|
**لسكان المنطقة الشرقية و زوارها **
السلام عليكم ورحمة الله وبركاته
المنطقة الشرقية تلك التي لم أزرها إلاّ مرتين في حياتي أسبوع في بداية زواجي ويومين آخرين لحضور حفل زفاف أحد أصدقاء زوجي.. وبالرغم من ذلك أحببتها عشقت صفاء بحرها..والهدوء فيها ولا أنسى طيبة وذوق أهلها.. وتتحق أمنيتي في زيارتها للمرة الثالثه سأسافر بإذن الله مساء الأربعاء ولمدة 10 أيام متواصله.. _ كيف الجو عندكم يا أهل الشرقية؟ _ أتمنى أن تدلوني على شقة مفروشة في الدمام مكونه من غرفتين أو غرفتين وصاله ويكون سعرها معقول.. تكون نظيفه ورايقه ومتوفر بها مطبخ كامل لأن الزيارة ليست سياحه بل عمل لزوجي.. وتكون قريبة من فندق الشيراتون بالدمام _ ما الأماكن التي تنصحوني بزيارتها (غير الأسواق) لأني لاأذهب إليها إلا لحاجه. _ ماهي المطاعم التي تنصحون بزيارتها( وتكون جلساتها مغلقه وليست مفتوحه) ..وسأكون شاكرة لكم.. |
ماراح اكذب عليك الدمام او المنطقه الشرقيه بصفه عامه رطووووووووووووووبه
بالنسبه للشقق عندك شقق زهرة اللوتس رقم 1 و2 كلهم قريبين من الشيراتون واسعارهم ما ادري عنهم حاليا لان الحين عطله ومثل ماتعرفين الاسعار راح ترتفع بالنسبه للمطاعم عندك مطعم ليالينا هذا يكون ع الكورنيش وفي جلسات مفتوحه وجلسات مسكره وطبعا مطله ع البحر مطعم لفانا جلسات مسكره بس اكل جونان كوبر شاندني او المطعم الهندي جلسات راقيه مسكره واكلهم لا بأس به مطعم دارين مطعم مخصص للمأكولات البحريه بس اكلهم مو صاحي مطاعم فلفله اكلهم حلو بس دايم زحمه عندهم وازعاج يعني اذا رايحه لجلسه رومنسيه لاتختاريه عندك بالخبر في مطاعم ع الكورنيش اكلهم جنان مثل مطعم التنور الصيني مطعم تشيليز هذا مطعم غالي بس اكله حلووووو خصوصا البطاطس المهروسه يميييييييييييي هذا اللي في بالي حاليا اذا ذكرت شي راح افيدك ان شاء الله |
بالنسبه للترفيه عندك قريه الدولفين
وطبعا الكورنيش والحدايق الترفيهيه |
مشكوره توتة زوجها الله يعطيك العافيه
ومطعم ليالينا أكيد راح نزوره مره ثانيه لأن جلساته تاخذ العقل.. |
سؤال آخر :.
ماهي الأحياء القريبة جداً من فندق الشيراتون؟ |
شوفي حبيبتي والله انا اقول لو تاخذون لكم يومين بمنتج الهوليدي ان بعد بتبسطون او حتى لو يوم بعد ماتخلصون عمل زوجك
وبالنسبه لشقق بالدمام مدري والله ما اقدر افيدك لاني ما ادري وشو الي قريب من الشيراتون طبعا الرطوبه خفت والله وفيه هوا بس سموم تقريبا :d بما انك ماتبين اسواق فتقدرين تروحين سايتك بكورنيش الخبر مررره رااايق طبعا هو مركز علمي وفيه سينما ثقافيه ثلاثيه الابعاد متعه الصراحه وبعد تقدرين تروحين لبحر العزيزيه والهافمون وكورنيش الدمام والخبر ومرو على الشبيلي هاي رايز مرره هدوء ورايق وبالنسبه للمطاعم طبعا فيه مطاعم كثير بس ابذكر لك الغير عالميه والي فيها بارتشن عندك دارين وعندك البانوش بحريات عن نفسي اخق مع البانوش اكثر وعندك ابو نواس بالخبر يوم الجمعه يسوي بوفيه على الغدا مررره لذيذ وعندك بعد القريه الشعبيه بكورنيش الدمام جلساته شعبيه اكله لذيذ بس غالي على غير سنع وعندك بيت التنور و اوليفيا غاردن مرره اكلهم لذيذ واذا تبون شاورما على الماشي :) لاتفوتكم شاورمت الدجاج من شرنبي وشاورمت اللحم من رمانه لذيييذه تلقونهم بواجه الخبر الجديده واذا تذكرت شئ رجعت |
