|
برأيكم هل استمر معه ام انفصل ؟ محتارة
السلام عليكم ورحمة الله وبركاته
انا بصراحه صار لي فتره اقرا مشاكلكم والحلول للمشاكل وارتحت لكم كثير وحبيت اكتب لكم مشكلتي لاني عجزت عنها انا فتاه عمري 19 سنه مخطوبه من كان عمري 17 سنه وقبل 6 شهور تم العقد في البدايه كنت خايفه لاني ببدا في حياه جديده وخصوصا اني راح اجلس مع رجال يعتبر غريب بالنسبه لي وكيف راح اتعود عليه واتكلم معاه المهم انا كنت خايفه وهو كان جريء يتكلم عن الجنس من اول اسبوع بشكل عادي كان سالفه عاديه ماكان يتكلم قدام بنت عذراء للحين مابعد تتعود عليك عشان تتعود على الحديث في هذا الموضوع وغير كذا صار يفرض رايحه علي يقول لي انا الرجال وكلمتي لازم تمشي ياخذ برايه بس ماياخذ برايي ولا يحاول يقنعني برايه مره ارسلت له رساله كتبت فيها اني احب احس في رجولتك في ملابسك لان ملابسه زي ملابس المراهقين مااحس فيها رجوله كافيه هو عصب وصار مايكلمني ورسل لي رساله كاتب فيها هامتي ماتنحني لك ولا للعشره مثيلك واذا توصل للكرامه عادي من قلبي اشيلك انا انقهرت من كلامه المساله تحدي ولا شلون يعني رحت وقلت لابوي اللي صار وقلت له اني مو مرتاحه له من اول اسبوع احس انه مو الشخص المناسب اللي المفروض ارتبط فيه قال لي ابوي اسلوبك غلط لانه رجال والمفروض ماتقولين له كذا لانك مسيتي كرامته ورحت اعتذرت له ومشت الامور تمام كم اسبوع وبعدها يوم يكلمني عدل ويوم ادق عليه ويجط لي مشغول ومايكلمني كم يوم بعدين يرجع عادي مزاجي بشكل مو طبيعي مغرور ودايم يمدح نفسه مرت مشاكل بينا على صالة الزواج هو يبي الزواج في صاله عاديه وانا ابيها في صاله فخمه لاني تنازلت عن حفلة الخطوبه عشان كان يمر في ضائقه ماليه مقابل اني اسوي عرسي في صاله فخمه مو عاديه ومره على التصوير يبي مصوره وانا ابي مصوره يدخل في اشياء المفروض مايدخل فيها مليت حيل مليت حاولت اعدي له كم مشكله عشان ماتكبر الامور بينا لكني مليت في اول يوم من رمضان دقيت عليه مارد ودقيت مره ثانيه وحط لي مشغول واليوم اللي بعده دقيت وحط لي مشغول رحت ارسلت له رساله كتبت فيها (اشتقت لك) وهم بعد مارد علي انا قلت يمكن مشغول لان دوامه 12 ساعه في اليوم المهم اليوم اللي بعده شفته بالمسن سلمت عليه وقال لي سمعي من اليوم ورايح ماراح اعطيك ولا ريال انا استغربت قلت له شفيك قال طلباتك كثير قلت له ليه انا شلي طلبته قال لي تبين عرس في صاله فخمه وتبين مصوره غير اللي انا ابيها حياتك معاي غير حياتك مع ابوك ابوك ماشاء الله عنده فلوس واجد وانا مو قاعد على بنك قلت له طيب شلي تبيه الحين قال لي اذا رجعت من الدوام بجي وبكلم ابوي وبتصير مشكله كبيره واحتمال ننفصل قلت له شنو ننفصل شلي قاعد تقوله المساله بسيطه بالنسبه لك قال لاني ابي انهي كل المشاكل اللي بينا قلت له وتنهيها بهالشي قال اي انا عصبت شوي الا فصل النت عندي وورحت دقيت عليه من تلفون البيت لان ماكان عندي رصيد وارسلت له كوول مي ومارد علي شوي الا جاتني رساله منه كاتب فيها (لاتعبين روحك لاني ماني داق عليك ليمن اجي ومن الافضل ماتقولين لاحد عشان مايكبر الموضوع) قمت اصيح ماقدرت اتحمل رحت قلت لامي الولد يبي ننفصل ومايبيني اتكلم ليه المساله لعبه امي قال انتي جميله وحلوه ومؤدبه والكل يتمانك مادام هذا اوله ينعاف تاليه شوي الا جاء ابوي وقالت له