|
انا زوجة كسلانه ساعدوني يا ربات البيوت الشطار
السلام عليكم و رحمة الله و بركاته
معليش ح اكل راسكم شوية بالهرج عن الغبار اللي في بيتي و لا الغسيل المكوم اكوام اكوام ولا الحمامات -اعزكم الله- اللي الجير في اطراف الحوض لونها ولا عن شعر البسة اللي في كل مكان .... كثير حاجات صارت خلاااااص حتفقع مرارتي من القرف و انا اتفرج ماني عارفة اسوي ايش ولا ايش قبل الزواج كنت احاول و زوجي ندون عن بيت كبير شرح برح زي ما يقولو و لمن لقينا هذا البيت اللي نحن فيه الحمد لله قررنا على طول نسكن فيه و هو عبارة عن شقة بالدور الارضي مكونة من (قولو الله اكبر ما شاء الله لا قوة الا بالله)!!!! خمسة غرف و صالة كبيرة و 3 حمامات و مطبخ كبير و خزين و غرفة خادمة والله من يوم اتزوجت و انا مو دودي اللي اعرفها صرت اشيل هم النظافة احيانا كنت انظف بدون ضغط زوجي و احيانا لما يفقد الامل مني يقوم يساعدني مسكين و كانه ناقصني انا كمان غير شغله اللي يتعب و احيانا اجيب شغالة امي تساعدني و طبعا غشش x غشش و احيانا احااااااول قدر المستطاع اني لو امر بالمكنسة و النفاضة كل يومين تلاته بس مافي فايدة انا دبة و اتعب بسرعة :18: و كاني ناقصة انا كمان عندي حب مو طبيعي للقطط و اموت لو بعدت عني و في نفس الوقت اتعب من شعرها اللي في كل مكان لا و سريري ما يتنظف الا فين و فين ولا اقلكم مطبخي كيف ؟؟ باليومين و التلاته ما امسك فيه غير المغسلة بس الحمد لله الين دحين ما وصلت لمرحلة الصراصير بس في نمل كبيييير كثييييير اقلكم بيتي كيف عشان تساعدوني في النصايح يا شطار كل الشقق و اللي في جده بالذات فيها قسمين قسم للضيوف و قسم للعيلة قسم الضيوف مكون من غرفتين و حمام و موزع صغير هذا القسم انا ما اوفره للضيوف لاني ما يجي عندي ناس كثير قلت والله ما اسيبه للجن و غير كذا عشان المكيف اللي في الصالة ما يبرد في الصيف و الصاله مفتوحة على الغرف المهم القسم اللي نحن فيه معيشتنا مكون من غرفتين غرفة فيها صوفتين كبيييرة الله- يهد حيل اليهود - و متعبة في الزحف عشان التنظيف تحتها و حوض سمك و تلفزيون و الغرفة اللي معاها مفتوحة على بعض فيها طقم كنب 1 ابو 3 مقاعد و وحده ابو مقعدتين و 2 ملكي هذي الغرفة فيها كمان مكتبة الكمبيوتر تمام نجي لباقي البيت بحكم اني كسلانة طبعا عندي غرفة للكوي و صارت غرفة لتدفيس العفش الزايد و الملابس المكومة هذا غير اشياء الدراسة في الكلية و انا متخرجة لي 3 سنين و اخاف اني احتاجها في يوم و ما صرفتها حتى الان !!! و الغرفة اللي جمبها فيها قرمبع حق زوجي اللي يحب شغل اليد و صارت شبه مهجورة الله يستر ما تكون اتسكنت :24::24: ما ندخلها الا اذا دورنا على شي و نخرج طوالي لانها مغببببببببببببببببرة و غرفة النوم احكيكم كيف ؟؟ هي عبارة عن غرفة شكلو فيها سرير و سبتات غسيل و ملابس منشحة في كل مكان و الله يكرمكم احذية نتعثر بيها لازم و معاها حمام مستقل بها و المطبخ اخويا نقل بيت جديد فيه مطبخ و استغنى عن مطبخه القديم و اعطاني هوا المطبخ له تقريبا خمسة شهور كل كم اسبوع نكمل فيه شوية والله انه كأنه مطبخ في استراحة من الكراكب اللي في الكراتين و الصحون في كل مكان الصالة عندنا كبيرة فيها كنب و مكتبة و طاولة طعام و دولابها انا مدري ايش بي كده عندي عفش كثير بس لمن كان ما عندي و يجيني ناس اتلبك ما اعرف فين اقعدهم المهم اصحى كل يوم و اقول يا بنت استحي ما بدها خلاص يكفي و اهوي الغرف و استعد و اصادف شي مدفون ادورله من زمااااااااان و اهتم بيه و انسى الترتيب و يجي جوزي من الشغل و انسى كل شي و كل يوم نفس القضية طفشششششششششششت من نفسي و المشكلة انه بيتي دور ارضي و كبير و يتعب بالتنظيف و يغبر بسرعة رهيبة و هذا اللي يخليني اتكسل اكثر من اول طبعا عشان ما عندي اطفال فالموضوع يتطنش و الاساخ تزيد و البيت يزيد كركبة و عفش نفسي يترتب بيتي تجو تساعدوني ؟؟ طيب انصحوني و لطشوني كمان انا استاهل بس المهم ينظف قبل رمضان عشان الواحد يعرف يرتاح و يتعبد و الله يجزاكم كل خير اختكم دودي الدبة |
يا اختي الكريمة والله كارتة والله المستعان نصيحتي لكي احضار خادمة
|
بما ان الشغل كثير ومن زمان ما نظفتيه
حاليا اجلبى خادمه مؤقته ليوم واحد او استعيرى خادمه من اهلك ليوم واحد لترتيب وتنظيف جذرى بعدها نظفى غرفه المعيشه وغرفه نومك وحمامك بشكل يومى واقفلى باب الغرف ويكون فقط لمسح الغبار اسبوعيا لباقى الغرف |
اختي الغاليه دودي بجد انا كان عندي حبة نشاط قبل ما اقرا موضعك لكن بعد ما قريته الكسل كبس عليا جدا (هههههههه)لكن انا هقولك علي حاجه كلنا بتقابلنا المشكله دي و حتي لو فيه شغاله مش هتنظف زي ما نحب لكن الحل برايي انك تبدأي واحده واحده
يعني مثلا يوم لغرفه النوم بس ترتبيها وتشيلي منها الكراكيب اللي ما لهاش لزمه تتخلصي منها ولو ينفع تغيري نظامها يعني السرير تنقليه ناحيه تانيه وهكذا علشان تحسي انها غرفه جديده عارفه بعد ما تخلصيها هتلاقي نفسك اتفتحت علي باقي البيت بس طبعا مش كله في يوم واحد كل يوم غرفه مثلا وبالنسبه للمطبخ شيلي اولا الكراكيب منه وبعدين رشيه كله من تحت المطبخ والاركان بالفيليت بتاع النمل والصراصير واقفليه كويس وتاني يوم ابدأي عمليه التنضيف والغسيل وترتيب الاواني ورنا يعينك ان شاء الله |
اولا :
الاغراض اللي تقدري تستغني عنها او عالاقل تحسي انك مو بحاجتها مثل ملازم الكليه او الدفاتر او الملابس القديمه .,على طوول افرزيها بكرتوون وبرى صرفيها .. الغرفه اللي فاضيه وفيها الكوي والغسيل خلي زوجك يحط لك دواليب للتخزين وفيها دولاب للتعليق ..ودروج للتخزين الملابس الشتويه مثل الجاكيتات البدل حقة زوجك ..فساتين الافراح تتعلق بالدولاب والملابس العاديه تتسفط ووتكيس بأكياس بلاستك وبشنطه بجواء الدروج والترتيب بما انوه مشا الله ماعندك اطفال معناتها .. الترتيب والتمسيح ماراح يكون اكثر من مره في الاسبوع وخصصي اليوم اللي يناسبك بالنسبه لي الاثنين مخصصته للترتيب الاسبوعي .. لكن بما ان بيتك بهالحاله .. لازم تجيبين احد يساعدك _ اختك _ شغاله مؤقته ... المهم احد عالاقل يشجعك عالتنظيف .. وصدقيني اذا جربتي النظافه ماراح ترتاااحين ابد بالحوووسه ونصييييحه القطه استغني عنها فيها امراض مالله به علييم ... وغير كذا انتي موناقصه وساخه وشعر ,, الله يعينك فعلا , وبشرينا عنك :) |
