|
:: بتزوج عليك ::
السلام عليكم ورحمة الله وبركاته .. اخواني واخواتي اعضاء منتدانا الراقي ... في سؤال دائما يجي في بالي ولا اجد له جواب .. ليش الزواج الثاني .. صار ينقال بطريقة : زوجي تزوج علي .. او بتزوج عليك ... ليش مانقول زوجي تزوج وحده ثانيه معاي .. او بتزوج معاك وحده ثانية .. ليش " عليك " وكأن الزواج الثاني هضم لحقوق الاولى وتهميش لها ... فالرجل اذا عدل مع الزوجة الثانية والثالثه وحتى الرابعه فما راح يكونون على بعض .. بيكونون مع بعض واسره وحده .. صح والا لا !!!!! هل الاعلام هو اللي شوه صورة الزواح الثاني لهالدرجة .. ام بعض الرجال هداهم الله .. ام طبيعة المرأة وانفعالها .. وعدم قبولها " بعضهن " بان يتزوج زوجها من ثانيه بسبب او بدون بسبب .. سؤالي ليس لماذا اصبحت النساء ضد الزواج " فالاغلب هذا حالهن " .. ولكن سؤالي لماذا المصطلح صار بتزوج عليك .. او تزوج علي ... انتظر تفاعلكم بفارغ الصبر .. :) اختكم أم فطومه :) |
حبيبتي المره الي ترضى يشاركها احد بزوجها هذي مو مره ولا عندها مشاعر
او ما اتحب زوجها وتبي الفكه منه ومتزوجه لمجرد الزواج لخطه وضعتها لنفسها ولازم تطبقها يتزوج علي اكيد مو معاي لان انا الولى وهي الثانيه بكل بساطه يعني ما عرست معاها بليله وحده موضوعج ثار فيني الحساسيه وكانك ترضين زوجك ياخذ عليك ثلاث عادي عندك |
اقتباس:
لا حول ولا قوة الا بالله .. اختي توقعت انه الموضوع بيعصب البعض مني .. بس صراحة مب لهالدرجة !! صح هالشي مهم لكن في اشياء وايييد اهم .. في عيله كبيره ان شاء الله .. فيه اسره محبه وواعيه .. <<< اذا احسن الكل التعامل مع بعض .. لو الزواح شي مستحييييييل على نفسية المرأة كان ربي ما شرعه ولا حلله .. انا ما اخالفج انه صعب وااااايد .. بس كل انسان بيده يسعد نفسه او يضايقها . كل انسان بيده يتحكم في حياته .. انا يوم اتخيل هالشي اقوول لا والله مستحييييييييل ارضى .. لكن ساعه وتزول الزواح في غير هالشي .. بالعكس بكره لو في مشكله كبيره صايره في بيتنا او في تربية اولادنا عندنا بدال انا وزوجي انسانه ثالثه تشاركنا همومنا وحياتنا ..<< هذا لو افترضنا انه الاسره بتكون متماسكه .. عموما سؤالي كان ليش علي!! .. ليش مانقول زوجي تزوج ثانيه .. ليش علي يعني كانها هي فوقي وانا اللي تحت !! مع الكل بيكون متساوي .. " أكرر لو كان في عدل وحكمه من الزوج . وصبر و حكمه من المرأة " شكرا على مرورج .. |
زوجي تزوج علي .. او بتزوج عليك ...
فتحنا عيوننا على الدنيا وهذي الكلمات تنقال..:d و أتوقع على معناها زيادة على الشيء اللي عنده.. هل الاعلام هو اللي شوه صورة الزواح الثاني لهالدرجة .. ام بعض الرجال هداهم الله .. ام طبيعة المرأة وانفعالها .. وعدم قبولها " بعضهن " بان يتزوج زوجها من ثانيه بسبب او بدون بسبب .. بعض المجتمعات عاااااااادي الرجل يتزوج و يعشوا مع بعض ويربوا الأولاد كأنهم أخوات..(الحرمة مررة مالها رأي و لا كلمة على زوجها).. و البعض الأخر..نادرا ما تجدي رجال معددين ..يكون شيء غريب أو نادر التعدد..ممكن هذا سبب تخوف الحريم منه أو عدم تقبله له.. و أعتقد اكبر سبب لعدم تقبل الحريم للتعدد هو: عدم عدل الرجل..و ظلمه.. الخوف من المجهول ..و من المشاكل.. الخوف من تأثير الزوجة الثانية على الزوج..فينسى الأولى..و ربما يطلقها.. في تباشير ..للي عندهم رغبة في التعدد..في موضة بين الفتيات خصوصا الموظفات أو الطالبات ..و اللي تبغى تعيش حياتها..مابدها رجل يقعد على كبدها 24 ساعة..اللي تبغى تخرج مع صاحباتها..و تحب الزيارات الكثيرة..وبيتها ما يفضى من الضيوف..و اللي تبغى تتفرغ لمشاريعها الخاصة..توافق و تتقبل التعدد..تبغى الفكه بس..:d |
يتزوج علي او يتزوج معي ثانية المعنى واحد آني بفقد عقلي وبنتهي من حياتي ..
