|
اليوم زوجي صارحني بالخبر المحزن
السلام عليكم ورحمته الله وبركاته
المشكلتي بختصار اعرضها لكم وانا واثقه اني اضع مشكلتي في اليدين امينه البارحه اخر اليل وحنا سهراني علي تي في وجلسنا نتناقش في امور ماليه وطلبت منه يتحمل مبلغ يوفره وانا بعدين ارده له وهو فاجئني وقال شوفي انتي قدام امرين يا اني اطلقك وخليك تشوفين حياتك مع رجل ثاني يسعدك ويهنيك في حياتك او انك تعيشين مع اولدك وانسي انه لك رجل في حياها ولا تطلبين مني اي شي يخصك شخصيا وحاولي تتصرفين وكاني مو موجود معاكي قلت له مافهمتك قال لا تناظرين فيني كارجل نهائيا انتي لك متطلباتك في حياه كامراه وانا ماقدر انفذها لك وانا بعد لي متطلبات في الحياه وانتي ماتفدرين نتفذينها خفت اطول معها بحوار ويقول هذا الباب والله يستر عليك ولاني اعرف اسلوبه علي طول يطلعني براء البيت وانسي انه لك اطفال ولا عمره جاءياخذ بخاطري بشي ما كذب عليكم البارحه نمت ودمعتي علي خذي اليوم قمت وكانه ماصار شي بينا وعادي في تعامل ويهاا وهو يالله يكلمني ويالله يرد علي وحتي مايناظر في وجهيي ودائما يقول لي اذا طلبت منه اهتمام بي قال اصلا انتي مافي بالي وزيك زي الكنبه وانتي براء حياتي وبصراحه تعبت ويها وانا مطوله بالي عليه ومتحملته والله لو ابي اخرب حياتي كان من اول مشكله كبرتها وهو شكله بااااااااائع وصعبه تعيشين مع واحد بائع والله لولا رحمة عيالي من شتات بين الولدين كان خربتها من زمان لكن ارجع وافكر في اطفالي واقول مشيها لعيونهم وكل شي فداهم بالله كيف اتصرف معها لا تقولين تحاوري احس انه بائع ولا له نفس فييه وقسم اني قلت له احس انه مالي عين احط عيني بعينك ولا عاد اقدر اطلب منه شي شكله لازم ادخل اهلي بالموضوع يا خربت مره وحده والله يعوضني باحسن منه ولا رجع كرامتي لي لعب فيها بتصرفاته :19: افيدوني الله يسعد ايامكم وبصراحه ابي رائي رجال في تصرفاته لانهم يفهمون نفسيته وانتم بعد يا حريم الله يكتب لكم الاجر وسعاده |
والله حنا ياالحريم نتزوج نحسب ازوجنا يحترمون ويقدرون لكن والله العكس يحسبون متشفقينهم والله انا عنا نفسي تزوجته حبنا فيه لكن لقيت العكس صح مايقصر الاكل وعشت بعيده عن اهلي عشانه تبهذلت اول زوجي ودخلت اهلي وزعل حنا اتفقنا ان اهلك ما يدخلون بي شي والله كنت شهر رمضان عند اهلي ولا فكر يرسل مصروف للعيد وكان عندهم قرايب زوجي زوج ولا عطني عشان اتصلح للعرس يوم قالت ابي قال انا مو مسول عنك ورحت اخذت من اخوي الفلوس طبعنا سالف يوم قالت لزوجي رجع الفلوس حقت اخوي رفض عشاني يرضي امه 0000000000000
والله العيشه بيت الوالد احرم من العيشه مع الزوج يكلوناحقوقنا لا ويقولون حنا نعطيكم حقوقكم كامله وين الحقوق اختي انا عرفه اني طالعت بر الموضوع والله انا اقولك اذا بتحسي انه اهلك راح يوقفه عند حده دخليهم اوصي نفسي وايك وجميع اخوواتي بدعاء انا الله يسخرهم لنا ويصرف من يريد لنا شر وكيد يرب 000000000 واطفالك كم اعمرهم 000000000000 والعذر وسمحه اني طالعت خارج عن الموضوع0000 |
اختي انين الروح ما فهمت ليه زوجك حطك امام هالخيارين ؟؟ كنتوا جالسين عند التلفزيون تتناقشون وانت طلبتي من زوجك مبلغ و بعدين تردين له المبلغ و حطك امام خيارين اكيد في اسباب .. وضحي اختي اكثر مشكلتك احس ان فيها حلقه مفقوده .. |