الله يعينك حبيبتي,والله ضحكتني صراحتك وخفة دمك :dالله يحفظك ويسعدك ويرزقك الذريه الي تفرح قلبك,انا حقيقه كنت مثلك قبل ما أجيب العيال,والى الان انا أعتبر كسلانه لأن عندي خدامه وهي الي تسوي كل حاجه,بس الي أقدر أقولك اياه ان المسأله يبيلها تنظيم وقت وتحديد للاولويات ,يعني كل يوم ححدي شغله او ثنتين تمسكينهم وتخلصينهم وكذا,ونصيحه تخلصي من الكراكيب الي عندك وشيلي من بالك انك ممكن تحتاجينها في يوم من الايام,لان حتى اذا احتجتيها راح تنسين انها موجوده عندك ويمكن تنسين مكانها بعد,وكبدايه جيبي لك وحده من هالخدامات الي يشتغلون باليوميه او بالساعه ترتب معاك وياكثرهم عندكم في جده ,اتعبي معها يومين ثلاثه بعدين راح ترتاحين,ولا تعيدين نفس المشكله خلي الترتيب من أولويات جدولك اليومي
|
اكبر عدو للزوجه زوجها فلا تدعي زوجك يقرف منك
|
1-جيبي لك شغالة ..أو شغالتين..لازم توقفي عليهم لأنهم ما راح يرتبوا زي ما تحبي..ممكن تستقري على واحدة بعد ما تخلصي التنظيفات..
2-أبدأئي بالمطبخ / غرفة النوم/ الحمامات/ الصالة / غرف الضيوف 3-في تنظيفات يومية زي الحمام اللي تستخدموه دائما..المطبخ ..غرفة النوم ..و مكان الجلوس ( الصالة) 4-في تنظيفات اسبوعية زي غرف الضيوف و الحمامات الثانية / الغسيل و الكوي.. 5-تخلصي من الأشياء اللي ما تستخدميها و ما تحتاجيها..في كل مكان غرفة الملابس / المطبخ ..إلخ شدي حيلك .. صعبة يجي رمضان و أنت بيتك في حالة فوضى..لازم يترتب قبل رمضان..:d |
انصحك تسوين لك جدول وتمشين عليه اسبوعيا
مثلا السبت غسيل ملابس وكوي الاحد كنس ومسح .. وهكذا ومن ناحيه الجزم والملابس شيليها اول باول بكذا بتوفرين على نفسك شغل اما المطبخ فلو عندك امكانيه تشتري غسالة صحون بتريحك وتوفر عليك جهد ووقت والله يسهل امورك |
ماشاء الله على زوجك بالله كيف مستحمل هاالوساخه
كلها وكيف انتي راضيه على نفسك الين الحين في الوسخ شكلك مررررررررررررره ماعندك سالفه الحين الحريم كل وحده تقول ان بيتي الاحسن في كل شي الله يهديكي ويساعدك قومي الحين خلك من الكمبيوتر وادخلي غرفه نومك ونظيها من قلب مااعتقد انها حتاخذ من وقتك شي تشجعي وخففي الشحوم وحركي جسمك شوي وان شاء الله راح تحسين بنشاط وسكري المكيف واجلسي اشتغلي في بيتك ونظفيه بس انتبهي لايدخل عليكي زوجك وانتي قاعده تنظفين لازم لما تستقبليه تكونين في قمه النظافه زي بيتك سامحيني على كلامي بس والله اتنرفزت لما قرات موضوعك |
اقتباس:
أولا شي لازم تقومين بجرد غرفة الكوي والغرفة اللي فيها اغراض زوجك..بدون تفكير لاتقولين يمكن احتاجه بعدين خاصة اغراض الكلية وش تسوي عندك للحين!! اجمعي كل الأغراض اللي مو محتاجتها وطلعيها للجمعية واللي تالف في الزبالة.. ايضا حوض السمك لحاله يبي له عناية وأنتي مايحتاج:25: ايضا القطط حاولي تطلعينها من بيتك اصلا لو حملتي بتضرك لهذا من الحين نظفي البيت منها.. إذا قمتي بتنفيذ الخطوة السابقة كملت معك.. الى لقاء... |
الأخوات ما قصرو بالاجابه
شمّري عن ايديكي وبلشي شغل وبعدها رح ترتاحي نفسيا اتخلصي من القطط باسرع وقت مش كويس تعيش بالبيت بتنقل الامراض وهي السبب بتأخر الحمل عند كتير من النساء |
اختي انتي مو زوجه كسلانه
انتي زوجه همامه.. يعني كيف؟ يعني تشيلي هم لأبسط الأشياء تحبي النظافه والترتيب الي على أصول وأضيف دقيقه في عمل هالأشياء صحيح كلامي والا مو صحيح فاهمتك لأني مثلك :26::26::26: طاح المتعوس على خايب الرجا:14::14::14: بس الحمدلله خفت المشكله كثيييييييييييييييييييييييير عندي.. وان شاء الله عن قريب بتنتهي بيتي الآن كله الحمدلله مرتب ماعدا غرفتين غرفة العفش فيها عفشي وعفش زوجي وأغراض للبيت مخزنتها فيها وغرفة الكوي فيها شوية ملابس بس والله شكلها مقبول يعني حوسه على خفيف باقي البيت من مطبخ وغرفة النوم وغرفة الجلوس الحمدلله مرتب والحمام الي نستخدمه نظيف دائما مجلس الاستقبال وحمام الضيوف نظيف بس مغبر وكل فتره ادخله وانظفه وأعتبر نفسي تخطيت مرحله صعععععععععبه الحمدلله وهي البدايه :18: والآن مستمره على هالوضع وان شاء الله ابتخطى المرحله الجايه :17: وهي ان غرفة العفش تكون دائما مرتبه وغرفه الكوي أيضا وان شاءالله بتنتهي بعد ما نجيب دولاب تخزين في غرفة العفش وتنفتح نفسي على ترتيبها وغسالة صحون عشان اتفرغ للكوي المرحله الأخيره هي الغبار في قسم الاستقبال وهذا اسهل شي بس مو أهم شي راح أقولك كيف : أول شي جيبي لك الغساله الاوتوماتيكيه والمجفف الكهربائي اذا ما عندك وغسالة الصحون واحرصي ان الماركات تكون كويسه حتى تفيدك نجي للشغل اليومي تعوذي بالله من العجز والكسل ترتيب لغرفة الجلوس وغرفة النوم + الطبخ + شغله وحده وبس من الشغلات الي راح اذكرها لك: 1)كنس الحوش لأن بيتي مثل بيتك دور أرضي (وترى له مميزات الدور الأرضي وأهمها الدرج لأنه يسبب أمراض في الظهر والعمود الفقري يعني الحمدلله ان بيوتنا ارضيه) 2)كنس أرضية البيت كله من جوا 3)تنظيف الحمام ( ترا مره وحده في الاسبوع والله كفايه لأن ماعندك أطفال بس يكون التنظيف محترم ) 4)تنظيف المطبخ 5)تنظيف الثلاجه 6)تمسيح الأثاث وأرضية البيت 7)الكوي وانتي اختاري على حسب مزاجك في ذاك اليوم:15: بالنسبه لحوض السمك اذا نوعيته جيده فهو ما يحتاج تنظيف الا في الشهر مره أنا مثلك عندي حوض سمك بس لأن نوعيته جيده فالفلتلر جيد ويقوم بمهمة تنظيف المويه وفيه نوع من انواع السمك اسمها الزبال تتغذا على الأوساخ والطحالب والي اسويه في يوم التنظيف للحوض انقص من موية الحوض الربع وأبدلها