|
أريد طريقة مميزة في تقديم المهر
السلام عليكم
مرحبا بالجمييييييييييع ابغى طريقه مميزه في تقديم المهر لاني احترت ابغى كل شخص يعطيني ذوقه ويعطيكم العافيه وهل فيه محل بالرياض مختص في عمل هالاشياء وجزاكم الله خيرا . الاشراف : تم تغيير العنوان ., بالتوفيق أخي |
زي ماقلت اخوي فك عمرك ووده محل
لكن انا من الشرقيه مو من الرياض الله يوفقك |
مشكوره اخت جواهر على ردك وشكله هذا اللي يبي يصير اوديه محل بس وين المحل الزيييييييين اللي يبرد التسبد
|
شوف محلات الكوش والافراح هذولا معروفين
وطبعا انت وذوقك يعني اللي بتختاره انت ربي يسهل عليك |
مشكوره اخت جواهر على ردك واهتمامك وعقبالك
|
فيه صناديق حلوه عند محلات العطاره يجي معها دهن عود وبخور من النوع الحلو وتقدر تحط فيها المهر واذا بغيت الشبكه بعد وتقدر تحط فوقها ورد مجفف
اخوك تعبت اعطي |
السلام عليكم ..
طريقة تقديم المهر .. انا نره شفت واحد مسوي مهره كله جنيهات ذهب .. وحاط معها عود ودهن عود ودهن ورد .. ومغلفه بصندوق مررررررررررررررره حلو .. اذا تبي محل حلو بس غالي .. فيه بيت الهديه عندهم افكار مره حلوه وغريبه .. واذا تبي محل رخيص وشغلهم حلو .. بس ماعندهم افكار .. فيه محل تغليف مع بلشرف اللي في طريق الملك فهد .. يعني ممكن تروح تاخذ افكار من بيت الهديه وتطبقها عند الفلبيني اللي جنب بلشرف >>> وش رايك بالافكار الجهنميه |
ممكن تقدم المهر فب علبه فضه قيمه مكتوب عليها ايه قرأنيه او اسمك و اسم العروس و تضع داخلها مصحف صغير و بعض الزهور و الف مبروووووووووووووووووووووووووووووك :)
|
ماشاء الله افكار حلوه.. أنا جاني مهري بشيك ! مو أريح من التعب
|
مشكوووووووورين على ردودكم وارائكم يعطيكم العافييييه
اخت دانه ابسالك بيت الهديه وينه فيه ؟ |
بيت الهديه اخوي تلاقيه في بدايه شارع التحليه .. واكيد بيعجبك ان شاء الله
|
هلا
الف مبرك اخ فارس11 روح لمحلات الورود مثل زهرةالربيع حاجه راقيه واطلب منه يسوي لك بوكيت ورد مثلا وبلغه انك بتحط المهر ومصحف مثلا وعطر بس روح لمحل راقي والافضل ورود؟؟؟؟؟؟ الله يوفقك |
اخي الكريم ألف مبرووك عليك
عندي لك طريقة كثير حلوة .. وانا جالس اقوم على علمها الآن و إليـــــــك الخطــــــــوات الاربـــعة 1- تشتري صندوق جميل جدا بطول ذراعين 2- تشتري 4 صناديق اخرى صغار وتضعها في هذا الصندوق الكبير .. بيحث يكون: أ: صندوق تضع فيه المهر ب: صندوق تضع فيه الساعة او الهدية ج: صندوق تضع فيه البخور د: صندوق تضع فيه دهن العود او غيره من الحاجات. اما بالنسبة لصندوق المهر .. ضع فيه صور لك من كنت صغير الى الآن 3- ارفق مع الصندوق وصية من والدتك إلى العروس .. وتكون مكتوبة على ورقة الجلد " مثل اوراق التي تستخدم في العصر الاسلامي " وتحصلها في محلات الهدايا. 4- اخذ هذا الصندوق حق محل هدايا للتغليف والتزيين وغيره وفي النهاية اقولك .. انك ممكن تكسب قلب زوجتك اذا تفننت في الصندوق وتعطيها صورةاو طابع انك انسان مرة ذوووق وكلاس في كل شي تحياتي |
| الساعة الآن 10:29 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©