خطبها وحين تاخروا بالرد خطب اخرى مارايكم؟
 

السلام عليكم ابي رايكم بالموضوع صديقة اختي عندها اخو وتدورله على عروس قمت انا ودليتهم على اخت صديقتي المهم الناس راحوا لهم وشافوا البنت واعجبتهم والعريس مرة مستعجل يبي الزواج بشهر الحج طبعا البنت طلبت يعطونها اسبوع تفكر فيه ويسالون عن الولد اللي حصل ان الولد زعل وقال بيطولون علي وانا مستعجل وراح وخطب بنت ثانية من نفس قبيلته ووافقوا عليه وصديقتي واختها كلمتهم اليوم وماهم دارين عن السالفة والبنت كانت طايرة من الفرح وهي تكلمني انهم اسالوا عن الولد وطلع تمام بس باقي ماخلصوا سوالهم عنه. المشكله الحين موقفي جدا بايخ قدام صديقتي واهلها وماني عارفة كيف اتصرف.

تم تعديل العنوان ليتناسب مع الطرح/الاشراف

نعم الموقف بايخ ... ولكن الذنب ليس ذنبكِ..

الذنب ذنب أخونا الواثق من نفسه زيادة عن اللزوم لدرجة أنه استكثر أسبوع ليقوم أهل البنت بالسؤال عنه!!!!!

يعني حضرته يريد الموافقة بمجرد أن تكرم وطرق باب البنت؟!!!!!!!!!!!!!
سبحان الله!!!!!



أدرك بالطبع أن الموقف محرج بالنسبة لكِ .... ولكن ليس أمامكِ إلا الاعتذار للفتاة ووالدتها.

هو الغلطان

و الحمد لله إن هذا قد حدث

حتى تعلم أخت صديقتك تهور و استعجال ذلك الشخص الذي كانت سترتبط به

لا أتصور رجال بهذه العقلية

صراحه قمت الاحرااااااااااااااج بس انتي مالك ذنب
وسوي نفسك قدام صديقتك منتي داريه انه خطب وحده ثانيه

من جداحراج لازم تقولين لهم علشان لاتجلس البنت
متوهقه انه عريس الغفله ينتظر الرد منهم والله المستعان

سبحان الله اسبوع كثير في السؤال ياأخي هذا جواز ماهو بيع بطيخ يمكن الله ما كتبه لها

الصراحه راحه الافضل الان ان تخبريهم قبل ان يتطور الموضوع ويعلنون الخطبه .

الولد ذا يبي له تكفخ
أعرف واحد طقوه اهل البنت سنه كامله
ماردوا عليه وهو جالس يستنى الرد...
ولا دور غيرهم لانه يبي بنتهم مايبي غيرها
يعني ذا لو يبي اخت صديقة اختك اللي دليتيهم عليها كان صبر
لكن هو شكله مايبيها وقال ياولد فرصه خلنا نروح لغيرهم

الله يكتب اللي فيه الخير للجميع يارب

مشكورين على ردودكم بس انا بجد بموقف لااحسد عليه المشكلة انه كانوا مقتنعين فيها

يجب أن ينبه هذا الشاب بأن موضوع الزواج ليس كشتة بر .. أو لعبة بلايستيشن .. الثقة الزائدة بالنفس ستؤدي به إلى الفشل .. وسينقص قدره أمام الناس

كنت أظن أن التأخر في الرد وصل إلى شهر أو شهرين .. فقلت في نفسي من حقه التقدم لأخرى .. ولكن تفاجأت حين قرأت أن المدة أسبوع فحسب .. فبالكاد تكفي مدة أسبوع للسؤال والبحث والتحري ..

أما عن موقفك أختي .. فلا حرج عليك ألبتة .. مهمتك تنتهي حينما يتخاطب الطرفان مباشرة .. حينها يتفاهمون فيما بينهم ولا شأن لك أبدا بعد ذلك .. وكل الأمور محتملة الوقوع .. فهذا أمر زواج بين اثنين لا يعرفان بعضهما من قبل

وفقك الله لما يحبه ويرضاه

السلام عليكم
اظاهر العنوسه كثرت بسبب المثل القائل اسعى في جنازة ولا تسعى في زواجه!!!!!

وش الانسان هذا مفكر يخطب وبعد ساعه يردون عليه

اتوقع انهم قالو له اسبوع ونرد عليك مو طويله والوقت مناسب يعني لازم يتأكدون من الولد

لكن الزواج قسمه ونصيب

والله يرزقها بواحد اخير منه

العريس مصرقع ومايستاهل البنت ..الله فكها منه

اما بالنسبة لموقفك فقولي الحقيقة بأن العريس كان مستعجل وهم رح يفهمون انه مصرقع على طول

قولي لها تحمد ربها ليل ونهار..

مثله مو رجال يعتمد عليه..

مستعجل ومو راكز..

اذا سؤال بس اسبوع ما قدر.. شلون بيصبر على حياة زوجية.. يصبر على مشاكل.. يصبر على مرض زوجته او الاطفال...

خل تحمد الله شر وفكها الله منه..

وهي اكيد استخارة الله وهذا اللي كتب لها الله.. تحمد ربها لاتجلس تبكي وتنوح ما يستاهل..