امي اللي صار قال لي ابوي قفلي جوالك واذا بتدخلي المسن حطي الظهور دون اتصال عشان مايكلمك ليمن يجي وبنشوف موضوعه (هو يشتغل في منطقه ثانيه غير المنطقه اللي انا فيها يجي هنا 4 ايام ويروح هناك اسبوع)المهم جا هو من الدوام وراح لابوه وقال له ان اسلوبها مايعجبني انا ابي وحده كلامي يمشي عليها وهي ماترضى مو كل شي تسمعه مني بعدين ابوه جا عندنا وكلم ابوي وقال له ان الولد حاقد على البنت على موقف الملابس للحين ويقول ان البنت ماترضى امشي كلامي عليها ابوي عصب قال له ان الحياه الزوجيه ماتمشي بفراض الراي لازم يكون بينهم تفاهم وليه حاقد مادام البنت اعتذرت قال يبي البنت تعتذر له مره ثانيه ابوي قال له انت لازم تعلم ولدك ايش هي المراه وطريقة التعامل معاها لازم يعرف ان الحياه ماتمشي كذا وصار كلام كثير بين ابوه وابوي واتفقو ان نقعد انا وياه وابوه وابوي ويصلحون بينا والحين ماباقي كم يوم واكمل شهر على هالحال للحين ماجاو متجاهلين الموضوع ويم فتحت جوالي ماشفت منه لامسج ولا مكالمات احس اني زي المعلقه محتاره احيانا اقول ابيه واحيانا اقول لا انا بايعته انا خايفه ان لو تم الصلح يرجع لي زي اول وصحيح ان فيه ايجابيات بس سلبياته اكثر يعاملني مو زين والحين احنا في الخطوبه شلون بياعملني بعد الزواج ابوي يقول لي سوي اللي تبينه سواء الاستمرار ولا الانفصال افيدوني حفظم الله الاشراف : تم تغيير العنوان, بالتوفيق |
حبيبتي الغاليه اولا في الموقف الاول انتي أخطأتي بنقدك الواضح له فله الحق يزعل من طريقتك
يا اختي كل المشاكل والخلافات اللي بينكم انا شايفه انها عاديه بس انتم كبرتوها مافي داعي تجيبوا سيره الانفصال وانتي شكلك بتعندي معاه في الكلام عشان كده تضايق لكن لو تكلميه بإسلوب هادئ وبدون ان تحسسيه بأي نقص حيكون بين ايدك ويعملك كل اللي انتي عاوزاه الله يوفقك لما يحبه ويرضاه صلي استخارة وما انصحك تتسرعي بالانفصال هذه مشاكل كلها عاديه وبتحصل بين كل المخطوبين |
المستقبل قدامك ........
وانتي توك صغيره ......... استخيري الله ...... فكري بمشكلتك بكل جوانبها يفضل تاخذين براي امك وانصحك تمشين على اللي تشوفه امك لانها اكثر خبره منك .... ولانها شافت مشكلتك معه وبالتوفيق |
نصيحه يااختى .. الى هذا اوله ينعاف تاليه ..
توك صغيره والعمر قدامك ..مدام هذي تصرفاته الحين اجل وش بتكون حياتك بعدين معاه والنوع هذا صعب لانه يحب يمشي رايه مايخذ ويعطي معك بالكلام وحركه التطنيش بذات ترفع الظغط الله يهديه استخيري واستشيري اهلك وحده من قريباتى كانت بنفس مشكلتك وتقريبا نفس العمر وانفصلت وجاها واحد ماشاء الله تبارك الله عسا ربي يوفقهم غير عن الثانى وحمدت ربها انها ماتسرعت مع الاؤل والله يكتب لك الى فيه الخير |
دام الفتره خطوبه يعني عادي الانفصال
احمدي ربك اكتشفتي شخصيته واضح انه شايف نفسه و ديكتاتوري و لا الظاهر اهله مدلعينه حيييل لان بصراحه على مشكله بسيطه رايح مرسل ابوه ( ليه هو مو رجال يحل مشاكله و ثانيا لاحظي انه على شي بسيط دخل اهله باجر اذا تزوجتوا شنو بصير؟ يعني هو ما يستر) لا تعودي نفسك عليه توك صغيره و الحياه و الفرص جدامك بيجيك اللي احسن منه و الله بيبليه لا تخافين الله يعينك و يوفقك |
السلام عليكم .....
اقتباس:
اقتباس:
دمتم في حفظ الرحمن ,, |
الله يكتب لك اللي فيه الخير ....
