|
زوجي دائماً يقيدني .. ويضربني .. حتى تأذت طبلة أذني
السلام عليكم ..
أنا بنت متزوجة من سنة تقريباً .. أقف عند زواجي وأتذكر كيف كنت خائفة من زوجي وكيف راح تكون حياتنا :( طيلة هالايام تجيني مشاعر غريبة .. هل انا مقتنعه بما آل عليه زواجي أم لا ؟ زوجي طيب ويحبني بس المشكلة انه .. يضربني .. !!!! وليس كأي ضرب .. ضرب شديد جدا ومؤلم جسديا ومعنويا ودائما اصحى من بعدها وجسمي كله يؤلمني وانا ابكي ليه كذا يسوي مرة يقول انا آسف عيون الناس ومرة يقول انتي السبب !! لا أعرف ماهو السبب اللي يخلي الرجل يعطيها كفوف لدرجة يصير عندها فتحة في طبلة الاذن ؟؟؟ او انه يرميلها في الارض ويجلس يضربها على بطنها وهي طول اليوم تعاني من آلام ماقبل الدورة ؟؟؟ او يربطها بيديه ويجلس يستفزها انها هو الاقوى وهو القادر انه يتحكم فيها ويهينه ويجلس يضربها ؟؟؟ يتقطع شعرها .. تظهر العلامات الزرقاء ويحمر الجلد .. ومرة بغى يخنقني :( مااعرفله لمن يشوفني ابكي يضربني ولمن اصرخ بوجهه انه مايضربني يجي يضربني :( :( هل انا السبب ؟؟ صدقاً مافي سبب وجيه انا اقترفته يخليه كذا يسوي ويجي يقول انتي قللتي من احترامي بس انا هالمرة دافعت عن نفسي ودفعته عني حتى مايضربني بس ظل يضربني اشد قسوه عن قبل.. هذا اللي صارلي قبل كم يوم وقبلها مرتين وهالمرة أقوى .. هذا اللي مخوفني وماني عارفه وش اسوي انا ماعندي اطفال وقد كلمت اهلي بموضوع الضرب ولكن اهلي وخاصة ابي مايتفهمني .. !! انا خايفه ان هالموضوع يتكرر .. لاني في كل مرة يضربني يقوم يزعل او يتأسف ولمن يزعل لازم اجي انا اتأسف واحب راسه لاني خايفه من تبعات الامور وابي حل .. انا جدا طيبة وبسرعه انفعل وازعل وبسرعه اتصالح .. بس ماانسى :( |
مريض نفسي
|
هذا اللي مخوفني اكثر .. :(
الله يهديه يارب والله احبه |
والله لو هو شاف ان عندك ردة فعل قويه صدقيني مارح يتجرأ ويسويه.........والمؤكد من اللي تقولينه ان مريض نفسيا وانصحك انك تطلبيه يروح عند معالج نفسي..كان الله في عونك
|
الله يفرج همك......
اختي الظاهر ان زوجك مريض صراحه لو انا بمكانك مااقعد دقيقه اختي صراحه الي حسسني انه مريض (يربطك ويستفزك) وش الي مخليك تصبرين تخيلي مره وهو يضربك ذبحك ولا تخيلي عندك ولد مو ممكن يضربه اويذبحه مدام ماعندك عيال روحي لاهلك تقولين يحبك؟؟؟؟؟؟؟ اذا يحبك ويسوي فيك كل هذا اجل لو يكرهك وش يسوي اختي لا تزعلين مني الله يوفقك باختيار الحل المناسب |
الله يفرج عليك
|
السلام عليكم
اختي انا متابعه لهذا المنتدى من ثلاث سنوات ولكنني قليلة الردود بسبب رغبة زوجي ولكن ماقدرت اطلع من دون ماادعي لك وخليه يراجع طبيب نفسي يمكن عنده مشكله لانه بصراحه احسه يستمتع بالضرب وانتي عادي عندك كل اللي يسويه حتى لو اهلك ماتفهموك فيه جمعية حقوق الانسان تقدر تحميك منه ولا عليك من احد نصيحه لاتسكتين له اكثر من كذا ليه الدنيا فوضه ولا بنات الناس لعبه المفروض من اول مابدا يمد يده عليك وقفتيه عند حده الان بدا يتمادى اكثر واكثر صدقيني الرجل لايحب المراء ضعفية الشخصيه وفي نفس الوقت مايحب المتسلطه خليك وسط اعرفي حقوقه عليك وحقوقك عليه واجعلي خطوط حمراء عند الضرب الضرب الى الضرب وقلة الحترام الله يعينك ولاحول ولاقوة الى بالله |
عتريس افندي طيب كيف اواجهه .. !!
