|
غداً ستأتي والدته لرؤيتي
السلام عليكم..., مادري من وين ابتدي بس اللي اعرفه اني معجبه بمنتداكم واعضاءه واراءهم المقنعه والواقعيه ... وعشان كذ حبيت اعرض عليكم مشكلتي :( تقدم لي رجل معروف باحترامه وطيبته والتزامه وسمعة اهله الطيبه بالاضافه لانه طبيب ويكبرني بـ 3-4 سنين تقريبا.. طبعا الى الان ماتم شي رسمي لكن بدت الامور تاخذ طريقها.. هو صديق اخوي ومعروف بالنسبه لنا يعني السؤال مو مشكلتنا,, بس امي اليوم جتني تقول ان امه اتصلت وبتجي بكرا تشوفني :( احس اني انصدمت وضاق صدري (هالموقف احس فيه استرخاص لي يعني وشو داخله معرض عشان تقول باجي اشوف البنت؟؟:29: ) لما زعلت امي استغربت مني وقالت انه شي عادي ومتعارف عليه.. الحين انا محتاره بشيين.. اولا : مقابله امه بكرا وكيف بتكون ووش ببالها ووش بيصير و و و وغير كذا انا ما عطيناهم الرد النهائي عشان تمون وتطلب هالشي...ولدها خوي اخوي واخوي ماشاءالله وسيم وماعليه بشي يعني وش بتتوقع اني باطلع؟؟ يوم تفكر كذا :( والثاني : وهو اللي من اول ما كلموا اهلي وانا افكر فيه (انه طبيب) يعني احس بيئة عمله مسببه لي ارق من الحين...لاتقولون موسوسه لاني مافكر بشكل سطحي بس احب اتخيل المستقبل واتوقع كل شي عشان ما انصدم واكون محتاطه نفسيا لاي موقف .. ابي مشورتكم ببكرآ اذا اقابلها او لا وبالنسبه لعمله اذا اي وحده عندها تجربه او خبره باحد من اقاربها او شي ممكن تريحني وتقنعني فيه لاني احس ان هالشي ممكن يخليني ارفضه نهائيا |
اتوقع شيء عادي أخيه
بالعكس اكسبيها وعامليها زي امك تكسبي اجر وتكسي زوجك اقرئي سورة الفاتحه وآية الكرسي ويس وادعي الله ان يسهل الأمر ويتممه |
غريبه وش الي يضايقك بالموضوع ...
بالعكس احسها لو ماتجي وتشوك اقول هاذي موب مهتمه ... حبيبتي بسمي بأسم الله واقرأي وردك والله يكتب لك الي فيه خير ... |
المعروف عن الطبيب عادة أن ساعات عمله طويلة .. و بالتالي فتغيبه عن البيت كثيرا .. و في أوقات مختلفة .. يجب أن يكون واضحا في ذهنك ..
سلام |
انا مادري وش المشكله؟؟
امه بتجي عشان تشوفك وتقول لولدها... اما بالنسبه لانه اخوك وسيم مو شرط يطلع خواه جميلات هو بتزوجك ما ارح يتزوج اخوكي تحيتي |
عادي جداااااااااااااااااا هذه الزيارة انا استغربت من ردة فعلك
انا ام زوجي قبل ما تخطبني اولا سألت عني من قريبات زوجي اللي شافوني ثانيا قبل العيد سألتني عن المسجد اللي بصلي فيه وجت عشان تشوفني ثالثا جت عندنا بالبيت هيا واخت زوجي كذا زياره قبل الخطبة يعني عاااااااااادي جداااااااااااااا لاتقلقي انتي البسي احسن ما عندك واعملس تسريحه حلوة وطمنينا يا عروس |
حنا الأمر هذا عندنا عادي
إذا كان الرجال طيب و ملتزم بدينه فكري زين استخيري أولا ثم نفذي قرارك وفقك الله |
اما عن زيارت امه عادي الاغلب كذا
اما عن وظيفته طبيب انا لااويد الزواج لعمله المختلط وبشده لاكن هذي وجهت نظر |
بالنسبة لعمله, انا زوجي طبيب و دوامه من 8 الى 4
و عنده مناوبات تقريبا من 3 الى 4 في الشهر و انا متزوجة لي اكثر من 3 سنوات و ما شفت على زوجي شئ و هو فيه دين الحمد لله طبعا العمل كله اختلاط و هو طبيب نفسي بعد !! بس ما اثر هالشئ على حياتنا اذا كان خطيبك صاحب دين و خلق لا تضيعينه و الله يوفقك... |
بالنسبه لزيارة الام مافيها شيء عادي بالعكس علشان تتعرفي عليها وعلى طبيعة ولده اكثر
وحنا عندنا دائما يصير هااشيء بالذات انها ماتعرفك فالطبيعي انها تبي تتعرف عليك اكثر.... اما بخصوص عمل الخاطب كطبيب مافيها شيء بالعكس مهنه شريفه اذاكان صاحب دين وخُلق استخيري الله وتوكلي عليه بس لازم تسألون عن هذي النقطه وغير كذا حطي ببالك انه راح يكون وقته ضيق لانه يقوم بعمل انساني فلازم تتقبلي الفكره وتتكيفي عليها من الأن حتى يكون كل شيء واضح قدامك أسأل الله ان يكتب لك الخيره اينما كانت... |
شكراااااااااااااااا لكم كللكم بلا استثناء وماقصرتوا على ردودكم المشجعه والمطمئنه..