مادري شقول بس حزنتيني بصراحه ... كل الرجال ما فيهم ذرة احساس .................. |
شاوري أهلك أفضل لك حنا منعرف التفصيل بينكم وطريقة تعاملهم معكم قولي لأبوك أنا صغيرة وماعرف شيء بالحياة وأنتم أعرف باللي ينفعني ويناسبني فكروا وقرروا
|
الانفصال.. ثم الانفصال.. ثم الانفصال..
سلام |
اقتباس:
|
لن ازيد عن كلامى اخوانى واخواتى اختى الزواج تفاهم ومودة ورحمة ومن الحين وهو مو مهتم فيكى ومعلقك وسهل عنده الانفصال كيف راح تعيشى معاه بأمان
اختى لساتك صغيرة كتير وان شاء الله ربى بيعوضك خير |
ربنا معاكى
فكرى كتييييييير وصلى استخارة اكتر واللى فية الخير يقدمة ربنا وابقى طمنينا عليكى |
الانفصال ..
هو الحل الوحيد .. مثل ماقالو .. اللي هذا اوله ينعاف تاليه ... تخيلي لو تزوجتي وعلقك مثل هالتعليقه ( خصوصا لاحظتي موقف اهله ) وتجاهلهم لك .. واصلا منطقهم في الكلام وكيف انهم مع صف ولدهم .. مع انه غلطان ... تخيلي لو هالكلام صاير بعد دخوله عليك والزواج ....ذيك الساعه بتقولين ياليت تداركت الموقف من الاول انفصالك وانتي بالملكه .. افضل بمليووووووووووون من انفصالك بعد الزواج حبيبتي احنا هنا نبي مصلحتك الانفصاااااااااااااااااااااال هو الحل وانتي توك توك توك صغيررررررررررررره كثير طمنينا عنك ياحبيبتي |
بصراحه انا مني عارفه انتِ لسى تفكري
انه ممكن يطلع شخص تاني ياقلبي انتِ مرررررره صغيره والعمر قدامك والله لو عمري 40 وتقدملي هذا وهو اخر فرصي ماااقبله باين انه مسوي رجال من البدايه وهذا التعامل معاه جدا صعب ومتعب الرجوله مو فرض الراي والتسلط أستخيري الله وانفصلي عنه دامك على البر وربي اكيد بيعوضك باللي احسن منه أهم شيء خليه في بالك لاتخلي احد يلغي شخصيتك ويفرض عليك شيء انتِ مو مقتنعه فيه ولاتتنازلي عن كرامتك الله يكتبلك اللي فيه الخير ويسعدك |
انا صراحة ما اعرف التفااااصيل
وما عندي تصور واضح للواقع عشان اقول رأيي لكن الرأي الي يتبادر لي حايا هو الانفصال خاصة ان عندك فرص ثانية غيرها احسن ليش تحجررري واسع ....!!! وتذكري .. قراار اختيار هو الزوج .. هو تقررريبا اهم قرار تتاخذيه بحياتك فانتبهههههههي بالتوفيق =) |
الي واضح لي من كلامك انه هو مرررره مو عاجبك بس
شكلك تعلقتي فيه بسبب الخطبه الي لها كم سنه وبعدها جت الملكه علشان يزيد تعلقك فيه .. حبيبتي ماراح اصير افضل من والدك وبقولك انتي حره .. بس اذا انتي مومقتنعه فيه احذري من انك تكملين معه .. والله يكتب لك الي فيه خير ،، |
شكله مراهق ماعنده اي اسلوب آسفه اختي هذا ما يصلح زوج وانتي استخيري
|
هذا يشبه زوجي جاب لى المرض اووف غلطت حياتي يوم املكت الله المستعان وبس استخيري وفكري شاوووري اهلك
|
السلام ليكم..
اختي امك الله يخليها لك شايفة ان الانفصال افضل لك و الوالد ايضا يتكلم بلغة العقل .. للاسف شلون ابوه يقول تتاسف له مره ثانية؟ كانه طفل يعني( خذوه على قد عقله ) .. الحمدلله 19 سنه يعني ما شاء الله صغيره لا تستعجلين |
مشكوووووورين كثير
تكلمت مع ابوي امس وقلت له اني ماابيه قال لي اكيد مقتنعه برايك قلت له اي كثير ومرتاحه بعد قال لي خلاص بعد اسبوع من العيد راح اكلمه واكلم اهله (وان شاء الله اي شي جديد يصير راح اقوله لكم) والسلام |
الله يكتبلك اللي فيه الخير
ويعوضك بالرجل الصالح النقي التقي اللي يحطك تاج على راسه ويصونك ويقدرك |
تسلمون على هالدعوات الله لايحرمنا منكم ومن امثالك
مع خالص حبي |
كم عمره خطيبك؟
|
بصراحه احسن شي سويتيه وطمنينا عليك |
الله ييسر لك أمورك .. ويعوضك خـــــــــــير ..
