعني فيه قطعة الماااااس .. اما بالنسبه للمكالمات فاعتقد انها ضروريه عشان ينكسر حاجز الخجل بينكم و تتعرفون على بعض اكثر .. بالنسبه لرقم جوالها كيف تطلبه والله مدري .. لان زماني ما كان في جوالات .. ما في الا يدق على رقم البيت .. واذا ما لحقت ارفع انا السماعه يرفعها ابوي او اخوي الكبير .. عاااد انواع الاحراج و الفشيله .. بس كانت ايام حلوه .. وربي يسعدك .. |
دانة الرياض
امممممممممم اولا شكرا على الافكار وبنقلها لاخواتي يعني اني انا صاحبها ههههههههههههههههه بالنسبه للمكالمات انا اختلف معك خصوصا بوضعي هذا انا ابي اكلمها مو علشان اللي خبرك رغم انه لن يخلوا بكل صراحه بس في اشياء لازم انا وهي نتناقش فيها زي البيت وموقعه؟ اجازتها متى وكم مدتها؟ انا متى انقل شغلي؟ الزواج ابوي يبيه في شهر الحج بس خواتي قالوا حراااااااااااااااااااااااااااااااااااااااااام هي دكتوره وما بتفضى تقضي بسرعه فترك الخيار لي انا وهي بس يبيه بسرعه سابنا انتظرك والله يستر شكل فكرتك عمليه جراحيه ههههههههههههههه اميرات تشكرات وبالنسبه للجوال نعم انا معك لازم لازم لازم اكلمها اذا انا اخجل من اخوها اجل كيف هي؟ والعصير اللي قضيت عليه اكبر دليل ههههههههههههههههه سبحان الله بتزوج دكتوره وانا اكره الادويه والابر وحتى ريحة المستشفايات:23: |
اخي الكريم الف مبروك عليك
اما بالنسبة لتقيدم المهر .. الحين هذا الي سائد عندنا تبعث لها صندوق مزين .. يكون فيه المهر .. ومعاه بعض الهدايا مثل بخور دهن عود عطر سبري ساعة وغيره وتودي الصندوق محل لتغليف الهدايا حتى يزنونه بطريقة زينه طيب خلي خواتك يتواصلون معاها واخذ رقمها لا تستحي واطلب الرقم من اخوها .. حتى لو اتقوله ان حق خواتك علشان يتفاهمون معاها الله يسهل عليك ويوفقك اخي الكريم |
الله يسعدك اخوي و يتمم لكم على خيير يارب ...
رقم الجوال سهل ... خلي وحدة من خواتك تاخذ رقمها وانت خذه من اختك او او او اشتري لها جوال جديد مع خط جديد :) و اهديه لها مع هدايا الملكة او عند اول زيارة بعد الملكة واكيد بيكون معك الرقم :) الله يجمع بينكم على الخير و يوفقككم و يرزقكم الذرية الصالحة ياارب |
مبروك اخوي 00الله يوفقك ويجمع بينكم في خير 00
انا صراحه كنت مثلك ذبحني الحياء 00 وفاتتني ايام المكالمات الحلوه والغزل في الجوال قبل الدخله 00 وانتبه 00 لا يفوتك 00 وتعض ايديك ورجولك وبراطمك 00هههههههههه جب الرقم بالطب وللا بالقوه اهم شي تجيبه 00 مثلا اذا قعدت تسولف معها بعد الملكه 00 قل عندي مقطع بلتوث برسله كم الرقم 00 هههههههههه (( ليه مقطع البلوتوث يبي رقم )) ههههههههه يمكن تمشي عليها هههههه المهم بالتوفيق 00 ونتبه من السهر وفوتير الجوال 00 دق عليها دقه وسكر خلها هي اللي تتصل 00 هههههههههههه واذا جيت تروح للملكه خذ معك عجرا عشان تكسر الحاجز ههههه تراي اخوه احب امزح لا توخذني 00 الله ييسر لك امرك 00 |
سؤال كيف طريقه تقديم المهر كاش ولا شيك..ولاتضحكون لأن في ناس يخلونها شيك..وش هي طريقتك في التقديم..
