|
اليوم فحصت (فحص الزواج) واسأل الله التوفيق
السلام عليكم ورحمه الله وبركاته انا اليوم بدأت بالفحص والنتيجه ان شالله يوم السبت يعني بعدبكره والحمدلله والله ياجماعه كنت قبل الفحص خايف لكن بعد ماطلعت من المستشفى ارتحت ولله الحمد لو كان فيه بعض القلق لكن مو زي اول مع اني مادري ايش النتيجه هل توافق او لا ؟؟ لكن ولله الحمد احس باطمئنان واسأل الله التوفيق ولاتنسوني من دعائكم لي (: تحياتي وليد الروقي |
نسأل الله أن تكون النتيجة إيجابية كما تريد
كما ونسأله لك التوفيق دائماً وأبداً وأن يتمم فرحك بخير عاجلاً لا آجلاً |
ابو حمد مشكور ويعطيك العافيه والله يسمع منك يارب
|
الله يطمنك يارب ويختار لك اللي فيه الخير
|
استخير قبل وبعد أي خطوة تخطوها
والله يوفقك ويسعدك وييسر لك هالزواج إذا كان خيراً لك ألف مبرووووووووووووووووووك مقدما ً |
تصدق ولو بالقليل بنيه التوفيق واستخير الله ولن يضيعك
|
وعليكم السلام ورحمة الله وبركاته
الله يوفقك ويتمم لك على خير ولاتنسى تبشرنا |
وعليكم السلام ورحمة الله وبركاته,
أخوي "وليد الروقي" أسأل الله الحليم رب العرش العظيم أن تكون النيجة إيجابية. ننتظر خبر النيجة يوم السبت...بالتوفيق |
الله يتمم لك على خير
وان شاء الله خير وترى التحليل مايخوف يعني لو لاسمح الله ماكان فيه توافق يعطونك انت او هي ابره وخلاص يعني لاتقلق ابدا بالعكس تفائل وعقبال الملكه ان شاء الله قريييييييييييييييب |
اسال الله بمنه وكرمه ان يكتب لك التوفيق في الداااارين ..
|
جزاكم الله خير جميعا
وابي اتواصل معكم يوم بيومه والله يوفق ان شالله الف شكر لكم |
الله يوفقك ويكتب لك اللي فيه الخير ان شاء الله
وعقبال ماتبشرنا بخبر زواجك ان شاء الله . |
وليد ميه بالميه ناجح
تدري ليه لان الدم الوراثي يتشابه بينه وبين اكثر الناس وبعدين راح تتزوج من نفس الدوله الي انت فيها يعني راح تنطبق مع بعض ناجح الف مبروك وهناك اشياء ثانيه واذا نجحت راح ابين لك |
شكرا عاليه
للوله مشوار الف شكر وانا انتظر منك كل شي بالنسبه للنتيجه الاصل بعد عشر ايام من الفحص وانا حاولت اكلم المدير على الفحص بان تطلع قريب قالي اتصل علي يوم السبت وانا اشوف فما ادري هل يوم السبت النتيجه او بعدها بيوم او يومين لكن ماراح ان شاء الله تتعدى الاسبوع شكرا لكم |
الله يوفقك ويكتب لك الخير يااخوي وليد
لكن التحليل ياخذ عشرة ايام لاني مثلك انتظر نتيجة الفحص ( في مستشفى الشميسي بالرياض ) والله يسهل لنا ولك ويكتب اللي فيه الخير دعواتكم لنا يااخوان |
اخوي وليد الله يكتب لك ما تريد ويوفقك بينكما وتظهر النتيجة إيجابية وتبشرنا بزواجك ، ونقلك لقسم عالم المتزوجين......:15: والدعاء لأخينا أبو سعد التميمي بأن يكتب له الخير وتزف لنا خبر زواجك....:27: أخوك عزوبي:21: بس:d رجل:30: دمتم بحفظ الرحمن |
التميمي
عزوبي الف شكر لكم وماقصرتوا والله يسمع منكم يارب |
بكره النتيجه والله يوفق يارب (:
على ماقالي مدير الفحص بالمستشفى لاني قلت له ابغاها بسرعه والله يكون بالعون يارب دعواتكم لي بالتوفيق تحياتي |
الله يوفقك ويجمع بينك وزوجتك على خير ولا تنساني من الدعاء بالزواج ممن اتمناها اخوك حسن |
اللهم لك الحمد كما يليق بجلالك وعظيم سلطانك
الحمدلله ابشركم النتيجه طلعت وخير ان شالله اللهم لك الحمد وانا كنت شايل همها لكن الله كريم اللهم لك الحمد اخوي حسن الله يوفقنا وياك ويرزقك ماتمناه يارب تحياتي ودعواتكم لي بتتميم الزواج على خير |
الحمدلله
الف مبررررووووك ياخوي ومابعد الضيق الا الفرج والله يتمم لك على خير ^.^ |
امين ياختي والله يجزاك خير
|
وفقكم الله
|
| الساعة الآن 10:20 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©