بمويه نظيفه وأغسل الفلتر واذا يحتاج زجاج الحوض من جوا انه يتنظف انظفه بالليفه الخاصه أحركها من برا وتنظف لي الحوض من جوا ( بالمغناطيس ) وبالنسبه للحوش مره وحده في الشهر غسيل كفايه بس قبل كل هذا يبيلك شغاله يوميه تجيك وتنظف معاك البيت عشان تبدين من جديد وتذكري اختي ان الوحده وهي تهتم ببيتها وبزوجها لها من الأجر مثل أجر المجاهد في سبيل الله والله يكون بعونك وبعونا جميعا ويسعدك ويهنيك مع زوجك دنيا وآخره ويرزقكم بالأبناء البارين |
انتي الي طلبتي انا رجال وبكون قاسي عليك ياكسلانه هههههههه امزح
صراحه انا ما ارتاح الا في بيت مرتب حاليا وانا عزوبي يعني اذا تزوجت راح ازعل اذا شفت البيت مو نظيف ومرتب لان الترتيب يعطيني ارتياح نفسي مو انا بس اكثر الناس يعني حنا نروح نداوم ونتعب لازم تتعبون شوي ولا لا ياحريم ؟ |
أنت زوجة كسولة ومالك إلا حل واحد لو انا مكان زوجك سويته أنك تخلية يتزوج تجيء الزوجة تتساعد معك في الترتيب والتنظيف ويمكن تكون أفضل منك وسنعة وتقوم بكل شيء وتخليك جالسة لأنك تحبين الكسل
وشو دعوة غرفة النوم مكان الراحة مكركبة واين عقلك |
مرحبا
انا خجلاااااانة منكم والله كتبت الموضوع و انا في قمة الاحباط لكن معليش اعرف انكن اخواني و اكيد كلامكم بيريحني و يساعدني و الله يجزاكم خير ادعو ان شاء الله بكرة ربي يقويني و ابدا بالغسيل و غرفة النوم و الحمد لله اني عندي غسالة اتوماتيك و نشافة ارحم من نشر الغسيل و اذا فضل عندي وقت بعد ما اتحمم اكويلي كم قطعة و اعلق الملابس المهملة في الدواليب قولو يااااااااااااارب و الله يهني كل من ردت عليا و يريح بالها و خاطرها يارب و بعد بكرة ان الله احيانا حياة طيبة اكمل الباقي |
ياحليلك وانا كنت اشوف نفسي كسوله بس ابدا مولهالدرجه.......
اول شي زوجك له يد في الموضوع ... المفروض انه يشد عليكي شويه كيف يقدر يقعد في مكان مونظيف انا كان لو جا ولقى غرفة النوم مونظيفع يزعل يومين ... المهم اختي انتي غرفتك لازم يوميا تنظفينها وتبخرينها وملابس الخروج اللي تخلصي منها تفصخينها وتعلقينها لاتتراكم عليكي ... المطبخ وماشاء الله عليكي شكلك شاطرة يعني اللي يقرا موضوعك هنا مايقرااااااااه هناك... غسلي المواعين بسرعه بسرعه وانتي تطبخين يعني وانتي تستني اللحم تستوي غسلس المواعين اللي استخدمتيهم ولاتكثري اغراض في الطبخ يعني صحن واحد غسلي فيه اللحم بعدين غسليه وحطي الخضار قيه بعديم غسليه ونقعي الرز ... لاتكومي عليكي الشغل... الحمام كل يوم بعد ماتسبحين غسليه ونظفيه ... وطبعا هذا كله قبل لايجي زوجك من العمل ... الملابس حطي لك غساله اتوماتيك ويوميا شغليها وشغلي الكواي بعد ماينشوفون ... الصاله بسرعه المكنسه توفي الغرض ومدام ماعندك اطفال ماتحتاجي مسح الارض كل يوم ...