ممكن سنه صغير .. أو يعيش فترة مراهقة .. وفقك الله .. |
الحمدالله
سيعوضك الله خيرا منه ان شاء الله وبإذن الله قريبا اللهم ارزقني وارزق اخواتي المسلمات بازواج صالحين محبوبين واخلاااا ق عاليه عاجلا غير آجل اللهم آمييييييين |
السلام
عمر خطيبي في نهاية ال23سنه |
اقتباس:
وانا كمان اضم صوتي لك هذي بدايته بعدين وش بيسوي فيك؟؟ |
اقتباس:
صوتي معكم |
والله اني ارتحت لما قرات انك كلمتي ابوكي انك
ماتبغيه لانه باين عليه انه انسان يبغا يفرض شخصيته عليكي وانتي توك صغيره الله يوفقك سواء معاه اومع غيره |
استخيري\\\\\\\\\\\\\\\\\\\\\\\\\\\\\\\\\\\\\وان كان على صاله الافراح فخمه ومصوره على كيفك كلها مالها لزمه اهم شي تكون على قد فلوسه
|
الحمدلله استخرت وطلعت الإستخاره زينه
|
بصراحة أحس إنه لساك صغيرة على الزواج..حتى خطيبك عمره صغير..و تصرفاته زي المراهقين..و راح تتعبي معه..لأنه حيدخل أهله في كل كبيرة و صغيرة..
|
والله كلامك كله مافيه شي
وعلى كلامك تبيه يصير رجال بلملابس والله كلامك زين ولا فيه شي انا بالعكس ادا زوجتي قالت لي البس ثوب لبست ثوب وادا قالت لي لا تلبس ملابس مراهقين او شبه مراهقين بالعكس احترم راي زوجتي والزواج فيه احترام الراي على ما اعتقد مو بس على ما اعتقد الا شي اكيد فيه احترام راي الزوجه والزوج وادا هدا اوله لا خيرة الله في تاليه شكله صدق مراهق ويبي يمشي الدنيا على كيفه انا اقول الانفصال منه احسن مادام معا قدر لا هو ولا ابوه يحلون المشكله يعني لا توضعي نفسك في شي انتي ما تدري عن تاليه اقول الانفصال احسن وانتي بعدك في عز شبابك توك صغيره ولاحقه على الزواج وادا فات الفوت ماينفع الصوت ارجو ان كلامي في محله واسف على الاطاله مقهورررر منه مايعرف شنهو الزوااااااج |
السلام عليكم
مشكورين على الاراء ابوي دق على ابوه وقال له ان البنت ماتبي ولدك قال له احنا شاريينها وهي مافي مثلهاو........ قال له ابوي اذا ولدك شاريها بقعد معاه وافهمه ايش هو الزواج ونصلح بينهم المهم ابوه قال له ويم درى اني مابيه تشنج وطاح عليهم وتنيم بالمستشفى بصراحه احترت معاه قال لابوه احبها وهي لي قال له روح قول لابوها هالكلام بس للحين ماجا طبعا امي وابوي مايدرون انه طاح ولا شي بس خالتي هي اللي جاتني وقالت لي |
يا بنت الحلال الله يشفيه ويقومه بالسلامة فين الرجولة ؟؟؟ على طول طااح ؟؟ وداخ ؟؟ المشكلة أول يبغى يتحكم فيكي زي (( الريموت )) ويفتري عليكي ويطول لسانه ولمن ترفضيه يصير (( مريض بالمستشفى )) ؟؟ يعني بصراحة هو (( دلووووووووع )) وشكله كل شي يبغاه ياخذه لكن بنات الناس ماهم لعبة بالله كيف ح يتحمل المسؤولية وهو يطيح في المستشفى على طول ؟؟ (( هذا إن كان من جد طاح )) .!! الله يشفيه يا بنت الحلال ، وان شاءالله يجيكي العريس اللي يستاهلك |
السلام عليكم ورحمة الله وبركاته
قرات مشكلتك وأحزنني حالك كثيرا وأحب أن أقول بأنني غير متزوج ولا مقبل على الزواج إلا أنني عاصرت زواج اثنين من أخواتي بأكثر تفاصيلها أولا :إنك تعيشين نعمة كبيرة جدا وهي أن والداك متفاهمان ولم يرغماك بل تركا لك الخيار ثانيا : عندما يتقدم العريس كي يخطب أول ما يسأل عنه أهل العروس هو كيف دينه وخلقه فالدين والخلق هما أساس الحياة الزوجيةالناجحة التي تقوم عليها وباقي الأمور توابع لها فاسألي عن دينه عن صلاته هل هو من المحافظين عليها أم لا واسئلي عن خلقه مع أهله أمه وأبيه( أخواته) و أصدقائه وتحري الصادق منهم ثالثا : تحدثي مع والديك بصراحة وبثي همومك لهم فهما أقرب الأشخاص لك رابعا: كما قال بعض الإخوة أنه في فترة الخطوبة هكذا فكيف بعد الزواج أم أنه لطول فترة الخطوبة وطول انتظاره قد أصبح هكذا أنا هنا أتوقف لأني لا أعلم حقا أنصحك في النهاية بالدعاء والإستخارة في كل خطوة تقومين بها تمنياتي للجميع بالتوفيق والنجاح |
اقتباس:
عين العقل |
السلام عليكم ورحمة الله ..
