|
اخوكم مظلوم الحب يطلب رأيكم
السلام عليكم ورحمة الله وبركاته
صباح الخير ايها المتزوجون والمتزوجات الحمدلله الشهر هاذا بكمل سنه على زواجي عقبال الجميع واللي مقبلين على الزواج يارب بس حبيت انكم تفيدوني انا شريت هديه لزوجتي عباره عن ساعه وراح احجز بنفس الفندق اللي كنا فيه طبعا ليس بنفس اليوم لاني عارف ان الاحتفال بنفس اليوم محرم وانما ذكرى نتذكر ذاك اليوم واريد منكم كلام عن طريق رساله مسج حلو او كلام ارسله لها لاني بكمل سنه واحنا بعيدين عن بعض بحكم عملي وهل الهديه كافيه لان سعرها بحوالي 300 ريال ياليتكم تفيدوني باللي تقدرون عليه او اي افكار حلوه خصوصا اللي جربوا التجربه واكيد البنات يمكن يقولون لنا ايش يحبون في مثل هاذه الذكرى اخوكم مظلوم الحب |
لو قلت لك
ان الحنان الي بقلبك خلاني اميرة الزهر ولو قلت لك اني احبك كثر سواد هالليل والسهر ولو قلت لك انك اقرب من عيوني للنظر ولو قلت لك ان بيوم .../... منحتني اغلى حياة بهالعمر وش بكون ردك؟!! وكل عام وانت الغلا هذا بخصوص المسج ممكن تكتب لها هذا المسج بصراحة هذا الي طلع معي والسموحة هو مسج انا عدلت عليه واضفت عليه وارسلت لزوجي قبل يوم واحد من ذكرى زواجي وبالنسبة للهدية المهم انك تذكرتها وجبت لها هدية وفكرة الفندق حلوة وتغيير جو لكم انتوا الاثنين وتجديد الله يسعدكم ويجمع شملكم مع بعض طول العمر |
بسم الله ما شاء الله عليكم
يا خوى خاف من الحسد |
السلام عليكم . . . فكرة الفندق رااااااااااااااااااائعة بجد وهدية بـ300 ريال كااااااااااااااااافية ومو بقيمتها يكفي إنك تذكرتك هاي الذكرى الحلوه إللي بينكم بس لا تنسى البطاقة إللي مع الهدية أكتب فيها مشاعرك العادية بدون كلام انشائي منمق أكتب فيها أي شي انت تحس فيه وبالعامية بالفصحى بالصح بالغلط مو مهم المهم تكتب مشاعرك ناحيتها . . . الله يديم السعادة بينكم ويجمعكم على الخير والمحبة في الدنيا والآخره . . . أسأل الله العفو والعافية والله المستعان |
اقتباس:
كلام سليم .. |
السلام عليكم ورحمة الله وبركاته
الله يديم عليكم السعاده وعقبال 100 سنه وانتو مع بعض واسئل الله لكم الود والحب والتفاهم والتوافق والعشرة الحسنه والذرية الصالحه تحيااتي |
انا بعد اؤيد رأي اخونا الفلسطيني _ سلمت اناملك
الله يسعدكم ويوفقكم دوم يارب |
بالنسبه للبنات يعشقوا الورد
يعني اول مابترجع من السفر ان شاء الله بالسلامه لازم تكون معك باقة ورد واول ماتسلمها الباقه قول لها ياسلام ع الورد بعد كذا اخذ الورد وحطه ع جنب وقول ليه امسك ورد وعندي ورده فواحه تمليني حب وحنان واحضنها بقوة وبعد كذا قول لها اجهزي راح نطلع يمكن البنت تكون مجهزه لك حركه رومنسيه اجلس معها عشان تحسسها بقيمة تعبها وقول لها انا مجهز لك مفاجئه واطلع معها للفندق والهديه تكون في صندوق انيق وفي وسط الفراش طبعا اذا كانت ماديتك كويسه وتقدر ع مصاريف شويه مافي مانع اذا طلبت من الفندق يجهزوا الغرفه بحركه رومنسيه وطبعا العشا الرومنسي وربي يوفقكم وتنبسطوا بليلتكم |
يعطيكم العافيه على ردودكم وما قصرتوا
واذا احد يحب يضيف لامانع |
ما شاء الله كلام الأخ فلسطيني مرة مهم
وفكرة الورد ل( توتة وزوجها) تجنن والمسج لأول لدمعات الروح راااااااااائع وبالنسبة لقيمة الهدية هذا يرجع لدخلك وماديتك الله يديم الحب بينكم..ويحفظكم ... |
عندي حركه حلوة ثانيه
بما انك حجزت لك في الفندق قول لزوجتك انكم راح تطلعوا وتتعشوا برا طبعا روح للفندق واتفق مع الجرسون ان نهياة العشا يطلب منكم ترافقوه لاحد الغرف لان في جائزه بانتظاركم طبعا انت راح توافق ع طول الجرسون راح يوصلكم للغرفه اللي انت حجزتها قبل كذا اشتر انت بدلة نوم ع ذوقك لان زوجتك ماراح تجهز نفسه ع نومة الفندق وحاول انك تشغلها بعيد شوي عن غرفة النوم بشقتكم اخذ لك عطر نسائي وكذا شغله من المكياج بدون ماتحس وعطهم الفندق العطر مع المكياج تكون ع الطاوله اما البدله اللي انت راح تشتريها والساعه اللي شريتها تكون في صندوق هادئ ومايحتاج اكمل لكم وبالعافيه عليك العشا |
انا اليوم جالسه افكر لك ع افكار للفندق
راح لاتجيك الافكار لا تستعجل |
ذا مادياتك تسمح وكنت من الرياض ... فعندك فندق الفيصلية ... جداً رائع وراقي ...
