|
كيف أقنع أمي بالموافقة على زواجي
السلام عليكم ورحمة الله
بصراحة مدري كيف ابدأ لكن موضوعي باختصار شديد عندي مشكلة قد تشوفونها بسيطة لكنها مضايقتني حيل في البداية أنا اعمل مهندس وراتبي والحمدلله ممتاز ومكان عملي في مدينة غير المدينة الي تسكن فيها عائلتي يعني أعزب ,, لكن المشكلة ان الوالدة ترفض مبدأ زواجي مع اني لاينقصني شي وعمري الان 26 واذا تناقشت معها في هذا الموضوع تقول بدري اذا وصلت الثلاثين يكون مناسب لك :29: أبغى حل طفشت من العزوبية والوحدة وهي مو راضية تتكلم في الموضوع واذا ابوي فتح سيرته وهذا نادرا يحدث تتوتر من الموضوع وتغيره :25: تكفون ابغي طريقة اقنعها ,, شكرا مقدما تم تعديل العنوان |
ياحليلها الوالدة الله يحفظها لك ان شاء الله
ببساطة وانا اختك الواضح من كلامك اخي الكريم.. انك الولد الوحيد لدى امك وامك تخاف من فقدك ..تخاف ان تتزوج وتتركها.. اعذرها فهي من اعتنت بك 26 عاما.. الحل.. تجلس معها جلسة مصارحة بدون والدك وتتكلم معها.. انت: يمه تحبيني؟ اكيد راح تجاوبك اي ياوليدي انت: يمه ماودك تشوفين عيالي؟ وماودك استتر بالحلال؟ ترى يمه الحرام كثران هالايام وانا ودني ببنت استرها وتسترني ( تخوفها عليك بهذي الطريقة) لربما لن تجد رد فعل بالموافقة من المرة الاولى من والدتك لكنها بحول الله راح تفكر في كلامك وراح تخاف عليك وتبدأ في موضوعك.. اذا لم تبدأ المرة الاولى كثرة كلامك هذا سيحنن قلبها.. الله يسعدك ويستر عليك أختك حائزة |
مشكورة اختي على تجاوبك السريع
في الحقيقة انا لست الوحيد عندي اخ اصغر مني يدرس في الخارج وفعلا مثل ماقلتي الموضوع محتاج جلسة لكن مو عارف من وين ابدأ انا فكرت في حل لكن ما استخدمته وهو عند زيارتي لجدتي دايم تقول متى بنفرح فيك وكذا الظاهر المرة الجاية اذا زرت الجدة بقول لها انا ودي بالزواج لكن امي رافضة .. يوهقها :) بس اخاف تزعل علي |
السلام عليكم
اخوي انا انصحك انك ما تدخل طرف ثالث لا الجده ولا غيرها ترى بتزيد الطين بله .. لان الوالده شكل شخصيتها قويه .. الله يحفظها .. وهذا النوع مايحب احد يتدخل فيه ويملي عليه الاوامر .. احسن شي كلمها بصراحه وقل .. ماتفرق الحين وبعدين .. في النهايه متزوج .. ولاتخليني اروح اخطب بنفسي انا ابيك انتي اللي تختارين .. والله يهديها يمكن معتبرتك لين الحين صغير .. |
كن حازم معها
وقل لها انه فى حاله تشابه وضعك والرجل بسبب رغبته بالزواج وتاجيل اهله اتبع طريق الحرام وجاوز سنه الاربعين واهله يودون ان يتزوج وهو رافض الفكره بعد ان كانت رغبته |
توكل على الله واخطب لنفسك حتزعل شوي بس راضيها بطريقتك
بس حاول تبعد زوجتك عن امك لان من الواضح ان والدتك من كتر حبها فيك حتغير عليك جدا وهذا ممكن يؤثر بالسلب على زوجتك في المستقبل |
توجه لله سبحانه بالدعاء
استغل بين الأذان والإقامه وقبيل الفجر والسجود بأن يسخر امك وييسر زواجك أخي الكريم في دعاء ، اللهم سخر لي امي وألن قلبها علي كما ألنت الحددي لدوود عليه السلام اشتر لها هديه وتقرب لها اكسبها ويجب ان تصارحها انك لن تهملها ولن تتخلى عنها وستبرها حتى لو تزوجت عليك بالدعاء والصدقه وشغل سورة البقره في البيت واقرئها وفي نصيحه اخت هنا ان تاخذ ماء وتقرأ عليه الرقيه الشرعيه وادعي الله بان يسخرها ثم اعطها اياها دون ان تعلم انك قرات عليه الرقيه الشرعيه اكرر الصدقه والدعاء وسورة البقره |
شوف اخوي
قبل لاتكلمها وتفتح معها الموضوع روح توضأ وصلي ركعتين وادعي فيها ربك ان ييسر موضوع زواجك ويلين قلب امك عليك وان يسهلك الحلال وبعدين روح كلمها وشوف كيف هي اللي راح تقولك ابغى ازوجك فالله في عون العبد والله يرزقك بالزوجة الصالحة التي تسرك اذا نظرت وتحفظك اذا غبت |
من الواضح انها لا تريدك ان تتزوج لحبها لك ولا تريد ان تري واحدة تأخذك منها و بعد تعبها كل هذه السنين فقالت لك عند الثلاثين (وسعتها يحلها الف حلّال..) فأعتقد انك تحاول معها من الآن و تقول لها ان الفرص لرجل عنده 27 افضل بكثيير من ال30ّ!! وقل لها انا ابدأ في البحث و الإستخارة والله هيعمل الخير و إن في ناس بتفضل تدور سنييييييين و الله يرزقك الزوجة الصالحة
|
اقتباس:
كلام سليم :17: |
السلام عليكم ورحمه الله وبركاته
