|
1000 دينار وهم مو راضية ؟؟؟؟
السلام عليكم علما يا خواتي انها اختارت المستشفى الذي ( تود ) ان تلد فيه وسيكلف فوق ال 1500 دينار كويتي اي 21000 الف ريالخواتي افيدوني اذا انا مقصر ولا لأ جزاكم الله خيرا زوجتي بشهرها السابع الان وهي في خضم تجهيز الولادة اليوم اختلفنا مع بعض في بعض الامور المادية واتهمتني بالتقصير في ذلك حيث تقول انني لا اصرف على تجهيز الجنين علما خواتي ان الشركة اللي انا موظف فيها موفرة لنا تأمين بمستشفى جدا ممتاز ( السلام الدولي ) ويغطي التأمين تكاليف الولادة ............. الا انها ترفض الولادة بهذا المستشفى ولكن لانني احبها ولانه طفلنا الاول حبيت اني ارضيها وقلت ما يخالف اختاري المستشفى اللي تبينه وراح اعطيج 1000 دينار من حسابي هدية لج والباقي هي من بادرت وتكفلت به كان هذا الكلام من خمس شهور تقريبا عندما اتفقنا اني اعطيها 1000 دينار اي 12000 ريال والله يا اخوان انا موظف راتبي مكفي العيشة اللي احنا فيها علما اني اصرف على الايجار وعلي اقساط سيارة وقرض حسن واغراض البيت من مطبخ وثلاجة وراتب الخادمة والحمدلله قدرت اوفر لها هذا المبلغ والان تقول لي انت المفروض تصرف على التجهيز وزعلانة وماخذة بخاطرها بشكل مو طبيعي قلت لها اذا عندي ما راح اقصر معاج بس الحين انا بنص الشهر وراتبي تقريبا ما بقى منه الا 100 دينار اي 1200 ريال لي يوم 21-10 وقت نزول الرواتب قلت لها صبري ولكن ازعلت وراحت شايللاة بخاطرها علي يا خواتي انا ارى اني كفيت باعطائها( 1000 دينار 12000 ريال ) للولادة بالمستشفى التي تختاره علما ان هناك مستشفى يغنيني عن دفع هذا المبلغ وانا الان والله ما عندي فلس واحد بحساب التوفير يخصني اشرايكم خواتي هل انا مقصر ؟؟؟ افيدوني جزاكم الله خيرا |
والله يا اخي عداك العيب
انت مو مقصر معها ابدا بعدين حابة اقولك شي بس لا تزعل مني شلك كتير مدللها بعدين ازا التأمين بيغطى ليش البعزقة حرام لساكم في اول حياتكم وفروا قد ما تقدروا الله يوفقك ويقوم زوجتك بالسلامة بعدين بالنسبة للولادة كلها اوجاع سواء بمستشفى ب 1000 ريال او 10000 الف ريال |
اقتباس:
بس والله صدقتي مدللها وايد الله يعين |
والله بالعكس ما نت مقصر معاها ابدا . والفلوس حراام تروح لمستشفى وفي مستشفي زين مثل ماتقول
المفروض تاخذ اللي تحتاجه من الالف دينار ويكفي ويزيد والمفروض تحب ايدها من ورا وقدام .بصراحة المظاهر ما ادري بتوصلنا لوين .ليش التبذير بس علشان الناس يقولون اي ترى والده في مستشفي بهذي الحسبة ترى كلام الناس لا يودي ولا يجيب .........في ناس تموت من الجوع وفي ناس مش عارفة تودي الفلوس فين . تصدقوا بقليل من هذي الفلوس علشان الله يحفظكم ويحفظ البيبي الجديد .... |
حط فلوسك في جيبك وخليها تولد في المستشفي الذي تغطيه الشركه
والفلوس حتنفعك لهدية بعد الولاده كان الله في عونك |
1000 دينار = 12000 (ماهذا التضخم الأقتصادي الذي نعيشه)..
