|
أخت زوجي ستجلس عندي فترة !!!!!!!!
السلام عليكم ورحمة الله وبركاته
ابدأ قصتي وياليت ترشدوني للتصرف السليم اول شي انا عايشه بغربه انا وزوجي وبنتي... واخت زوجي ان شاء الله بعد اسبوع بتجي عندنا تجلس تقريبا 20 يوم طبعا هي ناوية تحجز بفندق وتجلس فيه بس انا وزوجي قلنا عيب لازم تجلس معانا بنفس البيت خصوصا ان زوجها ماراح يجي معاها فصعبه تجلس بفندق وبالذات رمضان المهم انا عادي ومبسوطه انها راح تجي تهون علينا غربتنا ونتونس معاها بس مشكلتي انو انا مرررررررررة عصبيه واولادها مو طبيعين قليلين ادب بشكل مو طبيعي ومايحترموني ولا شي ولسانهم مرررررة طويل هم صغار تقريبا اعمارهم بين 8 و 9 سنين وانا ايضا في هذه الفترة ادرس يعني ارجع من المعهد اسوي الفطور وطبعا حاكون مضغوطه لانهم في بيتي وابغى كل شي يكون مرتب عشان تشوفني مرتبه اخاف تقول عني فوضوية وماني قادرة اعيش بدون شغاله صح هي مرة طيبه بس الواحد في هذا الزمن مايضمن احد وطبعا انا لاااااااااااااازم ماازعلهم لانهم في بيتي وهي فترة وبتعدي عشان كدا الله يخليكم دلوني كيف اتصرف وكيف اتعامل معاهم من غير مايحسوا اني متضايقه منهم وفي نفس الوقت من غير مااضغط على نفسي واحمل نفسي فوق طاقتها اااااسفه على الاطاله بس مالي غيركم بعد الله [info]الاشراف: لفظ المششيئة تكتب على هذا النحو ( ان شاء الله) [/info] |
أطبعي لها الموضوع مع تغيير بسيط في وصف أبنائها ... ومع زيادة في مدحها ... وسترين الفرق بإذن الله ... دمت بحفظ الرحمن ... |
احسن شي انك تعيدين ترتيب بيتك يعني التحف الاشياء اللي ممكن تتكسر ترفعينها
الغرف اللي ماتحتاجينها تقفلينها بالمفتاح واشتري اشرطه افلام كرتون كثير وكل يوم خليهم يتفرجون على واحد الاطفال اذا مالقو شي يلهون فيه بيعقلون وافلام الكرتون احسن شي لاعمارهم عشان يشغلهم بس انتبهي انها تكون نظيفه لاتستاثمي فيهم وكمان كل شي في بيتك تحطي عليه مفتاح حتى المطبخ عشان لابغيت تسوين شي بدون مايزعجونك تسكري عليك الله يعديها على خير (: (: |
راي بسيط الاطفال يحبوا من يهدي لهم الهدايا ويوزع عليهم الحلويات وبذلك بيستحوا منك ويزيدوا في المحبه
وعليك بالابتسامــــــــه |
خليك رسمية مع الأطفال لا تعطينهم وجة و خلي باقي حياتك كما هي لا تتكلفين لأنك راح تتعبين واجد وتراها ضيفة عندكم لا تنسين البشاشة
|
أحسني إليها و أكرميها
و أبعدي الأشياء الغير ضرورية عن متناول الأطفال |
الطفل أخلاقه تتبع معاملة اللي قدامه
تعاملي معهم باحترام بيحترمونك ثانيا توقع الوضع السئ يأتي فعلا سئ والله ياعزيزتي لم نعد نعرف الطيب صرنا لازم نهئ جو ومعاملة خاصة به حتى لا يظن السوء!! اجل السئ اش نصلح له؟؟ |
ارمي الكرة في ملعب عم الأولاد !!!
واتركيه يتصرف في الموضوع .. فهو يمون على أولاد أخته ... وبسطي الموضوع وتفائلي خيراً ... في شهر الخير .. وإن شاء الله كلها كم يوم وتنتهي المشكلة .. موفقة إن شاء الله |
لاتفكرين بهذي الطريقة هدي هدي..