|
كاش غالبا
بس لو شيك عادي يعني مافي فرق |
في حل في نهاية الحفلة سو نفسك مغمى عليك أكيد بتجي تركض عليك من الخوف عليك قلها بينك وبينها كم رقم جوالك وهي بتعطيك الرقم ثم قم مثل الحصان وقل الحمد لله فلانة ماقصرت أنقذت حياتي من الموت وبكذا ينتهي الاشكال
خخخخخخخ |
طيب الآن اليك الفكره المجنونه:
الأدوات المطلوبه لتنفيذ العمليه:درع-سماعه طبيه-بالطو أبيض(راعي المقاس)- زجاجه دواء بس تكون كبيره أو طويله(طبعا تفضيها من المحتوى)- وصفه طبيه تكون فاضيه مو مكتوب فيها شئ.. نسيت جهاز قياس الضغط اليدوي مع أنو صار القياس الكتروني بس مو مشكله نرجع على أيام زمان- وحقيبه الأسعافات الأوليه.. هاه أكمل ولا لا.. |
الأخت سابنا الشيك أفضل علشان مايلهف من المهر شيء بس المشكلة لما يكون من دون رصيد تروج فيها خخخ
أنا زواجين كلها كاش |
فكرة حلوة بس خاف تكون طفشانه من العمل وطربقها على دماغه
|
شغموم
هههههههههههههههههههههههههه وشذي الفكره عز الله بتبطل بتقول من اولها |
الطريقه كالآتي:
تجيب الأدوات من الصيدليه ماعدا الوصفه شوف لك معرفه يدبرها لك والبالطو بالمكتبات تلاقيه.. طبعا في علب هدايا مقاس حلو وشكلها أنيق هي اللي بتنحط فيه الأغراض.. دورك: طبعا تكتب لها درع شكر على عملها الأنساني وكلمات تشجيعيه وتقول عملك الأنساني توج بزواجنا وأنا سعيد بمعرفتك ووو.. السماعه الطبيه تحط معها كرت وتقول كل ماسمعت دقه قلب مريض تخفق هذا مثل حاله قلبي لكن الفرق أن قلب مريضك يخفق من المرض وأنا قلبي يخفق من الحب.. أما قياس الضغط تكتب معه ورقه تقول أن ضغطي لايستقر الا برؤيتك فطالما أنت عني بعيده سيبقى ضغطي طالع نازل ولن يعود لمعدله الطبيعي الا حينما تكوني برفقتي.. أكمل ولا لا.. |
كملي
افااااااااااااااااااااااااا والله حزنت مدري ليه؟ |
نكمل:
حقيبه الأسعافات الأوليه ترفق معها الشيك بصراحه النقود تشبه في وظيفتها عمل الأسعافات الأوليه.. الوصفه الطبيه تكتب فيها اسمك وتاريخ الميلاد..ورقم جوالك وتكتب تحته المسكن النفسي هو سماع صوتك فلا تحرميني هذا الدواء.. زجاجه الدواء بعد أن تفضيها من المحتوى وتنظفها تضع بداخلها مطويه تعبر فيها بانها هي فيتامين حياتك الذي يساعدك على تجاوز الصعاب والقوه التي تمدك بالطاقه للمواصله نحو الأفضل.. وسأزودك باسم زجاجه الفيتامين بس هو حق أطفال بصراحه.. والحين مارأيك.. |
الله فكره حلوه وغريبه
كأني عرفت الفتامين لون العلبه ابيض وفيها دبب صغار لونها برتقالي؟ اخواني الصغار يستخدموها وانا ما اقصر اكلها معاهم طعمها حلو ههههههههههههههههههههه شكرا واذا عندك نصايح لا تبخلين علي قوليها الله يسعدك دنيا واخرها ويشفي ابنك |
النسوان كلمه توديهم وكلمه تجيبهم 99% منهم كذا.. وأحمد الله أني في حسبه 1%..
