|
حلمــــي ... بالسفر مع زوجي راح يظل حـــلم .. والا وشرايكم
السلام عليكم توي مسجله على هذا المنتدى قلت يمكن تقدرون تساعدوني انا متزوجه من 3سنوات وكان حلمي اسافر برا ..(مع زوجي طبعا) لكن هالحلم ماتحقق .. من تزوجنا وزوجي يوعدني نسافر.. وكل اجازه .. نأجلها للي بعدها بسبب ظروفه العمليه .. ومرات الماديه انا اعشق السفر.. وقرايبي ماشاء الله من النوع اللي مقتدر وكل صيفيه بأوروبا .. تخيلوني كل صيفيه .. حتى جده ما اروح .. وبنات خالي وعمي .. كل وحده بمكان .. الله يهنيهم بس تصعب علي نفسي تخيلوا ابكي اقول له ودني ابي اسافر ابي انبسط اغير جوووو .. نفسيتي تعبانه يقول ان شاء الله ماعليك لاتسهلت الامور نروح .... يمر شهر شهرين ... والحال هو الحال .. ويبدا الدوام وينشغل ولما اذكره يقول انتي شايفه الوضع!!!!!!! هو الله يعطيه العافيه عارفه انو مشغول .. مو يلعب ... بس حتى ولو ,,, لازم يخصصله جزء لو بسيط لو اسبوع يبسطني بأي مكان اول شي كان الطلب بالرجاء والتعطف,,, وبعدين بالزعل.. وبالصمت .. وكل شي جربته المشكله يقول لي الالتزامات اللي فوق راسه .. بعدها ارحمه يوم يومين... ويبدا يرجعلي الاحساس بالامل بالسفر والله اتمنى اكون انا وياه بالطياره ننبسط لنا كم يوم ونجي اقدر اقنع اهلي واسافر معهم بس ماااااااااا أبي ,,, ياناس افهموني مرات احس هالحلم بموت ماحققته <<=== مليت من البيت حتى بيت اهلي مليت منه ... ابي اطلع اساااااااااافر من جد مقهوره من قلبي وش اسوي عشان يرضى؟يوديني؟ أمرض ؟؟ بسم الله علي ؟ والله مابقى غيرها حتى عندي مبلغ هو مايدري عنه .. لانه هديه من اهلي.. يغطي ربع مصاريف السفر او اقل امس حطيته قدامه وقلت بتعطف .. هذا مبلغ بسيط يمكن لو خليته معك يساعدك ونقدر نروح .. استغرب وقال خليهم معك .. انا لو اقدر اسافر ما اتاخر والله ... بس عندي شغل ما اقدر اروح واخليه... دمعت شوي بس حبستهااا قلت طيب مانقدر ابد خلاص؟ قال انا ما اقول كذا بس ان شاء الله تتسهل .. ولا ودي اعطيك موعد محدد ولا جا وما قدرت تزعلين وتتضايقين شوفيني انا لا اروح ولا اجي ... المفروض تعرفين وتحاولين ماتضايقيني لان كل يوم انا احس بالتقصير سكت واخذت الفلوس حتى ماحاولت اغصبه ياخذهم ..... وهالحلم بيظل حلم ......... مع انه سهل تم اجراء تعديل بسيط على العنوان ليتضح المضمون عفوا: ان شاء الله تكتب على هذا النحو الإشراف |
الحمدلله
ياحبيبتي زوجك يحبك وهذا هو المهم واذا جات عالسفر بس الله يسهلك امورك انا حتى النزهه ما اطلعها معه مايحب بس مايمنعني اطلع مع اهلي واتمشى معاهم بس انا امكن لان ظروف زوجي تختلف عن ظروف زوجك الله ييسرلك |
وين المشكلة؟؟؟؟؟؟
انتى من صدقك عشان السفر؟؟؟؟ احمدي رب العالمين على النعم لا حول ولاقوة الا بالله |
