|
مشكلة بين والدي وزوجي
حبيت اخذ برايكم اخواني واخواتي لانكم دائما خير معين وما خاب من استشار تعضاء عالم الحياة الزوجيه
ابدا في الموضوع فرح اخويا راح يكون في الرياض نهية الشهر الجاي وهي ملكه وفرح :14:الله يهنيهم:14: لهنا وتمام ندخل في صميم المشكله بسم الله اولا انا عندي ولدين صغار وزوجي ما اقدر اجي ولا يقدر ياخذ اجازة من شغله نظرا ابدا لظروف عمله وثانيا لو حا سافر بالطيارة انا وزجي اولا اولادي فين اتركهم التذاكر مع الاقامه مع تكاليف فستاني والكوفيرا ووو ميزانيه تانيه ثالثا لو رحت لحالي ابويا راح يزعل مني ومن زوجي لانه حالف انه لو ما جاء زوجي ما اجيله بيت ولا ازوره في اي مناسبه وكلام مرررره كتير طيب وزوجي ما عنده امكانيه انه يجي الفرح ولمن كلمت ابويا وحاولت افهمه بس مو راضي ابدا طيب انا واقعه في النص بين زوجي ووالدي الله ينجيكم اش الحل؟؟؟؟ |
حاولي تكلمين أحد كبير يقنع أبوك ويفهمه أو خلي زوجك يكلمه باللين والهداوة ..
ولو ماوافق طبعا رضا زوجك أهم وألزم .. الله ييسر أمرك .. |
مبارك لأخوك وزوجته ربي يوفقهم ويتمم فرحتكم بدون مضايقات بالنسبة لزوجك ووالدك من الأفضل ماتدخلي بين زوجك ووالدك ولا تعتذري عن زوجك خليه هو يعتذر لوالدك ولا تطلبي منه الإعتذار لوالدك احضري الفرح مع اهلك بعد موافقة زوجك طبعاً وزوجك وابوك يتخالصوا أنتي ابعدي نفسك لأن تدخلك ممكن يكبر الموضوع ولو كان فيه زعل مع الايام بيعرف والدك ويقدر الموقف هذي نصيحتي واتمنى تفيدك |
اقتباس:
واذا كلمت احد كبير ابويا راح يعند اكتر لانه يحب الكلمه اللي يقولها تتعمل الله يعين الجميع وبالنسبه ليا زوجي مو رافض روحتي بس المشكله في روحت زوجي |
اقتباس:
بس ايش اعمل ادا سافرت ووالدي سالني عنه اكيييد راح يسمعني كلام |
عادي لاتردي عليه لانه اكيد بيذم بزوجك ولو رديتي بيحس انك مؤيدة زوجك
او ردي بلباقة انا جيت عشانك ياوالدي ما اكفي انا واولادي ؟ وانا افضل السكوت وعدم الرد هي يومين بتكونوا فيها مشغولين بالفرح مارح يثقل عليك بالكلام توكلي على الله |
اقتباس:
وبالنسبه لاولادي انا رايحه لحالي |
خلاص السكوت افضل شي واكيد متعودين على عصبيته من قبل
لاتخسري زوجك ولا تخسري والدك احضري وباركي لاخوك وحاولي تنشغلي عن والدك الين ترجعي بيتك الله يعينك |
اقتباس:
الف شكر اختي على مرورك و ردك الجميل وما اقول الا ان شاء الله تجي العواقب سليمه وجزاك الله خيرا |
خلى والدتك تقول لأبوكى يخف عنك شويه وأمك لو تدخلت هتهدى الأمور أكيد والعريس كمان يقف فى صفك ويقوله اهم حاجه انها هى جات وحضرت. وصدقينى كثر خير جوزك انه راضى يوديكى ويسفرك لحالك غيره والله ما يعملها.
|
اقتباس:
بس المشكله ان الكل واقف ضدي يعني اخواني وابويا الحمد لله بس اهلي للاسف ما اقدرو هذا الشي وبالعكس شايلين عليه ويقولو خليه يبطل بخل ويجي اجمل معانا احنا ياما وقفنا له طيب وانا اش اعمل الله يجزيكم كل خير |
اهلا بحبيبتي om mody
الف مبروك لاخوكي لله يتمم له بخير انا رأي انتي لازم تروحي الفرح حاولي تخلي زوجك يجي لو ما نفع خليه يتصلف يبارك للعريس(اخوكي) ويعتذر لوالدك ويشرح له الظروف ان شاء الله تنبسطي وما تحصل اي مشاكل |
اقتباس:
والله اسعدني وجودك اختي في الله اقول ان شاء الله اني اقدر احضر الفرح بالنسبه لزوجي اخاف انه تحصل مشاكل ما ادري ادا فكرتي كويسه ولا لاء اني ما اقل لاحد انه جي الا يوم الفرح لمن هما يشوفو بنفسهم بس الله يعيني وقتها وربنا يسمع منك يا رب نورتي اختي زوجة احمد |
أختي الكريمة الفاضلة ...
الأمر بسيط إن شاء الله ... والأدب والذوق يحتم على زوجك الاتصال على والدك والاعتذار منه وشرح الظروف ... هل والدك ( الله يحفظه ) رح يزعل لو عرف إنه ظروف عمل زوجك ما تسمح له بالحضور ؟ لا أعتقد ذلك .. فلو جات على زوجك رح يروح ... صح ؟ لكن ظروف العمل تمنعنا كلنا أحياناً من المشاركة فيما نحب وهذا أمر طبيعي ... ويقدره غالب الناس ... إذا كان والدك لن يقدر هذا الاتصال من زوجك ويعذره ... فعلى ما يبدو في هذه الحالة أن هناك ترسبات سابقة وقديمة بين ( والدك وزوجك ) إن ما خاب ظني ... فإن كان هناك شيء قديم وسابق ... أخبرينا .. حتى تتضح لنا الأمور أكثر .. فتكون الحلول بإذن الله من اتضاح الرؤية كاملة تحياتي ... وكان الله في عونك .. |
اقتباس:
وانا في حيره بس ما اقول الا الله يعديها على خير والف شكر اختي على مرورك وردك المفيد واعذريني على التاخير بسبب مرضي |
اخواني وااخواتي حابه اعلمكم بالمستجدات
كنت انا وزوجي عند اهلي امس و والدي فتح الموضوع مع زوجي ورد عليه بطريقه لائقه انه منشغل وما راح يقدر يجي لكن والدي قام يجرحه بالكلام انه بخيل وانه ما يوقف معهم ووووو كلام مره قوي وقاله زوجي انه لو مايبغى يجي ما راح يجي وبصراحه حاسه انه والدي شايل على زوجي والسبب من اخواني الله يهديهم ورجعنا من عندهم وزوجي مضايق وزعلان وحاولت اخفف عنه الان مو عارفه ايش اعمل |
| الساعة الآن 03:08 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©