|
بخاطري بنت وابي حل تكفون حدي شاريها وبتقدملها ؟ كيف ؟
يعطيكم العافيه
اناوعدت بأحدى قريباتي بالزواج ابنه خالتي ويوم قلتلها انا بصراحه ابي اتقدملج جان تقول شيلني من راسك وقلتلها ليش ليش ليش قالت انا مابي اتزوج لان ليلحين قاعده ادرس وقالت اقفل هالموضوع ويصير خير لمن اخلص دراستي وحاليا خلصت دراسه هالشهر تهقون تبيني ولالا ؟؟ والحين موعارف شسوي مع انها خالتي قالت انها مخطوبه مجرد كلام يعني اهي ماشافته ولا اهو شافها وانا ابيها حدي وشاريها والحين شنو اقدر اسوي عشان احجزها ؟ وشلون اتقربلها ؟ لان اهي علمتني شنو يعني الحب وحيل حيل شاريها ولو مافيه نصيب انا هم راضي بقسمتي ونصيبي بس المهم ابي احد فيكم يعطيني حل مقنع عشان اقدر اتقدملهاا وأجيس النبض لاني شكثر معجب فيها وشكرا ناطر ردودكم يااهل الخير |
كلمها وبارك لها على التخرج وقل لها انا فرحان انك خلصتي ومع الكلام لمح خلاص انك بتتقدم لها وشوف ردت فعلها وان شاء الله يكون ردها حلو الله يجمعكم على خير
|
تقدم لها مباشرة بسرعه قبل ماايصير شيء مع الخطيب الاول لانها لايجوز خطبة على خطبة ..
والبنت قاالت لك كيذا تستحي مستحيل تقولك ايه تعاال .. استخر الله وتوكل وربك بيعينك .. |
مشكورين ويعطيكم العافيه على هالرود الطيبه
بس عندي نقطه لوبباركلها بالمسج او بالتلفون اكلمها اعتقد صعبه شوي من عقب ذيج المره انحرجت منها ف يعني هل اروحلها البيت بدون حرج ؟ بيني وبينكم انا ودي ازورها وهي بالمكالمه قالتلي اذا انت صج تبيني تعال زورني البيت وانا اقدر اروح بس مشكلتي مستحي من اخوانها واهلها منحرج منهم |
ليه المسجات ؟
خلي أمك تكلم أمها بشكل رسمي كذا أفضل طريقة علشان تحس إنك فعلاً شاريها إذا وافقت الحمد لله خير وبركه ، ماصار شي برضو الحمد لله هذا اللي كتبه ربي أهم شي تكون طريقتك حلوه بالتقدم لها ولا تنتظر منها أي رد على رسالة منك كيف يعني ؟؟ تتوقع بترد عليك تقول ايه أنا موافقه تعال تقدم لي واخطبني !!! البنت تخجل ومستحيل تسوي كذا استخير وتوكل على الله بالطريقة اللي ذكرتها لك وبالتوفيق لك .. |
ليش تزورهاا وتكلمها رح انت وابوك لابوهاا واذا تملكت زرها وكلمها على كيفك ..
|
البنت قالت لك الحل
مستنى ايه يالله انزل روح لهم البيت وخد معاك حاجه حلوه وما تنساش تعزمنا على الفرح أسعدكم الله |
هي لما قالت اذا تبيني تعال زورني البيت تقصد تعال انت واهلك وتقدم لي ببيتنا بشكل رسمي تقولك تعال من الباب لاتجي من الشباك
تقدم لها رسمي وباذن الله توافق وربي يسعدكم |
ان شاء الله ادعولي الخير ياجماعه انها توافق عل وعسى يارب
الاشراف: لفظ المشيئة يكتب على هذا النحو إن شاء الله |
يستحيل تقولك نعم
أكيد انحرجت منك انت شوف العادة عندكم تاخد الأم أو الأب و تتفضل في بيتهم تباركولها و تخطبوها مرة وحدة الكلام مع البنت ما ينفعش |
اخي الكلام في هذه الامور يجب ان يكون رسمي..يعني امك و امها او ابوك و ابوها..
