|
نزل وزني ثمانية كيلو من القلق والتفكير,,,,
30.000 مهر
22.000ذهب 30.000 اثاث 9.000 ايجار 6 اشهر 30.000 عرس وعشاء (وطقاقات) 7.000 مصروف شخصي 5.000 هدايا فترة الملكة 8.000 تمشيات لشهر العسل سفرة لمكة وجده ومطاعم و و و 5.000 متنوع والطوارئ المجموع = 146 الف البنك اعطاني 71 بنك التسليف 30في الانتظار بعد الملكة ومادري متى بتجي سلف موعود برده لي 24 المجموع = 125 الف 125-146= -21 نسيت بعض الارقام 73 -8=65 خسيت ثمانيه كيلو من كثرة التفكير والقلق والارقام بمخي احس اني تسرعت وما اقدر على كل هالمصاريف يارب سهلها علي وتمم على خير |
الله يكون في عونك
|
ثلاثة حق على الله عونهم وأنت منهم
توكل على ربك وربك يسهلها لا تفكر كثيرا في الأسباب والتجئ لمسببها وفقك الله |
نداستيل جزاك الله خير
ابن عوسج ونعم بالله وهو العالم بالنيه اسأله الفرج والتوفيق |
لو قلنا بلاش هدايا ايام الملكه
خليها بس جوال وبلاش اثاث كامل ابترك غرفه فاضيه لين يفرجها الله برضوه فيه نقص يليت الي بمثل وضعي يقولون كيف تصرفوا اذا كانت الميزانيه محدوده |
وفر اشياء اخوي ولاتجمل نفسك فوق طاقتك ,,,, الاثاث مولازم كله مرة وحده ,,,, ةالذهب قلل منه شوي ,,, واذانت مسوي العرس مولازم تسافرون ..
والله يكون بعونك. |
اخوي 52الف هذي لازم اعتقد على حسب عاداتكم؟؟؟
بالنسبه للاثاث ليه كل هالمبلغ وكم غرفه اصلا الشقه انا برأيي تخذها الاهم فالمهم يعني تأثيث غرفة النوم وغرفة استقبال الضيوف وغرفة معيشه والمطبخ كفايه ولاتتهور ودور الرخيص ونوع مو شرط كلها غاليه او رخيصه وان شاء الله تكفي ثلاثين وتزيد والزياده حاول تفكر في الشي المهم من الاثاث تكمله ........ وبالنسه لحفلة الزواج صراحه ماودى شبابنا الا هالمصاريف في الاعراس والله المستعان اخواني الكبار عملوا العرس تقريبا بأكثر من مية الف وللاسف ان واحد فيهم غرقان بالديون الى الان ومو قادر يتخلص منها ليه؟؟كل هذا ...؟ انا برايي انك تسوي حفله بسيطه وتدور على قاعه رخيصه والطقاقه وغيرها حاول انك ماتبالغ بدفع المصاريف عليها والله هي ليلة وحده ولازم تفرحون فيها بس مو بالمبالغة ........لانه حرام تقضي حياتك بالديون بعز شبابك كفاية القرض اللي اخذته ... وبالنسه للمصروف الشخصي والهديا وغيرها احس كثير 5000 على الهدايا ليه كم الفتره بين الزواج والملكه ؟؟؟ الهديه ممكن تكون رخيصه ولها معنى كبير مو شرط انك تشتري بمبلغ يكسر ظهرك حنا البنات نهتم بهالاشياء بس صدقني اذا حست بمشاعرك الصادقه وحست ان الهديه طالعه من قلبك بتتقبلها بكل رحابة صدر ......... في ختام كلامي هونها وتهون ولاتعقد الامور وتوكل على العزيز الرحيم الرزاق الكريم .........والله يسعدك ويهنيك ويطرح لك البركة ويرزقك وييسر امووورك ........... |
صراحه الله يكون بعونك
