|
كيف نعمل الفلافل بالبيت
كيفكم .....بدي أغلبكم:) حبيت أسأل كيف بنعمل الفلافل بالبيت بدي طريقه مجربه من الأعضاء وتكون نفس طعم الفلافل الي بنشتريه من المطاعم مشششششششكورين |
حبيبتى أنا مصرية طريقة عمل الفلافل الى هى الطعمية عندنا
كيلو فول مدشوش ربطة أو أثنين كسبرة خضراء بصلة كبيرة كام فص ثوم كرات مصرى ملح و فلفل و كمون و كسبرة ناشفة و شطة ناشفة تنقعى الفول المدشوش لمدة 12 ساعة ثم تفرمي الكل معا وتضعيه فى أكياس صغيرة فى الفريزر حسب كمية الأستخدام وعند التحمير تخرجيها من الفريزر و تضعى عليها بيكربونات الصوديوم أو بيضة بس أنا بحبها بالبيكربونات أحلى |
|
rere1000000.... ما هو الكرات ؟؟ الو اسم تاني؟؟؟؟؟
حامل المسك...مشششششكوره |
اتفضلي طريقتي المعتمدة وجدااااااااااااااااااااا لزيزة
كيلو حمص حزمة بقدونس حزمة كزبرة نص حزمة شبت نص راس توم (4 اسنان ثوم) 5 بصلات عادية او انا بستعمل الاخضر =6عروق بصل اخضر فلفل حراق حسب الرغبة فلفل حلو حبة او اتنين ملح كمون هيل كزبرة ناشفة --------- الحمص ينقع قبل بليلة والخضرة الاخرى اغسليها وتاكدي جفافها قدر الامكان واخلطي بالخلاط او ماكينة اللحمة بس عالناعم يعني انا بخلط عالخلاط العادي تبع اعداد الاكل وبعمل خلط مرتين عشان اول مرة بطلع خشن يعني بضيف المكونات مرة بعدين بطحنها بعدين بخلطها سوا بعدين برجع اطحنها بطلع انعم ومتجانس اكتر المهم ازا لاقيتيها ناشف كتير فيكي تحطي شوية مية ليصير معقول القوام و البهارات والملح انا بضيفهم وقت الطبخ بكون طازة اكتر لكن ازا حابة ضيفي وقت الفرم عادي المهم بالاخر عبي في اكياس حسب احتياجك كل مرة للكيس يعني حسب الكمية الي راغبة فيها بعدين وقت القلي حطي بيكربونات الصوديوم(مش بيكنج باودر) والبهارات لو ماكنت ضايفاهم وقت القلي وممكن تضيفي بيضة بيخليهم متماسك وقت القلي وكمان السمسم حلو كتير وجيبي قراصة فلافل واقلي وادعيلي لما تاكلي الذ فلافل شهيتيني عليه اتمنى اكون افدتك وبارك الله صاحبة الوصفة الاصلية اخت لي في منتدى اخر |
يسسسسسسسسسسسسلمو كتييييييييييير ملك شادي
بس سؤال قديش نحط بايكربونات الصوديم |
اختى العزيزه طريقه الاخت rere مظبوطه ورائعه
وممكن الاستغناء عن الكرات اذا مابتعرفى والطعميه بالفول المدشوش رائعه واحلى بكثير من الحمص |
الكرات عو البصل الاخضر اعتقد
بيكربونات الصوديوم هو الملح؟؟؟؟؟؟؟؟؟؟؟؟؟؟؟ و مدشوش يعني مفروم خشن؟؟؟؟؟؟؟؟؟؟؟ صلحو لي معلوماتي ازا بتريدو :11: |
اختي حبيبتي
الكربونات حسب الكمية بس بالمعدل ممكن ربع او نص ملعقة صغيرة يعني حسب الكمية بس اكيد مستحيل يتعدا الملعقة الصغيرة الممسوحة ازا كانت الكمية كبيرة والحمص بالنسبة الي ولكل الي بسمع منهم ازكا من الفول بكتير وبكون اخف ومابشرب زيت كتير بالقلي والنفخة من الحمص اقل من نفخة الفول لانو الفول كتير بنفخ الواحد بعد الاكل بالنهاية المسالة زوق بس معروف انو الفلافل بالحمص الز من الفول :) انا بس اكل فلافل بالفول بتقل عالمعدة كتير كتير كتير عموما الفول طريقة المصريين هما بحطو في فول اكتر من الحمص حتى هما مابحطو كربونات ازا شفتيه بالمحلات جربي طريقتي وادعيلي |