احمدي ربك ان معك زوج طيب لو غيره كان خذ الفلوس اللي حطيتيها قدامه لكن انت بنفسك تقولين انه مشغول بعدين الفس موكل شيئ ياما ناس يسافرون وهم في نكد تحسبين كل من سافر مرتاح وسعيد والله ما تدرين عنهم يمكن اغلبهم يتمنون انهم عايشين مثلك مع زوج طيب ويخاف الله ولا يسافرون بكيف السفر عنا ما سافرنا بس الله يرزقني ويزق كل البنات بازواج يخافون الله مثل زوجك الله يهديك ويبارك لك في زوجك
|
أختي ترى مو مستاهلة السالفة حاولي تشغلين نفسج بأشياء غير مثل الدراسة الأولاد أي شي بس لين على الأقل تنفرج الأمور عندكم آنه كنت بعد دائما أسافر مع أهلي لكن الآنه من تزوجت لا تغيرت الأمور علي بسبب الأمور المادية والحياة المعيشية الصعبة حتى هاذلين اللي يسافرون كل مره
أشعرفج أزواجهم شيسوون في هالدول الأوروربية هوني على نفسج روحي لج العمرة بالفلوس اللي عندج مع أحد من الأهل مو لازم أوروبا...تقبلي كلامي أختي العزيزة لا تخلين هاذي المسألة تعفس حياتكم ترى مو مستاهلة |
اختي عند تصفحك لهذا المنتدى يوم او يومين والاطلاع على محتواه سوف يتبدل الحال عندك وستنحل مشكلتك من تلقاء نفسها بدون اي تدخل من احد ... الله يوفقك وتدوري العالم كله:22: |
هلا حبيبتي
جبتيها على الجرح ولا تحكي لي لأبكي واشكي لك أنا حاسه فيك ومعاناتي مثلك وأكبر بعد وانا مافيه ظرووف تمنع زوجي من السفر ولي 3 سنوات متزوجه وعائلتي متعودين على السفريات وأخواتي المتزوجات بعد وأنا الوحيده من بينهم محرم السفر داخليا او خارجيا وحتى العمره بعد شهر العسل ماعاد شفت مكه معه والله يخلي لي أهلي أروح دائما معاهم للعمره الحمدلله بس نفسي أروح معه لوحدنا احس بيكون لها طعم ثاني وتخيلي حتى التمشيات العاديه مستحيل يمشيني مثل الأسواق والمنتزهات ماأشوفها ألا بتمشيه جماعيه مع أهله انا أحبهم وانبسط معهم بس نفسي أحس بالأستقلاليه شوي وتكون عادله يعني مره اطلع معهم ومره أطلع لوحدي مع زوجي & بس ما أقول ألا الله يفرج همي وهمك & |
أخيتى الصغيرة أرى أن تترفعى عن صغائر الأمور ولا توليها اهتمام كبير وبدلا من أن تبحثى عن سبب لاتعاس نفسك ابحثى عن كيف تسعدى داخل بيتك وتسعدى زوجك معك.
أقولك فكره يمكن تعجبك تخيلى انكم سافرتوا وانك نازله فى فندق ضخم وابدأى زينى غرفة نومك بمفارش وستائر مثل الفنادق تماما واطبخى أكل مثل اللى بيقدموه فى الفنادق واطلبى منه يخرجك بالليل فى الأسواق الكبيره وتسوقى وكأنك سافرتى تماما . فهذا هو كل ما يفعله من يسافرون. |
أنت ما عندك مشكلة شكلك تبحثين عن المشاكل
لو شفت مشاكل بعض من أخواتك العضوات هنا في المنتدى من خيانة وهجر وحرمان وووو.....تحمدين ربك على النعمة |
يا اختي يمكن ربنا في له حكمة في هذا الشئ. لي قريبة راحو صيفوا في دولة اجنبية و بينما هم في احدى المنتزهات ضاع ا بنهم اللي عمره سبع السنين و ما عادو شافوا. رجعوا بلدهم والحسرة مالية قلوبهم.