حسبنا الله و نعم الوكيييييييييل
ربنا يصلحلك احوالك |
اختي الله يخفف عليك يارب ويقريه منك بس عندي سؤال واعذرني في اي تقصير عندك معاه يمكن يكون هذاالسبب في زوجات مجرد مايخلفوا يتركوا كل شي الزوج دايما يحتاج اهتمام هو ابدامايقدر انه الزوجه طول يومها مشغوله باولاده بالعكس يعتبروا انه زوجاتهم يبالغوا في اهتمامهم باولادهم الله يسعدك حاولي تنتبهي عامليه دايما على انكم توكم متزوجين وشوفي كيف ومافي داعي تدخلي اهلك وادعي ربك دايما واصبري وانشاالله يارب يقرب منك
|
اقتباس:
فهمتني من اول ماتزوجنا الحب بينا ضعيف لولا اني ارخي نفسي له ما كان مامشت حياتي معها وانا دايما ازبط حياتي معها |
تسلمين يا ام جمون علي مرور مشاركه معي همومي
البنتي الكبيره عمره 6 سنوات والودي الثاني عمره سنه ونص |
الله يفرج همك أخيه ، اطلبي الله انو يسخره لكي واقرئي سورة البقره تجلب البركه والواقعه كما خبرنا الرسول عليه الصلاه والسلام
|
حبيبتي آنتي قلتيها لآن الحب بينكم ضعيف ..!!
ليش آنتي مااتعطينه جزء كبير من وقتك وتتفننين له .. وبعدين يقول آعتبري كآن مافي رجل ليش هو مو معتبرك زوجة ولآ البرود والروتين آعتبره ماافي زوجة .. صدقيني تقدرين تغيرين مجرى حياتك وتكسرين الحواجز وتخلينه يدفع دم قلبه ويعطيك قلبه كله لكن يبي له صبر وتفنن واهتمام وتظهرين محبتك له وانك ماتقدرين تفارقينه واذا الحب ضعيف تقدرين ترفعين نسبته .. بالتوفييييييييييييييييييق.. |
الله يسخر لك من عنده
ويبلغك بعيالك وحسبي الله ونعم الوكيل على هذا الزوج |
حكاية إنك تدخلي أهلك في الموضوع فانسي الشئ هذا
زوجك بايع على قولتك يا عزيزتي لا تخلي كل اهتمامك منصب على زوجك هناك رجال بيتخنقوا من الإهتمام الزايد أعطي لنفسك إهتمام و انتبهي على حالك و طوري من نفسك و لا تلاحقيه ، أتركيه و مو معناها تقصري في حقوقه شاركي في أنشطة و طوري من نفسك و من أطفالك و اهتمي فيهم و في نظافة البيت لا تنتظري منه مقابل و لا بتتعبي اعملي كل الأشياء هذه عشانك و عشن سعادتك و سعادة أطفالك و كلها راح تبان عليك أما إنك تبكي و تدمع عيونك فهذا مو حل أبدا |
اختي انين اذا رايتي مصائب غيرك هانت عليك مصيبتك حبيبتي كل الرجال هيك تارة يهددو بالزواج وتاره بقطع المصروف وتاره باش بس الاهم ان نحن نكون شاطرات وما نعطيهم الفرصة قالك كلمتين معليش تعالي على نفسك شوي علشان خاطر عيالك ربي يحفظهم تحمليه واذا لقيتي اتمادى بالحكي حبيبتي لا تردي عليه وارمي حمولك على الله ......راح يجي يوم وينهد. ودايما ادعي وقولي: اللهم سخره لي ولا تصلته علي |
الله يعينك علية
والله مو عاارفة ايش اقوووووول بس 7 سنن وهو كذااا مافي اي تغيييييير والا كل مالة للأسوء انا ما انصحك بالطلاااااااق ابداا عشاان عيالك واذا بيعطيك عيالك تطلقي والله يعووضك خيررر بس انتي حاااااااولي مرة اخيرررة طنشييييييييييية راح او جااء زي بعضة هوو الي طلب منك كذا نفذي وبعدهااااا شوفي اذا انصلح كان بها اذا هو هو عااد الله يعينك على ما بلاااكي |
الله ايفرج عليك اختى الكريمة سؤالى لك هل تشتغلين و لك مصروفك الخاص
|
لا تغلطي في حق زوجك
