|
خايفه من المبادره الاولى محتاجه رايكم
السلام عليكم ورحمة الله وبركاته
هذي اول مشاركه لي في المنتدى لكن انا صديقه قديمه لكم لكن بصمت:) بدخل في الموضوع على طول انا مخطوبه من خمس شهور والحمد لله مقتنعه بخطيبي تمام الاقتناع لكن لحد الان مافيه تواصل بينا مع العلم انه طلب من اخته انها تاخذ رايي اننا نكلم بعض بس انا رفضت لاننا ما تملكنا لحد الان لكن من فتره قريبه حصل على شهادة الماجستير وقالت لي اخته ليش ماترسلين له رساله تباركين له بصراحه انحرجت ارفض مره ثانيه وافقت واخذت منها الرقم وقالت بقول لاخوي انك بترسلين له رساله انا اللحين متردد وخايفه من المبادره ابي رايكم باسرع وقت محتاجه لارئكم:22: |
نصيحتي لك أن تستمري على طريقتك هذه وإياك والإتصال به حتى ولو تمت الملكة فالرجال يحبون المرأة التي يغلب عليها الحياء وأنت بهذه الطريقة سوف تكبرين في عينه وبعد الزواج أخبريه أن حيائك هو السبب في عدم الاتصال به وصدقيني أنك سوف تغلين عليه وسوف يثق بك ثقة كبيرة وغلا فوق ماتتصوري
|
اقتباس:
كيف اخلص نفسي من ها الموقف طيب ممكن ينتهي الموضوع برساله مباركه ولا يمكن يتصل فيني انا متوتره كثير تحملوني وارشدوني |
إن شاء الله لما يملج عليج ساعتها خذي راحتج معاه
طريقتج جذيه احسن وبالتوفيق |
اممم والله موقف محير صراحة ... بس ممكن اذا انتي وعديتها تتصلين وتباركين وتخلين الاتصال رسمي جداً ... وتبينين له انه ماراح ينعاد الا بعد الملكه .. اهم شي يكون رسمي .. :)
موفقه ان شاء الله .. :) |
ممكن تخلي أخته توصل التبريكات وهذا أفضل
|
اقتباس:
أنا أؤيد رأي الأخ أبو سند ابتعدي يا أختي عن هذا لأنه ممكن يطور لأمر أكبر وبعد الملكة أرسلي له مثل ما تبين |
عادي خلي اخته توصله مباركتك
وبعد الملكه خذي راحتك لكن الحين مره صعبه تكونين انتي اللي باديه ترسلين<<وجهه نظري |
والله امر محير
لاكن دامك وعدتي اخته فممكن بمسج تباركين له ... |
السلام عليكم ..
بما انكم لم تعقدوا قرانكم بعد فلا تتصلي ولا ترسلي .. واذا على الوعد ممكن تشرحين له بعدين ليش امتنعتي عن الارسال أو تطلبين من أخوك أن يرسل له باسم العائلة الكريمة كاملة |
اقتباس:
إذا كان بينكم عقد شرعي عقد القران فلا مانع من إرسال الرساله والتحدث معه وإذا كان لم يكن بينكم عقد شرعي فلا يجوز التحدث ولا الإرسال تحياتي |
أختي
نصيحتي لا ترسلين ولا تتصلين اتصلي على أخته وبلغيها المباركه وعسى ربي يجمعكم في خير وللخير دائماً أختي البنت مهما يكون ما تكون المبادره مهما كان أحلى إنها تجي منه أقولك موقف والله حصلي شخصياً لما سوينا إختبار الزواج والحمدلله جات النتيجه إيجابيه أرسلي مسج يباركلي في النتيجه طبعاً الفترة هذيك لسى ما شافني ولا كتبنا كتابنا على بعض طبعاً ما رديت عليه وكنت راح أموت من الخوف بس ذحين بعد الملكه يقولي بصراحه عجبتيني لأنك ما رديتي لأنك لو رديتي كان أرسلت وراها 100 رساله فخذيها نصيحه لسى يمديكم على الرسائل والإتصالات تحياتي |
شكرا على ردكم جميعاشخص شخص
وانا مقتنعه بكلامكم جدا وراح احاول اصلح الموقف |
حلوه فكره ارسال رساله عامه من العائله بالمباركه الي ذكرتها احدى الاخوات
بس نصييييييحه لا تتصلي ااااااااااااااااابدا |
لا رساله ولا غيرها اولا لم يعقد القران بينكما وثانيا يقولون الثقل صنعه..
|
احذري ان ترسلي رجل غريب رساله او مكالمه هو اجنبي منك
اختي الدين والحياء لا يسمح لك بمراسلته مهما كان الرجال يبغضون المرأه الجريئه المستعجله مهما ابدو اعجابهم بها هذا واقع وليس مجرد رأي اختنا الفاضله اكبر خطيئه ترتكبينها ان ترسلين له او تتحدثي معه اتقلي واعقلي |
ممكن تكتبين المسج الي في بالك
وارسليه لاخته وهي ترسل المسج لاخوها وقوليلها تتعذر منه لانك مرررررررره مستحيه ومو قادره وحاسه ان هذا الشي غلط وما نفسك تكون حياتك من بدايتها اغلاط ومحرمات |
افضل انج ما ترسلين له رساله الا بعد الملجه
|
| الساعة الآن 08:25 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©