|
كاني شفت هالمشكلة قبل هيك
في اخت كتبت مشكلة مقاربة جدا الك عموما اختي احمدي ربك عالنعمة واتق الله واحمديه منكدة عحالك عشان سفر منا الي سنة ونص متزوجة ماسافرت شهر عسل ولا غيرو ومااخدنا اجازات حتى سفرة داخلية ماسافرنا السبب ظروف عمل زوجي لك حتى العرس مااجا زوجي عليه بسبب الظروف السياسية لبلدي وانا سافرت له لوحدي احمدي الله الف مرة لانو انا رغم هالاشيا مش حاسة بنقص ولا تعاسة ولا حزن ولا بطلع لغيري |
عندي الك اقتراح جدا مفيد
خديلك لفة عالقسم وشوفي بلاي الزوجات المسكينات الي هاجرها والي سكران ومدمن والي بضربها والي بخيل والي والي والي....... احنا مابنقول مايكون الك احلام لكن في احلام مهمة واحلام غيرم همة يعني لو كان الك حلم عبارة عن حياة زوجية مستقرة وماتحقق بكون هالشي جدا مؤثر فيكي ولازم تسعي لتحقيقه اما لو كان حلمك سفر او اشي بسيط متل هيك وماتحقق بتقولي خسارة نفسي اسافر ونفسي ونفسي لكن بتحمدي الله وخلص يعني انا كمان نفسي اسافر وانبسط لكن عادي مش زعلانة ومابفكر خاطر بيمر في عقلي وبقول يلا بهمش العمر قدامنا وإن شاء الله بنستقر ونتفسح براحتنا عادي يعني العمر جاي إن شاء الله وقدامكو ايام كتير ماتتنكدي بسبب متل هيك |
وسعي صدرك وان شاء بتسافرين لكن لا تضيقي على زوجك فهو طيب وانتي ايضا طيبة ورحميه حيث انك ترحمين زوجك لكن مشكلتك أن قريباتك يسافرون وماودك يكونوا احسن منك وهذا حقك
|
الله يجزاكم خير
لاتحسبون ماعندي مشاكل.. لا والله عندي .. لان زوجي انسان عصبي .. بس انا اعامله باللي يبيه ولا اترك مجال لزعله وانا حتى شهر عسل مارحت ... :( ولا لي طلعات خاصه معه لمنتزهات او اسواق .. كل شي مع اهلي :( |
ياريت كل المشاكل بهالشكل
|
هلا عزيزتي
كلنا حلمنا مثل حلمك الله يرزقنا فيه بدون نق او زن نصيحتي لك ... حاولي تنسي الموضوع فتره يعني شهرين وبعد رمضان افتحي الموضوع تاني ارسليله لنكات صور الدول او اتفرجيها معاه وانتو بالبيت قوليله نفسي احس السفر معاك كيف تكون... يعني حاولي بكذا طريقه بس لاتزني دايما عشان لمن تجي تتكلمي معاه ..ياخذ كلامك على محمل الجد... وترا منتي لحالك اللي ماسافر ...ومنتي لحالك اللي يتمنى هالامنيه .. ومنتي لحالك اللي حاول بكدا طريقه.. انا عن نفسي برضوا ماسافرت بشهر عسلي ولامكان حتى الان رحنا العمره بعد 3اسابيع من زواجنا ورجعنا بنفس اليوم... وبالنسبه لي السفر امنيه قبل مايجوا الأطفال بس احساسي اني راح اتعوض على صبري وراح تصير مفاجاه ليا... اكثري من الدعوه باخر الليل وبسجودك... صلي اربع ركعات وبسجودك قولي ياودود ياذا العرش المجيد اسالك بعزك اللذي لايرام وبملكك الذي لايضام وبنور وجهك الذي ملا اركان السوات والارض أن......وقولي اللي نفسك فيه خاطبي ربنا كانه شخص قدامك وصدقيني ربنا ماراح يردلك دعوه... صدقيني مافي دعوه الا ويستجاب لك بس ايقني الاستجابه من الله واخلصي بالدعوه بس حياتي ماراح تتوقف على السفر وكل تاخيره فيها خيره والله يسهلنا انا وياكي وكل اللي يتمنو بسفره مانحلم فيها وننبسط فيها ونحس متعه السفر طالما حلمنا فيه دعواتك لك أختك هموووسه |
همسات انتي اللي حسيتك فاهمتني
انا الحمدلله مقدره النعمه وادري ان فيه ناس بعد مو لاقيه تلبس ولاتاكل بس انا اتمنى امنيه ومن كثر ماتمنيتها صارت حلم وشغلت تفكيري لكن الله يرزقني وياكم تسلمون كلكم ...... وخاصه همسات :) دعواتكم لي اني اسافر احلى سفره <=== طماعه |