و اكيد مارح تقول لك تعال اخطبني.. و نصيحة..لا تكلمها من دون شئ رسمي او عقد لانها لا تحل لك |
.. الإستخارة التوكل على الله طرق الباب ثلاث والسلام على أهل الدار بدون مقدمات أو تنحنح وطول كلام أطلب ما أمرك الله به ووصى عليه النبي المختار وأسأل الله لك التوفيق وتيسير الأمور والإنستار ( $ الحاكمة $ ) .. |
بشرنا عاد!
|
اخي جالس تقول ابيها وشاريها وانت للحين ما عملت ولا خطوه رسميه
بكرى ان جى الخاطب وخطبها رسمي خلي خجلك يفيدك وتجلس تتحسر خلي اهلك يدخلو بالموضوع على طول الله يوفقك للخير في رعايه الله |
انا ودي قبل باكر بس شنوالمشكله
احس ان في خلافات واهلي يحسون اني مستعجل وانا عادي وانا ودي حتى لو الفجر لول المهم اني اخطبها ااااااه محد فاهمني الكل يقولي توالناس وانا بخاطري اتزوجها عشان جذيه مابي احن وأحن وأحن بس ابي كل شي يمشي بالهدوء مابي اخذها بالغصب انا ابي الامور كلها تمشي على مايرام هم يفكرون اني ابيها بالغصب وماافكر بغيرها مايحسون والله فيني :( مايبوني اتزوج الحين كله يقولون بعدين وبعدين ويقولون اذا تقدمولها ناس مولازم اهي هل معناتها انهم مايبونها لي ؟ وانا ابيها وهي عارفه هالشي وهي هم قالت توالناس هالبنت معذبتني تلعب معاي لعبة صعب المنال لاني مااحب المرأه السهله وهذي محيرتني واجد اتمنى تعطوني نصيحه عشان شلون اقنع اهلي اني ابيها وتقدملها الحين ؟ بس ايبهم يحسون شلون ! وامي كلمت امها قبل 4 شهور قبل لاتخلص دراستها تقول انها مخطوبه بس كلام حريم يعني ليلحين ماصار شي رسمي ومحد يدري بالسالفه معقوله عشان خطبها كلام تقول لاتفكر فيها ؟ وانا قايلهم من 6 سنين وهمه ماسووا شي عطوني حل ياجماعه ماصار شي رسمي وهي لاشافته ولاشافها بس مجرد كلام بالتلفون انخطبت ومن زمان يعني ليلحين ماصار شي وانا ابيها ابي حلللللللللللللللللللللللللل :( |
ياجماعه كلمت الاهل وقالوا هم بيونا ناس
من زمان نسمع هالحجي كله يتحججون يقولون بيونا ناس وبيونها ناس واخيرا بيكلمون اختها عل وعسى هذي بعد اخر مره بتكلم مليت وانا انطر |
اخوي واضح من كلامك ان البنت تبيك ورغبانه فيك بدليل انها سنعتك وقالت لك تعال زورنا ..يعني جيب اهلك وطق باب بيتنا ومن دق الباب لابد يسمع الجواب.. شتبي اكثر من كذا سنعتك .. افهمها يعني اخطبني .. واعتقد هذا الواجب انك تخطبها .. بعدين مسج ضحكتني .. موحلوه بحقهااا.. الأصول والواجب تخطبها رسمي اذا انت صحيح رغبان فيها وناوي ترتبط فيها .... والله يوفقكم :14: ^_^ |
والله مدري ايش اقول بس كلامي مايختلف عن كلام الاعضاء الحلوين
توكل علي الله ولاتنسي تبشرنا ترا بنستنا اخبارك علي احرمن الجمر............ وبالتوفيق ان شاء الله |
لا لحظه انتوا اقراوا اخر رساله
اهيا خن نقول يمكن تبيني بس امها مبين انها ماتبي لانها كله تقول حق امي بيونها ناس وبيونها ناس شمعناتها ؟ انا املي الوحيد ان ننطر اختها تكلمها ونشوف الرد بس وذا كانت موافقه نتوكل على الله ونخطبها لان بيزورونها ناس عرفتوا ؟ خاطبينها كلام قبلي وهذا اخر ماجرى |
لما امها تقول هذا الكلام لأمك معناتها ... اذا انتم تبون البنت ياللا حنا نستناكم بس استعجلوا ..
شكلك ما تفهم الكثير من كلام التلميح |
يمكن كلامج بيكون صحيح
بس الوالده منحرجه ماتبغى تفاتحها بالموضوع لان كل مره بتقولها بيجونها ناس واحنا مالنا الا نكلم اختها اللي تكبرها وتتفاهم ويااختها وتقولها اني انا ابيها وتجيس نبضها اذا اهي تبيني اتقدملها اذا ماتبيني معناتها ماتبي تتزوج نهائيا وبس انا ناطر الرد وبشوف ومشكورين على اللي ردوا ولله ان فيكم الخير راح ابشركم بس ادعولي بالتوفيج :( |
الله يوفقك ويكتب لك اللي فيه الخير ان شاء الله .
|
وناسة كيذا الناس تتطاقق عشان بنت:d الله يوفقكم لا أؤمن بالحب قبل الزواج واعارض كما قال الشرع عندما منع الاختلاط .. بشرونا عن آخر المستجدات والله معكم |
عن الشماته يا > كـــ أنثى !
