|
اليوم شفت رساله غريبه بجوال زوجي
السلام عليكم ورحمة الله وبركاته
كيفكم ان شاء الله طيبين ياجماعة الخير زوجي كان سهران مع اخوانه يتابعون فلم وعطاني خبر انه ماراح ينام بالبيت وقال لي اي شي احتاجه ادق على جواله او على بيت اهله بالثابت وانا نايمه صحيت على صوت مسج لجوال زوجي على الساعه 4 الفجر قمت صليت والصلاة على النبي ورجعت نمت وع الساعه 6 الصباح جت رساله ثانيه وصحيت منها وطنشت بها وع الساعه 8 الصباح صحيت على صوت رساله انا بصراحه عصبت وقلت لازم اروح اشوف هالرسايل وفتحتها وانصدمت كلها رسايل غزل وحب واخر رساله مكتوب فيها احبك يافلان:24: على فكره الاسم المكتوب في الرساله غير اسم زوجي انا النار ولعت فيني وبعدين فكرت فيها انا اذا عصبت وقومت ال\نيا وماقعدتها وش راح استفيد غير اني راح احرق اعصابي بزياده:(:29: وانا بالعاده افتح رسايل زوجي وزوجي كمان يفتح رسايلي بس اخر 4 شهور يرفض بقوة اني افتحها بعد مارجع زوجي من عند اهله جاني للغرفه وحط راسه وبعدها قال لي وش فيك قلت لا ابد حبيبي مافيني الا كل خير قال لا فيك شي قلت ابد مافيه اي شي مكدرني قال لي احلفي قلت له ليش احلف وانا مو مكدرني شي قال لي تكفين قولي وش فيك؟؟ ابتسمت في وجهه وضحكت وعطيته الجوال وقلت له رقم من هذا وانا مبتسمه ظاهريا بس قلبي مولع ناااااااااااااااااااار قال لي بصراحه انا من فتره تجيني رسايل من هذا الرقم وانا مطنش به واتوقع انه واحد من الشباب يسوي فيني مقلب قلت طيب ليه مادقيت عليه وعرفت من قال لي انا دقيت كذا مره بس مايرد علي وما ابي اتصل من جوالك يمكن احد غلطان ويلزق بالجوال وبعدين بدا يحلف لي انه يحبني ومستحيل يخوني وفي وسط الحلف حطيت يدي في فمه وقلت له حبيبي انا مصدقتك بدون ماتحلف انا اثق فيك وعارفه انك مستحيل تسوي اي شي يضايقني:d قال لي والله لو اعرف انه واحد من الشباب لاذبحه قلت له ليه تذبحه اتركه يولي وراح يزهق من الرسايل ويهون:25: انا هنا خليت زوجي يعرف اني واثقه منه ومستحيل اشك فيه وبعدين اذا دخل الشك في قلبي راح احول حياتنا لجحيم :18: وبعد كذا استفدت انا بطلعه حلوة مع زوجي لمطعم فطرنا فيه وبعد كذا الاسواق وخلاني اشتري كل اللي بخاطري فيه وهذي رجعتي من السوق:14: ياليت ياجماعه تستفيدوا من اللي صار معي لاتخلوا الشك يدخل لقلوبكم صدقوني ماراح تستفيدوا بشي غير الندم والسلام خير ختام للي صار معي |
أحيكي يا حبيبتي وبقوة يارب يكون عندي تحكم بالأعصاب زيك
انا على طول بعصب وبظلمه كتيييييييييييير الله يهديكم لبعض ويبعد عنكم الشيطان يارب |
ما شاء الله .. تبارك الله
أختي الفاضلة ضربت اليوم لنا مثالاً في كيفية مواجهة المواقف المحيرة بهدوء و تأني أسأل الله لك التوفيق و السداد |
الله يكفيكم الشر ويبعد عنكم اهل المنكر
|