كنت فعلا ناويه اروح عند اهلي واظل عندهم بس اهلي مسافرين وهو المشكلة يهددني بأهلي ويقول انتي السبب لانك تغلطين علي بالكلام ؟؟ اقول انا مااسوي شي الا لانك ضربتني بالاول :( بس ماتجي للضرب وهالشي يستفر اي بني آدم واذكره بأيام الملكة يوم سألته ولمحتله اني مااحب الرجال اللي يضرب حرمته وقال ايوه وقاللي انه يضربها بدون مايطبع عليها علامات علشان يأدبها لان الرسول صلى الله عليه وسلم امر بهالشي ونهى عن الضرب المبرح .. !! |
ام مشموشة
امييين يارب الله يفرج علي وعلى الجميع هذا اللي مخوفني انه ممكن توصل لمرحلة اكبر وخلاص يصعب اننا نحلها انا ابي اهلي يرجعون من السفر علشان ودي اقولهم عن اللي سواه فيني صدقيني ماقلت غير لاختي ودعيت ربي كثييير اذكر يوم ضربني قلت له انت مريض اكيد متعقد وانت صغير لان ابوك كان يضربك كثيير :( اقوله اتقي الله انا لو اني رجال كان قدرت اردها لك بس المشكلة انا بنت وضعيفه ومااقدر عليك مااقدر ادافع عن نفسي :( |
سيرة الايام الله يفرجها على جميع المسلمين يارب :(
|
ليش ساكته على هذا الوضع احتمال المرات القادمه يعمل لك عاهه .. وليش ساكته له .. خذي شنطه ملابسك وروحي بيت اهلك .. يعني بالمعنى العربي حطي اهلك قدام الامر الواقع .. قولي لهم هذا انسان صعب العيش معه .. شوفوا لي حل .. في نقطه مهمه يا اختي انتبهي تحملي قبل ما تشوفين حل لزوجك.. حتى ما تتورطي باطفال في حال ما استمرت الحياه بينكم .. واذا اهلك ما لقوا لك حل .. كلمي اهل زوجك يشوفوا لك حل .. او ان الطلاق هو الحل في الاخير .. خاصه انه ما بينكم اطفال يربطونك بهذا الانسان المتوحش .. |
قمة البراءة شكراً لك ..
هذا فعلا اللي فكرت فيه .. هو اذا يحبني مستحيل يضربني وكان كلما وصلنا لمرحلة خلاف يقول لاتخلين الشيطان يلعب فيني وامد يدي عليك واقوله مستحيل تسويها كنت اظن انه يحبني مستحيل يضربني بس فعلا ضربني وكان يقوللي الله يشفيك لاني لمن يزعلني اكسر الاشياء وانا ابكي على اللي يصير لي وهو بكل برود يتركني على حالي .. اين حقوق الانسان ؟ |
لا حول و لا قوة الا بالله
رددي حسبي الله و نعم الوكيل و ربنا حياخد لك حقك من هذا الجبار المتسلط عاجلا أو آجلا |
الله يعينج اختي والله يهدينا ويهدي زوجك..
عزيزتي من حقك تخافين ولكن لا تسكتي وحاولي تلجئين لأبيك اكثر من مرة او لأخوك الكبير لأن اعرف وحدة كانت مثل حالتك والحين صار لها اكثر من اسبوعين في غيبوبة في المستشفى بعد ما ضربها زوجها وكان متعود يضربها من اول زواجهم وهي ضلت ساكتة، وزوجها دخل السجن بعد ما دخلت المستشفى والحين طالع بكفالة لحين ما تنحل القضية وعيالها ولدين توأم عند أمها. لالالا تسكتين يا اختي. |
الله يخلف عليك شخص مثل كذا مستحيل ينعاش معه اليوم لك سنه ويعاملك كذا اجل بعد ماياخذعليكوتروح المجاملات وش راح يسوي هدديه اذا مد يده عليك مره ثانيه تروحين وتخليه صدقين وع ساعه ولا كل ساعه بكرى يضربك وانتي حامل وش راح تسوين
|
الله يفرج همك وهمي ولكن بجد ما ينسكت له ابدا ولا تقولين احبه ولا خرابيط الزم ما عليج صحتج ماراح ينفعج وبيرميج لو صار لج اي اعاقة من افعاله الشينه ، الله يهديه يا يروح لطبيب نفسي يا ما تقعدين معاه
|
انا لله وانا اليه راجعون اكثري من الدعاء]
|
يااختي الوضع فعلا ماينسكت عنه ...انجي بنفسك من هذا الانسان الغير طبيعي
الله اعلم في المرة القادمة ماذا سوف يحصل لك ...طالما ان بيت اهلك موجود واهلك موجودين وليس هناك مايجبرك على البقاء معه ...فلماذا تسكتين وتحاولي ان تصبري على هذا الضرب المبرح اختي اخبري اهلك ودعيه يشعر ان وراك اهل وناس ولن يرضوا بان تكوني على هذا الحال حتى يرتدع ويخاف ويعمل الف حساب قيل اان تمتد يده عليكٍ ...اسال الله ان يفرج همك ويكشف غمك ويهدي زوجك |
اختي .................