ومعليش اعذروني على سؤالي اللي الحين بديت احس ان ماله داعي :d بس والله قلة الخبره وعنادي لتفكير مامي,, انا البنت الوحيده وماعندي خوات ولا بنات قرايب بنفس سني...يعني تقريبا احس اني اول تجربه بالعايله كلها عشان كذا ماتقبلت الفكره وقستها بنظرتي انا بس عموما هو من ناحية الدين فالحمدلله متدين والكل يشهد له وكلامك يا ام عاليه ريحني وطمني كثير لانك صاحبه تجربه والله يتمم اللي فيه الخير.. اليوم بعد العشا الموعد وهي كلمت مامي وقالت انها بتجي مع بناتها يعني خواته كلهم واحس اني توترت:29:... بس الله يعين ويسهل ودعواتكم لي :) |
غرييييييييييييبه وييييييييييييييييييين المشكله الطبيعي انه الام لازم تشوف عروسه ولدها مهما سمعت لازم تشوف بعينها هذا زواج مو لعبه مافي شي يضايق وهذا معروف بعاداتنا وبعدين مهنة الطبيب مافيها شي لا تشيلين هم واتوكلي على الله ولاتنسي تكشخين
ربي يوفقك] |
لصاحبة الموضوع :
[color="sienna"]تمنياتي لك بالتوفيق يا عزيزتي[/color] |
طمنيا ريوف إيش صار معاك ؟
وطبيعي حبيبتي إنه اهله بيجون يشوفونك لانه زواج مو لعب وأتمنى حبيبتي تطلبين الرؤية الشرعية حتى ترتاحين أنت وياه اما مسألة كونه طبيب بسيطة بإستطاعة المرأة الصالحة المحبة لزوجها ان تجذب الزوج لها لانك رافضة فكرة الطبيب بسبب يمكن الاختلاط تطمني إن شاء الله خير وفقك الله |
جوووووووووووووووووووووووووووو وتوهم راحو
طبعا جات امه وخواته الكبيره ومتزوجه ووحده لسا بالجامعه اول انطباعاتي ارتحت لهم نفسيا مرحين ومتواضعين وفيهم دين وهذا احسن شي مطمني لاني دايما اتمنى واحد زي دادي.. المهم هم غييييييييير عني من ناحية الشكل :( مو سالفة احلى او اشين بس انا مو مره قصيره و صرت عندهم نتفه (طولي 164) وملامحي طفوليه وشعري قصير ...هم عكسي شعر طوييييييييييييل وطوااااااااال و ملامح حاده وبارزه... وانا جالسه معاهم بس اقارن واتخيل وش بيكون هو او كيف باكون بنظره اذا هو متعود على هالهيئات :\ وامهم داخله جو ع مامي وبس تسولف بس كل ماشافتني تبتسم كانها تتبسم لبيبي:( وانا جالسه ولاااااااااا كلمه لين اخته سالتني عن دراستي وتخصصي لانها مثلي ولما جيت باقوم (زهقت كاني مربطه:18:)قالت اخته خليك معنا شوي فجلست كاني تمثال :| هذا اللي صار ومادري وش الجاي.. احس اني مفهيه وانتظر الاحداث ومادري وشالسالفه :d |
يا اختي قولي الحمد لله على كل شيئ
هو ما خطبك الا يعني عاجبته ! مفروض تفرحي الناس الحين بتبغى الرجل الصالح الطول مش مشكله لا تجعلي الوساوس تخرب عليكي لا اظن انكي جاده عن مسألة الشكل ! توكلي على الله سبحانه |
الله يوفقك حبيبتي..