اقتباس:
و يوجد منه نوعين الكراث البلدي url=]http://www.up77.com/testup/uploads/i...adf25f927f.gif[/url] هذا اللي على اليسار [info]عفوا الصور تحتوي علي رابط خارجي[/info] الكراث الأجنبي LEEK [info]عفوا الصور تحتوي علي رابط خارجي[/info] |
****-m
ناااني ملك شاديdodi-dabdoobi تسسسلمولي يارب ومشكورين من كل قلبي وان شاء الله رح جرب عمل الفلافل وان شاء الله تزبط معي تحياتي لكم الاشراف / لفظ المشيئه يكتب علي هذا النحو ( ان شاء الله ) مستكة_مستكة |
سبحان الله قبل يومين عملت فلافل
طريقتو قريبه كتيييييييير من طريقتك ملك شادي لكن للاسف ما ضبط وطلع فيه ريحه غريبه وما الو علاقه بالفلافل ما بعرف شو المشكله بس هو نفس مكوناتك بالضبط عاد زمان ما اكلت فلافل نفسي فيها وبالمنطقه هاي مافيه واذا فيه مو زاكيه |
اختي الكريمة افتحي هذه الروابط و ان شاء الله تستفيدي
كشري، فلافل وفول مصري؟ مطلوب طريقة عمل الفلافل فلافل الفلافل بطريقة الشيف اسامة السيد تحياتي |
هههههههههههه ام ولدها عاملالي دعاية سيئة
؟؟؟ انا عملتو مرتين واول مرة زبط وكان بجنن يعني العيب مش بالطريقة اكيد انتي غلطانة بشي وناسية او مش خالطاه منيح او ناشف زيادة عيديه وتاكدي لانو هالطريقة كتير حلوة والفلافل مش كتير صعب ومش محتاج خبرة بالطبخ افرمي وخلص |
كيفكم عملت الفلافل اليوم على طريقه ملك شادي
شو بدي أقول غير يا سلام بيجنن الطعم وزبط معي يسسسسسلمو وبنصحكم تجربوها عنجد زاكيه كتييييير للأسف ما صورتها للمره الجاي ان شاء الله بس عنجد طلع روعه بس أولها عند القلي ما مسك معي منيح بالرغم اني عاجنتو بشويه ماء بس حطيت بيضه وحده وعجنتو كويس ومسك معي على عند القلي وطلع روعه والله انو طعمو لزيز أكتر من لي بنشتريه من المطاعم بنصحكم تجربوه وان شاء الله المره الجاي رح جرب الطعميه او الفلافل على الطريقه المصريه |
ياعيني الف مبروك شفتي كيف زاكي؟؟؟
بالنسبة للقلي انت قرصيه منييييح يعني بقراصة الفلافل شكليه كويس بمسك وماتكتري المية كمان بتخليه يفرط ولا تخليه ناشف يعني بالنص وصحة وهنا |
على قلبك ملك شادي
انا عملتو بقراصه الفلافل وقرصتو منيح بس شكلي انا مكتره المية انا قسمت الكميه وحطيتها بالفريزر ولما أعمل المره الجاي أكيد ما رح أكتر المية تحياتي لك |
اقتباس:
لا عاد ياملك حرام عليك:11: ماكان قصدي بس عن جد انا نفسي اعرف ايش المشكله الي صارت معي وما زبط عاد نفسي فيه من زمان الا انت عاد انا هيك من الله بحبك وبحب اقرا مشاركاتك لا تسيئي الظن بس انا ما عرفت اصيغ الكلام كويس ومبروك لاء انو ضبط وعقبالي واسفه للجمييييييييع:24: |
ام ولدها شو مالك والله بمزح معك :)
وازا مازبط مرة بزبط مرة تانية عاااااااادي ماتزعلي انا بمزح لاتاخديها جد ومدام الاء انت مكترة مية اكيد قبل امبارح لسة مطلعة كيس وعاملاه بدون بيض ماتكتري مية لانو هية كترتها بتخلي يتفتف وحالتو تصير حالة |
| الساعة الآن 06:17 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©