لا تحمل نفسك فوق طاقتها لأن ما راح يتعب في الآخر إلا إنت .. الدين هم على القلب بالنسبه للذهب يكفي طقم ناعم بــ 5000 مثلا أو أقل وهذا المعروف عندنا للعلم بعد الزواج راح تجيها هدايا وذهب من أهلها واقاربها وصديقاتها أما هدايا الملكه هذه أول مره اسمع فيها إذا كان لا بد منها يكفي هديتين ناعمه بسعر مناسب يعني مش لازم كل زياره بهديه ... أما حفلة الزواج كثير عليها 30 الف .. ابحث عن إستراحه أو قصر صغير نظيف وفي حدود إستطاعتك 20000 مثلا بالنسبه لأثاث البيت الحين افرش الأساسيات والباقي اكمله شوي شوي بعد الزواج يا أخي كيف تبغى الله يبارك لك في زواجك وإنت تصرف هذه المبالغ الكبيره والله ما يجوز ((( أقلهن مهرا اكثرهن بركة ))) الحين الأسعار صارت ناااار وكل شئ صار غالي ليش ما تطلب منهم يحطون يدهم بيدك وتتساعدون مع بعض بعض العوائل عندنا في السعوديه تكون مصاريف الزواج بالتناصف بين أهل العريس والعروس بعضهم يرجعون للعريس نصف المهر مساعده .. صراحه والله ما ارضى لولدي او اخوي يدفع كل هذه المصاريف والله اعلم كيف يكون تعامل البنت واخلاقها بعد الزواج |
اخوي يالمخضرم ..
انا كنت نفسك افكر .. مع ان مصاريف العرس عندي والاثاث وغيرة ماراح اتقل عن 270 الف درهم .. تخيل بس صدقني .. طنش الموضوع .. وبس اخلص النية لله عز وجل وربك بيساعدك صدقني مافي احد توهق في العرس .. وفي امور كثيرة تقدر تتنازل عنها في الوقت الراهن بس والله اعمل بنصيحتي .. وطنش لا تفكر .. والله على هذيك الايام كنت ما انام الليل من التفكير وقول من وين بجيب كل هالمبلغ .. واظل واعي لي الصبح .. واحلام و كوابيس مالها اول ولا تالي في النهاية قلت رب العالمين بيساعدني .. بيعطيني من فلوسه لانه قايل في كتابه " وفي السماء رزقكم وماتوعدون " مو مخلي مكان في القرآن ومب ذاكر فيه ان الرزق بيده وصرت اقول يارب .. انت قلت في كتابك انك تبسط الرزق لمن تشاء وتقدر .. فابسطه لي .. وقلت وفي السماء رزقكم وماتوعدون . وان عندك خزائن .. فمن علي واعطني منها يارب وارزقني وقول اللهم يا مالك الملك تؤتي الملك من تشاء وتنزع الملك ممن تشاء وتعز من تشاء وتذل من تشاء بيدك الخير انك على كل شي قدييــــر وانا متأكد ان سويت الي خبرتك عنه 100% راح تحصل لك معجزة .. وان حصــلت ياليــــــــت تخبرنا فيها بارك الله لك |
الله يكون بعونك
حاول تخفف من المصاريف شوي والله بكره بعد الزواج بتحس فيها وخصوصا انك ماخد قروض وهاد بقلل من الراتب قلل الدهب..العفش..أجل السفر ما تهتم لكلام الناس وهاد أهم شي لأنو انت وزوجتك رح تقعدو سنين تسدو بالقروض والالتزامات وما حد رح يحس فيكم .. الله يفرجها عليك...موفق ان شاء الله |
اهلا اخوي عزوبي الله يتمملك على خير اخوي انا شايفة انو في مصاريف ما الها داعي مثل ليش
