|
فحص ماقبل الزواج والقلق المصاحب لذلك (أريد حلا) ....!
بسم الله الرحمن الرحيم
فحص ماقبل الزواج والقلق المصاحب لذلك...! خلوها البساط احمدي وبلاها فصحى وعفطه لسان :25: فحص الدم والقلق ... من سنوات وانا اخاف من شي اسمه تحليل مادري طبيعه ولا لا ..؟؟ اذكر قبل كم سنه كنا في المدرسه والمعلم حط مسابقه للمشاركه بالبيع بمقصف المدرسه وانا كنت من ضمن الفائزين بالمسابقه <<< انبسط وفلها ولكن يافرحه ماتمت ): قالوا لنا لازم تتوجهون للوحده الصحيه وتسوون فحص دم ..! انا عطيتهم الورقه وقلت سلاااااااااااام عليكم ^_^ بلا مقصف بلاهم وكل هذا خوف من انتظار النتيجه !! مادري وش السالفه لان بطبيعتي اخاف من التحاليل وخاصه الدم لانه مقلق ... هذي نقطه الي هي سالفه الخوف من التحليل ككل(: النقطه الثانيه هي عدم التوافق الي شايل همها وهي المقلقه بشكل ماتتصورون انا ضبطت وضعي ولله الحمد تمام وتمت الموافقه من جميع الأطراف ولكن بقي هالتحليل هالي مادري من وين طلع لنا !! وخوفي كل الخوف من نتيجه عدم التوافق .. سؤالي هنا ... هل نتائج عدم التوافق نسبيه وقليله جدا مقارنه بنتائج التوافق هل بالميه 1% او اقل او اكثر لاني بصراحه خايف يردون علينا يقولون مافيه توافق وهذا الي مخوفني قبل تقريبا 4 ايام تم التحليل ولكن النتيجه لن تظهر الا بعد 7 ايام من الان ...... اتمنى افادتي وشكرا تحيتي .............. |
السلام عليكم ..
مستوى القلق لديك مرتفع ليس الا .. كنت مثلك ولكني تعلمت طريقة التعامل مع الحالة باشغال نفسي بأمور اخرى أو القيام بأي عمل .. وانصحك بعد الفحص بعدم القراءة حتى عن الموضوع لأنه سيزيد من قلقك وتوترك .. ولكن اشغل نفسك بالرياضة أو بهواية ..او بزيارة قريب أو صديق ..أو التجهيز للزواج أو البحث عن شقة .. اجعل من تفكيرك ايجابيا وسترتاح .. والحمدلله لا اظن النسبة عالية ..فنادرا ما نسمع بعدم التوافق .. حيث انهم ينظرون فقط الى الأمراض الوراثية .. وان شاء الله ما فيكم الا العافية .. والخيرة فيما يختاره الله لكما .. دمت في حفظ الرحمن ,,, |
شكرا رسيل
ومازلت منتظر تعقيبات الاعضاء |
عليكم السلام الله حييه ..:d يا هلا بك أخوي وليد طلعت تخاف من الأبر وتحليل الدم .....ماش قلب...:d تعال معي وأدلك على حاجة حلوة تخلصك بإذن الله من هذه الفوبيا ...:23:
أخوك عزوبي:21: بس:d رجل:30: دمتم بحفظ الرحمن |
.........................
ماتخاف او تقلق ترا عدم التوافق نادر يصير ان شالله مبرووووووووووووووووك مقدما |
عزوبي بس رجل
الف شكر لك بصراحه والله ماقدر ارد لك هالجميل بصراحه موقع مميزه انا حملت المذكره ولابعد قرأتها لكن اتمنى منك تفهمني بعض الامور في الموقع لانه ان شاء الله وبعد الله راح احصل حل لمشكلتي بالموقع نفسه بالنسبه للمقطع الي قلت لي عنه هل هو الموجود في الصفحه الرئيسيه او لا؟؟؟ اختي ترفه شكرا لك وماقصرتي والله يبارك فيك يارب اشكرك من قلبي تحياتي لكم |
طبيعي قلقك بس انتبه يتجاوز المعقول
اخوي رجال وش كبره إذا شاف الدم تعال شف وجهه :d ومايحب الابره ويشيل همها والحمد لله ماشيه اموره هذا من ناحية القلق تجاه الدم والحمد لله إنك رجل وييين وييين تسوي تحليل دم بالنسبة لقلقك والإنتظار ابــداً توكل على الله ومايصير إلا كل خير إذا زوجتك ماتقرب لك بيكون التوافق اضمن إن شاء الله وحتى لو تقرب لك إذا إنك مافيك شي وتعرف من قبل عن عينة دمك والتحليلات الموجوده بالورقة إنها تمام إن شاء الله فيه توافق ، ادع ربك يكتب لك اللي فيه خير لكم وبشرنــــــا لاتنسى الله يوفقكم .. |
اقتباس:
