|
ارائكم ومقترحاتكم لاستقبال زوجتي بعد الاربعين.....!!!!
السلام عليكم ورحمة الله وبركاته
كيفكووووووووووووووون انا كنت كانت موضوع قبل شهر تقريبا وكان عن هدية لزوجتي بعد الولادة في هذا الرابط http://www.66n.com/forums/showthread.php?t=168642 والحمد لله رب العالمين اليوم زوجتي كملت شهر بالتماااام باقي 10 ايام وانا رتبت البيت ترتيب جديد غير اللي كان قبل ولادة زوجتي عشان القمورة لمار:14: ابي استقبلها استقبال حافل وابي تكفووون ملاحظاتكم واقتراحاتكم ابيها اذا جت تقول بنفسها ياليت اولد كل سنة ههههههههههه للمعلومية زوجتي بتطلع من النفاس 1 رمضان :24: استر ياستار ههههههههههه |
الحمد لله على سلامة زوجتك .. بما ان زوجتك راح تطلع من الاربعين على رمضان اذا دير بالك عليها ... لانها راح تكون مشغوله بطفلتكم و راح تحووووس بالمطبخ عشان تعمل لك فطووور و هي بالليل اكيد سهرانه و تعباااانه ... وراح يكون عليها شغل البيت ... فاحسن مكافئه لها اذا كنتوا عايشين لحالكم انك تخفف عليها من اعباء الفطووور و السحووور .. و تساعدها في شغل البيت .. و لا تتذمر اذا تأخر الفطووور كم دقيقه .. و لا تعصب اذا ما طبخت سحووور .. ولا تزعل اذا احترقت السمبوسه .. و لا تمد بوووز اذا صارت الشوربه مالحه شوي ... و لا تطلع من طوووورك اذا راحت عليها نووومه و ما صحتك من النوم عشان السحووور ... و تهذه المعامله راح تقول لك يا ليت اولد كل سنه ...:14: |
مايحتاج توصيني اختي
هي بالقلب قبل العين بس ابي افكااار ابي اقلب الشقة واخليها كوووووشة |
والله حتى انا ابي استفيد ،،، يلا همتكم يا الزوار .
|
مشاء الله عليكم وتبارك الله الله يحميكم من العين والله يديمها عليكم سعاده يارب
وانا اتوقع لو البيت ينظف تمام وتبخره وتحاول تغير في اثاث غرفه النوم مثلا او اذا ما قدرت تغير في اماكن الاثاث مع اضاءات حلوه وتوزع شموع في الغرفه وتحط طاوله وتزينها بالشموع والورد المجفف وتشتري قاتوه مكتوب عليها عباره حلوه وعصير وتجيب عشا من بره هذا اللي عندي واتمنى تعجبك ولو لقيت افكار ثانيه ما راح اتردد راح اكتبها هنا ان شاء الله .. |
نسيت ابارك لك على المولود ويتربى بعزكم ان شاء الله :)
|
لاتكلف على نفسكـ
المراه ماتبي الا ابتسامه حضن دلع بسسسسسسسسسس |
أفهم أنا عشان نحاول نساعدك عطنا أول الخيط عشان نكملك الباقي.. عطنا من بنات أفكارك كم فكره واحنا نحاول نطورها لك لو هي محتاجه تعديل أو اضافه..الله وياك ومبروك العروس ومن أحسن تربيه البنات كان له منزله في الجنه والبنات أحن الكائنات البشريه وبكره لما تصك 60 تتذكر كلامي في لمار..
|
اهم شي الهدية مثلا جوال اخر موديل ساعة فخمة عطورات لوشنات جسم اشتر بعض التحف للبيت مفرش سرير هاذي افكاري
|
اخوي اذا كانت عندك ميزانيه
روح لمحلات الكوشات وسووا لك حركه بسيطه في الشقه من بالونات وشغلات ثانيه وكمان تقدر تروح لمحل حلويات وتسوي تورته صغنونه على قدكم وكمان تقدر تسوي حركه رومنسيه في غرفة نومكم اما عن طريق محلات الكوشات او انت بنفسك اذا عندك هذه المهاره واشتر لها بدلة نوم على ذوقك انت وموسيقى حلوه هاديه وربي يسعدكم ويهني لياليكم بس على فكره عادي البزوره تخرب عليكم جلستكم وانتبه للعطور والبخور لاتحط كثير عشان لاتمرض البنوته والف مبروك عليك الابوه والف الحمدلله على سلامه ام لمار يا بولمااار |
الحمد لله على سلامة زوجتك فكرة توته حلوة وعجبتني
|
بالعكسس المرأه تحب الهدايا وتحب الحركات ذي ...