30 مهر و22 ذهب كلو مع بعض وليش ال 30 مهر شو بدها تعمل فيها ما بعرف انا شايفيتها كتير وانت الاعلم بعدين اخي بالنسبة للبيت اصارلي سنه وكم شهر متزوجة زلسا ما خلصت ثأثثيت البيت لانو مراعاة لظروف زوجي والحمد لله بيتي الان شبه كامل وقبل كام يوم حطين برداية للصالة تخيل بعد سنه وكم شهر ولسا في برادي ما انحطت وان شاء الله بركبها انا هادا رايي بعدين في نصيحة لعروستك مني لا تجبر حالها ثأثث البيت في شهر او 5 ثأثث على راحتها وصدق رح تنبسط اكتررررررررر وانا بنصح كل وحدة مقبلة على الزواج تعمل هيك والله يوفقك يا رب وان شاء الله اليلةبدعيلك بالقيام الله يرزقك ويوفقك |
لو تشيل الزواج الكبير احسن لك لانك منت قادر توفي وحرام تركب نفسك ديون فوق طاقتك وبالنسبة للمصاريف الي ذكرتها في حد المعقول موكثيرة ابد بس حط زواجك عائلي مو لازم الفشخرة وانت مطفر محد نافعك بكرة وبالنسبة للاثاث اهم شي غرفة النوم والمطبخ وغرف الجلوس والباقي حبة حبة وش الي مطيرك ولا تهتم وسمعت انا عن مشروع ابن باز الخيري لاعانة الزواج بس تاكد من الموضوع لاني انا سمعت عنةرواح لهم بيعطونك ماراح يقصرون معك ومبروك مقدما
|
اهلا اخوي عزوبي الله يتمملك على خير اخوي انا شايفة انو في مصاريف ما الها داعي مثل ليش
30 مهر و22 ذهب كلو مع بعض وليش ال 30 مهر شو بدها تعمل فيها ما بعرف انا شايفيتها كتير وانت الاعلم (30 مهر كثير الله يرحم ضعفك يا عاشقة عيونة وينك عايشة فية اصلا الحين من يعطي 30 مهر هذا اقل شي بالنسبة للسعودين والدنيا نار والاسعار مرة فوق الخيال وينك الحين من يعطي 30 اقل شي ياقلبي 70بس فية عوايل يقبلون 30 وعوايل لا كل له عاداتة) |
الله يعينك وييسر لك ويرزقك من حيث لاتعلم ويتمم لك الزواج على خير ..موفق..أتمنى لك ولأهلك كل ماهو أجمل بالوجود..وكل عام وأنتم بصحه وسلامه..في رعايه الله
|
لا تحمل نفسك فوق طاقتها
كان الله في عونك |
الله ييسر لك يارب
|
شف والله مااقول كلامي لك الابعد تفكير عمييييييييييق ..
انا احس عورتني عيوني من كثر مابقبقتهم بميزانيتك ...! الله يعينك ولاتشيل هم صدقني ربي معك .. انا ماابي اقولك اترك هديا الملكه كذا بتفكر خطيبتك انك بخيل ..!! وبعدين حسافه والله انهم يفرحون وذكرى حلوه .. والمهر اذا نقصت منه بتحس هي انها رخيصه بعينك..!! يعني حنا لازم نترك الشي الي موب مهم مره ...من رايي هو الحفله بعدين كل الناس الحين مايسوون حفلات لانها موب لازم والحفله الزينه الكشخه تبي ضربه فلوس حطوها حفله صغيره اهلك واهلها بالبيت وتلبس الفستان الابيض وانت تكشخ وحلويات وبوفيه بسيط وتصورن والحمد لله مالها داعي الكلافه ... هذا رايي وانت شاور حرمتك والله يوفقكم .. |
بقولك انا اكلمك عن اخوي نفس شي الي انت تقوله
مدي البنت مهـر 35000 الملكه كلفتوو 10000 طقم الشبكه 5000 وطقم للأم 5000 والفرح 65000 والبيت والاثاث حقو 50000 وغير هدايه الملكـه والراتب حقووو تعرف كم 4100 ريال وكـلهــا دين ياغالي بس ادعي ربك انو يسهلها لك ولخووي وربي ماراح يخيب دعائك الله هو رازق بس انتا احسن انيه وربي راح يسهل الامور كـلها انشالله |
ربي يعين كل من يريد العفاف
|
با اخوي مايحتاج تاثث الغرف كلها مره وحده ...