|
اقتباس:
شاكرة لج مرورج .. |
اقتباس:
|
فعلاً المفروض نزين هالشي في عيون زوجاتنا ،، ماندري وش تقول الدنيا يمكن بكره الواحد يفكر :25: يتزوج مره ثانيه :14: وزوجته الأولى تتقبل الفكره بكل رحابة صدر :22: .
اشكرك يا ام فطومه (( وياليت كل الحريم بثقلك وعقلك المتفتح :30: )) أيقونة اهداء لكل النساء >>>> :d |
اقتباس:
لكن عقب ماتزوجت " أنا زوجة اولى " ... الحمدلله زوجي فهمتي هالموضوع عدل .. فهمني انه لو تزوح علي في يوم من الايام .. ماراح يكون لانه يكرهني او لاني مقصره او او .. بالعكس يتزوج حتى نبني عيله كبيره ... ونساعه هالامه في اشياء وايد .. ادري في وايد بيقولون ضحك عليك .. بس اقلها انا مقتنعه بسنة الله ورسوله .. الله يرزقك الجميع على قد نيتهم جزاك الله خير :) |
[CENTER]شوفي انا ارفع لكي القبعة على سعة فؤادك وقدرتك وتقبلك ان يكون هناك ستات اخريات متزوجات من زوجك:22::22:
ولكن اغفري لي اني لوشفت زوجي يفكر بس لو مجرد تفكير انو يفكر انو ممكن يتزوج علي ويقولي في يوم من الايام بعد اذنك ياعمري انا رايح لزوجتي الثانية:19::19::19::19: والله العظيم مايلاقي مني غير اني بسكر عليه الباب بالمفتاح :15::15::15::15: واشمر ذراعي الاثنين مش واحد بس لا الاتنين واروحله وانا اصرخ بعلو صوتي وجنت على نفسها مراااكش:16::16::16::16: وعلى فكرة هو لازم يسامحني لان الي جراله ده من حبي ياناس وغيرتي مش اكتر والله :o:o:o:o:o:o:o:o:25::25::25::25[/CENTER]]]: |
اقتباس:
اهليين اختي .. جزاج الله ع المرور .. الله يعيين زوحك .. وان شاء لله مايفكر في غيرك .. :) |
غاليتي حاملة الهم.
أضحكتني لدرجه القهقهههه و دمعت عيني من الضحك على الردود :23: بس اسفه, شر البلية ما يضحك، المهم مو كل الأزواج مثل زوجك بارك الله فيه و بعد عنك الزوجه الثانيه، ليش علي مو معاي أها هنا مربط الفرس :11: أولا . علي اعمل الف حساب للثانيه، كيف اضمنها تكون امينه مو غير كذا ثانيا. علي أنتظر دورها لما يجي دوري، "خوش مسلسل تركي" ثالثا. هو من يشوفيها الحين و مو زوجته " ولله اعلم" يرجع متعصب علي انا ليش "شدعوى أجل شسويتله" رابعا. علي أراعي مشاعره و هو ابد في دنيا ثانيا مو مو مراعي مشاعري. عسى اكون سرد بعض العلي ما يفك غموضك، و القائمه طويله. تحياتي |
يتزوج علي ايوة يتزوج علي لانة لما يتزوج يعني حب غيري على حبي يعني مال قلبة لغيري بعد ماكان مايل لي يعني حبة لها جا على حبة لي وفرحتة بالزواج منها جا على تعاستي وقهري يعني انها تشاركني فية اني عن نفسي مااقبلها ليش اني اكون لة وحدة وهو يكون لي ولغيري واذا حصل وتزوج مااعتقد اني بتردد اني اسيبة ولو معي منة 10 عيال لان زي ماهو هان علية الحب الي بينا اني كمان بيهون علي ويكفي الاحساس القاتل الي بعيشة معة كل مايقولي احبك بتخيلة يقولها وكل مايعاشرني برضة ماحنسى انة كمان معاها كذا و الله احساس صعب ومؤلم وربنا يرزق كل من تزوج زوجها عللللللليها الصبر ويجازي كل من قهر زوجتة وتزوج عليها بطرة
|
كلام وربي ياحاملة الهم
إسألني أنا عن زواج زوجي ....والحمدلله إنتهى هذا الزواج بالطلاق لأنه من الأساس كان غلط في غلط ومجرد نزوه |
كلام اسمعنا من زمان
اختي انتي شكلك مؤيدة للزواج الثاني والثالث بس كملي الاية شو بنا قال لن تعدلوا يعني القران واضح والزواج التاني الو شروط واسباب مش هيك من الباب للطاق والي عندك سؤال لو زوجك تزوج عليك حيكون هادا كمان رايك انو زوجي تزوج وحدة تانية؟؟؟؟ يا ترى |
والله أرى ان السبب هم الرجال أنفسهم .. مو كلهم طبعاً ..لكن المجموعة الظالمة إلي عقدتنا من شئ اسمه تعدد..
