|
خبرتكم في شهر العسل .. .
صباح الخير جميعا حبيت استشيركم وين اروح في شهر العسل؟ وباعطيكم معلومات عني ويا ريت تفيدوني .. . وقت شهر العسل : في شهر يناير .. يعني شهر برد موت ابي مكان اقدر اتحرك فيه ما ابي اتم مثلجة وكآبه :24: مدة شهر العسل : تقريبا 20 يوم .. رغبة الزوجة : أبي مكان اقدر اتحرك فيه يعني اهم شي يكون فيه مدينة العاب مثلا او اماكن ترفيهه ومكان حلو للتمشي .. وفيه معالم او مدن سياحية نقدر نزورها.. رغبة الزوج : يكون فيه أكثر من نشاط .. وما تكون الدولة مملة .. وما يكون فيها عرب وايد .. وفي مناطق ترفيهيه .. ومكان فيه حيوانات نقدر نشوفها هههه مثل حدايق حيوانات كبيره وغيرها عمر الزوج والزوجة : 20 سنة ... يعني نبي مكان فيه ترفيه اكثر من انه بس قعدات رومنسية و وطبيعه وغيره هههه:d . . اتمنى اني قدرت اوضح لكم مطالبنا و رغباتنا ... فاتمنى تقترحون علي دول تناسبنا ..:28: وياريت تقولون لي نصايحكم او اخطائكم عشان اقدر اتجنبها ان شاء الله .. وباكون شاكره لكم |
أهليـــــن Betty Boop أولا مبــــــــروك :14: وعسى ربي يتمم لكم على خير ويسعدكمـ بالنسبه لشهر العســل حلو إنك تزوري مدينه ماقبل زرتيها إنتي وخطيبك عشــآن تكتشفوها مع بعضـ وبيكون احلى أنا خطيبي مقرر إننا نروح ماليزيــا تتميز بطيبعـــتها والامـــــاكن الرومنسيه اللي فيهــا والاحلى مافيها إنها جزر يعني تقدورا تغيروا وماتحســوا بالملل وكثير من العرســان قضوا فيها شهر العســـل وكانت بالنسبــه لهم ممتعـــه وحلــــــــوه الله يوفقــــك يارب |
الله يباركـ فيج فديتج ..
ويوفقج ويانا يا رب .. . والله شفت ماليزيا وصح مثل ما قلتي فيها اماكن وما اتمللين فيها .. :22: بس حتى لو الجزر ما اظن تنفع في الشتا .. . والله انا معاج ودي اروح مكان ما رحته من قبل .. وفي بالي منطقة زلامسي .. بس ما اعرف شلون حلوة في الشتا ولالا .. ما تقصرين فديتج ع الرد ولا اترددين بأي رد واي معلومة .. وزوري حدايق ماليزيا صج صج روعه ووناسه .. وبتشوفين حشرات وطيور غريبه هههههه:d عمرج ما شفتيها الله يوفقج يا رب .. |
ماحتستفيدو من السفر كثير ادا كان وقت برد
اجلوها شوي كم شهر لما يصير الجو حلو ودافي ماليزيا رائعة جدا 15 يوم تكفي لان في مدن مايحتاج تروح لها لكن مدن تستحق الزيارة فيها مثل كولالمبور وجنتق وبياننج و لنكاوي |
ما اقدر أأجل العرس عشان الوقت شتا :(
|
مو العرس شهر العسل اجلو
انا سافرت شهر عسل بعد سنة من زواجي مو شرط مباشره بعد الفرح علشان تاخدو على بعض اكثر اجلوها كم شهر بس |
لا مستحييييل
تروح لذة شهر العسل .. |
اقتباس:
ومن قال إن شهر العسل (يجب) أن يكون بعد العرس مباشرةً؟؟؟ هذه مجرد عادة وليس قانون أو قاعدة ... ولن يحدث شيء إن خالفتم هذه العادة إن دعت الضرورة. شخصياً شهر عسلي كان ما بين تايلند وماليزيا ... وبالفعل البلدين رائعين ... ولكن سفرنا كان في شهر يونيو ... يعني الجو معتدل وممطر نوعاً ما .. وزحمة السائحين لم تكن قد بدأت بعد ... فاستمتعنا كثيراً ... إلا أنني لا أعرف كيف هو الطقس هناك في شهر يناير. |
فيه مواقع خاصه بالسياحه أهلها أخبر
دخلتها يوم كنت بسافر مره أستفدت منها,,ينصحونك بأدق التفاصيل الي ماتخطر على بالك مثل المسافرون العرب أو العرب المسافرون |
انا عرسي بيكون مابين يناير وفبراير بإذن الله ..
