|
إمساك ابنتي
السلام عليكم ...
بنتي عمرها شهر و 3 أيام عندها إمساك من يوم الجمعة لليوم يعني يوم الجمعة كان أخر يوم أخرجت فيه أعزكم الله و أعتقد يومها كانت ماخدة برد .. شربتها يانسون و ماء الغريب و جبتلها دوا من الصيدلية اسمه Disflatyl اليوم بس لهلا ما في فايدة ... أنا برضعها الحمدلله طبيعي و بعطيها رضعتين صناعية باليوم و بستخدم حليب سيميلاك 1 - 60 مل للرضعة الوحدة .. شو برأيكم حل الإمساك ؟؟ هل ممكن انه يكون الحليب الصناعي هو السبب ؟؟ أو إستخدام اللهاية ؟؟ الرجاء يلي عنده خبرة بهالموضوع يفيدني و ألف شكر الكم |
اختى علامة الجودة جيبى من الصيدلية لبوس جلسرين للاطفال هيعمل مفعول معاها على طول
وربنا يطمنك عليها |
شكرا اختي على ردك بس الدكتورة بالصيدلية ما نصحتني فيه أبدا قالتلي لو بنتك أخدته مرة ما رح تخرج إلا بإستخدامه .. ان شاء الله الدوا يلي أعطتني اياه يجيب مفعوله لانه قبل شوي شربتها منه .. يا رب
و ألف شكر الك يارب وخاصة انه مشاركتك الأولى رد على موضوعي |
الله يعينك ان ظل ابني بها الحال اربعة اشهر مايسوي حمام الا اذا اعطيته اللبوس وصدقيني هذا غلط لانو يعطل عضلة الشرج ويوقفها عن عملها
لو الحالة استمرت اعطيها اللبوس البيبي اذا ماسوى حمام فوق 3 ايام في الرابع اعطيه لبوس لان السوائل تجف يوم عن يوم من البراز ويصعب الاخراج عصير البرتقال المخفف ممتاز عصير العنب المركز فوق الرائع وهناك دوا هو الي نهى المشكلة عندي الحمد لله اسمه دوفلاك مرة رااااااااااااااااااااااااااااائع وماله اثار جانبية ابدا والجسم مايعتاد عليه هو كل وظيفته يخلي القولون يرجع يشتغل ويقوم بوظائفه مرة اخرى والله يخليها لك ويطمنك عليها وعلى فكرة الحليب الصناعي له دخل بالامساك |
علومة يا قلبي ايش عرفك انه عندها امساك؟؟
عدم الاخلااج ل 3 ايام مو معناها امساك؟؟ كيف شكل البراز اعزكم الله؟؟ هل تتالم لما تحرج؟؟؟؟ ابني كان كدا و لما سالت الدكتورة قالت لي مدام انه البراز سائل و هو ما يبكي عند الاخراج معناه طببعي و محتاج اي ادوية البيبي ممكن يخرج مرة بعد كل رضع وممكن يقعد 5 ايام ما يعملها و بالحالتين طبيعي مدام مافي الالم و لا دم لا قدر الله مع البراز و لا تحجرات لو مثل ما قلت لك البراز سائل و هي ما تتالم .. خليها شوي و لا تعطيها شي اعطيها ماي دافي .. و امنعي عنها الصناعي و خليكي عل الرضاعة الطبيعية احسن و اذا كنتي حابة تمكسها الرضاعة بس اعطيها الرضاعة الصناعي مرة ياليوم و مش شرط يكوت حليب صناعي ممكن تشفطي لها من صدرك ... او تعطيها فيها ماي احسن من الصناعي |
الله يحفظها يارب
|
اقتباس:
|
اقتباس:
ألف شكر يا نورة على المعلومة والله انك طمنتي قلبي كان مشغول بالي عليها كتير و مو عارفة شو أعمل معها يلي خلاني أعرف انه عندها امساك هو عدم اخراجها من يوم السبت لليوم ... شكل البراز عند اخراجها أصفر سائل والحمدلله ما في ألم ولا دم .. بس اليومين يلي فاتوا كان عندها غازات ريحتها قوية أعزكم الله .. وانا من مبارح امتنعت عن الصناعي و صرت بس اعتمد على صدري مع إعطائها رضعة يانسون .. الصناعي بس كنت اعطيها رضعتين لتشبع بس و بالليل ممكن أشربها ماي؟؟ انا لهلا من اول يوم انولدت ما أعطيتها ولا نقطة ماي لانه قرأت مرة انه الرضع ما بينعطوا ماي ؟؟ و شو الطريقة يلي بعطيها المي فيها ؟؟ آسفة يمكن ثقلت دم بأسألتي بس والله ما عندي خبرة بهالأمور وشكرا مرة تانية على مرورك الغالي والله يحفظك ويخليلك جبران |