صراحه مصاريفك كثيره كثيره ... حتى مصاريف التمشيه حقت شهر العسل تقدر تخفف منها ...خليها لشي ثاني أهم ... والذهب صراحه كثيير فيه هالمبلغ .. صح الذهب ذخر ... لكن مو بهالمبلغ ... انا شريت ذهب بـ 12 ألف بس ... الله يعينك اخوي ... ويريح بالك يارب |
اقتباس:
يعطيك العافيه والله يسهلها واذا خلصت الفلوس ماراح نسافر |
اقتباس:
الله يكملك بعقلك اختي العزيزه سهام صح انا راح أبدا بتأثيث غرفة النوم بعدين الصاله الي هي مكان جلوسنا ومجلس الرجال باقي غرفه بخليها فاضيه لبعدين ومجلس الرجال بحط فيه جلسه ارخص من الكنب باهتم بالصاله لاننا بنجلس فيها وان شاء الله مايوصل الاثاث لثلاثين اذا اخواني من الأب بيساعدوني بمكيف وفرن وثلاجه على كلامهم بس انا احسب على اسوء تقدير تعرفين مافي شي مضمون الضامن الله وصدقتي الهديه مهما رخصت يبقى معناها اذا هي من القلب سعيد بتواجدك المتألق اختي سهام |
اقتباس:
مادري يا اختي فرح انا اشوف الوضع كذا كل شي غالي اشتريت طقم للشبكه بـ 5600 حاولت آخذ باقل واختي تقول اهم شي في الذهب طقم الشبكه نبي يصير حلو واشتريت لأمها طقم بـ 3000 هذي ثمانيه وست ميه غير باقي الذهب الي راح نشتريه واتوقع يوصل المجموع لـ 22 مثل ماقلت لان الذهب الحين الجرام حقه بـ 110 ريال مشكلتنا وانا اخوك المظاهر الاجتماعيه الاهل يشوفون فشيله لو نجيب لهم شي رخيص ومو حلوه بحقنا ومثل ماقلتي انا المتضرر الوحيد اسأل الي قبلي يقولون كلنا صار لنا كذا ماراح تقدر تغير الوضع لازم تحمل الديون اما حفل العرس احنا ناوين على استراحه بس راح تكون كبيره لان جماعتنا كثير ولازم نعزمهم كلهم سعر الاستراحه بين العشره والـ 15 والحريم لازم بوفيه مفتوح والرجال ذبايح توقعت يوصل ثلاثين انا حاولت يكون عائلي اهلي قالوا ماراح يوافقون اهلها ويوم طلبوا تصير زفه عرفت انهم ماراح يوافقون يصير عائلي مدام ناوين على زفه رفضتها انا انا بعد الملكه بحاول يكون عائلي ونوفر كل المصاريف الي مالها داعي انا طلبت يصير الزواج عليهم وازود المهر شوي بس ابوها قال انه يعمر ومايقدر على شي والحق يقال المهر ماشرط شي يقول هات الي تقدر عليه والمشكله بعد كل هذا الخوف والقلق يزيد ان تفكير البنت مايصير مثل ماتمنيت تعرفين عندنا ممنوع تكلم البنت قبل الملكه افرضي ماجاز لي اسلوبها وطريقة تفكيرها يصير لاسمح الله طلاق قبل العرس ؟ الله يسترها معنا يارب |
اقتباس:
اللهم يا مالك الملك تؤتي الملك من تشاء وتنزع الملك ممن تشاء وتعز من تشاء وتذل من تشاء بيدك الخير انك على كل شي قدييــــر جزاك الله خير اخوي العزيز الفهدي والله ما اقدمت على الزواج الا وانا واثق بربي انه بيعيني رغم الظروف لاني اريد العفاف ومقدم على الحلال ولابد نتسبب وانا اخوك ونمد لحافنا على قد رجولنا ربي ما امر بالاسراف والتبذير ودنا ننبسط ونعيش حياتنا ونستمتع ومانبي نغضب الله في مصاريف ماتقدم ولا تؤخر يارب سهلها جزاك الله خير يالغالي |
