|
حوار الملكة (المشهد الصامت)
السلام عليكم و رحمة الله و بركاته أنا والله ارحم المقبلين على الزواج أمثالي :d أرجع إليكم بأسئلتي و لو ثقلت عليكم بس أكيد بتجاوبوني :17: أنا بأملك في العيد إنشاء الله – الله يتمم بخير :14: – و كل شيء الحمدلله جاهز من اليوم :25: بس اللي مو جاهز !!! إلين أدخل على خطيبتي وش أسوي (لا تفهمون غلط)! :15: أخاف إني أشوفها يضيع الكلام ( الله يستر ) :( أنا أحب أتكلم بس بشرط تتفاعل معي يعني لو ما تفاعلت المدام معي و سكتت والله ما أتكلم حتى لو ترجع المهر (أنا حلفت و أنتو بكيفكم) يعني بأتم ساكت وهي أصلا شخصيتها خجولة جدا جدا يعني ما أدري وش أقول والله خايف بنقعد ساعة كلنا ساكتين وش أسوي أحسن حل أجيب معاي مسجل يتكلم بالنيابة عني (حلووووه هذي صح ؟ ) :11: ولا أكتب الكلام في ورقة وهي تجاوب (و أوعدكم أعطيها الدرجة الكاملة) هذا اللي عندي أنتوا وش تقولون |
ما شاء الله الف مبروك
انا مثلك ملكتي بعد العيد ان شاء الله انا مثلك اوجعني راسي من التفكير وش اسوي؟ وش اقول؟ وش اقول اول ما ادخل؟ و اذا طلعت اخر شي قلت خليها على ربك, وخلها تجي على السليقة اول ما تدخل قل السلام عليكم ورحمة الله وبركاته مع ابتسامه عريضة وهي تبي تقولك وعليكم السلام وراسها بالارض عطها بوسة على الراس وقل ما شاء الله وش هالحلا وش هالحلا بعدين اقعد ما فيه داعي للسواليف اذا عندها اخوان بيزعجونك كل شوي معلقين وداخلين طالعين بس ما عليك هذي حلاته اممممم تكلم عن بعض المواقف الطريفة بالخطبة او وقت كتابة الملكة امدح! تغزل غزل خفيف! لا تكثر قل مع السلامة وبينا اتصال |
الله يعطيك العافية و يعننا و اياك يا رب
|
لوووول من البداية بوسة ... وانا مثلكم بعد ملكتي بتكون بعد العيد .. بس ماني متوتر مثلكم هههههه .. بدخل بسلم .. كيف الحال و ابارك لها بالزواج .. وتلبسها خاتم .. ويصورونكم .. وبعدين مادري شو راح اقول ؟؟؟؟ خليها على الله .. يوم يجي ذاك الوقت صدقوني الكلام بروحه يطلع
|
كلنا في الهواء سواء
المهم لاتبين لها انك مرتبك حتى لو تصنع الجرأه امدحها وامدح لبسها اسألها عن شعورها بعد ماتبارك لها حاول تسوي حركه حلوه يعني لو شربت عصير قل لها ممكن تعطيني عصيرك ذا الحركه حلوه |
ما شاء الله تبارك الله
عسى ربي يوفقكم ويسهل دربكم ويجمع بين كل واحد وزوجته بخير حبايبي .. لابد إنكم تفكرون بشيء يزيل عنكم الارتباك والمخاوف اللي تتصورونها الآن وهذا الشي .. إن كل واحد منكم بفكر إن هالإحراج هذا ما راح يستمر .. وإنه في يوم من الأيام -بإذن الله- بتكون هالإحراجات عبارة عن ذكريات مضحكة وربما مخجلة .. كل ما أقول لكم .. لا تنتظر من زوجتك إنها تتكلم .. إن تكلمت خير وبركة .. ما تكلمت فالوضع طبيعي جدا .. وهنا تجي شطارة الواحد .. كيف يقدر يخلي زوجته تبادله الكلام في أول جلسة بينهم .. في البداية .. سلم عليها .. وإذا كنتم لوحدكم عطها بوسة عادية (لا تخربونها بعدين تقول الزوجة وش هاللي ما صدق خبر :d) وبعد كذا طبق السنة وضع يدك على جبينها وقل (اللهم إني أسألك خيرها وخير ما جبلت عليه وأعوذ بك من شرها وشر ما جبلت عليه) وبعد كذا بارك لها بالزواج .. وبارك لنفسك أمامها .. بحيث تشعرها بقيمتها .. عطها كلمات مدح وثناء .. لا تبالغ بالغزل لأنه مب وقته .. عبر لها عن سعادتك الغامرة بإتمام الزواج وانقل لها تحيات أهلك وإنهم في أسعد لحظات حياتهم الآن .. وإنهم ينتظرون شوفتها في أقرب فرصة .. وووو .. ومن هالكلام بعد كذا اسألها عن شعورها وانطباعها .. خلها تتكلم لو بعض الكلمات .. علشان تكسر الحواجز بينك وبينها وبالتوفيق |
الله يوفقكم والف مبروووك
تبا للعزوبيه كلامو ما شاء الله.. طبقوه والف مبروك... وعقبال العزابيه |
اخوي تبا للعزوبيه
قويه بوسه في اول لقاء ما اعتقد اتجرأ واسويها ههه بالنسبه للدعاء نقول الدعاء اللهم اعطني خيرها وخير ماجبلت عليه في الملكه ؟ الي اعرفه ان هالدعاء فيوم العرس انتظر الجواب |
اقتباس:
بالنسبة للدعاء .. أنا أشوف إن جلستك معها لوحدكم ومن دون أي شخص معكم .. هذا مثل الدخلة .. واذكر كلام عمر بن الخطاب معناه إن الخلوة الأولى تعني الدخلة .. وأصلا في ذلك الوقت ما كان فيه شي اسمه فترة الملكة والدخلة .. كان كل شي يتم بيوم واحد .. في الغالب .. وما ينمع لو دعيت بالدعاء هذا في يوم الملكة أول جلسة لك معها .. وكذلك في يوم الدخلة والله أعلم بالصواب |
ما شاء الله تبارك الله
الله يوفقكم جميعا ويجمعكم بزوجاتكم على خير أخوي لا تتوتر و لاترتب كلمات لانك مهما ترتب كله بيضيع ذاك اليوم صدقني خلي الامور على طبيعتها أحلى المهم أنك تبدأ بالسلام و المباركة و شوية مدح على الشكل واللبس و بيجي الباقي |
وفقكم الله
|
مبروووووووووووووك الله يوفقك
يأخوي لا تشيل هم من الان لكل حــآدثاً حديـــــث ..! أهم شي إنت لاتربك نفسك عشآن هي ماترتبك وتخجل أكثر الله يوفقكم اهم شي إنت إدعي ربي ييسر لكم هذه الليله على خير ويسعدك معـــــــآهآ يـــــــآآرب تحيتي جوريه |
مبرووووووووووك عليكم جميعا...
والله من جد بس نصيحه لاترتبكون ---------->> لان زوجاتكم بيتوهقون...مثلي ذكرتوني بيوم ملكتي زوجي الحبيب دخل علي وهو ميت من الحياء والارتباك انا يوم شفته كذا بغيت اموت من جد وخذ تعليقااااااااااااااااااااااااات من الاخوان ..... والله الجراءه حلوة لشخصيه الرجال من اول شوفه لاني حاطه في بالي اشياء بنتكلم فيها بس خوفني بارتباكه ----------->> وجهه نظر |
ماشاء الله تبارك الله
الله يوفقكم ويتمم عليكم بالخير والسعاده |
اهم شي لاتسكت
البنت تحب الرجل يكون جريء لانها مستحيل ترد عليك كلمه بكلمه الله يوفقكم اجمعين ويتمم لكم على خير |
| الساعة الآن 07:53 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©