|
تصرفات غريبه من زوجي
السلام عليكم ورحمه الله وبركاته ..
والله اني متضايقه وما اعرف كيف ابدا واشكيلكم همي .. كنت اظن ان البنت يوم اتعرس اتكون سعيده بس ظني مب فمحله الزواج هم ونكد وحزن (بس مب عند كل الناس ) .. نطلع من مشكله ندخل فمشكله ثانيه .. مب مرتاحه فحياتي .. حزينه وحزني بسبب ام زوجي اللي بتخرب بيتي .. هي دائما السبب فكل مشاكلي مع زوجي .. صرت ادعي عليها بان الله ينتقم منها ويبليها فبناتها مثل ما اتسوي فيني .. زوجي من النوع اللي ما يفكر اذا هالشي غالي ولا رخيص يشتري كل اللي فخاطره يحب انه يلبس احلى الملابس والماركات العالميه .. يعطيني الحمدلله مصروفي الشهري بس مشكلته انه كل شي بينا يقول لامه بس باقي يقول شو يستوي بينا فالجماع .. مره كان عندي عرس خالتي بغيت افصل فستان حلو لانها بتكون اول طله لي بعد العرس .. سرت عند مصممه والمصممين يوم بنفصل شي عندهم لازم يكون غالي اخترت فستان قالتلي على 6000 الاف درهم قلت وايد وعقب اتصلت فيه وقلتله اختر فستان بهالسعر افصله ولا لا ؟ قالي مب مشكله فصليه انا فرحت وفنفس الوقت استغربت .. كنت فبيت امي وعقب مر عليه عشان انرد البيت وفالسياره صرخ عليه وما تم كلمه ما قالها لي كان يصرخ عليه لدرجه اني كنت احط اصابعي فاذني .. والسبب اني يوم خبرته بفصل الفستان بالسعر هذا رد البيت وخبر امه وهي طبعا مادري شو قالتله .. المره الثانيه كنا مسافرين علاج لامه واخته وكنت بدخل اتسبح وهي غسلت لبسها وحطته صوب الرشاش قلتلها عمتي انا بتسبح يمكن الصابون يي على ملابسج قالت لا عادي ودخلت اتسبح ويوم طلعت اشوفها اتصيح .. سالت زوجي ليش اتصيح قالي قومي عني وخليني انام .. انا طلعت برع الغرفه سحبني بالقوو لدرجه ان يديه عورتني وطيحني عل الارض وانا حامل حتى ان يديه ازرقت من قوه الدفعه سكت ما قلتله شي .. من يومين هو راجع من السفر وعطاني بطاقه البنك عشان اسحب واشتريلي للعيد .. انا خلصت كل شغلي ب3600 اشترت لبعد الولاده اغراض لان محد يوديني غير اهلي السوق هو ما يفضى مول لي حتى الطلعه يمكن اطلع معاه بثلاث ساعات من السينما للبيت فقط مره فالاسبوع .. وصرت ما اعرف اشتري شي معاه اذا هو بحاجه لشي يوديني معاه والله اني ما اشتري لنفسي شي وطبعا انا ما اشوفه غير وقت الرقاد .. وبعد جهزت اغراض البيبي تقريبا خلصت نص الاغراض فانا سرت البيبي شوب واشترت اغراض ومن محلات ثانيه بعد لان امي قالتلي ما بتوديني.. والرمضان قرب وعقب مدارس فمحد بيفضالي .. واذا سرت معاه ما بعرف شو اشتري لان هذا اول طفل لي وما عندي اي خلفيه عن الاقمشه الزينه وهكذا .. فطلع كه تقريبا 8000 درهم او اقل .. (اغراضي واغراض البيبي) هو مسغرب فكره اني انا كله صرفته لنفسي ما يعرف اني اشترت للطفل ويوم قلتله انا شو اشتريت ما قالي شي مول .. فجاه اليوم الثاني اشوف امه يتني اتقولي انتي صارفه 10000 الاف فاسبوع وأي وحده غيرج على طول ريلها بيطلقها اول شي نصحني وعقب يوم قلتلها انا وريلي بتفاهم قالت لي انتي بنت فقر وفبيت اهلج ما كنتي اتحصلين 1000 درهم ونعولج من سوق الفلاني (سوق الغوير بس انا اول مره اسمع عن هالسوق) واذا ما حافظتي على مال زوجج نحن ما نباج وان زهبتي ما تسوى 5000 الاف درهم انصعقت وانصدمت ما رديت عليها بشي بس قلتلها الحمدلله والشكر لله (هي من النوع البخيل جداا ) وطلعت من غرفتي .. ادري اني صرفت ولازم احافظ على مال زوجي بس والله ان كل شي غالي وانا ما لعبت بالفلوس اشترت اشياا لي ولطفلي لان محد بيوديني .. والله اني اشوف نفسي الزوجه المثاليه .. تعاملي معاه بكل حب .. اتقبل كل كلامه واحترمه .. مع انه مقصر فحقي .. اذا قالي كلمه لا ما سرت وعاندت فيه .. اذا غلط عليه سكت عنه .. اتصل فيه اسويله العشا ولو اخر الليل لان يرد فوقت متاخر من الليل تقريبا قبل الاذان الصبح بساعه ومره وقفت ضد اهلي عشانه (في ايام الملكه) كل همي اشوفه مستانس .. ماذا افعل ؟ حزينه .. ومستحيل اعامل امه مثل قبل بتجاهل وجودها لانها مست فكرامتي واهانتني .. الله يفرج همي وهم كل متزوجه تعاني من زوجها .. ليش الازواج قاسين نحن مب لعبه فاييديهم .. نحن لنا قلب يحس .. الشكوى لله والسموحه على الاطاله |
الله يعينك ويصبرك أختي!