هلا والله بجينز
اقتباس:
:d :d مدام فيها بحر مو مشكله..كله لعيون البحر يهون..:25: والله فكرة المنتجع مررره في بالي ونفسي فيها بس الله يقويني وأقنع زوجي.. تسلميلي الله يعطيك العافيه.. |
حياك الله حبيبتي وان شاءالله تنبسطين في الشرقيه,بالنسبه للجو مثل ماقالولك الاخوات الي قبلي,والشقق الي حول الشيراتون فهي كثيره بس ماعندي فكره عن أسعارها,المطاعم انصحك بتشليز,بيت التنور وفندق الميريديان عنده بوفيهات مفتوحه متنوعه يوم بحري يوم مشاوي يوم عالمي,بس غالي شوي ,عندك ابل بيز على كورنيش الخبر,ستيك هاوس,فدركرز بمجمع الراشد,جاندولا اكله ايطالي, المطاعم كثير مايمديني اعددها كلها,وبالنسبه للمجمعات انصح بزيارتها والقاء نظره عليها يعني حرام توصلين للخبر والدمام وماتشوفين مجمعاتها وخصوصا ان 10ايام كثيره والجو مو على كل حال حلو للبحر والكورنيش
|
السلام عليكم
بالفعل المنطقة الشرقية من أفضل مناطق المملكة فهي هادئة و جميلة و بها الكثير من الأماكن السياحية منظمة منتجع الهولدي إن على شاطئ نصف القمر مكان مميز لكن أسعاره ليست رخيصة وفقكم الله |
انصحك بالسكن في الخبر فهي رائعة وفيها جميع الخدمات والفنادق والمطاعم والاسواق ، وأنا كلما ذهبت للشرقية لا أسكن إلا في الخبر فهي بالفعل درة الخليج عكس الدمام ففيه الزحمة ، والمسافة بين الدمام والخبر قصيرة ليسة بتلك المسافة الطويلة
|
والله لجو ما يحمس...
انا جيت ولزقت في البيت حر ما اقدر اطلع.. ن شاء الله تزورينا بالشتاء... مره حلو الشرقية... الشقق ما اعرف شئ... اذا فيه مادية روحي للشاليهات العزيزية مره حلوه... اذا فيك اسكني بالخبر احسها احلى من الدمام.. خصوصا الدمام شوارعه مقلوبه فوق تحت... حفريات... لازعلون يابنات الدمام احاول سرقة ضيفتكم... روحي للبحر... وادخلي كم مجمع.. حلو الظهران مول.. وفينيسيا..والمطاعم على كورنيش الخبر مره حلوة.. ولايفوتك الشبيلي... زيارة ممتعه |
سلطانة نفسهاأ
طياف الكسائي دلوعه ومبسوطه(بإذن الله) جزاكم الله خير على تواجدكم الطيب وإفادتكم زي ماقلت قبل الروحه كلها عشان العمل زوجي عنده انتداب هناك.. فما أتوقع إني بأطلع كل يوم وخاصة إنه دوامه طويل ومايرجع قبل الساعه 5.. وبالنسبه للأسواق سبحان الله ماأحب أدخلها إلا لو كنت محتاجه شي أما إني أتمشى فيها بس ماأحب..:25: وبالنسبه للشاليهات أتمنى والله وإن شاء الله ربي ييسرها لو يوم واحد.. وبالفعل أخي الكيسائي كل مره كنا نسكن بالخبر بس زوجي يبغا شي قريب مره على محل انتدابه.. |
سؤال يسدح نفسه أختي الحلم هل برفقتكم أطفال أم لا لكي أستطيع افادتك بالأماكن المناسبه..تقبلي فائق احترامي..
|
لا لسا ربي مارزقنا..