صباح الورد علامةالجودة
كيفك ام يارا ان شالله امورك تمام حبيبتي الطفل اللي عندو امسالك بيبين عليه ... بكائه بيكون مش طبيعي وبيضغط على حالو ومش قادر يخرج انا مرة صارت مع حلا وساعدتها بااني عملت تمارين برجليها وعلى طول اخرجت بتخيل فهمتي الطريقة... اللي هيا نفس طريقة اخراج الغازات من بطن البيبي بالتمارين اما ازا كان سائل فما بيكون في امساك الله يطمنك عليها وبلا من اللهاية... حرام بتتعود عليها |
اقتباس:
الله يخليكي ام عبدالله و يخليلك حلا و فارس يارب عرفت طريقة التمرين وانا مبارح واليوم عملتلها اياها .. بكائها طبيعي وما بتضغط على حالها بس بحس لما أرضعها بتعصب و بتسحب حلمة صدري بقوة اما بالنسبة للهاية الله يسامح الدكتور يلي طلب مني استخدمها عشان ما تستخدم اصبعها و تأذي حالها وان شاء الله رح أحاول خليها تتركها شوي شوي قبل ما تتعود عليها |
حبيبتي بالنسبة للهاية ومص الاصبع
انا عانيت من نفس المشكلة مع حلا وفارس بس ما استخدمت اللهاية يعني فارس هلأ بحطلو جرابات بايدو احسن |
اهلا هلا
كيفيك ياقمر؟؟؟؟؟؟؟؟؟؟؟ الحمد لله على السلامة توي ادري انك ولدتي مبروك قدوم يارا انا نزلت موضوع عن امساك ولدي المهم ياعسل مالقيت العلاج الا بالماء المغلي معاة التمر بس لاتنسي تدعيللي |
أول ما دخلت عن الدكتور وشكيت الحاله قال ( عرفي الامساك) طبعا سكتت
وقال الامسال هو الاخراج الصلب( اعزكم الله ) ومن كلامك الصغيرة ما عندها امساك والحمد لله وهذا أمر طبيعي عند الاطفال واذا استمر اعطيه عصير برتقال مخفف الله يبارك لك ولنا و دمتم سالمين |
حبيبتي ... من كلامك البنوتة مافي الا العافية لا امساك ولا شي
لا تعطيها اي ادوية زي ما قلت لك طبييييييييييعي جبران بعمرها كان يقعد بالايام ما يعملها . عادي بالعكس حريم زمان يقولو لو البيبي ما اخرج معناه انه يكبر و الطبيبة اكدت لي .. لو البيبي ما يخرج كثير معناه جسمه يستفيد من الحليب كله و مافي فضلات ليخرجها و مدام البراز سائل و مافي الم و لا شي خلاص خليها اوكي يا بطة بالنسبة للماي عادي اعطيها شوي بس .. بالرضاعة الصناعي او ممكن بالملعقة (مثلا ملعقتين باليوم) كفاية الغازات عادية كل الاطفال تجيهم تعالي شوفي جبران للحين لما يطلع غازات خواتي يهربوا من الريحة :) :).. بس حاولي تقللي من اللهاية و بعد كل رضعة جشئيها و خليها بعض الاحيان على بطنها لان هذه الوضعية تساعد على خروج الغازات و اذا بكت من الغازات عطيها ماي الغريب و بس اما الادوية بهذا العمر فا ابعدي عنها الله يحفظها يارب |
اقتباس:
وانا كل يوم بحكي بدي اكب اللهاية بدي اكبها بس لليوم شجعتيني و رح أكبها بما انه هي لهلا مو متقبلتها قبل ما تتعود عليها .. وشكرا الك كتير كتير |
اقتباس:
الله يسلمك يارب و يبارك فيكي .. الحمدلله انفرجت مع بنتي اليوم الصبح و حسيتها ارتاحت من بعد ما شربتها يانسون و عملتلها رياضية وان شاء الله الله لا يقدر و يصير عندها امساك واذا لاسمح الله صار رح استخدم طريقتك و في طريقة دكتور اطفال و صفها بإستخدام الزبيب (العنب المجفف) نقع 7 حبات بالماء المغلي و بعدين نعصرهم بقطعة شاش (قماش) و نعطي للبيبي نقطتين من المي المعصورة |
اقتباس:
و شكرا لمرورك و الله يبارك فيكي |
اقتباس:
ان شاء الله انا ما رح استخدملها أي دواء و شكرا ألف شكر على نصائحك و منكم نستفيد الله يبارك فيكي و جزاكي ألف خير |
| الساعة الآن 11:05 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©