بصراحة جميع الدول برد .. وزيلامسي جميـــــــلة لكن ثلج .. مافيها طبيعه كله بياض ثلج وغالية عندك نيوزلاندا و استراليا درجة الحرارة مابين ال 20 الى ال 24 .. طقس جميل والطبيعة خلاااااابة .. شوفي عندك موقع في اعلى الصفحة على اليسار ان شالله بتلقين فيه المعلومات الي تفيدك تحياتي |
بالاول الف الف الف مبرووووك وعقبال شباب وانسات المنتدى
تعرفون دولة اسمها جنوب افريقيا .؟ رووووووعة هالبلد بس مشكلتها تذاكر الطيران غالية بأذن الله شهر العسل بيكون هناك متى ما ربك يفرجها وفي خيارات ثانية تاجلونها شوي لين ما يزبط الجو في ايطاليا او اسبانيا وأحلى شي بالدول الاروبية الامن مرتفع + النصب قليل + دول قريبة من بعض بس حطو في بالكم التأشيرات |
عندك ماليزيا و تايلاند و سنغافور درحة الحرارة 30
|
الله'يوفقكم
ويسعدكم في اي'مكان |
مهره
صحيح مو قانون .. بس احسها لها طعم ثاني عقب العرس على طول وحلوه تايلند .. ما تقصرين فديتج .. وشكلها ماليزيا الكل يمدحها لشهر العسل .. . . منوووووله صحيح بس احب اشوف اكثر من موقع .. يسلمووو ومشكوره . . الفهدي25 الله يوفقك يا رب الصراحه نيوزلاندا ما يات على بالي ولا رحت لها .. واستراليا رحلتها وايد متعبه وايد اتملل في الطياره ههههه انت وين بتروح في شهر العسل؟ وما فهمت شنو تقصد الموقع اللي ع اليسار ؟؟؟ . . |
(غير مسجل)
والله جنك تقرا افكاري بصراحه انا قالت لي وحده اجنبيه ان شهر عسلها كان في جنوب افريقيا .. بس وايد متردده اني اطرح عليه هالفكرة .. وللاسف لا ما اقدر أأجل شهر العسل تعرف عشان الاجازات وجذيه اتمنى انك تفيدني اكثر عن جنوب افريقيا او تعطيني دول اكثر .. وشكررررا . . ام عـــاليـــه يسلمووو بافكر في سنغافوره . . لؤلؤة الليل ويوفقج يا رب . . |
اختي الكريمة .. لي طلعتي اعلى الصفحة على اليسار بتلقين مكتوب منتديات سفاري ان شالله بيفيدوك اكثر لانهم متخصصين في السفر والسياحة
|
انا شهر عسلي في جنوب افريقيا بلده جنان بمعنى العقل طبيعتها جنان وحيواناتها مره حلوه بس يبغالك ميزانيه فيها وبرضو اسئلي عنها وعلى العموم أذا كان احنا شتا فهما عندهم صيف وانا رحتلهم شتا
|
نيوزيلندا لا انصحك بها لانكم تبون اماكن لعب ووناسه وهي تصلح للرواق و الناس الهادئه :d
وفوق كذا من الرياض للعاصمه تقريبا 19 ساعه :29: .............. بصراحه عندك غير الي ذكر من الاخوان والاخوات الصين بصراحه حلووووووووه وتعتبر رخيصه وفيها اماكن ترفيه كثيره.. وبالتوفيق ان شاء الله |
ليه ما تروحو دوله اسلاميه سياحيه مثل ماليزيا
|
| الساعة الآن 02:57 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©