|
وش احلى>ايطاليا ولا جنيف ولا فرنسا ؟؟
السلام عليكم ورحمة الله وبركاته
احب انكم تفيدوني ايش اجمل مدينة من حيث السياحه والفنادق والمناظر والاجواء,,لاننا ناويين ان شاء الله نروح انا وزوجي وابني على نوفمبر ان شاءلله اذا تسهلت لنا الامور..:) |
ايطاليا خليها آخر الاختيار لانها حرر وغاالية والشعب همجي << عن تجربة
وهي حلوة ورومانسية .. جنيف مااعليهاا كلام خااقوقية .. |
ايطاليا مايمدحونها كثير,انا رحت لفنيسيا يوم بس مابت فيها طلعت لها من النمسا,عاديه ومررررره غاليه والشعب الايطالي غير مريح ومش محترم,فرنسا مررره حلوه باريس صاخبه وأجوائها تناسب الي يحبون السهر والمقاهي والمطاعم العربيه كثير فيها,واذا بتروحين لها لاتفوتك اليورو ديزني فيها (عالم من الخيال والطفوله)مري( كان )واذا فيك اطلعي على موناكو,جنوب فرنسا حلو جوريفي وطبيعه خيال,سويسرا خيااااااال بس غاااااليه نار,وأنصحك اذا بتروحين لها لاتجلسين في جنيف اسكني في لوزان,ماتبعد عن جنيف الى حاجه بسيطه وتطل على نفس البحيره الي تطل عليها جنيف وهي بحيرة ليمان,وفنادق لوزان أنظف وأحلى وأرخص,عندك مناطق كثيره في سويسرا وشعبها مره محترم ومتحضر,انا أنصحك فيها بس الله يعينك على مصاريفها
|
بلا اشكال جنيف
|
الله يعطيكم العافيه ماقصرتوا وكان اختياري على سويسرا وزوجي بعد.
|
والله انا اشوف تختارون سويسرا لانه جميله جداٌ
ولا تفوتكم انترلاكن جميله جداٌ |
باريس ما حبيتها, بس فيها يورو ديزني خيااال
سويسرا كلها روعه ما عدا جنيف تجيب الكئابة !! ايطاليا ما زرتها ... |
الله يجزاكي خير
كان ودي اسأل عن سويسرا يسلموو |
ايطاليا تجنن..فرنسا حلوة كمان ما زرتها بس اختي قالت لي عنها
بس انا اموت على ايطاليا جمال و سحر و و رومانسية |
انا ما شفت ايطاليا ولا فرنسا
بس زرت سويسرا ... بصراحه خياااااااااااااااااااال يعني كل شي فيها رائع.....بس فعلا الاسعار ناااااااااااااااار و المدن الريفية فيها أحلى و نصيحه لا تسكنين في جنيف روحي لوزان أو زيورخ وخلي جنيف زيارة يوم واحد يكفيها |
سويييييييييييسرا بلا منازع <<<< عن تجربة خييييال
ولا تنسي تروحي قرية هايدي قريبه من زيوريخ اذا انتي من عشاق هايدي وانترلاكن رووووووووعه لاتفوتك اهم المدن اللي حلو انك تزوريها جنيف لاتطولي فيها بس لازم تزوريها على الاقل يومين ومونترو وانترلاكن ولوزيرن وانصحك بالقرى السويسرية مثل ديفون وشامونيه واذا في استفسار انا حاضرة بس اعتقد على نوفمبر بيكون الجو بااااااااارد رحلة موفقه |
شلون الshopping
في سويسرا ؟؟ المعذره من صاحبة الموضوع ولكن عشان نستفيد ومانفتح موضوع ثاني بنفس الموضوع |
اقتباس:
|
تكفين ياأم بادي
شنو اسماء الاسواق اللي رحتي لها والأماكن؟؟؟ |
اقتباس:
|
يعطيج 1000 عافيه
ماقصرتي |
مكة أحلى
|
شارع المارشيه في جنيف موجود فيه الماركات العالميه بس طبعا مرررررررررررررررررررررة غاليه انا شفت شنطة لماركة شانيل ب 6000 ريال
