|
زوجي و كلامه و شكواه الدائمة مني..مالحل؟؟
السلام عليكم
انا متزوجه من 4 سنوات عندي بنتين وولد ابو عيالي من ايام الملكه بيننا مشاكل واختلافات الاحظ انه عصبي صرت اخاف منه كلامه جدا جارح لكن فيه صفات جميله كنت احبه لكني اخاف من لسانه المشكله الاولى انه على اتفه اختلاف يشتكيني على والدي وامي وامه حتى بعد الزواج استمر يشتكيني حتى على اخواته مما جعلني اكرههم من كل قلبي الله يغفر لي طلقني بعد ثلاثه شهور من الزواج وارجعني اليوم الثاني طردني وانا حامل بطفلي الاول قال كرهتك خزي ملابسك كلها سب والدي واخواتي بكلام فاحش بعد شهر اتى نادم واعتزر ورجعت ضربني 3 مرات واعتزر ورضيت الان طلقني للمره الثانيه هو دائما يردد انا نادم اني تزوجتك انتي لاتصلحين لي اقسم على القران ان لا يشتكيني على احد ولكنه بعد الطلاق لم يترك احد الا واشتكاني عليه عاب فيا كثير حملني كل المسؤليه اشتكاني على اخواته وقريباته من النساء واصحابه اريد استشارتكم هو الان رجع كعادته نادم ولكني لا انسى كلمته ربي العيال وبي انا نادم اني تزوجتك انه نشر اسرارنا على الملا لا اقدر ان انسى كلامه الجارح اكازيبه اللتي نشرها عني هو حريص ان يبين لاخواته انه لايحبني وافكر فاطفالي فهو يعترف لامه انه يضربهم ضرب مبرح فقط ليقهرني احيانا طيب يمدحني ينقل لي كلام اخواته عني هل ارجع وكيف اتعامل معاه ومع اهله عفواً تم تعديل العنوان ليتضح المضمون الإشراف |
بصراحة زوجك ما هو طبيعي طلقك مرتين وتقولين ارجع له تطاول عليك بالضرب والسب وبعد ترجعين ويضرب العيال ضرب مبرح وترجعين الواضح انك تحبينه بس هو لا فعلا انتي ضعيفه الافضل عدم العودة له لانه بحاجة لدكتور نفسي والله المستعان والصبر الجميل
|
الله يفرج همك ويعوض صبرك خير
ويرزقك بر اولادك ليس لدي ما اقول الا الدعاء لك |
فى أمور مثل هذه لا بد من أن تأتى بحكم عدل وليكنشيخ الجامع أو كبير العائلة ويضع له قواعد وشروط لا يتعداها ان قبل كان بها وان لم يقبلفلا انصحك بالرجوع.
ثم انى لا اعرف ان كان العيب منك ام منه ولماذا طلقك فى المرتين يمكن انتى استفذيتيه |
أطلبي من طليقك أن يتعهد أمام أسرتك وأسرتة بأن لا يضربك ولا يضرب العيال وأن تتفاهما على الأمور التي جعلتة يطلقك مرتان حتى لا يتكرر مرة ثالثة اذا كان ليس من أجلكما من أجل العيال فالزواج مسؤلية وود وتفاهم وتربية أبناء ليس لهم ذنب فيما يحصل بينكما فلا تجعلاهما ضحية لما يحدث بينكما . |
من وجهه نظري لاترجعي له
الزوج اللي يحب يقهر زوجته ماينرجع له بالحيلللل |
آستخيري الله .. وآشرطي عليه بالعقد مايضربك .. واذا رجعتي له وضحي له انك مستحيل تنسين كلامه الجارح ..