بس مسحي المكتبه والتلفزيون وانتي ماشيه ... باقي البيت نظفيه كل اسبوع ... اما عاد غرفة الكراكيب والحوسه لازم تتخلصي منها تقريبا الاشيا اللي ماتحتاجينها ارميها باقرب زباله عشان لايتراكم عليكم تراااااااب وحوسه... بس انا رااايي مع جميع الاعضاء اللي قالولك جيبي شغاله مؤقته لمدة يومين تساعدك للاشياء المتراكمه وبعدين افتحي صفحه جديده واشتغلي يوم بيوم ... وانصحك كل اسبوع جيبي لك وحده بالايجار تسوي تنظيف شاااااااااامل تطلعلك دواليب المطبخ والحمامات تغسل جدرانها والكنب تنفضه وتكنس الكنبات والكراسي واذا عندك زوالي تغسلها ... والدرايش يبيلها تنظيف كل فترة وكمان شراشف السرير يبيلها غسيل وكوي كل اسبوع ... يعني لو جبتي شغاله اسبوعيا او كل اسبوعين تشيل عنك هالتعب.. |
اقتباس:
|
مشكوووووووووووووووووره اختي على الموضوع و الله حفزني انظف و ارتب بيتي
و نصايح الاخوات فادتني و خاصه الاخت (و انا اموت فيه) جزاكم الله خيرعالنصايح انا احب النظافه و الترتيب بس احب اتفرغ له مره وحده ما احب ان ترتيبي يكون على فترات كل يوم شوي لان هالنظام ما ينفع معاي لازم كل شي يخلص في نفس اليوم انا في الاسبوع الاخير من الحمل و صايره ثقيله شوي بس بروح انظف يمكن هالشي يسرع الولاده و يسهلها و جزاكم الله خير عالموضوع |
اقتباس:
|
اولا .. اخبارك .. وبشري عن حالك ..
وثانيا .. جيبي خدامة مؤقته لمدة آسبوع وكل يوم غرفة وحمام .. واشتري منظفات كلوركس والزنك وفلاش .. وخليه تنظف وتفرك فرك .. وانتي دورك طلعي الاشياء الي ماتبيها واجمعيها في كيسة عشان تكبيها .. وثالثا .. اشتري الغسالة التوماتيك وحطي كل ملابسك فيها وتخلصها لك وانتي تصلحين الغداء وبعد الغداء بتخلصها لك انشريها .. رابعاً .. اذا المطبخ زايد عطيه الجمعية واذا مكركب او ماله داعي وجوده .. اشتري بداله .. خامساً .. الكمبيوتر خلي له غرفة لوحده آفضل .. لان لو جاك ضيوف وزجك حب يجلس عند الكمبيوتر كيف بيجلس ..؟؟ سادساً .. انتشار النمل في البيت يكون في البيت حسد .. واذا تخافين من الجن افتحي البقرة ع طوووووول ماتقفلي المسجل ابداً .. سابعاً .. حددي لك يومياً ساعتين للبيت من تنظيف المطبخ وجلي المواعين وغرفة النوم والمكان الي يجلس فيه زوجك .. ومرة بالاسبوع الدور كله .. ثامناً .. الفواحات بشكل يومي .. والتطييب وغيره هذا مايبي له انتي اكيد عارفته .. والبخور بيعث لنفس الطمأنينة وروقان الاعصاب .. واكيد بيرتاح زوجك لو بيشوف النظافة والترتيب لانه بيت راحته .. بالتووووووووفيق .. |
ياقلبي الزوجه اذا ماشبعت زوجها من جميع الجوانت الجنسيه والعاطفيه والطبخ ونظافه والبيت واهله
بيدور غيرها مابتقدر تكسبه وانتى زوجك مافيه زيه الى صابر بيوم بيطق وينفجر عليك ويقول كلمه تجرحك تخيلي يقولك يالوسخه |
[
سادساً .. انتشار النمل في البيت يكون في البيت حسد .. واذا تخافين من الجن افتحي البقرة ع طوووووول ماتقفلي المسجل ابداً .. بالتووووووووفيق ..[/size][/font][/QUOTE] ياليت من الأخت هناااوي تشرح لي الجمله هاذي؟؟الفتت نظري وأبي أتأكد من معناها,وبكون شاكره لك حبيبتي |
هلا فيك الاخت سلطانة ..