انا من رايي ... جيب لها هديه فخمه ... ياجوال جديد يا ذهب ... اكتب لها رساله حلووووة باسلوبك.... احجز بفندق هذيك الليله احسن من انك تحوس البيت وزحمه بالونات وردي وشرايط ورديه ساتان ... انفخ البالونات واربط حولها الشرايط على شكل فيونكه وروح سيتي بلازا واشتر من الشمعات الورديه .... وفازات اللي ن القزاز الشفاف عبها موية واشتر اللون الخاص بالمويه موجوده بسيتي بلازا اشتر لون وردي وشمعات صغير تسبح في هالماء الوردي بيطلع شكلها حلوووو مرررة انا جربته ايام نفاسي يوم كان يجوني ناس كانت اشكالها روعه مررررررره .... وتمنى لكم ليله سعيده |
يا سيدي ألف مبروك:14::14: وليلة سعيدة لكمابصراحة اسعدني طلب اقتراح لتفاجئ زوجتك العزيزة ( الله يحفظها ) استغل فرصة وجود التخفيضات وجيب لها قميص نوم من نعومي عندهم 70% تخفيض ( احنا الحريم نحب هذه الاشياء ) على طقم عطور من الاعشاب الطبيعية مثلا من نكتار عندهم عطر اسمه ( أفتر تولف) بصراحه محد جربه الا عجبه ولأن زوجتك تخرج من النفاس ب1 رمضان لازم تزين البيت باللمبات الصغيرة وبعض الزينة أو على الأقل غرفة النوم على شموع صغيرة تكتب بواسطتها كلمة أحبك وياليت تجيب لها هديه كانت هي تتمناها زي جوال ما أبغى أقلك ذهب لأن الذهب غالي أو أي حاجه كان نفسها تجيبها وطبعا أحرص على هدوئك معها ومساعدتك لها لان رمضان يحتاج لمساعدة |
زبط البيت بالشموع والورد والهديه هذا اهم شيء
|
وش رايك تحجزون فندق هذاك اليوم
صدقني احسن من البيت وزحمته ورتب غرفة الفندق بشموووع وورد وكيكه خلللوه وهديه مرتبه وبالليل روحوا تعشوا في مطعم حللللووو مثلا انت احجز بالمطعم من بدري واتفق معاهم وعطهم الهديه يجيبونها لكم بعد العشا مثلا عشان تتفاجئ زوجتك انت باي مدينه .. لو بالرياض اعلمك على اسامي مطاعم رووعه ويسوون حركات مره حلوه للمناسبات اذا طلبت |
ألف مبرووك المولوده..
حياتي أليمه ياليت تذكرين اسامي المطاعم .. |
الف مبروك على النونو الجديدويتربى في عزك ويكون يارب ولدصالح لك ولامه.
اناعندي فكرة بسيطة اذا تقدر تسويها .تغيرلمبات البيت كلها مثلا لون اخضر اواصفر او حتى احمر اي لون تحبوه واذا تقدر تغير عفش البيت بهذا اللون واذا ماتقدر غير لمبات غرفة النوم او الغرفة اللي بتقعدوا فيها وتفرش السرير نفس اللون وتحط سجادات صغيرة على الارض او الحائط مشكلة برضه نفس اللون وتشتري شموع نفس اللون وتحطهاعلى الغرفة كلها ولو عندك طاولات صغيرة حطها بالغرفة بشكل مرتب وافرشها مفرش نفس اللون وحط عليها نفس الشموع اللي في الارض وحط شموع تحت الطاولة بنفس الشكل اللي رتبت فيها الشموع فوق الطاولةاتمنى تفهم كيف اقصد تحط الشموع في ارض الغرفة كلهاوعلى الطاولة وتحتهاوتنثر ورورد وكلها نفس اللون او متقاربةبين الشموع كلهااللي في الغرفة .اعتقد بتشوف البيت او الغرفة شي ماقد شفته وهي مارح تعرف البيت خصوصا انه بيكون بلون موحد وانشالله تتفاجئ لان اكثر شي يحبوه الحريم المفاجات.واتمنى اكون ساعدتك او حتى اعطيتك لمحةعن الاحتفال الصغيروالله يسعدكم .تقبل مروري |
ماله داعي تصوم هالسنة 3 شهور :o
:D:d:D أنتبه لعمرك |
يعطيكم الف عافية على مقتراحاتكم
انا اشتريت قميص نوم من نعومي صراحة عندهم تخفيضات روووووعة واشتريت عطر اللي يجي طقم عطر مع مزيل عرق وكريم والهدية الاساسية خاتم غالي تقريبا بـ1800 وانا سألها قبل لاتولد قالت لي نفسي بخاتم وورتني اياه من زمان وجبته لها نفسه . باقي الحين طريقة تقديم الهدية فكرتي اني افرش السرير بورد مجفف على شكل قلب واحطها داخل القلب طبعا مع شموع واللي عنده فكرة غير يقول لي استقبالي لها 5 رمضان ان شاء الله تحياتي لكم وشكرااا بعنننف ابو لمار |
| الساعة الآن 09:58 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©