برافو عليك اختي .. التهور في مثل هذه الامور غير مجدي .. ديري بالك على زوجك .. |
ما شاء الله تصرف حكيم
|
الله لا يغير عليكم ويوفقكم
|
الله يثبتك بعقلك ويهدي سركم ولا يفرق بينكم شر ان شاء الله
|
تصرفك رائع ونابع عن حلمك ماشاء الله بارك الله فيكم
|
برافو حبيبتي تصرفك عين العقل
الله يوفقك |
تصرفك ممتاز اختي
وخارج الموضوع نصيحه للي ازواجهن يخونون بالتلفون فيه خدمه بالتلفون اسمها راحتي اشتركي له فيها وحطي اي رقم يضايقك من هالاشكال في قائمه الحظر وبكذا ماراح توصله لا اتصالات ولا مسجات |
ماشاءالله عليك والله لو ان لا اقوم الدنيا مااقعدها
الين يفهمني السالفه واتوقع انه من حقي الله يهدي سركم |
ماشاء الله عليك
الله يسخرلك زوجك ويجعله لا ينظر الى غيرك ابدا تقبلي مروري |
ما شاء الله تبارك الله
تصرف حكيم و الله يسخر لك زوجك ويخليكم لبعض |
تصرفك عين العقل
|
بالفعل هذا هو التصرف الصحيح ..جزاك الله خير
الله يبعد عني وعنكم الشك.. |
تصرف غريب
الله يوفقك اختي ويبعد عنك وعن زوجك من لا يخاف الله... ويلهمنا الحكمه مثلك جزاك الله خير |
بارك الله فيك عزيزتي
ما شاء الله عليك ....تصرفك الصحيح يعكس ذكاءك وحكمتك الله يبعد عنكم كل شر...ويحفظكم ويسعدكم اختج ---- لمني بشوق |
تسلمين حبيبتي على هالنصيحة ,,,,,,
الشك يخرب البيوت ,,,,,, والله فرحتيني بتصرفك الذكي ,,,, الله يسعدك أنت وزوجك ويخليكم لبعض ,,,,, وفقك ربي يالغالية |
تصرفك رايع بس للمرة الاولى
اما المرة الثانية ماتنفع الثقة بالنفس لانة يصير استغفااال |
ما شاء الله عليك اختي الكريمة توته وزوجها
ونعم التصرف في مثل هذه المواقف الله يسعدكم دنيا وآخرة ويبعد عنكم الشر ان شاء الله |
اختي ما اقول الاياليت كل الزوجات زيك,ما تسرعتي في الحكم وحكمتي عقلك الله يسعدك.
|
عن جد اهنيكي على قوة اعصابك يارب يجعلني مثلك اقدر امسك اعصابي
برافو عليكي استمري تحياتي لكي |
يسلمووو جميعا ع المرور
|
[size="5"]ماشااااااااااااااااااااااااااااء الله صرااااااااحةعاقلة وراسية ورجلك بعد ....[/size]الله يهدي سركم ويخليكم لبعض..ويبعد عنكم كل حاسد وحاقد الله يكملك بعقلك ....
|
جدعه فعلا عين العقل الهدوء مطلوب فعلا وكده انتي الي كسبتي ربنا يهدينا جميعا ونكون مثلك
|
يسلموو ع المرور
|
الله يهني زوجك فيك وبعد عنكم الحساد
اختي بارك الله فيك على رجاحت عقلك اختي فيه ناس همها الشغال انها ما تشوف ناس مرتاحين في بيتهم يحبون ويفرحون في خراب البيوت ويمكن يكون مزحه من احد زملائه وبعضهم ما يدري ان المزح يقلب الدنيا فوق تحت |
تسلم اخوي ابو رواء
ربي يفرج همك ويزرق بالزوجه والذريه الصالحه |
ما شاء الله تبارك الله عليكي
ربي يبعد عنكم الشر ويفتح بينكم بخير |
| الساعة الآن 07:49 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©