ماقصرت عداك العيب واحد غيرك كان قال (مامع المتحمد الا عشاه) مثل سعودي..يعني أما المستشفى اللي يغطيه التأمين ولا اجلسي بالبيت واولدي فيه..لكنك كريم ماشاء الله حتى على حساب نفسك..الله يصلحها ويهدي سركم وتقوم هي والبيبي بسلامه..أتمنى لك ولزوجتك أجمل مافي الوجود..الله يقويك ويعينك..في رعايه الله |
اقتباس:
والله انا مو عافسني عير سالفة المظاهر هذي :( مشكلة تكاليف الولادة بالكويت اصبحت ظاهرة غير طبيعية يا اخوان مو معقول ان في ولادات تكلف اكثر من 5000 دينار اي اكثر من 70000 ريال |
woooooooooooooooow المبلغ ضخم حــيل
تستاهل ام العيال < بس الله مايرضى بالتبذير .. الاهم التربيه الصالحه للولد .. اهم من فلوس ولادته وغيره |
اقتباس:
والله شكله هذا اللي بيصير شكلي بسومها على ولادة البيت :22: عالعموم جزيت خيرا على الدعوات :) |
اقتباس:
بلا إسراف وتبذير حط فلوسك في بيت ملك أو شئ ينفعك مستقبلا |
بصراحه ما في اي تقصير بالعكس اشوف ان هذا إسراف ماله داعي
المفروض تولد في المستشفى اللي تبعك إقنعها بالمستشفى وشد عليها قليلا لان هذا دلع بس بيخسر الآف وطلعوا صدقه بجزء من المبلغ احسن |
ليش البيبي راح ينزل بطبق من ذهب ولا معاه شنطته وبيدش المدرسه على طول لمى تكون تكاليف ولادته بهذا الشكل احفض فلوسك وخلها تولد بمستشفى التامين والفلوس حفضوها له بعدين لو سهل الله عليها لو تولده في حجره النوم
|
رحماك يارب.. والله احنا نجمع لفلوس ونقصر على عمرنا للحظة نشوف بيت الله وناس ترميها .. سبحانك يارب اللهم لك الحمد الله يعينك ويسهل امرك
|
احفظ فلوسك ياخي وخلها تولد ع مشفى الشركه
واذا عصبت قول لها انا سويت كذا لانك ماتحمدين ربك تبين تصرفين فوق طاقتي |
والله الي يلاقي الدلع ومايدلعش يستاااااااااااااااااااااااااااااااااااااااااهل الللل:16::16::16::16::16::16: انتا كمان ياشيخ جايلك قلب تسال انتا مقصر معاها ولا لأ:eek::eek::eek::eek::eek::eek: انا بهرج معاك ربنا يخليكو لبعض يارب ويبعد عنكو الشيطان والزعل ويهديك ليها ويهديها ليك بس بجد الحياة مالهاش امان القرش الابيض ينفع في اليوم الاسود والايام السودة جاية ماتقلقش |
اش فائدتك رجل ...
|
اعوذبالله من المذرين اخوان الشياطين ولعياذ بالله منهم هذااكبرحرام يااخوي انت ماغلط باشي وذاكانت زعلانه خلهاالين ماينطحن الي براسها وبعدها فهمها انه مافي فرق بين المستشفيات الاماكتب الله لها
|
انت من نااااااااااااااااااااااااااااحية مدلعهااا
فأنت مرررررررررررررررررره مدلعهااا لو زوجتي كان جبت لها قباله وولادتها بالبيت وانتهى الموضوع لكن لا تتغير عليها فجأءه لانك قريت الردود لالالالالالالالالالالالالالالالالالالالالالا لكن استحمل هالشهرين لانها بحاله نفسيه الله اعلم فيهااا وما فيها شي لو رديتها للمستشفى حق الشركة حقتكم لا تصير زي علبة المدناديل الكل يسحب منك الشي الضروري ضروري ولا تصير زي الخزنه مقفل على كل شي راعي شعورها وسوي الصح وعسا ربي يووفقكم وبعدين ملاحظه : ليش 1000 دينااار ؟؟؟؟؟؟؟؟؟؟؟؟؟؟؟؟؟ انت تبغاها تنظر لك بنظره متعااليه ولا بتسوي فيهاا كريم انت مو مقصر معها بشي الحرمه لو تعطيها مبلغ زي كذا بتصره بأمور مو مهمه كون حكيم انا ما اقول ابخل عليها بس مبلغ زي هذاااا .... هي مو بحاجته وانت جنبهاااااااااااااااااااااااااااااااااااااا وتذكر لالا تتغير فجئه لكن الاصول اصول احترامي |
أخي الكريم ..