موزينه الشماته |
ما رأيك باللجوء للأب ؟
لأن فيه أمهات تحب تتدلع أو تتقل على العريس و فيه أمهات تحب تأجل موضوع الزواج حبا في بناتها لذا اللجوء للأب قد يكون أفضل |
شلون يعني الجأ الى الاب ؟
اوكي بس لازم يكون عند خالتي خبر شلون نلجا للاب بدون الام ؟ لازم نقول حق الام عشان تقول حق الاب ان يايلنا ولد اختي وبوه اوكي فهميني شلون نلجأ الى الاب ؟؟ من غير مشاكل |
يا كثر الخطاطيب اللي يجون عن طريق الوالد ..
مو شرط يكون عن طريق الأم أبوك يكلم ابوها ...أو انت تكلم ابوها ... عادي |
ولقد دخلت على الفتاة الخدر في اليوم المطير
الكاعب الحسناء ترفل في الدمقس وفي الحرير فدفعتها فتدافعت مشي القطاة الى الغدير ولثمتها فتنفست كتنفس الظبي الغرير فدنت وقالت يا منخل ما بجسمك من حرور ما شف جسمي غير وجدك فاهدأي عني وسيري واحبها وتحبني ويحب ناقتها بعيري يارب يوم للمنخل قد لها فيه قصير ولقد شربت من المدامة بالقليل وبالكثير فاذا انتشيت فانني رب الخورنق والسدير واذا صحوت فانني رب الشويهة والبعير ياهند من لمتيم يا هند للعاني الأسير ؟ |
يعني قيس بن الملوح ؟؟
اوكي غيره محد يبي يرد ؟ ومشكوين |
خلاص البنت قالتلي افكر وشوف ونطر الرد
|
الله يقدم لك اللي في الخير والصالح لك ولها
|
اخي الغالي اول شي احب اقلك انو زواج الاقارب مايدوب
بس انتو انشا الله تتوفقو في حياتكم بس الظاهر هو الواقع انا من راي انك تخلي امك تكلم امها وانك تحاول تكلمها وتفهمها بانو انت متمسك بيها وحاول ماراح تندم وقتها راح تشوف الرد وادا ماحصل نصيب لاتجلس تتحسف اعرف انها مو من نصيبك وربي يوفقك ويسعدك ويريح قلبك تقبل مروري.... |
اخوي انت ليش معقد السالفة ؟؟ الموضوع جدا بسيط ومايحتاج كل هالشي ..!
عندك هالحلول - تخلي ابوك يكلم ابوها .. - ولدتك تكلم امها -اختك تكلمها او تكلم اختها .. وانا اشوف انك تعرف رأي البنت اول قبل لاتخطب ,, يعني عن طريق اختك مثلا تسألها او انك ترسلها مسج تقولها انك تريد تتقدم لها .. وانك شاريها ..ومستعد لكل شي .. وتشوف شو ردها عليك .. اما انت جالس جدام الكمبيوتر وتكتب مابتسوي شي والبنت بطير عنك .. وبشرنا عاد :14: |
خلاص احنا قلنالكم كلمنا اختها وقعدت معاها وقالت بفكر لان الموضوع جدي زواج هذا ماهو لعبه
وانا كلمتها مره بالتلفون قالت هم بفكر وبس وكلمنا والدتها تقول بيونها ناس وبيونها ناس وبس الحين مالي الا انطر منها رد |
اعطيها فرصه تفكر يعني ؟
|
حبيبي روح اخطبها قبل لا يفوت القطار...لاتقعد تفكر اهي شاريتك او لا اذا انت شاريها روح اخطبها...الله يوفقك
|
افا...يعني ينطرون ناس؟؟
مااتوقع يدرون عليك...شوفلك وحده ثانية وانا اخوك.. الظاهر في ناس قبلك |
ماكو الا اتقدملها اذا ماكو خلاص ادورلي وحده ثانيه
ماسوت علي يت وحده بخاطري :\ مشكورين على ردودكم الطيبه الطيب مايبونه عرفتوا ؟ بس انا اصلن اح اطلع من السالفه مستانس لانهم راح يخسرون ريال وانا الحمدلله 1000 من تتمناني الحمدلله والشكر لك يارب |
مثل ماقلت الجمبازي في ناس قبلك
عموما انا حاليا ابحث عن بنت الحلال لان اكتشفت ماينفعلي زواج الاقارب ماسوت علي بس اشرت عليها عموما اتمنى من الجميع بالتوفيج والزواج قسمه ونصيب وشكرا وانتهى الموضوع !! |
الله يعوض كلا بخير
اغلاق |
| الساعة الآن 02:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©