أعرفلك رجال شاااايب أكل عليه الدهر وشرب .. متزوج أربع حريم وعايش معاهم في سلاااااام ..كل وحده تدور على راحته .. الرجال ما كفاه إلي عنده يعني عينه فارغه .. قام طلق الأولى إلي خدمته عمرها كله هو وأمه ..علشان حضرته يتوزج وحده عمرها 23.. وترك إلي خدمته 35 سنه بحجة إنها كبرت وما صارت تلبي حاجته.. يعني في عمر هي بحاجه لمراعاه وإهتمام.. حسبنا الله على اشباه الرجال ..... |
تزوج علي والا معي والا جاب ضره على قلبي
المعنى واحد.. الكلمة ما تفرق.. وكلها تدل على نكد وشقى.. والحين الرجال ماهم قد المسؤولية.. وحده وماهم قادرين.. شلون ثنين وثلاث.. وبصراحة انا من عائلة فيها تعدد.. واغلبية المعددين عندنا من ائمة المساجد,. ومو بس بعائلتي.. واعرف كثير غيرهم من رجال الدين وائمة المساجد والملتزمين معددين.. لكن ظالمين.. تشوفين منظرهم شئ .. لكن مخربهم شئ ثاني.. من تدخلين بيوتهم تشوفين الظلم... لانه مستحيل واحد يعدل.. يعني وحده يصرف عليها .. ووحده هي تصرف على نفسها.. والثاني ينام عند الاولى طول الوقت عشان ما تزعل عليه.. والثانية بس يجيها الساعة 2 بالليل.. وكثير كثير قصص اعرف اصحابها واعرف مشاكلهم.. لانهم مقربين .. صعب جدا واحد يعدل بين ثنتين.. ولاحظي هذولي رجال دين,. شلون اللي ماعندهم دين.. بلاوي.. قصصهم مفجعه.. ولو احكي ما خصلت من قصص اعرفها واعرف اصحابها.. عشان كذا ما اتمنى وحده تجرب الظرة وتشوف الظلم.. لانه نااادر نااادر رجال يعدل.. |
ياسلام انا اشهد بأنك أمرأة عاقلة تزن الامور بميزان العقل مو مثل بقية الاخوات عاطفتها وغيرتها هي اللي تحركها وتجعلها من انسانه رقيقة الى وحش يؤذيها قبل ان يؤذي زوجها
|
اقتباس:
احببت ان اذكر نفسي واياك باسوتنا وحبيبنا محمد عليه السلام خير البريه فقد رضيت امهاتنا المؤمنات وهن زوجاته بأن يتزوج عليهن فانتبهي الله يرضى عليك لماقلتي وعذراً على التدخل فقط لم أرد ت تنبيهكك للخطأ الفادح هذا بحق أمهاتنا المؤمنات |
اقتباس:
انا لم اقل عكس ذالك والدليل ان زوجات الرسول صلى الله عليه وسلم تنازلو عن ليلتهم من من بنات اليوم تفعل ذالك ومن من ازواج اليوم يقتدي بمعامله الرسول لزوجاته؟؟؟؟؟؟؟؟؟؟؟؟؟ |
جبتيه لنفسك يا أم وفطومة يا قلبي:24:
حدا يحكي عن التعدد والزواج :25: بشويش على ام فطومة بالردود ترى كثير حساسة الله يعينك يا حاملة الهم أم وليد |
نصيحة للأخوات
ربوا أبنائكم على مكارم الأخلاق والرجولة حتى لما يكبرون يصير الواحد فيهم معدد و يظهر الجانب المشرق من التعدد......:22: وتصير الوحــدة فيكم بعد- عمر طويل - تخطب له و تزوجه الأولى والثانية و....:14::14::14::14: وتشوف أحفادها كتاكيت حولها....:d بالنسبة للنظرة المشوهة للتعدد وتجاهل التجارب الناجحة يعني التجارب التي يسيء فيه البعض تظهرونها بوضوح :25: ،وتتركون النماذج التي تجسد الإتباع لسنة النبي صلى الله عليه وسلم أسوق لكم تجربة اثنين من أعمامي - ما شاء الله بارك الله - كل واحد متزوج أربع نساء....