يقولون يستاهل البرد من ضيع عباته .. واسمحلي تستاهل .. لأنك وبكل بساطة منساق وراء طلباتها وبهرجتها وفشخرتها ودلعها .. يأخي أين دورك وأنت رجل .. يأخي ماشاء الله مستشفى متكامل على قولك .. وأوفر .. وماهوعاجبها .. لوأن المستشفى ماهو ذاك الزود قلنا مايخالف بس .. مستشفى ممتاز .. يأخي .. الحب لايعني السرف .. لايعني تحملك فوق طاقتك .. يأخي .. راجع نفسك وراجع تعاملك مع زوجتك .. وفقك الله في الدارين .. |
لا تكون لينا معها فتكرر بالمستقبل ذات الموقف
الزوجه الصالحه تكون حريصه على اموال زوجها والمستشفى اللى ذكرت وعملك يغطى تكاليف ولادتها به هو مستشفى ممتاز كثير من اهلى وصديقاتى يتعاملون به |
يا أخي من الواضح أن المشكلة ليست في التدليل (فهناك الكثير ممن يدلل زوجته دون أن يصل به الحال إلى ما أنت عليه)
إذن فالمشكلة في ضعف شخصيتك. صدقني عندي تلزمها بما أنت تراه صحيحا وهو أن تلد في مستشفى السلام الدولي وتوفر مالك الذي أنت بأمس الحاجة له سوف تكسب بذلك إحترم زوجتك لك. قد تغضب وقد تحتج ولكن أنت الرجل والأعرف بالمصلحة وأنت من في يدك القوامة. أعرف بأنك قد ترى بأنه من المستحيل أن تقوم بذلك. لكنك بأذن الله ستستطيع وضع في بالك دائما أن القوامة في يدك أنت. |
والله كثير المبلغ اللي ذكرته ..
ولكن اذا كان العمل مؤمن لك المستشفي فأبعد عن التبذير وحاول انك تشرح لها الظروف . تحياتي |
يا اخــوااااان يا اخوااااان
لا تتهمـــون اخــونا بضعف شخصيــته .. انا ما اشوفه سوى شي غلط بالعكس سوى الي يقدر عليه ولا تتهمون الزوجة وتقولون انها فارضة نفسها ومدلعه ومن هالكلام كوني نصفي كويتي وعشت نصف عمري في الكويت .. فإني اعرف تماما ليـش زوجته قالت 1000 دينار شوية حاليا في الكويت منتشرة ظاهرة مايخلوا اي بيت منها .. دائما يأجرون جناح او غرفة في المستشفى بقيمة 2000 دينار كويتي ك حد ادنى .. اي مايعادل 28000 ريال .. زوجته زعلانه لان هذا المولود الاول .. و ال 1000 ماتكفي عشان الاستقبال وغيره .. وماتبغي الناس تاكلها بلسانهم خاصة ان هذا اول مولود .. والله ان اغلــــــب الحريـــــم مايـرحمــــون بالكــــــلام واكيـــد زوجتــــه عنـــدها صديـــقات وتبغــي تطـــلع بأحسن صورة .. وخاصة ان البنت ياما وياما شافت استقبالات وكانت شي خيالي لا تلومون الزوجة .. الزوجة حزينه لانها تريد اتصير نفس مستوى باقي الناس ماتبغي لا تزيد ولا تقل عنهم اخي الكريم .. اعرف ان حالتك جدا صعبه .. لو انا مكانك بجيب لها كشف حسابي واوريها اني لا املك شي .. واستشيرها قولها شو نقدر انسوي عشان نجتاز العقبة .. شوفها شو بتقولك .. اكيد بتساعدك .. قولها تعالي انحل المشكلة مع بعض ... يمكن بروحها راح تتنازل القضية ... او يمكن تعطيك فكرة حلوة تقدر اتحل فيها الموضوع .. وانت ياخوي ماتبغي كلام الناس عليكم صح ؟ عندي رأي آخر .. خل تاخذ هالألف ولو عندكم مكان في بيت اهل زوجتك .. اشتر فيها سرير جديد وفراش جديد وغيره من هالاشياء سوو تزيين حق الغرفةا لي بتقعد فيها زوجتك ان شاء الله .. وخلوا الاستقبال بالبيت .. بالعكس راح اتوفرون اكثر هذا الشي في الكويـــت صــــــار عــــــــرف للاسف .. وياخوي شخصيتك ماهي ضعيفه ولاشي.. بالعكس انت انسان فاهم ومحب لزوجتك تحياتي |
