|
بنت زوجي تريد امها وامها تخلت عنها مالحل؟
مرحبا اخواتي احب ان اطرح لكم مشكلتي العويصة
او بالاخص مشكلة زوجي المهم السالفة ان زوجي كان متزوج قبل ومطلق وعندة بنت عمرها 9 سنوات والبنت كانت عايشة معي 3 سنوات وتعبت نفسيته واخذه ابوها ووده عند امها مع العلم ان امها هي اللي رميتها والحين رجعت حليمة لعدتها القديمة الام طرت البنت وقالت لها روحي عيشي عن ابوك ودقت البنت على زوجي وقالت تعال خذني ابي اشوفك واخذها ولمل جاء يرجعها عند امها بعد يومين الام ماافتحت الباب وزوجي اخذ يدق على خوالها يبي يشوف وش السالفة ولا احد ير والام مطنشة والحين زوجي نفسيته دمار وانا معه والبنت ازعجتنا تبي امها ولا ادري ويش اسوي بها السالفة ابي حل او ويش تفسرون هالحالة:( تم تعديل العنوان |
الله يكون بعون البنت
لا ام تريدها ولا اب ولا زوجه اب |
حاولي تطيبين خاطر البنت وتاخذينها في حضنك تكسبين فيها اجر لان هي اللي بتتعب نفسيتها مو ابوها
افتحي قلبك وحضنك ليها صدقيني ترتاحين وتريحينها وتريحين ابوها الله يعينها ويصلحها |
كان الله في عونك وأنت ما حاولتٍ تحتوين البنت وتحسسينها بحبك لها البنت مسكينة لا حول لها ولا قوة حاولي تتقربين لها وتعطفين عليها وتعوضينها بشيء مما افتقدته ولابد من التفاهم بين زوجك وبين طليقته بشأن موضوع البنت لابد من البت في هذا وتحديد الأيام الي تكون فيها عند أمها أو عند أبيها بحسب رغبة البنت طبعاً وأخيراً البنت مثل بنتك وتذكري أن الأيام قد تدور ـ لا سمح الله ـ ويكون أولادك مثل هذي البنت وفقك الله |
مشكورين اخواتي
والله ان البنت زي بناتي بس المشكلة انها متعلقة بامها وابوها والله يرحمها بس هي تقول ابي اعيش عند امي مابي اقعد عندكم اجيك من فترة وفترة وانا والله عادي تحمتته وهي سغيرة مااتحمله الحين بسالمشكلة الحين تبي امها والام ماتبغهاااااااااااااااااااااااااااااااااااااااااااا اااااا:( |
السلام عليكم
الموضوعك مررره شدني شكل الام مخططه علي زواج وتبي تتخلص من البنت واذا تبين الحقيقه البنت لازم تعيش مع ابوهااااااااااا وخلي ابوهل يعاملها معامله خاصه لحد مايشوف سبب رفض الام تقابل بنتها ولا تبيها ومستحيل امه تطرد بنتها من الباب لطاقه اكيد في سبب وبعد سبب قوي شوفو ضروف الام ومن الحين حاولي تقنعينها تعيش معاكم وهي كلها فتره تكبر شوي وزوجوها لانه لحل الوحيد البنت اهلها منفصلين وهذل الحل مجرب وممتاز نتائج |
الله يكون في عونهااا يارب
طيب يمكن تكون البنت تضايقت منك اومن اطفالك اذا عندك اطفال يمكن تفرقين بينهم في شي وانتي مو حاسة لكن حااااولي انك تتقربي منهااا اكثر بحكم انها الكبيرة والفاهمة وامهااا يمكن مقهوووورة منك ومن زوجك قالت خليني ارميها في حلوقهم انا طليقة اخووي تسوي نفس الحركاات انا مو فاضيتلهم انا ما ابغاهم انت ابوهم ومن ذا الاكلام الي يغث مع انهم ما يروحولها الا يومين ويرجعوون وتتأفف منهم ولا كأنهم عيالهااا <<<<< الاخت متزوجة مسياار |
لاحول ولاقوة الابالله ..