الله يعينك ويصبرك عليه والله يصلح مابينكم ......... انا برائي ان انتي توقفينه عند حده لان راح يتماده عليك اكثر ........... وبعدين اذا ربي عطاك طفل ..... وش راح تسوين ؟؟ وصبر له حدود ............ وأذا صبرتي سنه او سنتين ماراح تصبرين طول العمر ....... وهذا شي ماينسكت عنه .. الله يصلح مابينكم ويوفقكم ....... تقبلي مروري |
وينك انتي وين شخصيتك؟؟؟؟
وقفي لحده...امثال هذا الرجال ما يحتاج المراة الضعيفة اللي تبكي و -تندب حظها..وقفي وقفة قوووية..ولا يصير شي فيكي ما بعرف ليه الرجال "البعض منهم" مفكرين ان المراة ما بيه تعمل شي و انها ملك و خادمة لهم |
حبيبتي انتبهي منه لا تسكتي على حقك
والله يعينك ويهديه لاتنسي الدعاء وخصوصا في جوف الليل والزمي الاستغفار |
إذا الموضوع مثل ماقلتي..
استغرب من اللي زوجها يهينها ويضربها هالضرب وساكتة .. وش تنتظريك؟؟ يذبحك؟؟ |
الله يفرج همك
بس كده عيشتك صعبه واكيد عايشة في قلق منه لازم تجلسي معه في لحظه صفاء وتحكيله انك صرتي ماتحسي بالأمان معه وكدا الله يوفق بينكم يارب |
الله يعينك ويصبرك اختي
كسري له يده عشان ما يمدها تاني مره والرجال اذا ضرب زوجته مرة ايده تولف على الضرب اتصرفي قبل ما يجيكم الاولاد وتصير المشكله مشكلتين |
بصراحة أنا لو مكانج
بنفذ بجلدي هذا ما يتعاشر أبدا خاصه انه ماعندج منه اطفال مادري اذا كنتي قادره تتحملين منظر عيالج وهم ينضربون!! |
صراحة انا لو مكانك ما اقعد ولا دقيقة عنده لأني لم اعد اشعر بالآمان معه.
كيف تقولين انه يحبك و يفعل بك هذه الأفعال لطم و ضرب و ربط و رمي بالأرض وووو.. !!!! حبيبتي لازم تخبري اهلك في اقرب وقت و توقفوا عند حده وحاولي مثل ماقالوا الأخوات انك ما نحملي منه قبل تسوية الوضع معاه الله يوفقك ويهدي زوجك و يحنن قلبه عليك. |
عندي سؤال بسيط يا اخيتي هل انتِ عبده ... أم زوجة ؟؟؟؟ وضعيها حلقة في أذنك الشخص الذي يفعل بزوجته هذا الأمر ليس .... برجل وأهلك إذا ما اتعاملوا معاه بقوة .... هناك شرطة .... ومحكمة .... وشرع الله أسأل الله ان يفرج همك بوركتم |
حسبي الله عليه اختي انا زوجي لويضربني اوقفه عند حده اختي عليكي بالدعاء وانجي بنفسك
|
تبغي الصراحه
ولاتزعلي مني الغلط منك انت لأنك لو اعترفتي بانسانيتك ماتجلسي معاه دقيقه |
هاذا مريض نفسي ...
