|
ايها الشاب هل تتزوج من فتاه على مشارف الثلاثين ؟
سؤال موجه للشباب هل تتزوج من فتاه تبلغ ال 30 من عمرها لا اقصد الشاب المتزوج ولا المطلق ولا الفقير او خلافه اقصد الشاب الكامل والكامل وجه الله |
الجواب يحتاج إلى سؤال أيضاً ..
كم عمر الزوج المتقدم ؟؟؟ وعليه تنبني الإجابة .. |
سواءً اكانت على مشارف الثلاثين ام بلغتها ..
لايمنع ان اتزوجها ..بشرط ان تكون صالحة !! |
عمر الزوج 32
|
لالالا
|
بدون مثاليات
اذا هي اصغر مني مافي مانع |
شدعوه البنت شريفه عفيفة..
ما ارتكبت خطيئة.. لا سوت حرام هذا قدرها من الله.. لاحول ولا قوة الا بالله.. على تفكير بعض شباب المسلمين.. اذا هو32 مناسبه لعمره.. احسن من يتزوج صغيره وما تفهم له.. اهم شئ خلقها ودينها.. |
اهم شي ان المتقدم يكون مقتنع منها والا العمر ما فية فرق بل بالعكس اذا صار قريب من عمرها افضل بكثير وخاصة في التفكيروبعدين وش فيها اذاصار عمرها 30 توها ما انتهت صلاحيتها
|
بالنسبة للعمر أهم شي الآقتناع المتبادل من الطرفين
سواء هي أكبر أو هو |
لو البنت شريفه وعفيفه وذات شكل مقبول
ليش ارفض اظنها احسن من الصغيره وبتزوجها حتى لو هي اكبر مني |
انا تزوجت وعمري 29 وزوجي 30 وكلنا كاملين والحمد لله والكامل الله .....ومافيه افضليه الابالاخلاق اعتقد والدين سبحان الله .....واعرف وحده توها متزوجه عمرها 35 والزوج 39 وهو اللي طالب انها تكون بها العمر وعندهم بنتين الله يتمم للجميع على خير بس سؤال غريب..وجهه نظر( ان هو كامل) اشدخل...نفس الشي لو اقول هل الجامعيه ترضى الزواج بمن هو اقل منها دراسه وهي كامله؟ وماعليها قصور
|
إذا كانت هي الأنثى التي أحلم بها .. و فيها كل ما أطلب .. فلمَ لا ؟
سلام |
أختي الكريمة ,,,
ماالذي يمنع .. خاصة وعمر الزوج قريب منها .. أعرف شاب تزوج وهو فوق الثلاثين .. وأشترط أن يكون بينه وبين زوجته فرق سنة الى سنتان .. من وجهة نظر الشاب أن الصغيرة لاتفهمه وتكون غير ناضجه .. وفقك الله .. |
تقارب العمر مهم جداً جداً
ويصيرون من نفس الجيل يصير بينهم تفاهم اما الي يتزوج عشان الجنس فقط بياخذ وحده لو بنت 14 المهم جميلة وحلوة وصغيره !!!وعادة يمل منها وتبدأ مشاكل فرق السن تظهر على السطح فرق العمر بين الزوج والزوجه اقصى شيء 5 سنوات أو سنة اكثر من كذا احس التفاهم بيصير صعب والله اعلم بس بالنسبة واحد عمره 32 تناسبه مره وحده عمرها 28 مره تناسب او 29 مشكلة مجتمع السعودي الرجال ما يختلط بمجتمع الحريم فما هو عارف وش السالفه الحرمة دائماً ترسخ بذهن الرجال ان الصغيره هي الي حلوة والجذابة ومالخ بينما في الحقيقة لو تروح الدولة ثانية تلقى ان في حريم وممثلات ومشهورات وجذابات وتكون في الثلاثينات تصير ناضجة وموظفة طبيبة ولا مهندسة او مدرسة او حتى يهتمون يطورون مهارتهم فتلقى بعضهم عندها انشطة في الجمعيات الخيرية وشوف وش مهنتها وكونت نفسها وشخصية مستقرة واثقه من نفسها وجذابه وتعرف كيف تتعامل مع الرجال بس احنا مجتمعنا الرجال ما يعرفون الحريم إلا من كلام امهاتهم والام تظن ان الصغيرة هي الزينة وهذا مو شرط هو له علاقة بالحرمه نفسها |
اقتباس:
يتزوج الصغيرة وبعد مايمل تبدأ المشاكل بسبب الفرق في العمر والتفكير والاهتمامات وبذلك تكثر حالات الطلاق |
طبعا اللي سبقوني كفوا وفوا في الاجابه ... بس للاسف لللي صاير الحين عندنا انه الشاب يكون ماعنده ادني مانع .. ويجون بعض الامهات حفظهن ربي وخلاهن ويقولون لااا ما ازوج ولدي وحده كبيره كلها كم سنه وتصير عيوز ... ومادري ولدها بيتم شاب طول عمره!!
الله المستعان !! |
عشنا وشفنا!!