|
وعليكم السلام ورحمة الله وبركااته
اول شي يا حرم المرزوقي انتي ساكنه مع هل ريلج ؟ ثاني شي هل حاولتي تلمحين له من بعييييد عن وحده مثلناً مسكينه خسرت زوجها بسبب نقلها للحكي اللي يصير بينها وبين زوجها ، او العكس ،، عشان يفهم بس ان كان يلقط وهي طايره لاااازم تضبطين الموضوع ، عشان ما يحس ان الكلام عليه وعقب يطيح الموضوع على راسج اذا لمحتي له اكثر من مره وما فهم ، حاولي تصارحينه ،، وان شاء الله يفيدونج اصحاب الخبرااات وانتي بعد دوري حوولج من هنا ولا من نااك شخص كبير وتثقين فيه وترى احتمال عزيزتي انج بالغتي بالأسعار مانبي نقلب بالقديم ، خليج باللي جااي ،، كل الامهات تبي تحافظ على فلوس عيالها بس بنتها ، تبيها تسافر وتروح وتسوي كل شي بخاطرها ، بس ولدها لااااااااااا هالشي طبيييعي جداً بس وسعي صدرج الحين وان شاء الله لي عوده |
الله يكون في عونك ويفرج همك
|
السلام عليكم
أختي الكريمة بصراحة أنا أشوفك مبذرة أولا فستان سهرة 6000 في ليلة وحدة لو أنا مكانك وخصوصا أني حامل بشتري فستان حمل أسود ساتان بأقل من 200 وببان أنيقة وشيك ثانيا أغراض العيد والولادة 8000 هذا راتب موظف في شهر كامل لعلمك الأطفال بتكبر بسرعة وكثرة الملابس مش في مصلحتك وليش لتشتري كل الأغراض من البيبي شوب في محلات ثانية ممكن تجيبي منها وبأسعار أرخص مثل ماكس أختي الكريمة الحياة كل يوم أصعب وحتى لو عندي فلوس مش بالضرورة أصرفها كلها فكري بمستقبل أولادك وأيامهم الصعبة ثالثا لو أنا مكانك وزوجي بيقول كل شيء لأمه أكسب رضاها مثلا لما رحتي تتسوقي للبيبي ليش ماأخذتيها معاك وكانت فرحت لأنك قدرتيها وبعد ما تكسبي ودها هي التي ستحاول منع زوجك من السهر برة لوقت متأخر وكذلك تستطيعين الذهاب لزيارة أهل زوجك أو دعوتهم عندكم وبذلك تضمنين وجود زوجك في البيت أو على أقل تقدير وحتى لو كنتم تعيشون في نفس البيت اجلسي مع حماتك وتوددي لها وهي من سيلاحظ غياب زوجك بعدين بالنسبة لموضوع ملابس حماتك والحمام المفروض ماتسأليها وتشيليها لأنها أكيد بتبل أنا أول ماتزوجت كان زوجي يروح البر مع ربعه ويرد الساعة أرع الفجر قمت أقولة وأنت ساير عند ربعك خذني بيت أهلك وهنا الحل لأنه لو تأخر بيكون محرج من أمه وهو راد متأخر وبذلك قصيت ريله عن ربعه بدون مايحس وأخيرا الواقعية شيء جميل وكويس الانسان يشعر بقيمة الأشياء وحماتك من هذا النوع وهي مش بخيلة ونصيحة حاولي تستفيدي من خبرتها لأنها البركة التي ستحيط بك لو كسبت رضاها دعائي لك بالتوفيق |
بصراحه انتي مسرفه شوي
انا تجهيزي لبنتي من ملابس للاغراض الثانيه من الصيدليات كلها مازاد عن 3000 ريال انا ماشريت لنفسي شي ملابسي ماليه الدولاب ليه اشتري اكثرر المهم بالنسبه لام زوجك لازم تفهمي زوجك ان هذي الاشيا تسبب طلاق والله يهديه لك |
الام شايفه ولدها موعارف مصلحته وين
وفعلا معاها حق بس طريقتها بالحوار جدآ غريبه يمكن هي عصبيه ! الله يهديها بس ... وانتي حاولي توفرين حبتين لكم .. خصوصآ ..انك ببداية حياتكم .. وتقومين بالسلامه .. |