و بعدها أقولك لا تضيعي كرامتك :: وفقك الله و فرج همك |
الله يعطيكم العافيه في رودو لي تبرد القلب وبصراحه ماني مقصره وياها
لكن رجال يبي يتاجر علي حسابي ويطور نفسه من فلوسي وحتي اقرب الناس له ما احد سلفه ولا ريال لكن ماهو مبين بعينه ومهما سويت مهما تصرفت فوق هذا كله يتهمني بتقصير والاهمال و يخيرني و هو عارف نقطه ضعفي وهم عيالي اموت فداهم ولا ياخذهم مني فصار يتصرف من هذا المنطلق انا احول دايما اطور من نفسي واتركه براحته رغم إكتشافي الخياناته والماكساته كنت ازعل وكنت ابكي بس الحين ما عاد ياثر فيني وبجد صرت اخاف و اقول ليش كذا اخاف يقول انا حر وانتي برا حياتي مالك دخل من ذا كلام لاني متعوده علي اسلوبه نذل والله يصبرني وادعولي امانه بجد تعبت ويهااا وبصراحه هذا المنتدي يريح الواحد من همومه ويلقي الناس تتفهمه وتخفف عليه |
كلام كبير وخطير من زوج لزوجته !!!!!!!!
يحتاج منك لذكااااء ووقفه جديه000 زوجك هنا00 بايعك $ فأنفذي بكرامتك الله يهديه 00 حتى ولو لم يحبك00 على الاقل لا يجرحك00 ويرحم ضعفك الله يغنيك بفضله عمن سواه |
أختي أنين
اللهم يهدي بينكم ويوفقك يارب زوجك ياخيتي شكله مشغول بحاجه والا الرجال منا اذا مايفكر ولا يشين اخلاقه مع أي أحد الا انه شاغل تفكيره بحاجه اياً كانت اختي شاركيه التفكير ولا تقصرين معاه بأي شي كمان لا تكوني معاه طول الوقت عشان مايمل منك الله يصلح اولادك ويجعلهم بارين فيك يارب , |
اقتباس:
طيب بجد كيف اتصرف ويها وكيف بطريقه ذكيه انا من يوم قالي كلامه وخيرني سويت نفسي ماسمعته وزاد دلع شويه له في تصرفات وكلام ولا عاد ناقشته بالموضوع هل تعتبره ضعف مني او ذكاء ؟ انا بنسبه لي قت امشيها ه وحتي تهداء الامور واحاول افهم منه ليش كذا كلامه خوفني وهدد استقراري لحظتها لكن من تجربه حياتي ويها ياما وجهني بقوي من كذا بس يكون معصب وماهو بطوره بس انه يقولها لي وهو هادي ذي لي قسمت الظهري وايش جابرك تقول كذا يعني ناوي علي خرب بيتنا ما اكذب عليك احس انه يكرنهي وحساس المراه مايكذب بتقول كيف بقولك احاول اثير غيرته اشوف بيغار علي يهتم فيني ولا كاني موجوده بالحياه حزات احس اني لعب علي نفسي بجد رد علي وساعدني بحل المشكله |
تكبري عليه .. شويـه .. وأغريـه في نفس الوقت ... :18:
شوفي يمكن تضبط فكرتي ... :d ^ عزوبي ما عليك شرهه :d |
اقتباس:
|
شوف ياخوي لو الحين اجي عنده واقول ودني بيت اهلي قال ابشري وهذا عز طلب وانا عارفه حياتي ويها علي حافه الهاويه
لكن حبي لطفالي جعلني اتحمله احمل وتصرفات سخيفه انا تحدث معاك ابي اشوف هو تصرفاته كذا يعني بائع هل قلبه متعلق مع حرمه الثانيه ؟؟ وعلي فكره هو دائما يهددني بزواج علي واني انا مرحله بحياته وانا يتخلص مني ماهمني هو ولا وجهه بس ابي عيالي يعيشون بجو اسري السليم وبمختصر هل تشجعني علي طلب طلاق او صبر عليه والله يجعلنا من صابرين علي مبتلاها |
الله يحنن قلبه عليك ..ويجعلك أحب النساء الى قلبه.. واجمل النساء في عينه..والله يسخر قلبه لك..وانت حاولي تبحثين عن الاسباب اللي خلته يقول هالكلام وينه ماطلع قبل سبع سنين ..والله قهرررررر...الله يصبرك ويقويك وتحلينها بسلالالالالالالالالالالالام..