بعدين الطفل من اللي قدامه كبري علقك.. وتعاملي معه بكل احترام حسسية انه كبير .. ترى الطفل يحب هذا الاسلوب.. ومن يدخلون خلي في بالك شنو الشئ المرفوض.. ونبهيهم اول مره باسلوب فيه صرامة وجدية.. ولاتضايقين امهم. واي شئ مو محتاجة له رافعيه.. من تحف ومفارش زايدة و اغراض مطبخ زايدة وزين.. شيليها.. |
اختي
ما الك غير انت وعمهم تسجليهم بمركز رياضي دوره يعني جودو كراتيه سباحه من هالاشياء و يروحو يفجرو طاقاتهم و اذا في كورس لغه اي شي ويكون قريب او داخل المجمع التجاري او قريب منه و الله يخلي الباصات همه و امهم يتمشو يقضو وقت ويكتسبو خبره ،،، تكون لهم من يرجعو لبلدهم ذكرى حلوه و خلي ركن لهم فيه العابهم و كم قصه على العاب لان هلعمر ممكن يركز اكثر في لعبه او كتاب و بالنسبه لتعاملك معهم خليك على طبيعتك و انت ببيتك لا يكلف الله نفسا الا وسعها ومنها لاخوها ،،، انت خليك لا ارى لا اسمع ولا اتكلم ما تعرفين الناس شلون نفسيتهم |
الف شكر على المرور
الله لايحرمني منكم اولا انا بيتي صغير يعني راح يكونوا في وجهي اربعه وعشرين ساعه ومن ناحية المطبخ المطبخ مفتوح النضام الامريكي يعني برضو حيكونو في وجهي<<<<<<<<<<<<< مافي فكه وانا والله العظيم تعاملي معاهم حلو يعني مااحب اكون قاسيه وماعطيهم وجه لاني اعتبرهم زي اخواني الصغار وانا سبق وسافرت معاهم ونكدو علي عيشتي عشان كذا انا متخوفه لاني مجربتهم قبل كذا طبعا انا إن شاء الله راح اطنش كل تصرفاتهم واحترمهم لانهم في بيتي قبل كل شي وثاني شي ماراح اصغر عقلي بعقل الاطفال بس المشكله اخت زوجي ماتحس على اولادها يعني يقلوا ادبهم عليا وهيا مااسمع منها غير كلمة ( عيب ياولد) الله اكبر مرة خافوا يعني من هذه الكلمه هذا اللي مخليني اشيل هم وبالنسبه لزوجي مرة مابغى ادخلو في الموضوع اولا لانهم اصلا مايخافو من زوجي وثانيا زوجي عنده جامعته ودراسته فماابغى اشغله بشي تافه انا اقدر احله وجزاكم الله خير على ردودكم الطيبه دعواتكم ربي يوفقنا ويهون غربتنا |
انا اقولك انا الاول كنت لما يضايقنى طفل اسكت علشان اهله
بس الصراحه بتعب وانا كمان عصبيه جدا بصى هما اعمارهم مش صغيرة يعنى فاهمين وعارفين اذا عملو شىء بيضايق وامهم مازعقتلهم قوليلهم انتى بأسلوب يبان انك زعلتى منهم وهى اكيد كمان لو مكانك كانت هتضايق يعنى اكيد هى زي اى واحده بتضايق من شقاوة العيال... الله يعينك |
الله يعينك ويعدي الكم يوم على خير
مثل ما قالو الاخوات ابعدي كل الاشياء الي تخافين عليها عنهم و اتحملي لسانهم ....يعني لا تردين عليهم ما كنك تسمعين شي وما تدرين ان شاء الله يكونو تغيرو مع الوقت و صارو أحسن |
الف شكر لكم
والله يجزاكم كل خير بس امور الفيزا معاهم معكسه يمكن خيرة عشان مايجوا ههههههه |
جاني الخبرررررررررررررررررررررر
اخت زوجي جيه يوم الاحد طلعت فيزتها دعواتكم ربي يصبرني ويخفف عصبيتي ويعدي الايام على خير و يسد فم اولادها |
يا اختي نحن نساء ونعلم كيف هي حساسية العلاقة بين اهل الزوج وزوزجة ابنهم .................................