بالعكس بيستانس على شكلك .. وحلو ان شكلك طفولي... بتصيرين ان شاء الله دلوعته والاحلى في عينه .. ان كان فيه خير الله يتمم زواجكم .. |
زيارة الأم عادي مافيها شي
أما أخوكي الوسيم وش دخله هو بيزجكي ولا بيزوج أخوكي ؟؟ غريبه هذا التفكير |
اختي انصحك قبل كل شي بصلاة الاستخاره لاتنسينها اهم شي والله يكتب لك الي فيه خير ويوفقك
|
وانا الحين اعيش في نفس المووقف بالضبط .. الله يووفق الجميع دعوااتكم ..اسسسفه احس اني دخلت عرض في الموضوع !! بس احسس اني حفزاانه .. اشكالهم وااايد جديه ..يمي والله اني مترووعه ..طمنينا عنج ياا رااعية الموضووع ..وش المستجداات..!! |
امممم ماصار شي للحين
والمساله زي ماقلت لكم الى الحين ماتتعدا كونها كلام حريم وزيارة امه وخواته ومن ناحية الشكل هو صحيح يهمني واتخيل شكلي معهم ومدري وشو بس مو لهادرجه تاثيره واني بانهي ارتباط كامل لمجرد شكله او شكل خواته انابعد ماعلي قاصر والحمدلله بس مختلفين جدا... عموما الله يقدم اللي فيه الخير ويتمم الموضوع ان كان فيه خير لي وله ! وبالنسبه لاخوي انه وسيم اللي قصدته يعني ان اخوي قدامه وهو بيعرف ان مافينا لون غريب او قبح باين او اي عيب من اللي تعارض الجمال ...غالبا الاخوان يتشابهوا >>>>وهذا تفكيري قبل لما كنت معارضه زيارة امه بس الحين كل شي زال وتم والله الله يعين :) |
الحمدالله تعدت على خير
الله يوفقك لكل خير وان شاء الله تتم الفرحه بامرالله واهم شي صلي استخاره واكثري من الدعاء في السجود باي صلاة ولو ركعتين قبل الفجر او قبل نومك |
الله يكتب لك اللي فيه الخير وييسر امرك
موفقه اختي بأذن الله |
الله يسلمكم ويخليكم يا رب
ماقصرتوا كلكم :) بس بغيت اسال.. الحين كم الوقت المتعارف عليه عشان يردون ؟؟ يعني الحين صار لهم يومين.. المفروض بعد اسبوع او اقل او اكثر؟؟ وغير كذا الحين هل اعتبر انا حاليا بحكم المخطوبه؟؟ يعني مايجوز احد غير يتقدم لي؟؟ |
وردة سنية.. وش عمل مختلط ومش عارفة ايش!؟ الى متى هالكلام؟؟ العالم يتطور وانتو تركزون على شغلات تافهة.
شي طبيعي الطبيب يشتغل في مكان مختلط، اجل وين تبينه يشتغل؟ وحرام الطبيب يتزوج بس لأنه شغال في مكان مختلط!؟ مو كل اللي يشتغلون في مقر عمل مختلط يعني منحرفين أخلاقياً وفكرياً، والله البلاوي تلقينها عند اللي يعانون من الكبت واللي شغلهم من تحت لتحت! واللبيب بالإشارة يفهم!! |
ريوف الخبر.. وش فيها اذا جات أمه؟ هذي من العادات والتقاليد ومعناها انها جاية تتعرف عليكم مو تشوف شكلك وبس... جاية تتعرف على شخصيتك وأسلوبك قبل كل شي وهذا من حقها.... والله الله في أم زوجك من الحين اقول لك؛ أهم شي أمه عشان الله يوفقك في حياتك الزوجية لاحقاً.
والمفروض تفرحين وتتفاخرين ان خاطبك طبيب وبرستيج! |
groovy..
ماقلت شي عن انه طبيب وبالعكس هذا شي كويس بس انا سؤالي عن قضية وقت الطبيب وكيف باتعامل معها وانا طلبت المشوره من وحده مجربه موب رايهم فيه كطبيب .. ومن ناحية اهله انا ماعترضت على مستواهم ولا احتجيت على جمالهم.. بس كذا حكيت لكم الوضع واللي جا ببالي بسبب الفرق !! امممم والحين اصلا مادري لسا ماصار شي ولا ردوا علينا..! يعني تو الناس على انها تصير ام زوجي:) |
زودي المكسرات والحلويات
وابتسمي ابتسامة الرضاء وخففي شوي من المكياج وخليك على الطبيعي ولاتتصنعين اي امر كوني مثل ماانتي وندعو لك بالتوفيق |
بكرا بيجون رسمي ابوه واخوه وهو
:$ |
الله يوفقك ويتمم لك على خير ولاتنسين تبشرينا .
|
والله البلاوي تلقينها عند اللي يعانون من الكبت واللي شغلهم من تحت لتحت! واللبيب بالإشارة يفهم!!
ردا على بعض الردود ما اعتقد هذا الكلام صحيح......ياليت نشر الخير ..........والله أعلم بما في نفوس الناس......... وياليت إستشارة شيخ بالنسبه للاحكام الشرعيه الله يستر عليكي يا صاحبة الموضوع..... |
الله يوفقك ياختي مشالله تبارك الله
الدكاتره مطلوبين عند البنات احسن شي ممنصب وشغل حكومي لا توسوسين وخليك واثقه ولا تعطين رايك الا مقتنعه لانه بيوكن زوجك للابد ان شالله وجنتك ونارك الله يتمم لك امين يارب العالمين |
حنا الأمر هذا عندنا عادي
إذا كان الرجال طيب و ملتزم بدينه فكري زين استخيري أولا ثم نفذي قرارك وفقك الله |
الله يخليكم ويوفقكم جميع يارب
ومشكورين ع الردود والمشاركات كلها.. . . . دعوآتكم لي :) |
| الساعة الآن 07:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©