اقتباس:
عين العقل كلامك ويارب يسر ولا تعسر |
اقتباس:
مثل ماقلتي الاثاث بحط الضروري والباقي لين يحلها ربك ان شاء الله راح استفيد من تجربتك بخصوص تأجيل التأثيث يعطيك العافيه |
اقتباس:
ودي بالعائلي المختصر والله بيفكني من شي واجد واكيد باقدم على مشروع بن باز رحمه الله واي مشروع لمساعدة الشباب جزاك الله خير ... [motr1]الاشراف : نرجو مراعاه حدود المخاطبة بين الجنسيين[/motr1] |
كثييييييييير
عاداتكم غير .. أقول لك كم كلف زواجي ... 40 ألف أثاث و30 ألف مهر و10 ألاف زواج وعشا وبسسسسسس الهدايا لا تذكر والذهب علينا مو على العريس ليش كل هالمصارييييييييف |
معليش أنا انصحك لأني والله اعتبرك مثل أخوي
اقتباس:
حاول تتفهم من خلال مكالمتك معها وزياراتك لها أسلوبها و طريقة تفكيرها هل هي من النوع المغرور أو العصبي أو المادي أختار موضوع معين .. اقرأ عنه كثير ثم تناقش معها .. اطلب من أخواتك يتكلمون معها .. اعذرني على كلامي والله اتمنى لك الخير وانصحك كأخ اقرأ قصة الأخ تبا للعزوبيه ( قصة طلاق يكتبها زوج ) في قسم المطلقات والأرامل |
اول شي اخوي مبرووك على الزواج مقدما
ومنك المال ومنها الاطفال يارب اخوي لما قريت الارقام اللي انت حاطها ما انصدمت لان للاسف هذا الواقع اللي كلنا اجبرنا علية بسبب المظاهر الاجتماعية لكن خذها نصيحة مني لاتحمل نفسك فوق طاقتها القرض اللي خذيتة وهالمصاريف كلها انت لوحدك راح تسددها وراح تعاني منها لمدة لاتقل عن اربع سنوات وهالشي راح يؤثر عليك سالباً في حياتك الزوجية لكن عندي وجه نظر بخصوص هالموضوع اول شي لاتنسي العانية اللي بتجيك اذكر بزواج اخوي حصل من الرجال مبلغ بحدود 25.000 ريال والوالدة جاها 15.000 من الحريم وهالمبلغ راح يسوي لك الكثير ثاني شي اجلس مع زوجتك واهلها جلسة بعيده كل البعد عن المقارنة مع الناس اللي بحالتك صارحهم قول لهم اقدر اسوي لكم عرس لاصار ولا استوى لكن بعد هالزواج وهالمصاريف انا وزوجتي شنو راح نستفيد غير الديون والهم. هالمبالغ مالها داعي لجل التظاهر قدام الناس وبعد الزواج تدخل بصراع لمدة اربع سنوات بالديون وبعدها يجونك الاطفال وراح تبلش بمصارفيهم و و و و و وتضل طول عمرك تعاني لانك من البداية ما اشتغلت صح حاول تقنعهم بهالكلام لجل يتنازلون شوي عن هالمضاهر. وشي اخير اخوي بخصوص هالموضوع الان وين ربعك وين اهلك جماعتك اصحابك زملاء العمل ....؟؟؟ الان لازم يوقفون معك وقفة شهامه ويساعدونك (( الناس للناس )) اخيرا اخوي الله يكتب لك اللي فية الخير ويسهلها عليك ولا تشيل هم صدقني ربي بيساعدك . |