فالمطلوب منك هو الصبر والاصطبار والتصبر والمصابرةيعني اصبري واذا لم تكوني كذلك فتصنعي ومثلي حتى تكوني فانا اعلم انك تستطعين بمشيئة الله .... واما الاشيا اللتي تخافين عليها فارفعيها حتى لالتتكسر واتخيلي لو انك عندهم ثم احمدي الله انك بعيدة عنهم واستحمليهم حتى يغادرو وهم يحملون ذكرى جميلة عنك000000 محبتك |
هلا اختي الله يردك سالمه ان شاالله
لا تشيلين هم ولا شي وصدقيني بتمشي الايام على احسن مايكون ........وهذولا اطفال فلا تشرهين عليهم ومادام امهم طيبه هذا اهم شي الله يوفقك باذن الله |
الف شكر عزيزاتي
و إن شاء الله بأمشي بنصايحكم و إن شاء الله نستمتع معاهم وننبسط دعواتكم عفوا .. لفظ المشيئة يكتب هكذا ( إن شاء الله ) |
ارفعي اي شيء يتكسر + جيبي شغاله مؤقته + واي شيء يخربونه او يوسخونه لا تزمرين عليهم عااااااااااااادي
من حلال الرجال خليك مبتسمه ... ووالله تعدي |
كم عمر بنتك؟
|
[info]الاشراف: ينقل إلى قسمه المناسب (عالم المتزوجين) [/info]
|
اختي ترا كلها عشرين يوم يعني جاهدي نفسك وحاولي تمسكين نفسك لأنهم ضيوف وان مسكتي نفسك
ولا اهنتي اولادها لو انهم هم المخطين بس ايذا رجعت وسئلوها عنك راح تقول تحملتنا وشالتنا فوق اعيونها يعني لو كنتي تبغين تكسبين ودها ورضاها عشرين سنه ممكن ماراح ترضى لأنها ما سكنت معك وشافت تعاملك معها امسكي نفسك كلها عشرين يوم وراح تسمعين الي يسرك. |
عزيزتي ورود وذبل اي شغاله !!! انا بأمريكا يعني انسي حكاية الخدم وأيام العز ههههه
ومن ناحية اني اشيل اغراض تنكسر الحمدلله ماعندي تحف أو اكسسوارات انا عايشه في هذه الشقه مؤقت دعواتك.. ومشكورة على المرور ياغاليه _________________________________________ عزيزتي a_gleam بنتي عمرها ثلاث سنين تقريبا دعواتك شاكرة مرورك عزيزتي _________________________________________ أخوي غارق في الاحلام الف شكر على نصيحتك وهذا اللي انا ابغاه ابغاهم يذكروني بصورة حلوة لاني حأفضل بعيده عنهم سنين ونصايحك انت والاعضاء في عيوني الحمدلله رحنا قضينا امس واشتريت للاولاد شوكولاتات وحلويات وبسكويتات والعاب اضافيه عشان يتلهوا شويه والف شكر على المرور جميعا دعوااااااااااااااااااااااااااااااااااااتكم ربي يهون الغربه عليا |
ما رح اقول شي يختلف عن اللي قالوه الأخوات و لكن برأيي انك تقفلي الغرف الي ما تبغين أحد يدخلها في غيابك و ترفعي التحف و الأشياء القابلة للكسر و تخلي البيت كأنه ملعب عشان ما تضطرين تحرجين اخت زوجك لو كسروا أو خربوا شي .
و حاولي تخلين زوجك يطلع معاهم طلعات طويلة عشان يغيرون جو خارج البيت و يتفسحوا بالمرة .. و الأطفال لا تحاولي تكسبي ودهم .. كوني طبيعية معاهم جدا و عادية لا تعطينهم وجه اكثر عن اللازم لا ياخذوا عليكي و يقللو ادبهم .. |
| الساعة الآن 11:56 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©