، الله أنعم عليهم بتجارة منذ ريعان شبابهم عرفه عنهم الكرم والشهامة فبيتهم بيت كرم يقصده الكل ، وحسن الخلق والحلم ، ومحبة الناس لهم مشهودة واحد منهم مسكن حريمه كلهم بمجمع كبير وكل واحدة في بيتها ، والحمد لله أبنائهم وبناتهم تزوجوا ورزقهم الله بالذرية الصالحة ، يعني أعمامي لهم أحفاد..... قولوا ما شاء الله وصلوا على نبينا محمد أفضل صلاة وأتم تسليم إذا والكلام أحسنوا تربية أبنائكم ، ليحسنوا لبنات المسلمين .... أخوك عزوبي:21: بس:d رجل:30: دمتم بحفظ الرحمن |
اليوم سمعت خبر مرررة غمني..و ذكرني بموضوعك..
في واحد من معارفنا ( الله يغفر له و يسامحه) متزوج 3 طلق منهم واحدة وخلاص طلقتها الثالثة ( ترتيبها الأقدم و الثانية لأنه كان متزوج أربع و مطلق الأولى ) ....أهل المرأة ما يبغوها بأطفالها..يقولوا لها نحن ما نربي عيال أحد ..و هي طبعا لمن تخلص عدتها مضطره ترجع لهم ..و حتضطر تسيب أطفالها..يعني من جد موقف صعب ( الحرمة مموته نفسها بكاء هي و أولادها) .. أنا قلت : ليش ما يخليها في بيتها مع أولادها و يصرف عليها..يعني بعد هذا العمر صعبة ترجع الواحدة لبيت أهلها...و تسيب وراها أطفال صغار... المشكلة إنه الرجل يا ريت بيصرف عليها...لا يصرف ..و ما يبات عندها...شهور و هو ما يبات عندها ..و لا يقضي لها أغراضها..و لا يدري عن أولاده...حتى واحد من أولاده مرض مرض شديد ..مسكينة الأم..تجري به بالتكاسي في أنصاف الليول..مع جاراتها ...و قريباتها...أخرتها مستخصر تعيش مستورة مع أولادها في بيتها.. لا حول ولا قوة إلا بالله... والله الواحدة لمن تشوف أمثال هؤلاء الرجال تكره التعدد و سيرته... بعدين الرجال مهم مضمونين ممكن يكون معك طيب و فجأة ينقلب عليك..و يرمك شر رمية... |
اقتباس:
ليش الواحدة تغامر بسعادتها .. و سعادة أولادها.....و تقبل بضرة؟؟ |
اقتباس:
|
ما اتوقع ان في زوجه تحب زوجها وتموت فيه تقبل ان وحده تانيه تشاركهم بلاش هذه المثاليه الزائده
حتى زوجات الرسول صلى الله عليه وسلم كانوا بيغاروا يعني الموضوع عادي ان المرأه ما تحب احد يشاركها زوجها حتى اسمها (ضره) وانا شخصيا لو حصلي كده مهما كنت بحب زوجي لن ابقى على ذمته دقيقه واحده |
الكلمتين صعبين جدا على المراه
وزي ما قالت اختنا الحبيبه زوجة احمد لا يمكن وحده تحب زوجها تتقبل الفكره نهائي ربنا لا تحملنا ما لا طاقة لنا به |
انا لو زوجي يتزوج علي
انادي العضوه ابوتريكه تكفخه هههه __الصراحه ضحكت ياحامله يوم زوجج يقولج بتزوج عشان نبني عايله كبيره!! بنيتو عايله كبيره وبعدين!!! شكلج حبوبه ومغلوب على امرج _(( قلبي يعورني)) فعلا تطيب النفس من هالشي لا ولا و1000 لا للزواج الثاني |
بعدين في نقطه مهمه رجال الحين مومثل رجال قبل _
رجال قبل يعددون لأن ماكان عندهم مغازل وخيانات وغيره الرجل الحين موقد المسئوليه لويتزوج4 والله يطلعون له قرون ويخلونه يمشي بالشارع يكلم نفسه __ ياربي تبعد عن ازواجنا فكره التعدد ويكتفون فينا |
لااا والف لااا ما جلس معاه دقيقه وحده
|
اقتباس:
اين العدل وهو شرط ليتزوج باخريات اكره هذا الصنف من "المخلوقات" المحسوبه على الرجال:29::29::29::29::29::29: |