الله يعينك و يرزقك اخوي
كثثييير .. زواجي من و الى (حفلة كبيرة.. نجهيز . مهر.. سفر لمصر... و ذهب) كلف 10 الف دولار تفريبا و كان كبير و لا شي نقص المهم الزوجة تكون متفهمة .. كلام اخي غير مسجل عين العقل.... بعد الملكة اقعد معاها و قل لها على امكانياتك . بعد كم من جلسة . لما تعرفها زين و قلبها يتعلق بك و قول لها ترضين نبتدي حياتنا ديون في ديون ... و ان شاء الله تكون متفهمة و تساعدك و تقتصد معك ... لا تشغل بالك بالتفكير ... اذا طلعت بنت حلال فهي بتساعدك و بتقلل من مصاريق الزواج و يمكن هي تقنع اهلها بحفلة صغيرةة مثلا او تقتصد من فلوس المهر او او او و اذا طلعت البنت من نوع هات اشتري اعطني. قلانة معاها و انا لا فا من البداية اما توقفها عند حدها و لا كل واحد ربي يرزقه باللي يسعده اتوكل على الله و سيب الهم القلق ,,, ربي بيفرجها ان شاء الله ربي يرزقك و بوفقك و يجعلها نعم الزوجة الصالحة |
لا حول ولا قوة الا بالله
اقلهن مهورا اكثرهن بركه اللهم ارفع عنا البلاء والغلاء والزلازل والمحن |
ان شاء الله عن قريب يصير معرفك متزوج مخضرم
ربنا ييسر لك أمورك و يجعل زوجتك مثل ما تمنيتها و أحسن |
من اللي ضحك عليك وقالك تزوج ........:d شوف أخوي الحبيب ،،، متزوج مخضرم الدين شر وينسيك أيامك الأولى من الزواج ،،، فلا تحاول تحت ضغط التفكير أن تستدين ،،، أنصحك أنك ما تأثث الشقة كاملة ،، تتفق أنت والبنت ويكون الأثاث رخيص ،،،،، ثم بالنسبة ليوم العرس والوليمة ،،، يأ أخي لا تقيم زواجك بقصر أفراح ،،، أنصحك تقيمها بإستراحة وفيه استراحات معدة لذلك ونظيفة فيها قسم للرجال وقسم للنساء ،،، وتلبي الطلب ،،، حاول تخفف من ومنا وفكر واحسب اللازم من الذي تقدر تأجل أو تستغني عنه جلسة على رواق ، وتفاهم مع أهل البنت ،،،، وبتتيسر أمورك أعرف كثير من زملائي سوا اللي كتبته لك فوق ،،، وابشرك تيسرت أمـورهـم بـعد الـزواج ،،، وبعضهم الأن قاعد يعمر دور وبيسكن فيه ،، الله يتمم لك على خير ويجعل زواجك فاتح خير لزيادة رزقك مالاً وفيراً وذرية صالحة ,,,, أخوك عزوبي:22: بس:d رجل:30: دمتم بحفظ الرحمن |
الله يرزقك من فضله الواسع , وفعلا هون الشي ويهون ,ولااااا تنس الدعاء.
|
لا تحط زواج وخله مختصر
بس الأثاث أحسه مهم |
الحمدلله بالكويت عند العوائل الحضرية الرجل غير ملزم بنفقات العرس من طقاقات والخ وهذه الامور هي اكثر ما تكسر ظهر الرجل الله يكون بعونك اخوي الجايات اكثر ولي الحين ما شفت شي بعد ما جت الخدامة ولا مطالب الزوجة اليومية بس نصيحة اتق الله وكن عبدا صالحا والله يبارك لك بحلالك |
الله يعينك وييسرلك أمورك..