بس المشي في هذا الشارع حلو والجلسات رووووووووووووعه |
السلام عليكم
انا ساكنة في فرنسا لكن قريبة جدا لسويسرا وباروح لجنيف بالباس بالنسبة لجنيف فهي مدينة جميلة جدا لكن لا انصحك بالجلوس فيها اكثر من يومين ادا كنتي من محبي التسوق هناك GLOBUS يوجد في شارع الرون 48 rue du rhone وهو محل كبير تجدين به كل شيء من ساعات وشنط وعطور وملابس وديكورات وهناك محلات بنفس المميزات اسمها MANOR وعنوانها Rue Cornavin 6 وفي قلب جنيف يوجد العديد من المحلات اللتي تبيع الماركات العالميه يمكنك زيارة ( Watch Museum (Musee de l'Horlogerie متحف الساعات والريف السويسري جميل جدا وهناك العديد من المدن التي تستحق الزياره فرنسا عندك باريس جميله جدا وفيها العديد من الاماكن اللتي يمكن زيارتها كمتحف اللوفر وبارك ديزني لاند ويمكن عمل جوله في نهر السين وزيارة قوس النصر وبرج ايفيل اما ايطاليا فلا استطيع ان افيدك وربنا يسهل اموركم في امان الله |
وللناس فيما يعشقون مذاهب
سويسرا ماحبيتها ولا ارتحت فيها ، اتوقع لو رحت للمناطق الريفيه بتكون افضل وهو يعتمد عليكم تحبون اماكن تسوق وحركه واضواء أو تفضلون الريف والهدوء انترلاكن منطقه ريفيه حلوه بسويسرا ولو حبيتي منطقه تسوق روحي لزيوريخ ولو تبين نصيحتي غيري وجهتك كلها وروحي للنمسا وماراح تندمين متأكده : ) وبالتوفيق لكم .. |
سويسراااااااااااااااااا
توي راجعه منها خيااااااااااااااااااااااااااااااااااااااال بس جنيف مو حلوه انترلاكن لا تفوتك لوزيرن وجسرها الخشبي توووحفه بس بنوفمبر اكيد ثلوج |
من باب الامر بالمعروف والنهي عن المنكر ارفق اليكي أمر هام في السفر لبلاد الكفار يقول الشيخ بن عثيمين في هذا الأمر :
فكذلك إن كان الإنسان من أهل الإسلام ومن بلاد المسلمين فإنه لا يجوز له أن يسافر إلى بلد الكفر لما في ذلك من الخطر على دينه وعلى أخلاقة ولما في ذلك من اضاعه ماله ولما فيه من تقوية اقتصاد الكفار ونحن مأمورون بأن نغيظ الكفار بكل ما نستطيع . ثم ذكر الشيخ شروطاً للسفر لبلاد الكفار : 1 ـ أن يكون لدية علم يدفع به الشبهات . 2 ـ أن يكون لدية دين يحميه من الشهوات . 3 ـ أن يكون محتاجاً إلى ذلك مثل أن يكون مريضاً يحتاج للسفر إلى بلاد الكفر للاستشفاء أو يكون محتاجاً الى علم لا يوجد في بلاد الإسلام تخصص فيه فيذهب هناك أو يكون الإنسان محتاجا إلى تجارة يذهب يتجر ويرجع , المهم أن يكون هناك حاجة ثم أردف قائلا : ولهذا أرى أن الذين يسافرون إلى بلد الكفر من أجل السياحة فقط أرى أنهم آثمون . |
السلام عليكم
كل البلدان حلوة طالما معك الرفقة الحلوة و المهم الواحد يحط بباله انه ينبسط انا بعدني ما زرت هالبلاد بس ، انا بتحيز لايطاليا السبب انو فيها جو رومانسي صح انو غالية بس تستاهل خاصة فينيسا و المشوار بالقارب على ضو القمر تحياتي sweety26 |
| الساعة الآن 10:19 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©