يقول الشيخ ان انتشار النمل بالبيت يدل على وجود الحسد بالبيت او على اهل البيت .. وسورة البقرة تحفظ البيت واهله من العين والحسد وشياطين الانس والجن .. |
قول روحي ربي بيتك.. وعن الكسل...
ابدأي غرفه غرفه... والله يعينك... والاهمال مو طريقة.. بصراحه اقرأ موضوعك واحس بقررف كبير.. |
واذا على القران.. خلي على قناة اسمها كتاب طول الوقت البقرة وال عمران
|
عزيزتي ...
كم هو جميل أن يكون المرء صريحا مع نفسه...ويلقي بعيوبه في سبيل..أن يصبح أفضل ..فهنيئا لك.. الأخوات ما قصروا في ما يجب أن تفعليه عاجلا... وبرأيي أن كل ما نعاني منه في الخارج يعود إلى مشاكل في الداخل... يعني بإختصار أنت تعانين من الفوضى أنت فوضوية و غير مرتبة....وهذا يرجع إلى : & عدم ترجيع الأشياء إلى مكانها على طول بعد استخدامها وبالتاي يحتاس البيت !! & عدم التخلص من الأشياء الغير محتاج إليها...وهذا يحتاج إلى فرز دوري( لكن ليس سنوي بل أقرب من ذلك)... غاليتي.. & لا بد من وضع جدول يناسبك وواقعي غير مثالي حتى تستطيعي اتباعه ولا تتنازلين عن الجدول أبدا حتى تنعمي بحياة أسعد .. مستقبلا وراك حمل ووحم وطفل...ماذا ستفعلين؟؟ لابد من التغيير من الآن المسألة مو ترتبين بيتك الآن ويطلع كله يلمع ...طيب وبعدين!! لازم إنت تتغيرين... أخيرا... هناك شريحة من الرجال لا تصارح بما أزعجها من زوجاتهم... ولكنها تنفجر فجأة فاحذري أن يكون زوجك منهم !!!!!!!! |
سمي بالله واتوكلي عليه وقومي بتنظيف بيتك غرفه غرفه
وفي الاخير راح تحسين بسعاده كبيره جربي واكتبي لنا وبالتوفيق |
اسمعي خلني اقول لك , هي جمله وحده ما في غيرها :(
اسبوووووع كامل ما اشوفك على النت ابدا الا بعد ما ترتبي بيتك وتنظفيه وبعد كذا اوا بأول رتبي ونظفي وغيري من طبعك وطريقتك واضغطي على نفسك عشان ما ينحاس بيتك من جديد :30: انا رجل وصار لي 5 شهور عزوبي , وبيتي والحمد لله ارتب من بيتك وانظف :11: |
بدأتي و لا لأ؟
(( من أطال الرقاد عدم المراد)) رمضان قرب..أيش سويتي؟ |
اقتباس:
ايوة بدأت و حبة حبة عشان الاتقان في العمل مو اي كلام و انا صحيح مهملة بس احب الشغل اذا صار يكون على اكمل وجه و الكمال لله و الله يعينني شكرا لكم و تحياتي رايحة اكمل |
حراااااااام عليكي شو هادا؟؟؟
انا لو المطبخ نظيف ولامع لكن في ريحة طبخ بموت وبنجن وبرجع انظف فيه لغاية متصير ريحتو عطور صراحة وماتزعلي كأبتيني وسديتي نفسي ههههههههههههههه ماتزعلي مني اسمعي عندي لك مخطط بس الان مضطرة اروح انظف استعداد لرمضان وعد مني حساعدك إن شاء الله |
بالله وش ردت فعل زوجك الله يكون بعونه لو ضل اعزوبي اسلم له
|
نصيحه مثل ماقالت الاخت هاايدي الققط تجلب الامراض تخلصي منها فقد تكون احد اسباب تأخر الانجاب والسمنه شيى اكيد وبالنسبه للنظافه فهل تنتظرين حتى يأني زوجك بزوجه ثانيه حتى تنظف له البيت اهتمي بمنزلك وصحتك والحركه بركه ..:26:
|
شكرا على موضوعك لاني انا مثلك ما اعرف