بانتظارك.. |
حياك الله في الشرقيه بتنور بوجودكم اختي
بحاول افيدك بالي اقدر عليه الجو رطوبه عدل بس هاليومين خفت الرطوبه اشوي اما الشقق اسفه ماعندي خبره بالشقق اما الاماكن عندك الكورنيش بالدمام حلو وكورنيش الخبر ايضا.. اما المطاعم ..عندك مطعم الكورنيش مره حلو ومطعم ابو نواس ومطعم البحار ومطعم الصيني..ومطعم دارين ومطعم ليالينا.. واذا عندك اختي اي استفسار ماراح اقصر والجميع ماراح يقصروا |
أختي الحائره..
منوره بأهلها الطيبين أمثالكم شاكره لكِ تواجدك هنا.. لكِ ودي.. |
الله يحييك بالشرقيه وعقبال ماتزورونا مع كتاكيتكم والله يرزقكم عاجلا غير آجل..
الجو عندنا من دون مبالغه كأنك داخله حمام سونا..حر ورطوبه خياليه.. التفاصيل الباقيه الليله ان شاء الله اسدحها لك هنا..الله وياك |
اهلا"وسهلا" بكم بالشرقيه بالنسبه للشقق المفروشه القريبه من الشيراتون والتي تطل على البحر فتوجود في اطراف الاحياء التاليه : طلال والشاطى والمباركيه والحمراء.ولديكم فرصه زيارة سوق الخميس بالقطيف من الصباح الى الظهر وكذلك منطقة دارين بالقطيف وتطل على البحر وسوق السمك بالقطيف ويعمل ليلا" فقط ولديكم مطاعم منتشره على كورنيش الدمام والخبر علما" بأن بمول الراشد بالخبر يوجد مطاعم وكارفور وبمنطقة الظهران مول مجمج الظهران ويوجد فيه مطاعم وجيان ومقابله هايبر بندة واذا لديكم فرصه لزيارة البحرين فيفضل الاتجاه الى الجسر ويوجد فيه مطعم اعلى البرج ويفضل الذهاب الصباح الباكر لتلافي زحمة الجسر واهلا"وسهلا"بكم والحمدلله بدئة تخف الرطوبه ولايوجد سموم .
|
عدنـا :D
اختي الاحياء القريبه من الشيراتون هي حي الشاطئ وحي طلال والكورنيش والله يسلمك اذا خليتي فندق الشيراتون على يمينك بعد الاشاره اخذي يمين تلقين الشقق والاجنحه الفندقيه على يساارك مليانه المنطقه هناك وبنفس الوقت يكون الشيراتون لمكم :d ايه صح بنفس شارع الشيراتون مليان مطاعم اختارو الي يعجبكم وبالنسبه لجندولا في الخبر اذا تحبين الايطالي ترا خقااااااااااااااق بس غالي شوي بس والله يستاهل وترا مافيه بارتشن بالنسبه لي اقلمت نفسي اكل بنقابي هههههه <<<<تحسين اني بربرتي كثيره :) فمان الله |
مشكورين الله يعطيكم العافيه ماقصرتوا
أنا الآن في الدمام والجو اليوم أفضل وخفت الرطوبه.. جينز .. أهلاً بعودتك:d وبربرتك بالعكس حلوه:22: لقينا شقه في الشاطئ الشرقي بنفس الوصف الي وصفتيه ماشاء الله عليك.. وأنا برا عادي عودت نفسي على الأكل بالنقاب بس ماقد جربتها في السعوديه.. |
السلام عليكم
عند الواجهه البحرية في الخبر والهافمون والعزيزية والشبيلي كلها اماكن حلوه والمطاعم عند مطاعم ابو نواس وايضا في مطعم حلو اسمه بندو خان اذا كنت تحبين الاكل الحار ( سبايسي ) وفيه مطعم حدائق دمشق وفيه مطعم مغل كلها في الخبر وممتازة اذا كنت تريدين البخاري فافضل مطعم هو شواطئ الخليج اما المجمعات في الخبر لوحدها الراشد - فانيسيا - الخبر بلازا - الخبر مول - العيسى - الجلاريا - الخبر مول - فؤاد سنتر - القصيبي - الجمعة الفنادق المريديان - الهوليدي ان - القصيبي ( اذا كنت تبين رخيص فيه فنادق كثيرة داخل الخبر ) والشقق مااكثرها ارجو اني وفقت |
جزاك الله خير..
شاكره لكم تواجدكم الطيب والمفيد.. |
| الساعة الآن 02:13 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©