مع إني أستغربت جدا عندما قرأت مصاريفك و عادات الزواج لديكم أرى أنها جدا ظالمة للعريس وكل المصاريف عليه , وهذا لا يمت لشرع الله بصلة , تقول عادات ولا نستطيع تغييرها أقول لك اختر عروسك من العوائل التي لديها عادات منصفة وسليمة للزواج.. مثلا أنا في زواجي لم نكلف على أهل زوجي أبدا والمعروف لدينا أن الملكة وتوابعها كلها على أهل العروسة إن أرادوا أقاموها في قصر أو فندق أو في البيت.. العريس فقط يحضر طقم ذهب واحد ودبلة وإذا أراد هدايا بسيطة كعطور وماكياج ومو لازم يكون مكلف .. أنا في شبكتي طلبت أمي من أم زوجي إنهم ما يحضروا أي هدايا لأنها مصاريف على الفاضي ويمكن ما يعجبني ذوقهم وما ألبسه.. لكن هما من عندهم عرضوا إنهم يعطونا بداله قيمته يزودوها على المهر إللي كان 20,000 وزودوها 10,000 بدال الهدايا .. وفي الزواج على العريس طقم ذهب واحد وبس ولا شيء ثاني لا لأمي ولا لأختي ليش هاذي المصاريف مالها داعي .. شهر عسل ما سافرنا ولا مكان وجلسنا في بيتنا وعادي ما صارلنا شي ولا اهتميت لكلام الناس اتفهمت ظروف زوجي وبس.. وهدايا فترة الملكة ليش الفشخرة فيها أنا فترة ملكتي كانت سنة ونص وزوجي جابلي مرة سلسلة ذهب بسيطة ب 400 ريال ومرة خاتم ذهب ب 200 ريال وبس الباقي شي بسيط مرة ورد ومرة ساعة ومرات كثيرة ولا شي ومرات بتيفور أو كاكاو أو ايسكريم عشان ما يجي ويده فاضية وأنا كنت افرح كثير.. أما الذهب كله أحنا إللي نشتريه مو العريس.. والبيت من أرخص الأثاث وأهل العروسة يفرشوا غرفة كمساعدة.. والفرح كان شراكة بيننا وبينهم واتيسرت.. حبيت أبينلك عاداتنا عشان تتفائل وما تقول عاداتنا تكسر الظهر وتصعب الزواج , ترى في خير في مجتمعنا وفي كثير عوائل عاداتهم أقرب للشرع في تسهيل الزواج , الله يوفقك ويجعل عروستك كما تتمنى.ز |
الله يعينك وييسرها الك
بس حرام عالناس هالمصاريف كلها ايش نقول؟يعني الاهالي الي بفرضو كل هالمصاريف على عرسان بناتهم مفروض يحطو حالهم للحظة انو اهل عروسة ابنهم مستقلا يعملو هيك احب لاخيك ماتحب لنفسك زي مكل اهل بحبو تيسير المهور لابنائهم ليش ميعملو هيك مع ولاد الناس الله يوفقك |
مصاريفك تعتبر بمجتمعنا شي مألوف
و ربما هي من متوسط ما يصرف في الزواجات و أنت تعرف لكن حاول تختصر مسألة التأثيث و الهدايا في فترة الملكة و السفرة اقتصد فيها قد ما تقدر و إذا ما تقدر الغها او أجلها لبعد الزواج بـ 4 أو 6 شهور بإذن الله ذاك الوقت تكون استعدت توازنك في الأمور المالية ::: لا تقلق استعن بالله و توكل عليه و كثير من المتزوجين حكوا بعد زواجهم قصص تيسر أمورهم بشكل ربما لم يتصوروه :: وفقكم الله |
| الساعة الآن 07:14 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©