طيب انت دلوقتى هتمشى لها كلامها علشان خاطر ده أول ولد طيب ومع التانى والثالث هتعمل ايه هتسرق ولا تشحت
يا أخى زوجتك عايزه اللى يفوقها قبل فوات الأوان . المال ده انتم مستخلفين فيه وما ينفعش يتبعزق كده. ولازم تحط قاعده عريضة من دلوقتى اسمها ( لا تجعل يدك مغلولة الى عنقك ولا تبسطها كل البسط فتقعد ملوما محسورا) مش ده كلام ربنا لو انت عايز تمشى حياتك صح روح اتفاهم معاها من دلوقتى وقول لها ان ما فيش ولاده الا فى مستشفى التأمين وبعدهاانت هتشترى العقيقة زى ما الدين قال واللى لألف دينار هتعطيه لها هدية الولاده وغير كده ( تخبط دماغها فى الحيط أنا ما بأحبش الدلع الفاضى كلنا ستات وعمرنا ما فكرنا نعمل كده) |
أنا أقول وفر فلوسك وخليها تولد في مستشفى الشركة وتبعد عن المظاهر اللي لا تودي ولاتجيب واستفيدوا من البلغ في شراء اغراض المولود وهدية للام والله يتمم على خير
|
اقتباس:
|
اقتباس:
اسلوبك جدا راقي ............. اهنيك |
اقتباس:
اتقبل وصفك لي بضعف الشخصية ولكن المسألة ليست مسألة قوامة مثل ما حللت المسألة هي رضى الزوجة ام لأ فقط ولو تلاحظ انا سألت ( الاخوات ) في بداية الموضوع ............ ابي اعرف رأي امراة تعرف هذه الامور جيدا اما مسألة القوامة فهي شيء اخر .............. والحمدلله كل شي بالتفاهم يصير |
اقتباس:
الحمدلله اشوة انج عارفة الطبخة :22: |
احب ارد على الاخوان اللي اتهمون بضعف الشخصية واللي لمز فيني وقال : ( ايش فائدتك كرجل ) معلش يمكن ما تعرفون واقع المظاهر الاجتماعية الكويتية حقيقة احد الاخوات ما قصرت بالرد وبينت بعض الحقائق للاسف المجتمع الكويتي يهتم بالمظاهر بكل شيء والله حتى بالمستشفيات والمشكلة الاكبر ان لو البنت ما عملت شيء من هذه المظاهر التي ما عقب الولادة والله ان كلام ما يرحمها وعدة تأويلات وتفسيرات الحمدلله ان المبادرة اتت من زوجتي ليلة امس بعدما كتبت الموضوع ( سبحان الله ) وبعثت لي رسالة اكدت اعتذارها وانها لاتقصد ابدا انني مقصر ولله الحمد تفاهمنا ووضعنا النقاط على الحروف واهم شيء انها رضيت وانا كنت بتمام الرضا وشكرا على تفاعلكم |
سلاماً من الله عليكم أخي الكريم الحمد لله الذي وفق بينك وبين زوجتك ..أتم الله عليكم نعمته ووفقكم لما يحبه ويرضاه... أحببت أن أعقب وبعد أذنك على ردود بعض الأخوة والأخوات سامحهم الله وهداهم وهدانا ... إذا أردتم أخواني إيصال المعلومة فلكم أن توصولها دون التجريح ، فهذا لا يعتبر أسلوب منطقي ولا أسلوب تفاهم أبداً 1- أنت لست رجل أو أين الرجولة. 2- أنت ضعيف الشخصية. 3- إذا طلبت زوجتي كل هذه المطالب لجعلتها توضع في المنزل. 4- أنت مدللها ولهذا تعاملك بهذه الطريقة. لما كل هذه الهواجيس؟؟ لما تدخلون هذا الهاجس في داخل الزوج الكريم ؟ هل السبب لأنه أراد إرضاء زوجته حباً فيها وفي المولود الجديد؟ هل تعتبر هذه المبالغ خسارة في حقها ؟؟ وكما وضح الأخ الكريم فهد ، فقد وجدتم بأن متطلباتها ليست بكثيرة جداً نظراً للمحيط الذي تعيش به.. نعم الدين قد نفى التبذير وأذكر مضاره ، نعم يجب على الزوجة أن تراعي ظروف زوجها ، ولكن يجب عليكم في المرة المقبلة السؤال عن الأوضاع بالتفصيل حتى لا تظلمون الطرف الآخر ، فبردكم هذا يؤدي إلى نفور الزوج من زوجته ووقوع مشاكل جمة بينهما ، أترضون هذا الأمر للمولود الجديد؟ أن يقبل على حياة ووالديه في صراع بسبب بعض الردود في أحد المنتديات! ولولا عقلية أخينا الكريم ومنطقيته لكان أتخذ برأيكم وأساء إلى زوجته ... ولكن الحمد لله نظر مع زوجته في الأمر بهدوء ووجد المخرج الذي كان يصبوا إليه... أعذورني على صراحتي ، وأعلم أن مردودكم هو الإفادة ليس إلا ، ولكن يجب أتباع النهج الأفضل في المرة الأخرى ، فقد يتسبب ردكم إلى خراب البيت لا سمح الله دون قصد منكم طبعاً والله ولي التوفيق تحياتي ضيآء القرآن |
اقتباس:
جزاك الله خير الجزاء الله يسمح دربك ويسدد خطاك ويثبتك يوم تزل الاقدام |
اقتباس:
والحمدلله انه القضيه انحلت من ربنا ... |
الحمد لله المشكله انحلت / صلوات على محمد وآل محمد
|
سلاماً من الله عليكم اللهم صلِ على محمد وعلى آله الطيبين الطاهرين بما أن المشكلة أنتهت على بركة الله أرجو أن يتم غلق الموضوع والله ولي التوفيق تحياتي ضيآء القرآن |
ماقصرت وعداك العيب
بس تحمل نفسيتها تعرف اول مولود وخايفه بس قلل من الدلال شوي |
بصراحة حزنتني..
الله يعينكم على المظاهر اللي بالكويت.. اجل لانسان الكويتي البسيط.. ايش يسوي... الحمدلله مو عندنا.. كان حرموا الرجال ينجبون اطفال.. والمستشفى.. اهم شئ شوف خدمته للحرمة الوالد.. والله يعينكم.. وان شاء الله تروح هذي المظاهر.. هي اللي مفقرة الناس.. |
غلط اللي تسويه
أنت صح 100 % ومافيه أحد في العالم يقدر يقول غير ذلك خلها تزعل وبعد الولادة راضها بألفين ريال وحط عشرة في جيبك وصدقني إذا وافقت على طلبها فراح تكون عديم الشخصية طول حياتك |
زين تدري ان المستشفى الخاص ما هي زينة لان اولا يقتصدون في كلشي لان تفكيرهم الاول مادي مو مصلحة المريض واحيانا يقومون باشياء ما لها لازمة (واحيانا تضر) لسحب مزيد من المبالغ من المريض
بينما الحكومي مصلحة الامريض اولا واخيرا والله اخوي ما قصرت ابدا وطنشها وكول لها تبين فلوس جهاز خذي الفلوس حق المستشفى واصرفيها على التجهيز و اولدي بمستشفى السلام وغير كذا ماعندي خليها تزعل يوم يومين وهي بعدين بترضة من نفسها |
اخوي صاحب الموضوع .. انا فهد .. رجل .. الفهدي .. مش اخت هههههههههههه اكيد لون كتاتبي عطاك فكرة اني انا بنت .. مع ان معروف في الكويت لقب الفهدي
شخصيا انا اشوف كل لون ينكتب فيه في المنتدى يؤثر ايجابيا او سلبيا على القارىء .. والالوان هي اتخلي القارىء ينجذب للكلام المكتوب او لا الاخت الفاضلة ضياء القرآن كلامك هو عين الصواب بارك الله فيك تحياتي |
| الساعة الآن 06:17 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©