الأخت الكريمة فراولة أسأل الله أن يجعل أيامها حلوة المذاق كما الفواكه الحلوة .. ولا يهونوا الإخوة والأخوات قبلي .. إلا أنه ياأختي أنصحك أن تتركيه .. لماذا ..؟ ياأختي كما قال لك الإخوة قبلي إضافة إلى أن الشخصية الحقيقية قد انكشفت .. وعمره في مرحلة أقرب للتعقل وأبعد عن المراهقة .. هذا يعني أنها الشخصية الحقيقية .. الشخص العازب عادة يكون في أوج عشقع لخطيبته واشتياقه لها .. لذا قيل في هذا : الحب الحقيقي هو الذي يبدأ بالخطبة وينتهي بالزواج. مع المبالغة في هذه المقولة إلا أنها تحكي الحالة الطبيعية في هذا الوقت .. وهذا الشخص حتى في هذا الوقت الذي هو أوج العشق بين الزوجين .. إلا أنه لم يجعلك قرينة لنفسه ولا ندا لها .. إذن والسؤال أطرحه ععليك: فكيف بعد الزواج ..؟؟ لأن الزواج غالبا يذيب بعض الحب إلا عند النادر من الأذكياء .. لكن إذا كان هذا حاله في الملكة فكيف بعد الزواج خصوصا أنه يظهر أنه جاهل وفيه غرور نسأل الله العافية .. لذا أنا أضم صوتي لبقية الإخوة ,, هو لايصلح .. ـــــــــــــــــ أمر آخر وهو أنه أغمي عليه ماأغمي عليه .. أنا أقول مثله لن تطول معه الحالة .. يوم يومين ثم يقول أنا لماذا أعذب نفسي لأجلها ..؟؟ أنا أخشى أن تغلب عاطفتك عقلك ثم ترجعي إليه .. ثم بعد ذلك وبعدما تنكبك عاطفتك .. فارجعي لها واطلبي من عاطفتك أن تنفعك ..! لن تنفعك عاطفتك بعد ذلك .. ــــــــــ أسأل الله أن يرزقك من هو خير منه .. أما شخص لايتتنازل لإنسانة هي ستعيش معه بقية عمره .. شخص يرى نفسه أعلى من الإنسانة التي ستصبح نصفه الآخر .. كيف التعامل معه وقت الغضب ..؟ كيف التعامل معه مالو تعارضتي أنتي ومابين ماتشتهيه نفسه هو ..؟ لكي أن نجيبي على الأسئلة لوحدك وبصدق ومن ثم اجعلي من نفسك حكما وانظري ..! أتمنى التوفيق للجميع .. وادعولي بالمغفرة .. |
رايي من راي الاخوان
يعني اذا ما تبينه يبيج و اذا تبينه ما يبيج ليش هي لعبه ؟؟ هاذي حركات مرااهقين حبيبتي و هو شكله للحين ما طلع من سن المراهقه علشان جذي انه اقول ابتعدي عنه و اعطي نفسج فرصه اكثر شهر و الا شهرين و جوووفيه عقب هالشهرين شنو يكون رايه و شنوو اهيا رده فعله اذا صار اووكي معناه انه صار واعي لغلطه و مستعد انه يصححه و انه يحبج من صجه موو بس كلام مراهقين و بالنسبه لي هاذا رآيي .. فانتظارج خيوو |
| الساعة الآن 10:38 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©