طبعا ً لازم حجز مسبق ... بس اذا حجزت قولهم انك حاب تحتفل بمناسبة خاصة وخلهم يرتبون لك الغرفه ... ( على فكرة سعر الغرفة800ريال بالليله) ويختلف السعر إذا كان فيه عروض... بصراحه مره روعه ... راح يملونها لك بالونات حمراء ...حتى السرير يسوون فيه حركات ... وكذلك دورة المياة ... يعبون لك البانيو ورد .... هذا غير التورته ! أما الهدية .. فجدا ً رائعه فكرة الساعه ... يكفي انك تذكرتها أصلا ً ... ماشاء الله تبارك الله ... الله يكفيكم شر عيون الناس ... ويوفقكم ويخليكم لبعض ويرزقكم الذرية الصالحه. |
ماشاء الله تبارك الله
الله يخليكم لبعض ويكفيكم شر من فيه شر يكفي انك تذكرتها والهديه مو مهم قيمتها والله انا زوجي لو جاب لي شوكلاته او عصير انا احبه اشكره وافرح من كل قلبي وانت من الناس النادره ماشاء الله عليك الله يهنيكم فيه كثير ينسون وزوجاتهم هم اللي يذكرونهم لا ويترجونهم بعد الله يعينهم عليهم والرجال ما يقدرون والله المستعان |
الله يوفقك ويسعدك والهدية مناسبة والهدية ليست بقيمتها وفكرة الفندق حلوة وايش رائك بمصحف صغير عليه اسمها
|
من جد الله يعطيكم العافيه على ردودكم ومساعدتي
فعلا احس ان لي اخوان واخوات استفيد منهم |
هلا با للي سقـاني من ينابيعه عصـير التوت
هلا با للي عصـير التوت منه لامـس اشفاتي ......... هلا با للي سكن ساعة وصوله صدري المكبوت هلا بــا للي على همـه فـتح قلبه لمـشكات ......... سهر طرفي من جله في غيابه واحترمت القوت لكــنه مـا نسي حبي وقدر لي معـــاناتي ............. سمع نبضات قلبي ثم جاوبني بهمـس الصـوت تبسمـ لي وحــرك داخلي ما زاد فــرحاتي .............. وانا في دنيت الغــربه بدون حبيبـي ممقوت عساكمـ في هجـير الليـل دونتـو حكـأيـات ......... حكـايات الجريح اللي حيـاتة عايشٍ فالكـوت حيـاتن مظلمـه لـكن نجـوم الليل شمعات ............ على نهـج المحـبه شت قلبي ياحـبيبي شوت جذبته في يدينك وانت تسمع صـوت زفـراتي ............... رضيت اكون لك وحدك ومن دونك سالت الموت غيـابك عن عيـوني ياحيـاتي زاد مـاسـآتي ........... غرب نجمـك وقلـبي غـارقا في قالبٍ منحوت ينـاجي طيفـك العـابر ويرسـل لك تحـياتي حط الورد مثل الصوره http://www4.0zz0.com/2007/09/30/10/67672514.jpg وأذا كنت لسى تحتفظ ببطاقة أو كرت دعوة زواجك فخذها الى اي مصور أو محل تغليف هدايا وغلفها او ضعها في اطار جميل وعلقها في غرفة النوم وسوف ترى كم لها من الأثر والمحبه في قلب زوجتك أحضر شموعا دائريه صغيره وهي بالمناسبه موجوده في أي فرع أيكيا بالمملكه وتاتي بكيس كبير تقريبا مئه حبه بيضاء. المهم حط الشموع في غرفة النوم على الأرض وأعملها على أسم زوجتك أو زوجك ثم ولعها وسوف ترى منظر رومانسي ولا أحلى طبعا مع أطفاء الأناره اقل شئ ممكن تسويه تشوف السعاده بعيون زوجتك والكلمه الطيبه والابتسامه الهديه حلوه بس حطها فى صندوق فيه ورود وعطر ودبدوب تمنياتى لكم باتوفيق والسعاده والذريه الصالحه واسفه على كثره الكلام:25: وشكـــــــــــــــــــــــــــــــــــــــــــــــ ـــــــــــــــــرا وتقبلوا تحياتى:14: |
| الساعة الآن 01:15 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©