البنت ضحية طـــــلاق .. وسبحان الله أن عكس الوضع ... المعروف والذي نسمعه .. أن الأب هو الذي لايريد الأبناء وليست الأم .. دائماً الأم أحن من الأب .. الواجب منكي وزوجكي أحتواء البنت ومحاولة تعويضها عن أمها .. أكسبي أجر البنت .. وأعتبريها مثل بناتك .. الله يحنن قلوبكم عليها .. |
اخيه احتسي الاجر فيها وحاولوا ان تكون لها زيارات لاامها وقصيره لكي تشعر الام انكم لم تتخلوا عنها والله لايحرمك الاجر |
احتمال الأم ستتزوج مره أخرى لذلك طلبت من البنت أن تذهب لأبيها لكي تعيش حياتها بدون مسؤوليه وأرادت بذلك أن تعتاد البنت على الوضع الجديد..أتمنى لكم كل ماهو أجمل بالوجود..في رعايه الله
|
ماتكوني انت كمان قاسية عليها وماتكوني نموذج لزوجة الاب القاسية الي بنشوفو في التلفزيون وبنسمع منو
حرام مسكينة قطعت قلبي اعتبريها بنتك وحني عليها واعطفي عليها وحبيها مسكينة مهما عملتي معها مش ممكن تنسى قسوة امها وطردها الها فما تكوني انتي كمان قاسية يعني حرام لاتسيئي معاملتها لانه كما تدين تدان بكرة بتكبر وتضل تتزكر الي عملتيه معها وحتصير تدعي عليها ودعوة المظلوم مستجابة شو ذنب البنت انو امها تخلت عنهاتفتكري هية اختارت مجيئها للدنيا هية اجت عالدنيا بارادة ربنا ماتخليها تحس انها منبوذة من الكل ومافي منك اي مبرر ماتحبيها يعني طفلة وقطعة من زوجك ولو انو مش بنتك بس مابعرف ليش زوجات الاب مابحبو ابناءه وبسيؤو المعاملة هم اطفال عاديين انظري الها انها طفلة عادية تعيش معك اسفة انا لست ادري كيف معاملتك لها لكن اقول الك هالكلام عشان لو بعيد الشر كنتي بتعامليها بقسوة اكون اثرت عليكي مع اني بقول اكيد انتي بنت حلال ماشاءالله و طيبة واكيد حتعوضيها عن حنان امها واكيد حية وقتها حتحبك اكتر من امها الام الي بتربي مش الي بتنجب وانت اكيد حتكوني كويسة معها |
لما قرأت ردورد الاخوة على موضوعك ارتحت لاني حسيت انه لسة في خير كثير في الدنيا والله الحمدلله
اسمعي نصحيتهم وخليك مع البنت وخليها تحبك وتتعلق فيك واصبري عليها لحد ما يحصل هذا الشي اكسبي فيها الثواب وكمان حبها لك شي عظيم تكسبيه لدنياك واخراتك . الله يوفقك |
الله يكون بعونها ياارب مسكينة تكسر الخااطر ..
حااولي تكسبي آجرهااا .. |
يالله ياهدنيا
ام تتمنى تشوف اولادها وامهات مايبغوا اولادهم بجد دنيا دنيئه دام الام ماتبغاها خليها عندكم وعودها على الوضع وعلى حياتكم وكوني لها نعم الام ماتدري يمكن لمى تكبري مايبر فيك الا هي الله يكون بعون الجميع |
لاحول ولا قوة إلا بالله وش فيها هالعالم ماصارت تعرف الإحسان والكل يتخلى عن مسؤليته
|
الله يكون بعون الصغيره وانتي اختي ام الغيوض فيك الخير والبركه دورك الحين وواجبك بدأ لازم تحتوين البنت والله لك أجر واجر عظيم وماتدرين يمكن ربي يوفقك مع زوجك بسبب البنت هذي ويفتح لك بقلبه موفقه اختي
|
لاحول ولاقوة الا بالله
وش ذا الام القاسيه اختي مالك الا تكسبينها وتحتوينها وتخلينها تحبك واحتسبي الاجر عند الله |
| الساعة الآن 09:13 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©