اقتباس:
اميييييين ياااارب انسى الموضوع فتره وادعي باخر الليل اشغلي نفسك باشياء تانيه انا احيانا تدري وايش اسوي اتفرج على المدن السياحيه :25: كدا مزاج ..!!:18:بدي احس اني سافرت وخلاص الله يسعدك ياقلبو والله يرزقنا وياكي الذريه الصالحه |
اقتباس:
هنا المشكلة ... سنعاني دوما من مشاكل طالما نقارن انفسنا بالآخرين .. ولن نتقتنع ابدا بما لدينا ...لأنه ببساطة ما عند غيرنا أكثر .. طيب انتي 3 سنوات .. انا عشرة سنوات ..وانا اعشق السفر ايضا ...ومتعودة مع اهلي على السفر دائما ... وكل اللي حولي يسافر ويروح ويجي ... لكن عارفة ومقدرة ..ولا أشعر بالنقص لأن غيري يذهب وأنا لا ... صدقيني بهالطريقة بتتعبين في حياتك على أكثر من صعيد وليس في السفر فقط .. دمتي في حفظ الرحمن ,,, |
اقتباس:
!!! أحلام يقظه يعني @@@ اصبري لين تتعدل ظروف زوجج بعدين سافري عالاقل يكون مرتاح نفسيا واذا بدت الدوامات اخذي اجازه أو سافري باجازة العيد اذا ماحصلت الحين الله يعطينا عمر يارب |
اقتباس:
|
والله اعانـــــــــــي من نفس المشكلة
المشكلة مو هنا المشكلة لما زوجي يواعدني وكل شهر يقول الشهر اللي بعده ومازلت انتــــــــــــــــــــظر..... الله يسخر لنا ازواجنا |
الله يهديكم يا اخوات السفر مو كل شي ولا بالشي المهم حتى لو كنتي تحبينه ومدامك تعرفين ظروف زوجك ان كانت العملية او المادية فلازم تقدرين خصوصا انه طيب معاك وصاينك بالصراحه ماشوف هناك مشكله تذكر و اللي يتتبع الغير يتعب وايد
والله يسوي اللي فيه الخير تحياتي |
من شاف مصيبت غيره هانت مصيبته
انا زوجي سافر 6 برا هذا غير الي داخلي ماينحسبون وكلما اقوله نفسي اسافر بس ماليزيا لي 5سنوات وانا احلم فيها يقول مااتحمل مصاريفها وانا مضغوط من العمل وابي ارفه عن نفسي طيب وانا يصرفني جاااااااااااااااااااااااني احباط لاكن الله يخليه لي مادام الموضوع بس سفر افضاله على كثيره الحمد لله هونيها وتهون وبعدين زوجك معذور مشغول مو ذاك الي يرفه نفسه ومخليك على جنب |
ياختي عشان سفره مسويه موضوع ومشكله ونفسيه تعبانه؟!!
الله يعين زوجك ويعينك |
احمدي ربي على النعمة الي انتي فيها تخيلي انة كل شوي في بلد وانتي منطقة في البيت ويش تسوين
|
الله يخليك
احمدي ربك في ازواج عندهم فلوس يسافرون بروحهم و تموت زوجاتهم و ما سفروهم عالاقل زوجك عندك ما سافر و لاشي و بعدين شو سالفة تشوفين غيرك ترا اللي يراقب الناس يموت هم . انا متأكده انك ما تشغلين ... لان لو تشتغلين كان ساعدتيه ... ترا السفر مصاريف غاليه . و يمكن كمان ان بنات عمك يشتغلون و يمكن مسارفرات على حسابهم مو ان ازواجهم كريمين و سفروهم. الصبر الصبر و بعدين الله يرزقك |
اقتباس:
والله اختي اميره كأنك تتكلمي عني وعن حلمي بالسفر وانا مشكلتي كمان انه وقت زواجنا توفى جدي وماسفرنا وللحين ودي اسافر اي مكان معاه لكن انشغالاته وظروفه الماديه ما تخلص وللحين ماسافرت اي دوله معاه ماغير.. وزين اننا .. ولا كان مارحتلها بس مابيدنا غير اننا ندعي ان الله يهديهم اولا ...... ونعيش مبسوطين ثانيا ولا السفر مو مهم قد الحياة السعيده |
| الساعة الآن 06:17 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©