|
آآآآآآآآمين
الله يسمع منك والله اني خايفه من شي اسمه اطلاق لكن اذا كان امر الله مانقدر نرده والله يسمع منك آمين آمين يارب العلمين |
الله يعينك
هو تخلى عن مهمته كزوج لذلك الزم ماعليك كرامتك واذا خايفه على عيالك الحضانه لج ياعزيزتي واي جو اسري اللي تبين عيالج يعيشون فيه انا ماأشوف انها بيئه صحيه |
^^^^^^^^^^^^^^^^^^
كلاااااااامها سليم مداام انة ماخذ فلووسك ويبغى يطلع على ظهررك ويقوولك هذا الكلاااااام هذا مو رجاااال واحسن حل في حالة للأسف الطلاق مع اني كنت ضدة لكن كلامة واستغلالة لك هذا الي مااارضاة ابداااا وحضانتة الاطفال ان شاء الله تاخذينها سواء بالمحكمة او منة شخصياااااا الله يكتبلك الي فية الخيررررررررر |
انا فكرت بقرار وان شاء الله تعطوني رائكم فيه وتساعدوني علي حكم صحيح بحياتي
انا قلت ماني طلعه من البيت لحد ماشوف ايش اخرتها وياها بنتظر شهرين اذا استمر الوضع كما هو عليه رحت عند اهلي ولي فيها فيها وان تعدل ولعن ا بليس فخير وبركه والحمدالله وكفي المسلمين شر القتال اشرايكم بقراري هذا افيدوني لانه حتي النقاش مطلعت منه بفايده مافيه شي تغير من جهته |
عزيزتي اتمنى افيدك ...لكن للاسف ماباليد حيله وان شاء الله تتوصلين لحل يرضيك
لكن قلبي معك بالدعاء ......في هذه الساعه المباركه تقبلي مروري |
اختي انين الروح كم سنه صار لك متزوجه ؟؟ احس انك مو فاهمة شخصية زوجك بشكل صحيح .. اختي في موضوع مهم جدا في قسم (عالم التنميه البشريه و تطوير الذات ) يعنوان (بوصلة الشخصيه ) اختي .. اتمنى انك تقرأي الموضوع بتمعن و تحلي الاختبار عشان تعرفي نمط شخصية زوجك و نمط شخصيتك راح تكتشفي اشياء جدا مهمه عن شخصيتك و شخصية زوجك .. هذه الامور راح تساعدك في التعامل مع زوجك بإذن الله .. وياليت تذكري لنا من اي نمط شخصيتك و شخصية زوجك .. وان شاء الله نقدر نساعدك .. |
حبيبتي أنين الروح والله اني زعلانه ومضايقة من اللي صار لك بس قرارك صائب خليك في البيت وعيشي عل أنه مو موجود
يعني لا تتقربي منه كزوجه او تدلليه او تحتكي معه بكلام اي شيء تبغيه ارسلي بنتك تقوله اذا وجه لك كلام ردي عااااادي كأنك تكلمي أخوك ولا تزيدي في الكلام يعني حسسيه انه تحرر منك وانك ما عليك فيه ممكن هذا الشي يرجعه لعقله,ولا أوصيك أكثري من الاستغفار والدعاء والصدقة والله يفرج همك ويهدي زوجك |
حتي الكريمه
باين ان الوضع بينكم صار صعب بس تبين راي اعملي متل ما طلب منك ولا تخسري بيتك واولادك اهتمي في نفسك وبمظهرك وسعادتك واولادك والله قال المال والبنون زينه الحياه الدنيا وليس الزوج وخليه متل ما طلب حيطه ترد لريح ولا صوره برواز لا يهمك ويكدرك مصيره يلف ويلف ويرجع تاني ماله الا بيته واولاده وزوجته اخره المتمه بس ركزي على نفسك واولادك طوري نفسك كملي دراسه خذي دورات جيبي من يخدمك ويعينك لا تكرفي حالك وعيشي حياتك الزوج مو كل شي واهم شي سقف يجمعك باولادك وهو متل الحيطه وانا اقول ظل حيطه ولا ظل راج السموحه منكم يا رجال بس هذا ماعلمتني هو الحياه واجاوبك من واقع حياتي بس انا زواجي صارله 10 سنوات الى الان وبالتوفيق |