من وجهة نظري كلكم غلطانين .. انت بصراحه مسرفه يمكن انت لسه صغيره و هذه الامور من تجهيزات جديده عليك لكن ما يمنع انك يعني ما تصرفي كل هذه المبالغ .. زوجك كمان غلطان انه ينقل كل اخباركم لامه .. وثانيا لازم يحدد لك مبلغ معين ما تتجاوزينه مو يخليك على كيفك .. ام زوجك ايضا غلطانه بتدخلها بهذا الاسلوب .. يفترض انها كبيره في السن و عندها خبره في الحياه .. بدل ما تحتويك و تعاملك زي بنتها و تنصحك و توجهك تصير تتصرف بهذا الاسلوب المنفر .. معلش اختي اذا مره ثانيه رحتي السوق لا تنسي تشتري هديه بسيطه لام زوجك مثل جلابيه بسعر مناسب او عطر ايضا بسعر مناسب عشان تكسبيها ... خاصه اني فهمت انك ساكنه معها في نفس البيت عشان انت راح تحتاجينها انها تساعدك في تربية مولودك .. وربي يقومك بالسلامه .. |
شنوووووا هالاسراف .. فستان بـــ 6000 ريال ... لا لا مو معقول .. حتى لو عندكم خير ما يجوز تلعبين بالفلوس كذا غيرك مو لاقي لقمة عيش تسد جوعه .. أنا زوجتي تكاليف لبسها هي مع بنتي في زواج أختي قبل كم يوم بــ 1000 استأجرت فستنان بــ 200 ريال وفخم للغاية .. وشرت لها شوية اكسسوارات .. وشرت لبسة لبنتها ... وتزينت في الكوافير (( وكفى الله المؤمنين شر القتال )) الأم أكيد بتغضب لما نشوف فلوس ولدها تطير من دون حسبان .. حاولي تفكري زين ... واحتفظي بفلوسك لليوم الاسود لا سمح الله الله يهدينا ويهديك لادن لوف |
انت غلطانة لان مشترواتك سعرها عالي والله فيه فستان للفرح بأقل من 1000 واناقة وجمال ومشتروات الطفل يكفي 1000 منسرير وملابس قليلة لان الطفل يكبر وكل شهر يحتاج ملابس جديدة والاقتصاد في المشتروات من حسن التدبير للمراة وليس بخل
وزوجك غلطان ببوح كل الاسرار الى امه وام زوجك كبيرة وتغار ويجب مداراتها لتكسبي ودها و ود زوجك اعانك الله |
اقتباس:
دمتي في حفظ الرحمن ,, |
غاليتي...
كنت اسكن في بيت أهل زوجي، حاولت ان لا اتقوقع مع نفسي و اندمجت في بيئتهم، حماتي ما سميتها عمتي و لا غيره سميتها "ماما" ليش لأنها ام و لها كل الإحترام، كانت تحب تنتقد كثيرا و بعض تعليقاتها جارحه، حرصت على ان اتودد إليها منذ البدايه اصبحنا نتفاهم، سكنا مع اخوات زوجي الحبيب "بس ما حطيت راسي براسهم" كبرت راسي تغاضيت عن تعليقاتهن و قلة ادبهم معي بإبتسامه خبيثه و صمت، و إذا زاد الكلام ارمي نظره و اطلع من المكان، عرفت أفرض نفسي ككيان يستحق الإحترام و لله الحمد. كل مشاويري أقضيها مع "ماما- ام زوجي" حتى اغراض بيتي الجديد من بلاط و اطقم .....الخ كانت معاي، افادتني مشورتها كثيرا، و لا أخفيكي إني بنيت بجانب أهله و ما زلت اخذ بمشورتها للأن حتى بعد إنتقالي لبيتي، فهي أولا و أخير "أم زوجي و جدة عيالي" أصبحت ماما تحبني لدرجه انها تقف ضد ولدها لصالحي، و لا تتقبل إسأته لي. يجب غاليتي ان تنظري للمسأله بإيجابيه اكبر، لا تحكمي عليها بهذه السرعه، الصبر ثم الصبر، انظري للجانب المشرق من حياتك. و كاما غاليتي تتمنين ان تكون امك حفظها الله، يعمل لها حساب من زوجات اخوانك. كذالك أم زوجك، عامليها بما تحبين ان تعامل امك به. اعانك الله غاليتي، و سهل ولدتك على خير |
أعانك الله تعالى
|
الصرااااااااااااااحه اختي انتي مسرفه ؟؟؟؟