الله يفرج همك ياارب .. |
الله يساعدك ويكون في عونك ان شاء الله
بس انا عندي ليك عتب بسيط ليش جبتي منه اطفال دامه من اول طفل يضربك ويطردك ويطلقك؟ انا من رأيي الطلاق افضل لن رجل من هالنوع مريض نفسا و رح يتعبك جدا في حياتك وخاصة بعد مرة وحدة وخلاص تطلقين منه نهائي الله يصبرك ان شاء الله ويعوضك خير |
لاحول و لا قوة إلا بالله
اللهم يعوضك خير في عيالك، و عليكي بالإستخاره تحياتي |
كان الله في عونك
|
السلام عليكم ورحمة الله وبركاته
قرأت المشكلة وطلعت بس رجعت ان شاء الله تقتنعين برأي بمشكلتج أختي الحل بسيط حطي الايجابيات والسلبيات قدامك زوج عصبي !! و يضربك !! طلقك مرتين !! يضرب أبنائه قهراا لأمهم !!! وين الرحمة بقلبه ؟!! زوجك ببسااااطة مو رجااااال !! اسمحي لي فاهم الرجوله غلط يمكن العيب فيه او في بيئته وتربية الأهل ؟!!! يعني بالعقل انسان يخااف على نفسه وشااري راحة باله و زواجه يبيه ينجح يطلق مرتين ؟!!!! و ينشر أسراركم عند الغرب حتى اهله بالسوالف هذي غرب لانها أسرار لابد أن تظل تحت سقف الزوجية الا بنية الأصلاح وهذا الشيء ما اعتمده زوجك لانج قلتي انه يخبر امه يضرب عياله قهر لج يعني بداااااافع الانتقااام ... هذا يا أختي مريض نفسي و خذيها في بالج طلقتين ؟!! يعني هذي آخر طلقة لج و الأكيد انه يوم يرجعج له ما يخبر الي فضحج عندهم بأنه كلامه كله كذب و افتراء يعني الكلام الكذب يظل عندهم صبرتي وتحملتي بدافع الحب بس وش المقااااابل !! انتي انسانة ولا تقولي صبر لعيالي لانه بالاساس ما يحبهم !!! والدليل يضربهم أي قلب أب هذا !!!! أشك انه انسان !؟ يمكن صرت قاااسية بس عورتي قلبي مو حيااة مستقرة هذي اذا انتي للحين تحبينه و هذا الشي موب بارادتج القلب وما يهوى و متاكدة انه في امل باصلاحة عندي لج طريقة كلامه يصير صوب رجاال من اهلج واهله احرجية قداااااامهم كلهم جمعي اهلج واهله والي يعزون عليج دخلي عليه بشموووخ و قولي له قدام هالعالم تقول الصراحة تقول اني ما قصرت واني تحملت وانك تضربني وتضرب عيالك و قدامهم كلكم هاللي تكلمت علي بالشينة عندهم تحلف بكتاب الله وتعطيني وعد رجااال ما عاد تضربني وعيالي و أسراري ما تطلع الى اهلك حتى امك بيني وبينك بس !! وقتها اذا صااار هالشي و لقيتي منه الندم فعلاااا أرجعي لحياااتج وحاولي ترممين الي انهدم !!! غير هذا صعب ترضين على كرااامتج المهانة والأذى لا سمح الله ذبحج وقت عصبيته او احد من عيالج شنو بفيد اللوم وقتها !! انتي عاقلة وكبيرة قرري اختيااارج انسان بهذا المرض النفسي لازم يتعاااالج من عصبيته و فيه طرق كثيييييرة تزيل الضغوطات الي تسبب عصبية اتوقع بكل مكان فيه استشاريين نفسييين خليه يروح لهم العلاج موب عيب لكن العيب يظل على حالته هذي لا أملك في الختام سوى الدعاااء لج بالتوفيق الله يسهل امورج ويهديج لطريق الصواب الله يخلي لج عياااالج وصدقيني واحد مثله ما عليه حسووف أختج بحرانيه كول |
الله يعينك ويصبرك على ما ابتلاك
بس نصيحه مني ..... استخيري لازم تستخيري مره واثنين وثلاث لأن موضوع الطلاق نهائيا موضوع مو بسيط وانتي استخيري سواء برجعتك عنده او بطلاقك منه وغير كذا لازم يتدخل احد من برا زي شيخ معروف عندكم او كبير العيله واستشيروه بالموضوع وخليه يسمع من الطرفين وهو يحكم اذا فيه فايده بالرجوع له او لا لأنه رجل بهذه الصفات ممكن يسوي اي شئ بزوجته وعياله وخصوصا انه يضربك ويضرب عياله وغير كذا طردك من البيت وانتي حامل !!!!! |
| الساعة الآن 04:24 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©