اكتفي بماله الأخوان في الله
اكثري من الإستغفااااااااااااااااااااااار لايقل عن 100 باليوم او اكثر.. والدعاااااء كل يوم وربي يفرجها ان شاء الله سواء رجع لكم والحمدالله او ازال الله عنك الشر بالطلاق ويعوضك خيرا ان شاء الله صبر جميل وفرج قريب ان شاء الله وفقك الله |
قلبي دخلي اهلك في الموضوع هذا الرجل يبيله اعادة تربية من اول وجديد وانا كان لك فية نصيب بيرجع لك والله حرام هالاهانة الي جالسة يقولها لك واذا حس ان اهلك معك والله بينطم ويسكت
|
الله يعطيكم العافيه ويخليكم ويكتب اجركم
علي تفاعلكم معي في موضوعي انا سويت بنصيحة الاخت اميرات وقرات موضوع بوصله الشخصيه وطلعت انا جنوبيه شرقي وهو شمالي غربي ياليت تقدرين تساعديني ياختي اميرات وشكر شامل من رد علي في مشكلتي |
ابشري اختي انين الروح .. راح اكتب لك عن شخصية الشمالي الغربي و كيف يتم التعامل معه .. لي عوده ان شاء الله .. لن اتأخر .. |
اقتباس:
|
والله ياحبيبتى انتى كتير صعبانة عليا بس اريد اقولك شى وصدقينى دى نصيحة ليكى الرجال مثل الاطفال تضحكى على الراجل بكلمة صغيرة وحلوة وتحسسية يأنة اهم حد فى حياتك وتحسسية بحبك هيعطيكى عيونة واكتر وسهل جدا انك تضحكى على جوزك وتحبية هو كمان هيحبك جدا وينسى كل الاكلام اللى قالة ليكى بس تعاملية بحنان وحب
والله ويالكى انشاء الله ويصلح حالك |
الله يعينك على بلواكي.
ويحنن قلوبكم على بعض. صراحة انا ما اعرف ليش في بعض الرجال يحطون في بالهم انه المراة فقط للانجاب والتنظيف والطبخ. اما المصروف والطلعات العائلية والاهتمامات الزوجية هذه كلها محذوفة من ذهنهم. حرام عليهم وين المودة والرحمة اللي وصى فيها رب العالمين. الله يهدي بالك يارب |
شوفي اختي انين الروح .. غالبا الشخصية الشماليه ما راح اقول صعبه في التعامل .. انما اذا عرفتيها بشكل صحيح يمكن التعامل معها بسهوله .. اول شي الشخص الشمالي ليس عاطفي .. انما حساس .. واقل شي يجرح احساسه .. و مع انه غير عاطفي و لا يحب الالتصاق ولا يعبر عن مشاعره و حبه بسهوله الا انه يحب بعمق .. ولا يتخلى عن محبوبته بسهوله .. لذا فهو لا يتخذ قرار الزواج الثاني بسهوله .. فالشمالي الغربي يهدد بالزواج من ثانيه لكنه يهدد على سبيل التهديد فقط .. انه على الاغلب لا يطيق زوجتين في وقت واحد .. فأعصابه لا تتحمل.. ووقته لا يسمح .. فهو ينظر الي الزواج على انه حاجه فسدت و انه اسس بيت و لكنه لا يعرف انه عليه ان يعتني به عاطفيا .. ملاحظه : هناك فرق بين العاطفي والحساس .. الجنوبي يكون عاطفي و يحب و يهتم ان يكون محبوبا .. فهو انسان رومانسي .. فالجنوبي يحب بطريقة مختلفه عن الشمالي .. بينما الحساس هو اللي اقل شي يجرح مشاعره و يؤثر فيه .. لي عوده اختي ان شاء الله .. |
الله يفرج همك
اطلبي الله يسخره لكي واقرئي سورة البقره تجلب البركه والواقعه كما خبرنا الرسول عليه الصلاه والسلام التوقيع سبحــــــان الله وبحمده ,,,, سبحــــــان الله العظيم لا اله الا الله العظيم الحليم |
| الساعة الآن 08:19 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©