بس أبغى أعرف خطيبي طبيعي ولا لا ؟!
 

بسم الله الرحمن الرحيم

السلاااااااام على الجميع ..

السالفة ومافيها ..

انو أنا لسا بالأمس جاية من السفر دام لمدة شهر ..

وكنت انتظر بفارغ الصبر انو اوصل بس عشان اقدم لخطيبي هدية ..

متحمسة عالآخر .. رحت وغلفتها أحلى تغليف ..

وماقدرت أصبر أبد .. فطلبت من اخوي اليوم انو يكلمه قبالي على السبيكر

ويقوله انو راح يجيب له غرض مني ..

بس مدري حسيت لما كلمه اخوي ببرود فيه مو طبيعي

وكأنو الموضوع عااااااااااااادي جدا ..

حتى الله يعطيها العافية ماقالها .. اكتفى انو يقول مافي داعي (قالها يمكن عشر مرات)

قلت يمكن لما يقابله اخوي غير .. استنيته يقول شي ..

بس جا عااادي .. وقال ولا شي ..

أمه ..أخته ..ما أحد كلم تحمد لأهلي بالسلامة ..

والمفروض ملكتي تكون بنص السنة الجاية بعد خطوبة عمرها 3 سنوات

والصمت قائم من طرفهم من بدت الإجازة ..حتى الخالة اللي كانت تسأل

عن نتايج دراستي ..ماسألت ؟!


تظنون الموضوع طبيعي ؟؟

لا تدققين على كل شيء عشان ما تتعبين!
اكيد انتي نفسك تجيك فترات تنقطعي عن اقاربك وما تسألي عنهم؟؟ بعدين حماتك خلاص لازم انتي تكلميها تسألي عنها! وخطيبك اكيييييييييييد محرج وما يبي يبين لأخوك .. احس الرجال دايم ردة افعالهم عكسيه ههههه يسوي نفسه عادي وهو مبسووووووط ... الله يوفقك وطمن بالك :)

الله يستر !! ماابغا اخوفك بس اشوف الوضع مو طبيعي ابدا..

انا جديد في المنتدى وسجلت علشان موضوعك


خليني احط نفسي بموقف خطيبك

ويجيني اخوك ويقول معنا غرض لك

يا شيخة والله والله والله والله اني غير اسكت واقول ليش تعبتوا حالكم ((وردة الفعل هذي مو اني مو فرحان )) بلعكس افرح

بس كذا ما اقدر اصارخ وافرح كذا عيب استحي لازم اصير ثقيل ولا اهل الحرمة وش بيقولون عني لازم اسكت وبعدين اختي نصيحتي لك لا تدققين في كل شي وربي بتتعبين كثير

والله ماحد جايب لي الاحباط كثر خطيبي ..

قلنا اثقل بس مو كذا ..وربي صرت اشك انه مغصوووب علي

بروود موطبيعي ..

مرة يتيمة بس هي اللي عبر فيها .. ولاعاد عادها

مابدقق على كل شي ..بس يضيق صدري لأني ما أحس بمثل اللي مخطوبات مثلي ..!!

طبيعي طبيعي طبيعي لو انا مكانه سويت نفس الشي

اخوك تعبت اعطي

انا اشوف الوضع طبيعي جدا وخاصه اني مخطوبه 4سنين ويمكن خطيبك زي خطيبي انا خطيبي ينحرج يقول اي شي عني قدام الناس لكن معايا غيييييييييييييييييير صدقيني ينحرج انا عانيت قبلك بس بعدين اتعودت وعرفته
اما عن اهل زوجك وانا بعد تجيني فترات اهل زوجي مايدقون بالعكس احنا نسأل ويش فيهم مو بس هما يسألون حتى انتم
ربي يوفقك

أولا انتو توكم مو متملكين ..

ثانيا ..رده جدا طبيعي شلون تبينه يرد

ثالثا ..اللي صار صار بس ماكان المفروض تودين له هدية ..وانتو توكم ماتملكتوا

ان شاء الله مايصير الا كل خير

الله يكتب لك الخير

الله يجازيكم كل خير ..

انا اتفق مع الاخت أمة الله

الرد كان طبيعي جدا .. وهذا مايسمونه بروود ..لو كنت مكانه بقول نفس الكلام اصلن

هل انتي متواصلة مع اهله بالتلفون او بالزيارات او غيره ؟

يمكن ماصارت الام تسأل بسبب الانشغال مثل ما قالو الاخوة .. ويمكن لانك ماصرتي تسألين وهم ينتظرونك تسألين .. الامر اكثر من طبيعي .. وترى لو بحط مكاني مكان هالشخص .. وبسمع انك جبتيلي هدية .. ماراح اعرف انك كنتي متلهفة وغلفتيها وماقدرتي تصبرين عليها لان كل هالاشياء انا ماشفتها في عيني ولا دريت فيها ولا حسيت فيها .. انا مجرد سمعت انك جبتي هدية فقط لا غير ,, فى بتكون ردة فعلي مثل خطيبك .. الله يتمم زواجكم على خير

تحياتي

من يوم قلتي انه قال ماله داعي اكثر من عشر مرات عرفت انك انتي اللي تفكرين تفكير موطبيعي

يا اختي الكريمة ممكن يكون مستحي او مايعرف يرد في مثل هالمواقف الجديدة عليه

نصيحة لا تفتحين باب للشيطان عليكي حتى لا تتعبي في الاخير


اتمنى لكم حياة سعيدة وعقبال ما تتملكون قريب وتنسين كل هالوساوس

عزيزتي..

خطيبكِ يحترم نفسه (كرجل) .. وكونه يحترم نفسه فمن (الطبيعي) أن يكون حريصاً على الظهور بمظهر متزن ولائق أمام أخيكِ .. أما الفرح والسعادة واللهفة التي تتوقعينها فيفترض أن تكون معكِ أنتِ وليس مع أحد سواكِ.


أما أن تنتظري من أمه أن تتصل بكِ لتتحمد لكِ بالسلامة فأعتقد أنه لا يليق بكِ أن تتوقعي ذلك .. فأنتِ الصغيرة وهي الكبيرة .. يعني أنتِ التي يجب أن تتصلي وتسلمي عليها وليس هي.

اعتقد الوضع طبيعي جدا..








بالتوفيق ان شاء الله..