انا عندي طفلين وحامل .... جهزت ملابس العيد لعيالي ب1000 ريال ... وللمولود ب 700 ريال شريتله كل شي وشريت له كم طقم من البيبي شوب ومن ستي بلازا يعني موخرابيط .... مع ان بطاقة زوجي بيدي؟؟؟ ولايقولي لاتاخذين ... بالعكس يقول اشتري اللي تبين ... ياحبييتي .... حتى لو زوجك عنده حلال لاتتبذرين ... ام زوجك موغلطانه يحق لها تنقهر على حلال ولدها ... 8000 مرررررررررررررررررررة كثير في عرايس يتجهزون من والى ب10000 الاف .... اختي لازم تعرفين ان حتى لواهلك كانوا يعطونك ببذخ ترى حياتك مع زوجك غير ومهما عطاكي زوجك لاتبذرين لازم تعرفين انه لسه باول حياته ولازم يكون مستقبله من الان .. اتمنى مايكون كلامي زعلك . |
اقتباس:
|
اقتباس:
صح كلامج اختي .. بس صارحت ريلي وبكتب المسجت اللي كتبه له بعد ما ارد على كل الاعضاء .. ومشكوره اختي |
اقتباس:
|
اقتباس:
|
اقتباس:
مشكوره اختي |
اقتباس:
صح كلامج .. ومشكوره اختي |
اقتباس:
ان شاء الله .. وفكره الهديه انا بغيت اشتريلها بمناسبه العيد بس زعلانه وحاطه فخاطري مست فكرامتي واهانتني مشكوره اختي |
اقتباس:
فسعوديه الفساتين جدا رخيصه بس فالامارات اذا بتاجرون فستان اقل عن 4000 درهم ما تلقى انا فستان عرسي ب 10000 ما لقيت فستان اقل عنه واذا لقيت ملبوس فوق 3 مرات ومصفر لونه من كثر لبسه .. ان شاء الله |
اقتباس:
انا ساكته عنها ولا اهتم بكلامها مشكوره الغاليه |
اقتباس:
انا قلت لزوجي بنادي امك ماما قالي لا قوليلها عمتي .. اذا دخلتلها فحياتي وخليتها اتي معي ما بتهنى بالشي اللي اشتريه لانها بتم تختار على ذوقها وما بقدر اشتريلي ع ذوقي جربت مره كرهت حياتي هي عمرها 40 ذوقها غير عن ذوقي مشكوره غاليتي |
اقتباس:
|
اقتباس:
لا اختي كلامج ما يزعلني بالعكس صحيح .. مشكوره اختي |
ياختي اصبري فان الصبر مفتاح الفرج ولا تغلطين على امه لاقدامه ولامن ورائه
|
اول شي الزوج لابد ان يضع قوانين ومستوى معين للمعيشه بعض الازواج لو اشترت الزوجه شيء رخيص مايعجبه وتطيح من عينه حسب شخصية الزوج المفروض تعيش حسب مستوى زوجها ونظرته لها وبلاش مثاليات اذا زوجك يحب التوفير وفري لكن اذا زوجك مايملا عينه الا الغالي ورجل اعمال وكلامي هذا مو جديد والرسول صلى الله عليه وسلم كان يراعي احوال الناس .
1- عليك ان تجلسين مع زوجك وتعرفي بود وحنان مالذي يحب واي مستوى وكم المصروف ودعي صرفياتك من المصروف الذي يعطيه لكي انت تحكمي فيه بدون زياده . 2-مثل ماقالوا الاخوات عامليها بالحسنى واكسبيها . 3-هذه المشاكل باول سنوات الزواج وارده فلاعليك لن تستقر الحياه الا بعد ثلاث اربع بل ربما عشر سنوات لكي يتعرف كل زوج على طباع الاخر. 4-زوجك شكله خجول ومو ضروري امه تغيره بس هو متسرع وبعد اشوي ينقهر لمايفكر . |
كلكم مركزين على مشترواتها وانا الوحيد بعارضكم
لان سبب مشاكلها ما حاولت تفهم زوجها ان الحياة الزوجية في البيوت اسرار ولايمكن لاي بشر يعرف عنها |
اقتباس:
|
اقتباس:
انا لي مصروفي الخاص ولكن للعيد لا يكفي هذا المصروف .. هذا ما يخجل اللي فراسه يسويه من دون تفكير الله يهديه .. مشكوره اختي |
اقتباس:
|
| الساعة الآن 11:57 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©