دام ماعندك اولاد لاتعيشين معاه ... يبغى يكون القوي ؟؟؟ الله سبحانه اقوى ... ابي اعرف بس دامها وصلت للأذى وش مصبرك ؟؟ الله يريح بالك يارب ... ويسعدك ... هموووم |
لا سببـ
ولا مبررات ولا أعذار ولا تعاطف ولا تفهم لشخص يقيد زوجته ويضربها إما ان تبي معه ويعاملك بالحسنى أو اخرجي بكرامتك مبكراً قبل أن تخرجي بدونها متأخراً |
اهممممممممممم شي لا تحملين الا لما تتاكدين من وضعك معاه
وانا لو مكانك راح اهج الله يهدي سركم ويهديه ويصبرك على بلواك ويفرج لك |
أختي لازم وقت اللي يكون فيك آثار لضربه وريه أمك حتى تشرح لابوك وضعك ومعاناتك
أعانك الله وفرج كربك |
معلش ماتزعلي بس مريض نفسي
خاصة قصة الاستفزاز وبيقعد يقلك انا اقوى منك خوفتيني ماتوقعت في ناس متل هيك الاغرب انت على شو متحملة وكيف متحملة نصيحتي انفذي بجلدك قبل ميعملك عاهة مستديمة ولا حاجة بصراحة هاي مصيبة مابنسكت عليها لو ضرب خفيف كان قلنا اجرك لله و ادخلي حد بينكو او تفاهمي بس شكل زوجك متازم نفسيا ومنشرح بالضرب خليه يروح طبيب نفسي مع اني اشكككك انو بيقبل او اتركيه فورا اوجدي حل مصيبة هاي الي انت عايشة فيها وماعندك اولاد يعني مابظن ناوية تنتظري تجيبي اولاد منو ويعمل فيهم هيك؟؟؟ وحاليا امنعي الحمل منو طبعا طمنينا عليكي |
الله يعينك اختي
بس انا مش شايفة سبب يمنع من الطلاق الطلاق في هذه الحالة نعمة وليس بنقمة اتكلي على الله اذا صرلك سنة وهيك.... يعني عروس بعدك وخصوصا انه ما في اولاد كيف بكرا بعد كم سنة ولما الله يرزقكم الاولاد المشاكل تكتر والضرب (لا سمح الله) يزيد اكييييييد ما بيحبك لو بيحبك ما كان ضربك وباين عليه انه مريض نفسي يعني اولادكم يمكن ما يسلمون من ضربه وعنفه نصيحتي...... اطلبي الطلاق |
والله لو اني مكانك الله لايقولها مااجلس معه ولا دقيقه لو انام في الشارع اش اللي مصبرك عليه
|
اقتباس:
أوافـق أخونا المجاهــد بقاءك على هذه الحال قد يجلب لك خطر أكبر ، إذا تأذت طبلة أذنك وساكتة.... ممكن تصابين بعدها بعـاهـة مستديمة، سلامتك أولاً أهم من أي محاولة تفاهم أو تواصل معه... إستعيني بالله عـز وجـل ثم بأهـلـك وأخـوانـك ، لا تسكـتـيـن وأخبريهم بما يفعله بك.. ولا تعجزي فأنت صاحبة الحق... الله يفرج همك ويكشف كربتك ويكتب لك الخير أخوك عزوبي:21: بس:d رجل:30: دمتم بحفظ الرحمن |
لاحول ولاقوة إلا بالله ..
حقيقة أعجز عن كتابة أي كلمة أمام هذا التصرف الذي لايليق بالبشرية ..!!! أي حب ايتها الفاضله !!!! ضرب وإهانه ثم ماذا بعد ؟!!!! لاإله إلا الله ..... |
يالله .. زوجك هذا بالفعل مريض نفسي..أو إنه يبي يفرض نفسه بالغصب
ويغطي نقطه ضعف..أو نقص فيه .. حبيبتي..أول شي كثري إستغفار ودعاء في جوف الليل إن الله يهديه ويسخره لك.. ثانيا..قضيه الضرب نهى عنها الرسول صلى الله عليه وسلم..ولما تكلم عن الضرب فسروه العلماء بإنه بطرف الثوب أو بالسواك وهو معنوي أكثر من إنه جسدي..لأن المرأه بطبيعتها حساسه.. ثالثا..لاعمرك تعتذرين منه وأنتي ما أخطأتي..حتى لو إنك خايفه منه..لأن اللي مثله يعتقد إن اللي سواه صحيح لما تعتذرين.(إلا لما تكونين بالفعل غلطانه) رابعا..بما إنه إستمر الحال على كذا..لازم توقفينه عند حده يعني..لازم تعلمين أهلك وإن شاء الله توصلينها لكل عائلتك..لأن الرجال من هالنوع لمايشوف المرأه ساكته يعني راضيه ومافي أحد يردعه من رجال أهلها مثل أبو أخو عم ..يتمادى كثير.. ولازم تحسسينه إنك إنسانه لك كيان ومشاعر واحاسيس وجسم أمنك الله عليه وهو ألحين مسؤول عنك.. يمكن كلامي قاسي شوي بس يبغالك تضغطين ع مشاعرك ونفسك شوي علشان مصلحتك..اليوم طبلة إذنك بكره الله يعلم وش بيكسر..ولازم تصير فيك(لاقدر الله)عاهه مستديمه ..علشان تتحركين.. تحركي قبل لايصير عندك أطفال وتندمين طول حياتك.. |
اختي اخرجي قبل ان تخرجي على الاكتاف (الله لا يقوله)
لكن من الممكن مريض نفسي ومسكوت عنه انتبهي ونبهي اهلك بعد على الضرب ولازم يوقف عند حده السكوت يدفع للتمادي |
| الساعة الآن 12:00 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©