يعني وش فرق البنت اللي عمرها 30 عن الولد اللي عمره 30 مو كلهم نفس العمر؟؟؟ ليش البنت صارت بايره والولد حاس نفسه نونو الله المستعان |
هههههههههههههههههههههههههههههههههههههههههههههههههه
اضحك الله سنك ياام خالد صدقتي والله انا اعتبره اللي مايخذ وحده بثلاثين عشان خلاص كبرت واللللخ من بعــض كلام الشباب الله يهديهم تفكيرهم محدود وعقولهم صغيره مع احترامي للجميع الله المستعان وين الشباب الذي يبحث عن اخلاقها قبل جمالها ودينها وحيائها قبل التبرج والسافره وجري زايده مالها داعي صحيح من حقه يبحث عن الصغيره ولكن اذا وجد من في الثلاثين طيبه ودينه واللخ واصغر منه ولو بقليل فهي اولى منها الحمدالله على نعمة العقل فعلا الدنيا عجايب ولله في خلقه شؤون |
ومن قال ان الي 30 ينقص جمالها !!!!!!!!!!!!!!!!!!!!!!!!!!!!!!!!!!!!!!!
فيه جميلات وهن 50 الجميلة حلوة مهما زاد فيها العمر بالعكس بعض الحريم تصير في قمة جماله في 28 وقوامها يصير قوام امرأة كاملة بعكس بنت 17 و18 انا بنت وشايفه مجتمع الحريم بعضهم عمرها 17 بس مالها نصيب في الجمال وبعضها 30 بس رشيقه وطينتها خفيفه وبشرتها حلوه وشعر ناعم وعيون وجمال بس ما ربي كتب لها نصيب وتلقى بعض الرجال يغتر بالصغيره في باله هذي اجمل ما يدري ان في ام 30 جميلة بس تقيم الحريم الكبار حيل يدققون بالعمر لو ان مجتمعنا والعياذ بالله مجتمع فري ومافيه غطى كان تغيرت الموازين انا ما ادعو لسفور لكن الي يخطبون العيالهم او اخوانهم خل ينتبهون القضية العمر كل ما صارات اقرب العمر الولد كل ما صارت اكثر تفاهم الحين الأولاد لا بغى يصادق واحد قال ما اصادق بزر ما يفهم علي شلون امشي واحد اصغر مني بسبع سنين ولا 10 سنين !!!!!!!!!!!!!! |
..
بالنسبه لعمر الزوج 32 والزوجه 30 فأقووووووووول انو عمر مناسب 100%
|
الزاجله والريحانه صادقه لافظ فوهكم وصدقتوا
الله المستعان |
كان (أعزب ـ ملتزم ـ خلوق ـ درس في الخارج ـ يعمل في وظيفة محترمة جداً ـ يحصل على راتب محترم جداً جداً ـ عمره وقتها 32 عاماً)
تزوجني وقد كنت وقتها في الثلاثين ;) |
نعم أقبل بالزواج من ثلاثينية ... وأصلاً شرط أساسي اريده يتوفر في زوجتي المستقبلية وذكرته لوالدتي واختي بأن يبحثون لي خطيبة يكون عمرها من 27 سنة كحد أدنى ومافوق 28- 29- 30 ولا امانع بل اتمنى أتزوج من هي أكبر مني بسنة او سنتين بشرط تكون هي مقتنعه وراضيه ومكتملة فيها كل المواصفات الاخرى الي اتمناها .. علماً أن عمري هو 29 وبعد ثلاثه شهور تقريباً، أي في شهر مارس (3)/2009م سيكون عمري 30 سنة بالتمام، ((( وأعزب ولم يسبق لي الزواج )))، موظف ودخلي الشهري سواء كراتب او مدخول اخر (خاص) ممتاز جداً والان مبتعث من جهة عملي للدراسة خارج السعودية. أعلم ان كثير من الشباب مو مقتنعين بنظرتي ومستغربين ومستنكرين ولكن هذه حقيقه وقناعه بداخلي اتمناها وليس كل مايتمناه المرء يدركه. تحياتي وتقديري للجميع |
نساء المنتدى عنيدات
لو السؤال موجة للرجال تعال شووووووووف زحمة الحريم |
بالنسبة لي : إذا كان الرجل المتقدم عمره 32
أعتقد أن فرص زواجه بذوات الطعشات وما دون 25 أكثر من ذوات الثلاثين وأنا في مجتمعي ما سمعت برجل ثلاثيني تزوج بنفس عمره ثلاثينيه إلا في الحالات الخاصة ( المطلقين وغير ذلك ) |
ما ادرى بما انى فتاة ما اعرف شنو تفكير الشباب
بس صدقونى قلة قليلة هم الى ياخذون وحدة فى 30 مشكور بارك الله فيك يا صاحب الموضوع |
اختى الغالية مهرة
تاثرت كثيرا بتوقيعك وبقصتك الله يحفظلك زوجك وابنك ويبارك لكم فى حياتكم ويبعد عنكم الحاسد اللهم امين |
| الساعة الآن 04:47 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©