ازين وارتب وبالتالي اتكاسل مشكورة جدا^^ |
اطلبي من زميلاتك أو صديقاتك ممن تتوفر لديهن مهارة التنضيف و الترتيب ان يقدمنا لك دورة تدريبية عملية في بيوتهن لعل وعسى
|
السلام عليكم
كيفك أختي عساك طيبة بالنسبة للكركبة و اللخبطة في الشغل في بداية الحياة الجديدة أرى أنه من الطبيعي حدوث ذلك إذا كنت في بيت أهلك لا تعملين كثيراً و إذا كان هناك خادمة أنا عن نفسي مريت بمرحلة اللخبطة بس متى بديت أتحسن نوعا ما لما بديت أنظم وقتي و إنشاء الله اتقدم أكثر من كذا و إن شاء الله تتقدمين أكثر و أكثر بحطلك جزء من موضوع قريته من زمان و أعجبني و بصراحة مادري من وين ناقلته من زمان عندي ..و يمكنه من منتدانا هنا منقول 7 7 انا مسوية جدول اسبوعي وجدول شهري ،، غير التنظيف اليومي الجدول الاسبوعي مثال: السبت : غسيل الملابس فقط ،،، لانها تاخذ وقت طويل ،،، وما اغسل الا مرة وحدة في الاسبوع الأحد : تنظيف الحمام ،، ( اكيد بتقولون بس! لكن مع التنظيف اليومي ،، ولازم يكون لك وقت لنفسك/ما هو كله تنظيف البيت). الاثنين: ترتيب الغرف كنس ، مسح المكاتب والاثاث ، مسح الممرات الثلاثاء : تنظيف المطبخ الاربعاء، الخميس : اجازة ،، الجمعة: انظف الدرج ، بس كل اسبوعين ،، الجدول الشهري : الاسبوع الاول: اعزل المطبخ تعزيل كامل الاسبوع الثاني : غرفة النوم : تعزيل كامل الاسبوع الثالث: تعزيل غرفة الجلوس وباقي البيت مع الحمام الاسبوع الرابع: انظف الممرات مع الدرج ( غسيل بالموية و مطهر الارضيات) انا بيتي كبير شوي لاني ساكنه دور غير التنظيف اليومي ،، غسيل المواعين والطبخ والترتيب الروتيني وبس ،،، طبعا يختلف حسب الظروف والتغيرات اللي تصير انا مرتاحة عليه ،، لانه يبقى لي وقت لنفسي امارس هواياتي واهتم في نفسي ،، |
ابشركم بس باقيلي الخزين و ارتب ملابس الصدقة
شكرا لكل من نصحني و ساعدني و شكرا لكي يا اختي اطياف الجدول جاري طبعه و ان شاء الله اعلقه في المطبخ |
الله يـ ع ـينك يادووبا هههههههههه اسمعي ياحلوه انا عندي الي ينفعك ان شاء الله لأني قبل ثلاث شهور كنت بنفس حوستك لكن الـ ح ـلو اني مو متزوجه هههههههههههههه يعني بنت لكن برضه البيت علي وعشان كذا استفدت من موضوع وابي انزله لك والصراحه انا دخلت بالصدفه هنا ولقيت عنوان موضوعك وسجلت هنا عشان انزله لك وان شاء الله افيد واستفيد بس اهم شي الاراده حبوبه ما ينفع انزله هنا بنزله بموضوع لوحده عشان الكل يقراها ويستفيد لأنه طويل شوي :) |
حبيبتي بالنسبة للغرف نظميها يعني غرفة المخزن حق زوجك جيبي لها أدراج موجودة في إيكيا كانها صناديق لكن جاية على شكل أدراج وملونة وحلوة
الجزم المنثرة إذا ماعندك دولاب الجزم إشتري أنا أخذت لي وحدة ب200ريال وشكلها حلو وشيك التنظيف إتبعي جدول الاخت أطياف حلو واتفقي لك مع شغالة تجي 3 مرات بالاسبوع تخفف عنك الشغل وغذا حبيتي أساعدك في توفير خادمة مشكورة |
| الساعة الآن 06:58 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©