فعلا واضح جدا من كلامك ان امك تحبك وخايفه احد ياخذك منها :d مثل ماقالت حيوزة :22::22: شف دامها تحبك اكيد راح تلين مع المحاولات انت حاول جبها بالين قالها يايمه انا ساكن لحالي واخاف اني امشي بالطريق الغلط اخاف امشي بالحرام خوفها عليك من هالكلام الى الشباب يعرفونه :d بس عاد مو تجيب العيد :29::29: ولاتنسى الاستخااااااااارة اكثر منها والدعاء يمكن ربي كتبلك خير برفض امك للموضوع عشان كذا اكثر من الاستخارة والدعاء بتيسر امرك ولاتنسى عاد اذا وافقت باذن الله الوالدة :d اختار وحدة تخاف الله والدين مالي قلبه والايمان تحط ميمتك فوووووووق راسها لانه واضح ان امك متعلقه فيك بشكل كبير ولاتنسى انك ولدها العود وفرحتها الاولى :d ويمكن هذا من تحليلي لشخصيه امك الله يحفظه والله اعلم تعلقه فيك بزيادة بما ان اخوك بالغربه الصغير شايفتك انت الامان والاستقرار بحياتها وخايفه تتزوج وتروح منها وتنشغل بزوجتك وحياتك وتتركاه مثل مااخوك سافر برا يدرس وتركها هذا بتفكيرها هي والله اعلم ربي يرزقك الزوجه الى تخاف الله فيك وفي امك وتحطكم فوق راسها |
صراحة البنات ماقصروا
ماقول الا الله يحنن قلب الوالدة عليك وترزقك الزوجة اللي تسعدك ويوفقك وين ماكنت |
اشكركم جميعا على تفاعلكم معي
وانا اليوم كنت مع الوالده في المستشفى عندها تحاليل وكذا المهم ونحن راجعين البيت شفتها شوي راضيه عني فتحت معها الموضوع وتشكيت من اني تعبت من اكل المطاعم والوحدة وابغى اتزوج واستقر قالت انها موافقة لكن بعد سنة وبشرط اجمع مئتين الف ريال مئة الف مهر ومئة شبكة ومصاريف عرس قلت انه المهر يكفي خمسين او ستين ما رضت تقول البنات هالايام مصاريفهم ماتخلص عموما انا ماعندي مئتي وبغالي سنة اجمع لكن ع الاقل وافقت مبدئيا وتركت عنها سالفة الثلاثين وربنا يعين |
زي انها وافقت
لكن 100 الف مهر والله ونااااسه خخخخخخخخخخخخخخخخخخ وين وربي لو أيش ماحد يدفع 100 حرام هذا مبلغ مو معقول ياأخي بصراحه والي مستغربه يعني أمك المفروض تبي مثلا الفلوس لك ولها بس أتوقع عشان تتعب بس أنصحك نصيحه لوجه الله كن حازم معها شوي مو مره لنها قبل كل شي أمك بس مايجوز يمر وقت وانت تفكر بالحرام او تلجاء لشي حرام مادامك مقتدر وبعدين وش توافق 100 الف أخي حرام عليك تجمع فلوس وتتعب هذي حياة زوجيه لازم فيها مشاركه ... تذكر دائماً لاتكن ليناً فتعصـر ولا تكن صلباً فتكسر |
هيه مع سالفه الميه الف
تبغا تمدد لك لحين ما تبغا لكن انا جا في بالي شي اسالها يمكن حاطه في بالها بنت والا شي مدري حسيت انها حاطه في بالها شي من ذا القيبل وبعدين سالفه الميه الف مهر لالالا صدقني اذا انت تبغا وحده تبغا الستر ما راح تطلب مهر بذا الرقم انتا قولها ابغا وحده على قد ضروفي وانتي اعرف يا امي هذي اذا مهرها ميه اجل كيف تبغا سكنها وكيف تبغا لبسها وحياتها والله ييسر لك امورك ويعطيك على قد نيتك ويرزقك ببنت الحلال |
شوف إنت حكايتك مثل حكاية اخوي و أمي
و قمت خطبت له أنا بنفسي :d خذ نصيحتي و لا تستنى لحد ما تجمع ميتين ألف هذه بس طريقة عشان أمك تخليك ما تتكلم :d أمي كانت نفس الكلام تقوله لأخوي و ربي سخر له وحدة ماشاء الله تبارك الله بنت ناس و أهلها بس يبغوا الستر و العفاف و مشترين رجال و مو كل البنات يبغوا فلوس و مادري كيف ؟ خذ الطريقة هذه ، قول لأمك إنه واحد يعرفك في العمل خطبك لبنته و الثاني يلمح لك إنه بيزوجك اخته و المهر عليه بس بشررررررررررررررررررررط عشان لا تتورط مع أمك ، شوف إيش المواصفات اللي هي ما تحبها و ما تتمناها في زوجة ولدها و أوصف الشخص بها مثلا هي ما تبغاك تتزوج من جنس أو من لون أو من عايلة معينة أو أي مواصفات ما تبغاها فقل لها ترى فلان كذا كذا كذا فيه ( أشياء هي ما تحبها ) و قول لها كلمني كم مرة و بيخطبني لأخته أو بنته و إنك خلاص اقتنعت و تبغى تخطبها و شوفها كيف تخطب لك من نفس اليوم :d |
طالما انها وافقت يعني وصلنا لنص الطريق الله ييسر
باقي الطريق انت كل اسبوع افتح معها شويه الموضوع وطبعا كل مره رح ينكسر جدار الصمت والله يوفقك ويرزقك زوجه صالحه |
أهم شئ رضى الوالده.......
|
| الساعة الآن 01:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©