حياك الله أخوي وليد بالنسبة المذكرة سهل فهمها + تشوف المقطع..!! إضغط على هذه الصورة وبـيـشتـغل المقطع معك [imgl]http://up.do7a.com/get-7-2008-do7a_com_4xc7y2fx.jpg[/imgl] تراه موجود بالصفحة الرئيسيه...والتقنية مفيدة - بإذن الله - للتخلص من أي مشاعر سلبية.... بإذن الله نسمع منك الاخبار الطيبة وتمام زواجك بإذن الله الله يرزقك الزوجة الصالحة ويرزقك منها الذرية الصالحة دعائك... أخوك عزوبي:21: بس:d رجل:30: دمتم بحفظ الرحمن |
الف شكر للجميع لكن مازلت وطمعان بكرم الاعضاء ابغى طبطبه على الكتوف (: وتطمين للنفس لاني بصراحه خايف من النتائج
تحياتي |
الفحص اللي اعرفه يكون لامراض وراثيه نادره جدا وباذن الله تكون النتايج تمام
|
ذكرتني بيوم تحليلي :d.. اغمى علي من الخوف .. طبعا مو خوف الابره الا كنت افكر في النتيجه من بدري
كنت خايفه انه مايكون في تطابق ... وقضيت شهر رمضان بكبره امراض .. من زكان الي الآم معده الى نزله معويه :d ولاتخاف اخوي .. هو تحليل لأمراض الدم الوراثيه وبس ... وان شاء الله تتوفق ... الله يسعدك ويريح بالك يارب ... هموووم |
يابن الحلال كلنا في الهوى سوء
بس حاولت اشغل نفسي مع ربعي في الاستراحة وحاول تنسى . واحد من اعرفه كان شاك انه كان فيه ايدز لانه كان راعي سفاريات الله يهديه وراح ياخذ النتيجة ولم طلع الفحص اغمى عليه ماصدق انه طيب . حاول تنسى واتكل على الله |
ماشاء الله تبارك الله
وبسم الله عليك الرحمن الرحيم عسى ماشر ليه خايف حدد بالضبط من الابره ولا من النتيجه النتيجه امرها سهل بإذن الله ولاتشيل هم صلي واستخيـــــــــــــــــــــــــــــــــــــر ان كان هذه الزوجه صالحه لك بتتم اموركم على خير وتطلع النتيجه متوافقه بالعكس افرح هذا التحليل بيساعدك ويفرحك ويطمن قلبك على اولادك بالمستقبل توكل على الله وبتلاقي الخبر المفرح وبتفرح بأولادك انهم بصحه وعافيه ان شاء الله خالين من الامراض اهم شي صلي واستخير وتوكل على الله الله ييسر امرك ويسخرلك ويسدد خطاك |
ابوخالد اعقلها وتوكل والفحص لللاطمئنان لااقل ولااكثر وبالنسبه للدم زي مايقولون شكة ابره واذا ذهبت الى مركز اللياقه مكان الفحص حاول ان تشغل تفكيرك باي موضع وانشاءالله تعدي على خير ومبروك مقدما .:14:
|
أخي الكريم من حوالي شهر مريت بنفس اللي مريت فيو لا والاكتر أنا مو بس فحوصات دم وفحوصات المقدرة الانجابية الي كمان وصار فيني متلك بس مو قصة خوف من التحليل كتحليل انما الخوف من النتائج خصوصاً وأنه أنا وخطيبتي والحمدلله متفاهمين تمام و موحابب اخسرها و كمان موحابب بالمستقبل لا سمح الله يجيني اولاد مرضى وابقى كل العمر ندمان فبقيت يا اخي الكريم فترة متهرب من هالشي بالرغم من اني اريده حتى اجا اليوم اللي خطيبتي بالصدفة فاتحتني بالموضوع وبوقتها كتير توترت ورفضت بالبداية بس بعدين هديت شوي وتاني يوم مباشرة اخدتها ورحت حللنا والحمدلله بعد حوالي اسبوع رحت لحالي وانا رايح قرأت سور من القرآن الكريم وادعية بان يقدم الله ما فيه الخير بيني وبين زوجتي و الحمدلله كانت النتيجة تمام التمام وطمني المخبري بالبداية فما اطمنت ورحت عند الدكتور وتأكدت وارتحت وعملت حفلة غير شكل أنا وخطيبتي
و إن شاء الله بتكون نتيجتك كمان تمام التمام إن شاء الله ولا تفكر كتير وحاول تشغل حالك بهالوقت |
الف الف الف شكر للجميع وجزاكم الله كل خير وامين لكل من دعا لي وله المثل
طمنتوني وادعوا لي بالتوفيق يارب تحياتي لكم |
عااااادي وطبيعي جدا
وبعض الناس يجلسون 3اسابيع وهم على احر من الجمر ومبروك مقدمااااااا |
شكرا لك شروق الشمس
ويااااااااااااااااااارب التوفيق |
| الساعة الآن 12:17 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