أنا قلت تكون الفكره غير تقليديه وفي ذات الوقت هي بتنبسط وراح تسألك كيف خطرت الفكره على بالك وأنا أفضل أنك تقول الهام رباني..؟ |
داخله اضحك وابارك
بس مستغربه عاداتكم غي عاداتنا ميشان هيك ما اقدر اعطي اقتراح نحنا قبل وبعد الملكه نروح نسهر مع بعض ومشاوير الله يتمم لك علي خير |
انا فكرت اخليها تسجل بالمنتدى
بس اخاف اجيب العيد |
اقتباس:
ولاتنسى غلف الصندوق من برا وارفقه بباقه ورد الحريم يموتون بالورد.. هذه الطريقه ممكن تخرج عن الروتين وتكسر الحاجز اللي بينكم خصوصا رقم الجوال اللي بالوصفه.. |
بصراحه وأنا معروف عني بالمنتدى ماأزعل وأتقبل النقد بروح رياضيه هل الفكره نالت استحسانك ولا أدور لك على غيرها..من دون مجامله..
|
ياشين طاري العمليات شينااه
اكرهها الله لا يجعلني اضطر اعملها مره ثانيه والله يبعدكم عنها انا سويت خمس تقريبا كلها بفتره وحده والله كرهت نفسي بس الحمدلله على كل حال |
لا
عجبتني مرره ومناسبه وبنفس الوقت بسيطه وسهله زي السهل الممتنع |
الف الف مبروك اخوي مهزوم عن جد فرحت لك بالحيل
ربي يتمم فرحتك على خير وتلاقيها جنبك باقرب وقت |
الله .. الله .. عليك اختي سابنا .. فكرتك مره حلوووه .. اخوي مهزوم يا ليت اذا ما عندك مانع تصور لنا هذه الفكره بعد ما تنذفذها و تنزلها على المنتدى عشان نشوفها .. وربي يسعدك .. |
الف مبروك مقدما
وفكرت سابنا مرررررررررررررره حلوه فكره جنونيه اتعجبني الله يسعدكم جميعا ويهنيكم يارب |
الفهدي
بحرش اخواتي ياخذون رقمها علشان لو ثقلت هي انا اكون الخفيف ههههههههههههههه تسلم نورا بشتريلها جهاز جديد بس رقم ما اعتقد لانها اكيد موزعه رقمها وصعب تلغيه شكرا لك سفير الروح دمك خيف والله اما اجيب عجرا هههههههههههههههه |
توته وزوجها
الله يبارك فيك تسلمين اميرات ان شاء الله بس خلينا نضبطها بالأول ام السوسه الف شكر والله |
على فكره الأطباء عاده لهم رقمين رقم العمل ورقم خاص بالأهل..
|
بصراحة فكرة الأخت سابنا رائعة و مجنونة لا تتردد في تنفيدها و تصويرها لنا إن شاء الله
|
اهلين ما شاء الله الكل تحمس .. الله يتمم عليك ويسعدك .. بس احب انبهك اخوي مهزوم ... ترى بعض العوائل عندهم تحفظ من ناحية طريقة رقم الجوال .. وكيف تاخذها ؟؟ احسن شي انت كلم اخوها.. واشرح له الوضع .. وقل له عشان نتفق على الاجازات والسكن .. والا ترى بنزعك ونخليك مرسال الحب >>> تهديد ..
هذا من رايي .. واتمنى لك كل الخير والسعاده |
مبــــــــــــروووووووووووووووك تتهنى بحياتك تستاهل كل خيـــــــــر
بالتووووووووووووفيق يارب ربي يسعـــــــــدك |
وفقكم الله
|
اقتباس:
|
مبروووووك يا عريس, بارك الله لك وبارك عليك وجمع بينكما في خير :)
وأحببت أن أعلق على كلامك أختي GREEN222 بأن الموضوع ليس موضوع عادات فمعروف أنه في الدين الإسلامي المرأة قبل الملكة تعتبر أجنبية أي لا يجوز أن يخلوا بها ولا ينظر إليها إلا ما أحله الشرع وإن كانت بعض الدول والمجتمعات تتساهل في هذا الأمر لكن تساهلهم لا يعني أنه أصبح حلالا وكلنا سنحاسب لوحدنا نحن كمسلمين إذا عرفنا الحق يجب أن نتمسك به فورا حتى لو كان كل من حولنا مخالف لنا الخروج مع الخطيب قبل الملكة مخالف لتعاليم الإسلام حتى لو كانت بعض المجتمعات تعتبره عادي والفتوى هنا تريد الخروج مع الخاطب للتأكد من حاله حتى لا تحدث كارثة وهذه حدود النظر إلى المخطوبة وحكم مسها والخلوة بها وهل يُشترط إذنها أما بعد الملكة فتعتبرون أزواج وتستطيعون فعل ما تشاؤون الله يسعدك أختي في الدنيا والآخرة :) |
| الساعة الآن 01:55 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©