اقتباس:
هلا وغلا باختي الام الحزينه .. الله يفرج همك يارب ويجعلك اسعد ام في الدنيا .. تصدقين اخني لما قريت مشاركتج .. عرفت وتاكدت انه اي شخصين يتناقشون مع بعض لازم يكونون يتكلمون عن نفس الخلفيه .. يعني شروط الزواج الثاني عندي تختلف عن الشروط اللي عندك .. واهم شي يكون زواج زوجي بطريقة واضحه ... باختيارنا احنا الاثنين وموافقتنا .. مب عن قصة حب يعيشها والا ماهم يحزنون .. واهم شي ياخذ البنت الصالحه التقيه اللي بتخاف الله فيه وفينا وفي عيالنا لانها بتصير وحده من العيله .. شاكره لج توضيحج ومشاركتج .. و تقبلي تحياتي .. |
اقتباس:
هلا اختي .. معليش تسمحين لي اخالفك في رايك .. بس سبحان الله قلب الرجل يتسع ليحب اكثر من وحده ... وحتى قلب المرأة . بدليل انها تحب عيالها كلهم نفس الحب .. زواجه من ثانيه مب معناه كرهج لج او انه هان عليه الحب .. ولازالت اكرر الزواج بشروط .. وماقصد مرض او تقصير او شبهه لا انما قصدي بالشروط العدل والحكمه ونحوه .. وعموما اغلب الحريم يقولون بنسوي وبنسوي اذا تزوج زوجنا ولما يصير وقت الجد " الله لايحطج في هالموقف يارب " يسكتون ومايسوون ولا شي .. في حفظ الله :) |
اقتباس:
انتي يا الغاليه مافي مثلك .. اسأل ربي انه يسعدك ويهنيك ويقر عينك بشوفة عيالك خير الناس .. امنتك الكريم :) |
اقتباس:
كلام عين العقل .. هاي هي المشكله انه سمعنا من سنين وشفنا بلاوي عشان جي صار خوف بالنسبة للمرأة .. وانا معاك في هالزمن الواحد صعب يعدل كما ذكر القران الكريم .. ولكن طرحت الموضوع عشان اعرف وجهات النطر .. ولاني كنت ابي اعرف ليش عليك مب معاك الو وحده ثانية فقط .. يعني كنت احس الثانية بتصير فوق الاولى .. ليش مب كلهم متساويين .. والحين قاعده اقول اكيد الخطأمن اشباه الرجال الله يهديهم اللي مايعرفون من الدين الا التعدد .. بالنسبة لي اذا زوجي تزوج .. انا ما اتمنى هالشي طبعا لا لي ولغيري .. لكن ان شاءا لله الله بيصبرني .. وبكون ان شاء الله خايفه ربي فيها وفي عيالها وبتكون نفس اختي .. اذا الله راد :) |
اقتباس:
والله كلامك سليم يا اختي .. العتب على الرجال او اشباه الرجال مثل ماقلتي .. اللي شووهوا صورة التعدد .. والحين يلومون المرأة .. بارك الله فيك .. مداخلتك رائعه :) |
اقتباس:
اهلين اختي .. ارد واكرر لو كان الزواج فيه حسن اختيار .. وحمكه وعدل من الزوج .. وحكمه وصبر من الزوجه .. الله يسامحهم الرجال خربوا صورة التعدد .. وفي الجقيقة اوافقك انه في هالزمن صعبه الواحد يقدر يوفق بين بيتن .. ماكان غرضي اشجع ع التعدد ولكن كنت ابي اعرف ارائكم :) |
اقتباس:
جزاك الله خير :) |
اقتباس:
الله يرحمنا برحمته :) |
اقتباس:
الا اختي قلتي !!! .. انتي ماقلتي لو الرجال ماعدل او الرجال ما فهم . قلتي اشلون تقدرون على هالشي !! وغيره من الكلام " الكثييير " عموما كان موضوعي ومن البدايه قلت لو كان في حكمه وعدل .. مب زواج ظلم وانتهلك حقوق !!! |
| الساعة الآن 11:50 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©